ແມ່ນຮັບປະກັນການຮັກສາສັນຕິພາບ ແລະ ສະຖຽນລະພາບຢູ່ພາກພື້ນອາຊີຕາເວັນອອກສ່ຽງໃຕ້, ບັນດາປະເທດສະມາຊິກສ້າງໄດ້ສາຍພົວພັນຮ່ວມມືທີ່ນັບມື້ນັບດີງາມກວ່າເກົ່າ. ຄວາມແຕກຕ່າງກັນລະຫວ່າງບັນດາສະມາຊິກ, ຂໍ້ຂັດແຍ້ງ ຫຼື ຄວາມບໍ່ລົງລອຍກັນສ່ວນໃດໜຶ່ງ ລ້ວນແຕ່ໄດ້ຮັບການເຈລະຈາ ແລະ ໄກ່ເກ່ຍບົນພື້ນຖານເພື່ອຜົນປະໂຫຍດສ່ວນລວມ.
ຈາກປະຊາກອນປະມານ 260 ລ້ານຄົນ ເມື່ອຕອນຫາກໍ່ຮັບການສ້າງຕັ້ງ, ປັດຈຸບັນ ອາຊຽນ ແມ່ນຊາຍຄາລວມຂອງປະຊາຊົນກວ່າ 650 ລ້ານຄົນ ແລະ ແມ່ນຕະຫຼາດທີ່ມີກຳລັງບົ່ມຊ້ອນຫຼາຍຢ່າງ. ຄາດວ່າຮອດປີ 2050, ອາຊຽນ ຈະແມ່ນພື້ນຖານເສດຖະກິດໃຫຍ່ທີສີ່ໃນໂລກ.
ສິ່ງທີ່ເປັນພື້ນຖານໃຫ້ແກ່ຜົນສຳເລັດໃນເກືອບ 6 ທົດສະວັດຜ່ານມານັ້ນ ແມ່ນບັນດາກົນໄກຮ່ວມມືພາຍໃນກຸ່ມຂອງ ອາຊຽນ ກໍຄືສຳລັບບັນດາຄູ່ຮ່ວມມື, ໄດ້ມີການປະກອບສ່ວນນັບມື້ນັບສຳຄັນໃນການແກ້ໄຂບັນຫາລວມຂອງພາກພື້ນ. ດັ່ງນັ້ນ, ອາຊຽນ ນັບມື້ນັບກາຍເປັນຄູ່ຮ່ວມມືສຳຄັນສຳລັບຫຼາຍປະເທດ, ໃນນັ້ນ ມີບັນດາປະເທດມະຫາອຳນາດ. ອາເມຣິກາ ຖື ອາຊຽນ ເປັນໃຈກາງໃນຍຸດທະສາດມະຫາສະໝຸດອິນເດຍ - ປາຊີຟິກ ແລະ ຖືບົດບາດຂອງ ອາຊຽນ ເປັນສຳຄັນທີ່ສຸດ ຄືດັ່ງຄຳຢືນຢັນຂອງທ່ານເອກອັກຄະລັດຖະທູດ ອາເມຣິກາ ປະຈຳ ອາຊຽນ Youhanes Abraham.
“ໃນຊຸມປີຜ່ານມາ, ພວກເຮົາໄດ້ເຫັນປະຈັກຕາບັນດາຄຳໝັ້ນສັນຍາເປີດກວ້າງຂອງ ອາເມຣິກາ ກັບ ອາຊຽນ, ລວມມີເລື່ອງ ທ່ານປະທານາທິບໍດີ Joe Biden ເຂົ້າຮ່ວມກອງປະຊຸມສຸດຍອດ ອາຊຽນ ແລະ ຈັດຕັ້ງກອງປະຊຸມສຸດຍອດ ອາຊຽນ ປະຈຳ ວໍຊິງຕັນ DC ຫຼື ການຢ້ຽມຢາມຄັ້ງຫຼ້າສຸດຂອງທ່ານ ນາງ K. Harris ຮອງປະທານາທິບໍດີ ອາເມຣິກາ ເຂົ້າຮ່ວມກອງປະຊຸມສຸດຍອດ ອາຊຽນ ຢູ່ ຈາກາຕາ ອິນໂດເນເຊຍ. ອາເມຣິກາ ໄດ້ຈັດແບ່ງເວລາ, ກໍຄືຊອກຫາວິທີການຮ່ວມມືຢ່າງແໜ້ນແຟ້ນກວ່າກັບບັນດາຄູ່ຮ່ວມມື ອາຊຽນ. ສາຍພົວພັນ ອາເມຣິກາ - ອາຊຽນ ບໍ່ພຽງແຕ່ແມ່ນບຸລິມະສິດຂອງອຳນາດການປົກຄອງ ເທົ່ານັ້ນ ຫາກຍັງໄດ້ຮັບຄວາມສົນໃຈຈາກສະພາສູງ ແລະ ສະພາຕ່ຳນຳອີກ.”
ຄໍາເຫັນ