48    ປີ ແຫ່ງການເຕີບໃຫຍ່ຂະຫຍາຍຕົວຂອງກະຊວງແຜນການ-ການລົງທຶນ

ຮຽບຮຽງໂດຍ:ວັນໄຊ ຕະວິນຍານ                                                                                                  
ການເຕີບໃຫຍ່ຂອງຂະບວນການສ້າງແຜນພັດທະນາເສດຖະກິດ-ສັງຄົມແຫ່ງຊາດໃນແຕ່ລະໄລຍະພາຍຫຼັງປະເທດຊາດໄດ້ຮັບການປົດປ່ອຍ ແລະ ສະຖາປະນາເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ,ລັດຖະບານໄດ້ສຸມທຸກຄວາມພະຍາຍາມເຂົ້າໃນການຮໍາບາດແຜຈາກສົງຄາມ, ພັດທະນາເສດຖະກິດ-ສັງຄົມ ເພື່ອຍົກສູງຊີວິດການເປັນຢູ່ຂອງປະຊາຊົນບັນດາເຜົ່າ, ສ້າງພື້ນຖານ ແລະ ພັດທະນາເສດຖະກິດຂະຫຍາຍຕົວຢ່າງຕໍ່ເນື່ອງ.ສໍາຄັນທີ່ສຸດແມ່ນສາມາດຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍທົ່ວສັງຄົມ ໂດຍນໍາໃຊ້ແຜນການເປັນເຄື່ອງມືໃນການຈັດຕັ້ງຜັນຂະຫຍາຍ ແນວທາງ, ນະໂຍບາຍຂອງພັກ ແລະ ລັດຖະບານ ເພື່ອພັດທະນາເສດຖະກິດ-ສັງຄົມແຫ່ງຊາດ ຢ່າງເປັນລະບົບ ໂດຍການກຳນົດເປົ້າໝາຍ, ຄາດໝາຍສູ້ຊົນ ແລະ ມາດຕະການ ພ້ອມທັງກຳນົດແຜນງານ ແລະ ໂຄງການລະອຽດ ເພື່ອບັນລຸບັນດາເປົ້າໝາຍ ແລະ ຄາດໝາຍຂອງການພັດທະນາໃນແຕ່ລະໄລຍະ. ລະບົບການວາງແຜນໄດ້ແຍກອອກເປັນ 2 ໄລຍະຍຸດທະສາດ ຄື: ໄລຍະກົນໄກແຜນການລວມສູນ (1976-1985) ແລະ ໄລຍະການປະຕິບັດແນວທາງປ່ຽນແປງໃໝ່ດ້ານເສດຖະກິດ (1986-ປັດຈຸບັນ).
   ໄລຍະກົນໄກແຜນການລວມສູນ: ໃນໄລຍະ 1976-1977 ລັດຖະບານ ໄດ້ນໍາໃຊ້ແຜນການຕາມກົນໄກລວມສູນ ຊຶ່ງເປັນການວາງແຜນແບບກຳນົດທຸກໂຕເລກຄາດໝາຍເຊັ່ນ: ຄາດໝາຍດ້ານການຜະລິດ, ການດຸ່ນດ່ຽງທຶນ,ສະໜອງວັດຖຸເຕັກນິກ, ກໍານົດລາຄາ, ການບໍລິການ ແລະ ແຈກຢາຍຜົນປະໂຫຍດແບບ ສະເລ່ຍໃຫ້ແກ່ສັງຄົມ ຕາມຫຼັກການລວມສູນ, ເປັນການສ້າງແຜນການປະຈໍາປີ ຄັ້ງທໍາອິດຂອງ ສປປ ລາວ ຊຶ່ງມີເປົ້າໝາຍຕົ້ນຕໍແມ່ນຮໍາບາດແຜສົງຄາມ, ປົກປັກຮັກສາປະເທດຊາດ ແລະ ລະບອບໃໝ່ ໃຫ້ໝັ້ນຄົງ ແລະ ຟື້ນຟູພື້ນຖານໂຄງລ່າງເສດຖະກິດ-ສັງຄົມ ທີ່ຖືກທໍາລາຍມ້າງເພຈາກສົງຄາມ ແນໃສ່ບູລະນະ ແລະ ຟື້ນຟູການຜະລິດກະສິກໍາ, ອຸດສາຫະກໍາ, ສ້າງເງື່ອນໄຂໃຫ້ປະຊາຊົນທຳມາຫາກິນ, ຟື້ນຟູໂຮງຈັກໂຮງງານເພື່ອຮັບໃຊ້ການຜະລິດ ແລະ ຟື້ນຟູລະບົບຄົມມະນາຄົມຂົນສົ່ງ ເພື່ອຮັບປະກັນການຈໍລະຈອນສິນຄ້າ ແລະ ການສັນຈອນໄປມາສະດວກສະບາຍ.ແຜນການ 3 ປີ (1978-1980): ເປັນແຜນຟື້ນຟູເສດຖະກິດສັງຄົມ ຫຼັງສົງຄາມ ແລະ ປົວແປງ ຊີວິດການເປັນຢູ່ຂອງປະຊາຊົນບັນດາເຜົ່າ ໃຫ້ນັບມື້ນັບດີຂຶ້ນ ໂດຍໄດ້ເນັ້ນໜັກ ໃສ່ການພັດທະນາເສດຖະກິດເປັນສຳຄັນ ແນໃສ່ສ້າງເງື່ອນໄຂໃຫ້ປະຊາຊົນມີທີ່ຢູ່ອາໄສ ແລະ ມີບ່ອນທຳມາຫາກິນເປັນປົກກະຕິ, ຟື້ນຟູເນື້ອທີ່ການຜະລິດກະສິກຳ, ປົວແປງຄືນບາງຕົວເມືອງ ທີ່ຖືກທຳລາຍໃນປາງສົງຄາມ, ຟື້ນຟູໂຮງງານອຸດສາຫະກໍາທີ່ມີຢູ່ໃຫ້ສາມາດເຄື່ອນໄຫວໄດ້.ຜົນງານທີ່ພົ້ນເດັ່ນ ແມ່ນສາມາດຟື້ນຟູນາເຮື້ອ ແລະ ຊ່າວນາໃໝ່; ບັນດາໂຮງງານປຸງແຕ່ງກະສິກຳ ກໍມີການຂະຫຍາຍຕົວ, ໄດ້ເອົາໃຈໃສ່ສ້ອມແປງ ແລະ ບູລະນະພື້ນຖານໂຄງລ່າງຈຳນວນໜຶ່ງທີ່ຖືກທຳລາຍຈາກສົງຄາມຄືນໃໝ່, ໄດ້ເອົາໃຈໃສ່ເປີດກວ້າງ ແລະ ຂະຫຍາຍຕາໜ່າງການສຶກສາ ໃຫ້ນັບມື້ຂະຫຍາຍຕົວ. ມາຮອດປີ 1980 ສາມາດລຶບລ້າງການກືກໜັງສືຂອງປະຊາຊົນໄດ້ 80%, ວຽກງານສາທາລະນະສຸກ ກໍໄດ້ຮັບການປັບປຸງໃນລະດັບດີສົມຄວນສະແດງອອກ ຄື: ທຸກແຂວງ ແລະເມືອງໄດ້ມີໂຮງໝໍ ແລະໜຶ່ງສ່ວນສາມຂອງຈໍານວນບ້ານທັງໝົດໄດ້ມີຖົງຢາປະຈໍາບ້ານ.
ແຜນການ 5 ປີ ຄັ້ງທີ I (1981-1985): ເປັນແຜນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ III ຂອງພັກ ໂດຍສະເພາະການຈັດຕັ້ງຜັນຂະຫຍາຍການປະຕິວັດ 3 ປະການ (ການປະຕິວັດການພົວພັນການຜະລິດ,ການປະຕິວັດເຕັກນິກວິທະຍາສາດ ແລະ ການປະຕິວັດວັດທະນະທຳ) ເພື່ອແນໃສ່ການຫັນກະສິກຳປ່າໄມ້ ເປັນພື້ນຖານແກ່ການຂະຫຍາຍອຸດສາຫະກຳ. ໃນໄລຍະນີ້ ເສດຖະກິດໄດ້ມີການຂະຫຍາຍຕົວຢ່າງຕໍ່ເນື່ອງ ລວມຍອດຜະລິດຕະພັນພາຍໃນ ໄດ້ເພີ່ມຂຶ້ນຈາກ 7.988 ລ້ານກີບ ໃນປີ 1980 ເປັນ 12.023 ລ້ານກີບ ໃນປີ 1985, ສະເລ່ຍແລ້ວແມ່ນຂະຫຍາຍຕົວເພີ່ມຂຶ້ນປະມານ 8,40% ຕໍ່ປີ ລາຍຮັບສະເລ່ຍຕໍ່ຫົວຄົນກໍໄດ້ເພີ່ມຂຶ້ນ ຈາກ 2.500 ກີບ/ຄົນ/ປີ ໃນປີ1980 ເປັນ 3.400 ກີບ/ຄົນ/ປີ ໃນປີ 1985; ດ້ານການກະສິກໍາ ໄດ້ມີການຂະຫຍາຍຕົວເດັ່ນກວ່າໝູ່ແມ່ນການຜະລິດເຂົ້າ ແລະ ພືດສະບຽງອາຫານ; ດ້ານພື້ນຖານໂຄງລ່າງແມ່ນເລັ່ງໃສ່ການກໍ່ສ້າງພື້ນຖານໂຄງລ່າງສຳລັບກະສິກຳ, ອຸດສາຫະກຳ, ຄົມມະນາຄົມຂົນສົ່ງ; ດ້ານການສຶກສາ ກໍມີການພັດທະນາ ແລະ ຂະຫຍາຍຕົວຢ່າງແຂງແຮງ ສິ່ງທີ່ພົ້ນເດັ່ນ ໃນໄລຍະນີ້ແມ່ນການສຶກສານອກລະບົບ ທີ່ເລັ່ງໃສ່ການລຶບລ້າງການກືກໜັງສືຂອງປະຊາຊົນ.
    ໄລຍະການປະຕິບັດແນວທາງປ່ຽນແປງໃໝ່ດ້ານເສດຖະກິດ (1986-ປັດຈຸບັນ): ກອງປະຊຸມໃຫຍ່ຄັ້ງທີ IV ຂອງພັກ ໃນປີ 1986 ໄດ້ປະກາດນຳໃຊ້ກົນໄກເສດຖະກິດໃໝ່ ເຂົ້າໃນການພັດທະນາປະເທດ.ສະນັ້ນ ແຜນພັດທະນາເສດຖະກິດ-ສັງຄົມ ໄດ້ປ່ຽນຈາກແຜນການລວມສູນ ມາເປັນແຜນການຕາມກົນໄກເສດຖະກິດຕະຫຼາດ ໂດຍມີການນຳພາຂອງພັກ ແລະ ຄຸ້ມຄອງຂອງລັດ. ການສ້າງແຜນຕາມແນວທາງປ່ຽນແປງໃໝ່ ແມ່ນເປັນແຜນການທີ່ສັງລວມແຜນການ ຈາກຂະແໜງການ ແລະ ທ້ອງຖິ່ນ ເພື່ອກໍານົດຕົວເລກຄາດໝາຍດ້ານມະຫາພາກ ແລະ ຄາດໝາຍດ້ານການຜະລິດທີ່ມີລັກສະນະວິທະຍາສາດ ເຊັ່ນ: ຄາດໝາຍອັດຕາການເຕີບໂຕຂອງເສດຖະກິດ, ອັດຕາເງິນເຟີ້, ຄາດໝາຍດ້ານການເງິນ, ຄາດໝາຍດຸ່ນດ່ຽງການຄ້າ, ດຸ່ນດ່ຽງການສະໜອງ ແລະ ຄວາມຕ້ອງການສິນຄ້າ ແລະ ການບໍລິການ, ດຸ່ນດ່ຽງທຶນໃນການພັດທະນາ, ຄວາມຕ້ອງການທຶນ ເພື່ອພັດທະນາເຂດແຄ້ວນ, ພັດທະນາເຂດຕົວເມືອງ ແລະ ຊົນນະບົດ.
    ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ II (1986-1990): ແມ່ນແຜນການຂະຫຍາຍການຜະລິດ, ກໍ່ສ້າງໂຄງປະກອບເສດຖະກິດໃໝ່ທີ່ກ້າວໜ້າແນໃສ່ຂະຫຍາຍເສດຖະກິດ-ສັງຄົມໃໝ່ຢ່າງຮອບດ້ານ, ໜັກແໜ້ນ; ສ້າງປະຖົມປັດໄຈອັນຈຳເປັນ ເທື່ອລະກ້າວໃຫ້ແກ່ການຫັນເປັນອຸດສາຫະກໍາສັງຄົມນິຍົມໃນໄລຍະຕໍ່ໄປ ແລະ ໄດ້ກຳນົດ 11 ທິດທາງ ເພື່ອເປັນພື້ນຖານໃຫ້້້້້້ແກ່ການຈັດຕັ້ັງຜັນຂະຫຍາຍແຜນພັດທະນາເສດຖະກິດ-ສັງຄົມ. ເຖິງວ່າຈະເປັນໄລຍະທຳອິດຂອງການປະຕິຮູບເສດຖະກິດໃໝ່ ໄດ້ປະສົບກັບຄວາມຫຍຸ້ງຍາກຫຼາຍປະການ ແຕ່ເສດຖະກິດກໍມີທ່າກ້າວໜ້າ ແລະ ການຂະຫຍາຍຕົວຢູ່ໃນລະດັບ 4,40%, ອັດຕາເງິນເຟີ້ໄດ້ຫຼຸດລົງຈາກ 30,30% ໃນປີ 1985 ມາເປັນ 19,60% ໃນປີ 1990. ໃນໄລຍະນີ້ ຂະແໜງອຸດສາຫະກໍາ ແລະ ຫັດຖະກໍາ ມີການຂະຫຍາຍຕົວ ເພີ່ມຂຶ້ນສະເລ່ຍ 80% ຕໍ່ປີ, ຕົ້ນຕໍແມ່ນຂະແໜງອຸດສາຫະກຳປຸງແຕ່ງ, ອຸດສາຫະກຳຕັດຫຍິບ, ບໍ່ແຮ່ ແລະ ພະລັງງານ ຊຶ່ງແມ່ນຜົນຈາກການໄຫຼເຂົ້າມາຂອງການລົງທຶນຕ່າງປະເທດ. ຂະແໜງກະສິກຳປ່າໄມ້ກໍມີການຂະຫຍາຍຕົວໃນລະດັບສະເລ່ຍ 3,40%, ເນື້ອທີ່ການຜະລິດກະສິກຳໄດ້ເພີ່ມຂຶ້ນໃນແຕ່ລະປີ ຊຶ່ງເດັ່ນກວ່າໝູ່ແມ່ນການຜະລິດສາລີໄດ້ເພີ່ມຂຶ້ນຫຼາຍກວ່າສອງເທົ່າ. ໄລຍະນີ້ໄດ້ມີການປະຕິຮູບການຄ້າ ແລະ ອັດຕາພາສີນຳເຂົ້າ ໄດ້ຫຼຸດລົງ ຈາກ 1-200% ເຫຼືອພຽງ 0-70%ຊຶ່ງເປັນການຊຸກຍູ້ໃຫ້ຂະແໜງການຄ້າມີການຂະຫຍາຍຕົວ ໂດຍສະເພາະການນໍາເຂົ້າສິນຄ້າຈາກຕ່າງປະເທດໄດ້ເພີ່ມຂຶ້ນ ຈາກ 127 ລ້ານໂດລາ ໃນປີ 1989 ເປັນ 200 ລ້ານໂດລາ ໃນປີ 1990. ຜົນສໍາເລັດດັ່ງກ່າວ ສ່ວນໜຶ່ງແມ່ນຍ້ອນມີການຮັບຮອງ ແລະ ການປະກາດໃຊ້ກົດໝາຍສົ່ງເສີມການລົງທຶນໂດຍກົງກັບຕ່າງປະເທດ ສະບັບທຳອິດຂອງປະເທດ ໃນປີ 1989 ຊຶ່ງເປັນສ່ວນໜຶ່ງຂອງການປະຕິບັດແນວທາງປ່ຽນແປງໃໝ່ຮອບດ້ານຢ່າງມີຫຼັກການຂອງພັກເຮົາ.

ຄໍາເຫັນ

ຂ່າວວັດທະນະທຳ-ສັງຄົມ

ຖວທ ສາລະວັນ ເຊື່ອມຊຶມມະຕິການປັບປຸງກົງຈັກການຈັດຕັ້ງ

ຖວທ ສາລະວັນ ເຊື່ອມຊຶມມະຕິການປັບປຸງກົງຈັກການຈັດຕັ້ງ

ພະນັກງານສະມາຊິກພັກ, ພະນັກງານລັດຖະກອນຫຼັກແຫຼ່ງພາຍໃນຄະນະພັກຮາກຖານພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງສາລະວັນ ເຊື່ອມຊຶມມະຕິ 3 ຂອງຄະນະບໍລິຫານງານສູນກາງພັກ ວ່າດ້ວຍການປັບປຸງກົງຈັກການຈັດຕັ້ງ ແລະ ມະຕິຕ່າງໆທີ່ກ່ຽວຂ້ອງ. ກອງປະຊຸມດັ່ງກ່າວຈັດຂຶ້ນໃນວັນທີ 19 ພຶຶດສະພານີ້, ໂດຍການເຂົ້າຮ່ວມຂອງ ສະຫາຍ ມະໄລວອນ ສີປະເສີດ ກໍາມະການພັກແຂວງ ເລຂາຄະນະພັກຮາກຖານ ຫົວໜ້າພະແນກ ຖວທ ແຂວງ.
ເມືອງເງິນ ປາຖະກະຖາ 4 ວັນປະຫັວດສາດສໍາຄັນຂອງຊາດ, ຂອງພັກ ແລະ ສາກົນ

ເມືອງເງິນ ປາຖະກະຖາ 4 ວັນປະຫັວດສາດສໍາຄັນຂອງຊາດ, ຂອງພັກ ແລະ ສາກົນ

ວັນທີ 19 ພຶດສະພານີ້ ເມືອງເງິນ ແຂວງໄຊຍະບູລີ ໄດ້ຈັດພິທີປາຖະກະຖາ 4 ວັນປະຫວັດສາດສໍາຄັນຂອງຊາດ, ຂອງພັກ ແລະ ສາກົນຄື: ວັນຜ່າວົງປິດລ້ອມຂອງກອງພັນທີ 2 ວິລະຊົນ ທີ່ທົ່ງໄຫຫີນຊຽງຂວາງ ຄົບຮອບ 66 ປີ (18/5/1959-18/5/2025), ວິລະກໍາໂຕນຄຸກຢ່າງມະຫັດສະຈັນຂອງບັນດາຜູ້ນໍາຂອງພັກ ແລະ ແນວລາວຮັກຊາດ ຄົບຮອບ 65 ປີ (24/5/1960-24/5/ 2025), ວັນເກີດປະທານ ໂຮ່ຈີ່ມິນ ຄົບຮອບ 135 ປີ (19/5/1890-19/5/2025) ແລະ ວັນໄຊຊະນະຂອງສະຫະພາບໂຊວຽດເໜືອຟາດສິດເຢຍລະມັນ ຄົບຮອບ 80 ປີ (9/5/1945-9/5/2025) ທີ່ຫ້ອງປະຊຸມໃຫຍ່ຂອງເມືອງ ໂດຍການປາຖະກະຖາຂອງສະຫາຍ ທອງພັນ ສຸກສະຫວັດ ເລຂາຄະນະບໍລິຫານງານພັກເມືອງ, ມີພາກສ່ວນກ່ຽວຂ້ອງພາຍໃນເມືອງເຂົ້າຮ່ວມ.
ເຈົ້າແຂວງອັດຕະປື ຢ້ຽມຢາມ ແລະ ເຮັດວຽກຢູ່ເມືອງຊານໄຊ

