ໃນຫ້າປີຂ້າງໜ້າ,ທ່າແຮງທາງດ້ານລະບອບສັງຄົມນິຍົມທີ່ມີເອກະລັກສີສັນຂອງຈີນ,ທ່າແຮງທີ່ມີຕະຫຼາດຂະໜາດໃຫຍ່ກວ່າເກົ່າ,ທ່າແຮງທີ່ມີລະບົບອຸດສາຫະກຳທີ່ສົມບູນແບບແລະ ທ່າແຮງທີ່ມີຊັບພະຍາກອນມະນຸດອັນສົມບູນແບບຈະມີຄວາມໂດດເດັ່ນຫຼາຍຂຶ້ນກວ່າເກົ່າ. ຈີນຈະຊຸກຍູ້ການພັດທະນາດ້ວຍຄຸນນະພາບສູງໃຫ້ໄດ້ຮັບໝາກຜົນອັນເດັ່ນຊັດ, ການສ້າງຄວາມເຂັ້ມແຂງດ້ວຍຕົນເອງດ້ານເຕັກນິກວິທະຍາສາດໄດ້ຮັບການຍົກສູງຂຶ້ນຢ່າງຈະແຈ້ງ, ການລົງເລິກການປະຕິຮູບໄດ້ມີບາດກ້າວບຸກທະລຸຄືບໜ້າໃໝ່, ຄວາມສີວິໄລທາງດ້ານສັງຄົມໄດ້ຮັບການຍົກສູງຂຶ້ນຢ່າງຊັດເຈນ, ການສ້າງປະເທດຈີນທີ່ສວຍງາມໄດ້ມີຄວາມຄືບໜ້າໃໝ່, ການປ້ອງກັນຊາດ-ປ້ອງກັນຄວາມສະຫງົບມີຄວາມໜັກແໜ້ນກວ່າເກົ່າ.
ໃນໄລຍະ 5 ປີຕໍ່ໜ້ານີ້, ຈະສ້າງພື້ນຖານອັນແໜ້ນແກ່ນໃຫ້ແກ່ການທີ່ບັນລຸສັງຄົມນິຍົມທີ່ທັນສະໄໝຂອງຈີນໂດຍພື້ນຖານໃນປີ 2035.
ໃນຫ້າປີຂ້າງໜ້າ,ຈີນຈະຕັ້ງໜ້າຮັບມືກັບຄວາມສ່ຽງ ແລະ ສິ່ງທ້າທາຍຕ່າງໆທັງພາຍໃນ ແລະ ພາຍນອກ, ສືບຕໍ່ສະໜອງເຫງົ້າພະລັງແຮງທີ່ໜ້າເຊື່ອຖືໃຫ້ແກ່ການພັດທະນາຂອງເສດຖະກິດໂລກ ເພື່ອປະກອບສ່ວນຫຼາຍກວ່າເກົ່າເຂົ້າໃນການສົ່ງເສີມການແລກປ່ຽນຮ່ວມມື ແລະ ຄວາມກ້າວໜ້າຂອງມວນມະນຸດ.ຈີນຈະເປີດກວ້າງການເປີດປະຕູສູ່ໂລກພາຍນອກໃນລະດັບສູງ, ຊຸກຍູ້ຂະບວນການເສດຖະກິດໂລກາພິວັດຢ່າງເດັດດ່ຽວໜຽວແໜ້ນ, ເປີດກວ້າງການເປີດປະຕູດ້ານລະລຽບການຢ່າງຕໍ່ເນື່ອງ, ປົກປ້ອງລະບອບການຄ້າຫຼາຍຝ່າຍ, ເປີດກວ້າງການເປີດປະຕູແບບເປັນເຈົ້າຕົນເອງ, ສົ່ງເສີມການຄ້າໃຫ້ມີການພັດທະນາແບບນະມັດຕະກໍາ, ຂະຫຍາຍພື້ນທີ່ການຮ່ວມມືດ້ານການລົງທຶນຊຶ່ງກັນແລະກັນ, ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງ, ແບ່ງປັນກາລະໂອກາດ ແລະ ພັດທະນາຮ່ວມກັນກັບບັນດາປະເທດໃນໂລກ ລວມທັງປະເທດລາວ, ສ້າງສະພາບການໃໝ່ຂອງການຮ່ວມມືທີ່ຕ່າງຝ່າຍຕ່າງໄດ້ຮັບຜົນປະໂຫຍດ, ຍູ້ໜູນການເສີມສ້າງປະຊາຄົມຮ່ວມຊາຕາກໍາຂອງມວນມະນຸດ.
ການວາງແຜນການ 5 ປີຕາມຫຼັກວິທະຍາສາດ ແລະ ຈັດຕັ້ງປະຕິບັດຢ່າງຕໍ່ເນື່ອງນັ້ນ,ເປັນປະສົບການອັນລໍ້າຄ່າຂໍ້ໜຶ່ງຂອງພັກກອມມູນິດຈີນໃນການປົກຄອງປະເທດບໍລິຫານລັດ, ທັງເປັນທ່າແຮງທາງດ້ານການເມືອງທີ່ສໍາຄັນຂອງສັງຄົມນິຍົມທີ່ມີເອກະລັກສີສັນຂອງຈີນ.ຈີນຈະອອກແຮງຈັດຕັ້ງຜັນຂະຫຍາຍມະຕິກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກກອມມູນິດຈີນສະໄໝທີ XX, ຖືການພັດທະນາເສດຖະກິດເປັນໃຈກາງ, ