 |
ສະຫາຍ ນາງ ວະໄລລັກ ຂາວແກ້ວປະເສີດ ຄະນະພັກຮາກຖານ, ຮອງຫົວໜ້າພະແນກສາທາລະ ນະສຸກແຂວງ ໄດ້ລາຍງານວ່າ: ຄະນະພັກຮາກຖານມີ 4 ໜ່ວຍພັກ ຄື: ໜ່ວຍພັກບໍລິຫານ, ໜ່ວຍພັກອະນາ ໄມກັນພະຍາດ-ສົ່ງເສີມສຸຂະພາບ, ໜ່ວຍພັກໂຮງຮຽນສາທາລະນະສຸກວຽງຈັນ ແລະ ໜ່ວຍພັກໂຮງໝໍແຂວງວຽງຈັນ. ໃນປີ 2025 ບັນດາໜ່ວຍພັກໄດ້ຈັດຕັ້ງການກໍ່ສ້າງໜ່ວຍພັກຕາມ 5 ບາດກ້າວ, 3 ຂັ້ນຕອນ ແລະ 2 ວາລະຢ່າງຖືກຕ້ອງ; ຜັນຂະຫຍາຍແຜນປະຈຳປີ ເປັນແຜນງານລາຍເດືອນ, ຈັດກິດຈະກຳຮ່ວມຊີວິດພັກ, ຕິດຕາມກວດກາ 5 ດ້ານ, ລາຍງານຜົນການປະຕິບັດວຽກງານເປັນປະຈຳ ແລະ ດຳເນີນວຽກງານຕາມແຜນ ການທີ່ກຳນົດໄວ້.
 |
ຜ່ານການຕິດຕາມ, ຊຸກຍູ້ ແລະ ກວດກາ ເຫັນວ່າ ທັງ 4 ໜ່ວຍພັກ ໄດ້ເອົາໃຈໃສ່ນຳພາ-ຊີ້ນຳສະມາ ຊິກພັກ, ປະຕິບັດຕາມແຜນ ແລະ ເງື່ອນໄຂທີ່ກຳນົດໄວ້. ທັງ 4 ໜ່ວຍພັກມີສະມາຊິກພັກທັງໝົດ 181 ສະ ຫາຍ ຍິງ 124 ສະຫາຍ; ໃນນັ້ນເຂົ້າຮ່ວມປະເມີນ 171 ສະຫາຍ ຍິງ 119 ສະຫາຍ ທັງໝົດຈັດຢູ່ໃນປະ ເພດສະມາຊິກພັກແຂງ. ການປະເມີນການນຳພາໜ່ວຍພັກໃນ 5 ດ້ານ ຄື: ດ້ານການເມືອງ, ດ້ານແນວຄິດ, ດ້ານການຈັດຕັ້ງ, ດ້ານແບບແຜນການນຳພາ ແລະ ດ້ານການນຳພາປະຕິບັດໜ້າທີ່ການເມືອງ ທັງ 4 ໜ່ວຍ ມີຄະແນນສະເລ່ຍ 9,2 ຄະແນນຂຶ້ນໄປ ແລະ ສາມາດຈັດປະເພດເປັນໜ່ວຍພັກປອດໃສ, ເຂັ້ມແຂງ, ໜັກ ແໜ້ນ. ໃຫ້ກຽດມອບໃບຢັ້ງຢືນໂດຍສະຫາຍ ສີວຽງໄຊ ອໍລະບູນ ພ້ອມທັງໂອ້ລົມເນັ້ນໃຫ້ແຕ່ລະໜ່ວຍພັກ ສືບ ຕໍ່ເອົາໃຈໃສ່ວຽກງານການເມືອງ-ແນວຄິດ, ປະຕິບັດມະຕິ, ຄຳສັ່ງ, ກົດໝາຍ ແລະ ລະບຽບຂອງພັກຢ່າງເຂັ້ມງວດ; ຍຶດຖື 5 ຫຼັກການ, 3 ທິດນຳໃນການກໍ່ສ້າງພັກ; ສຸມໃສ່ບຳລຸງສ້າງພະນັກງານ 3 ຮຸ່ນ ແລະ ເລັ່ງຈັດຕັ້ງ 7 ແຜນງານ ແລະ 14 ຕົວຊີ້ບອກດ້ານສາທາລະນະສຸກ. ໂດຍສະເພາະ ເລັ່ງປັບປຸງຕົວຊີ້ບອກທີ່ຍັງຕ່ຳກວ່າເປົ້າໝາຍ, ພ້ອມປັບປຸງໂຮງໝໍ, ສຸກສາລາ, ອຸປະກອນການແພດ ແລະ ຢາທີ່ຈຳເປັນ ເພື່ອຍົກສູງຄຸນນະພາບການບໍລິການຕາມນະໂຍບາຍ 5 ດີ 1 ພໍໃຈ ແລະ ຮັບປະກັນໃຫ້ປະຊາຊົນເຂົ້າເຖິງການບໍລິການສຸຂະພາບຂັ້ນພື້ນຖານຢ່າງທົ່ວເຖິງ. ຂ່າວ: ແຂວງວຽງຈັນ
ຄໍາເຫັນ