ເຈົ້າແຂວງອັດຕະປື ຢ້ຽມຢາມ ແລະ ເຮັດວຽກຢູ່ເມືອງຊານໄຊ

ໃນອາທິດຜ່ານມາ, ທ່ານ ພົນໂທ ວັນທອງ ກອງມະນີ ເຈົ້າແຂວງອັດຕະປື ພ້ອມຄະນະ ໄດ້ເຄື່ອນໄຫວ ຢ້ຽມຢາມ ແລະ ເຮັດວຽກ ກັບ ຄະນະບ້ານ, 6 ບ້ານ ໃນເຂດກຸ່ມບ້ານວັງຕັດ ຄື: ບ້ານໜອງໄກ່ໂອກ, ວັງຕັດນ້ອຍ, ວັງຕັດໃຫຍ່, ດາກບ໋ອກ, ຢຽງດາກ ແລະ ບ້ານນ້ຳຈາ ເພື່ອສືບຕໍ່ຊຸກຍູ້ໃຫ້ພໍ່ແມ່ປະຊາຊົນໃນ 6 ບ້ານ ເຮັດການຜະລິດເປັນສິນຄ້າໂດຍສະເພາະ ການປູກກາເຟ ແລະ ໄມ້ໃຫ້ໝາກອື່ນໆ ຕາມທ່າແຮງທີ່ເໝາະສົມ ໃນເຂດພື້ນທີ່ດັ່ງກ່າວ ເພື່ອສ້າງລາຍຮັບທີ່ໝັ້ນຄົງໃຫ້ກັບຊຸມຊົນ.
ຜະລິດຕະພັນເພື່ອສຸຂະພາບ ກິນອາຫານເປັນຢາກຽມເຈາະຕະຫຼາດໃນລາວ

ຜະລິດຕະພັນເພື່ອສຸຂະພາບ ກິນອາຫານເປັນຢາກຽມເຈາະຕະຫຼາດໃນລາວ

ບໍລິສັດ ລາວ ນິວຕຣ້າ (Laos Nutra) ໄດ້ຈັດສໍາມະນາ ໃນຫົວຂໍ້ ກິນອາຫານເປັນຢາ ຂຶ້ນໃນວັນທີ 16 ພຶດສະພາ ຜ່ານມາ ທີ່ບ້ານສະພັງໝໍ້ ເມືອງໄຊເສດຖາ ນະຄອນຫຼວງວຽງຈັນ ຊຶ່ງບໍລິສັດແມ່ນຈໍາໜ່າຍຜະລິດຕະພັນໃນຮູບແບບອາຫານເປັນຢາ ທີ່ເປັນນໍ້າໝາກໄມ້ ຜະລິດ ແລະ ສະກັດຈາກ ໝາກໄມ້ສົດ 100% ມີງານວິໄຈຮອງຮັບວ່າສາມາດ ຕ້ານ, ຊ້ອມແຊມບໍາບັດດ້ານໂຣກເຊື່ອມໄດ້ດີ. ໂດຍການເຂົ້າຮ່ວມຂອງທ່ານ ນາງ ແພງສີ ພົມມະວັນ ຜູ້ອໍານວຍການບໍລິສັດ ນິວຕຣ້າ; ມີບັນດາຄູ່ຮ່ວມ ພ້ອມດ້ວຍພະນັກງານເຂົ້າຮ່ວມ.
ສະພາບການຄຸ້ມຄອງ ປົກປັກຮັກສາປ່າໄມ້ ຢູ່ແຂວງສະຫວັນນະເຂດ

ສະພາບການຄຸ້ມຄອງ ປົກປັກຮັກສາປ່າໄມ້ ຢູ່ແຂວງສະຫວັນນະເຂດ

ໂດຍ: ວັນໄຊ ຕະວິນຍານ ພະແນກກະສິກໍາ-ປ່າໄມ້ ແຂວງສະຫວັນນະເຂດ ຍາມໃດກໍເຫັນຄວາມສໍາຄັນ ແລະ ເອົາໃຈໃສ່ ຕໍ່ການຄຸ້ມຄອງປົກປັກຮັກສາປ່າໄມ້ ຕ້ານ ແລະ ສະກັດກັ້ນ ການບຸກລຸກ ທໍາລາຍປ່າໄມ້ ຢ່າງເຂັ້ມງວດ.
ຈະພັດທະນາຂະແໜງສ່ວຍສາອາກອນໃຫ້ເປັນທັນສະໄໝແບບຄົບຊຸດ

ຈະພັດທະນາຂະແໜງສ່ວຍສາອາກອນໃຫ້ເປັນທັນສະໄໝແບບຄົບຊຸດ

ໂດຍ: ສຳນານ ພົມພັກດີ ພັກ-ລັດຖະບານ ເວົ້າລວມກໍຄືກະຊວງການເງິນຈະຫັນວຽກງານຂະແໜງສ່ວຍສາອາກອນໃຫ້ເປັນທັນສະໄໝແບບຄົບຊຸດ ໂດຍປະຕິບັດບັນດາກິດຈະກຳທີ່ເປັນບຸລິມະສິດຂອງໂຄງການເພີ່ມລາຍຮັບສ່ວຍສາອາກອນພາຍໃນປະເທດແບບທັນສະໄໝ ຫຼື ໂຄງການ DRMM ຊຶ່ງຈະເຮັດໃຫ້ລາຍຮັບງົບປະມານພາຍໃນເພີ່ມຂຶ້ນ, ລວມສູນ, ທັນເວລາ, ໂປ່ງໃສ ແລະ ສາມາດກວດສອບໄດ້
ຄະນະກຳມະການຕ້ານການຄ້າມະນຸດ ແຂວງສະຫຼຸບຕີລາຄາວຽກງານຕ້ານການຄ້າມະນຸດ

ຄະນະກຳມະການຕ້ານການຄ້າມະນຸດ ແຂວງສະຫຼຸບຕີລາຄາວຽກງານຕ້ານການຄ້າມະນຸດ

ວັນທີ 19 ພຶດສະພານີ້ ທີ່ຫ້ອງປະຊຸມກອງບັນຊາການ ປກສ ແຂວງຈໍາປາສັກ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານຕ້ານການຄ້າມະນຸດ ປະຈຳປີ 2024 ແລະ ວາງທິດທາງແຜນການປີ 2025, ໂດຍເປັນປະທານຂອງທ່ານ ພົນຈັດຕະວາ ສຸກພະຈັນ ສີລາເພັດ ຫົວໜ້າກອງບັນຊາການ ປກສ ແຂວງ ຮອງປະທານຄະນະກຳມະການຕ້ານການຄ້າມະນຸດ ແຂວງ.
ມອບອຸປະກອນປູກຜັກເຮືອນຮົ່ມ ໃຫ້ແກ່ກຸ່ມປູກພືດຜັກ 3 ເມືອງຂອງແຂວງຄໍາມ່ວນ

ມອບອຸປະກອນປູກຜັກເຮືອນຮົ່ມ ໃຫ້ແກ່ກຸ່ມປູກພືດຜັກ 3 ເມືອງຂອງແຂວງຄໍາມ່ວນ

ໃນວັນທີ 15-16 ພຶດສະພານີ້, ທ່ານ ເດດສັກດາ ມະນີຄໍາ ຫົວໜ້າພະແນກກະສິກໍາ ແລະ ປ່າໄມ້ແຂວງຄໍາມ່ວນ ພ້ອມຄະນະ ໄດ້ນໍາເອົາອຸປະກອນປູກຜັກເຮືອນຮົ່ມ ລວມເຖິງປັດໄຈການຜະລິດລົງມອບໃຫ້ກຸ່ມປູກພືດຜັກໃນຈໍານວນ 3 ເມືອງຂອງແຂວງຄື: ນາກາຍ, ຍົມມະລາດ ແລະ ໜອງບົກ. ເມືອງນາກາຍ, ມີ 1 ກຸ່ມຜະລິດ, ມີ 4 ບ້ານ, ມີ 9 ຄອບຄົວ, ມີເຮືອນຮົມຈໍານວນ 20 ຫຼັງ. ເມືອງຍົມມະລາດມີ 1 ກຸ່ມຜະລິດ, ມີ 4 ບ້ານຄື: ທ່າໂທດ, ນາລາດຄວາຍ, ໂຄກສະຫວ່າງ ແລະ ຜາທຸງລວມມີທັງໝົດ 46 ຄອບຄົວ, ມີເຮືອນຮົ່ມ 46 ຫຼັງ ແລະ ເມືອງໜອງບົກມີ 1 ກຸມຜະລິດ, ມີ 1 ບ້ານ (ບ້ານດອນປາແດກ), ມີ 4 ຄອບຄົວ, ມີເຮືອນຮົ່ມ 14 ຫຼັງ.
ທະຫານໃໝ່ 66 ສະຫາຍ ສໍາເລັດຊຸດອົບຮົມ-ຫັດແອບທະຫານປະຈຳປີ 2024

ທະຫານໃໝ່ 66 ສະຫາຍ ສໍາເລັດຊຸດອົບຮົມ-ຫັດແອບທະຫານປະຈຳປີ 2024

ສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ ປະທານປ້ອງກັນຊາດ-ປ້ອງກັນຄວາມສະຫງົບແຂວງ ໄດ້ເຂົ້າຮ່ວມເປັນປະທານໃນພິທີປິດຊຸດອົບຮົມ-ຫັດແອບໃຫ້ນັກຮຽນທະຫານໃໝ່ປະຈຳປີ 2024. ພິທີດັ່ງກ່າວ, ໄດ້ຈັດຂຶ້ນໃນວັນທີ 15 ພຶດສະພາຜ່ານມາ ທີ່ໂຮງຮຽນການທະຫານທ້ອງຖິ່ນແຂວງ, ເຂົ້າຮ່ວມມີ ສະຫາຍ ພັອ ພັນວິໄລ ລາດສະຍົນ ເລຂາຄະນະພັກ ຫົວໜ້າກອງບັນຊາການທະຫານແຂວງ.
ເມືອງໄຊຍະບູລີ ສະຫຼຸບການຈັດຕັ້ງປະຕິບັດການຜະລິດລະດູແລ້ງສົກປີ 2024-2025

ເມືອງໄຊຍະບູລີ ສະຫຼຸບການຈັດຕັ້ງປະຕິບັດການຜະລິດລະດູແລ້ງສົກປີ 2024-2025

ໃນຕອນບ່າຍວັນທີ 15 ພຶດສະພາຜ່ານມາ, ເມືອງໄຊຍະບູລີ ແຂວງໄຊຍະບູລີໄດ້ຈັດກອງປະຊຸມສະຫຼຸບການຈັດຕັ້ງປະຕິບັດການຜະລິດລະດູແລ້ງສົກປີ 2024-2025 ແລະ ກຳນົດທິດທາງແຜນການຜະລິດລະດູຝົນປີ 2025 ຢູ່ທີ່ຫ້ອງປະຊຸມຫ້ອງວ່າການເມືອງ ໂດຍການເຂົ້າຮ່ວມຂອງທ່ານ ເສນ ພັນລັກ ວ່າການເຈົ້າເມືອງ, ມີຫົວໜ້າ, ຮອງຫົວໜ້າຫ້ອງການ, ນັກທຸລະກິດ ພ້ອມດ້ວຍນາຍບ້ານເທດສະບານເມືອງເຂົ້າຮ່ວມ.
ເພີ່ມເຕີມ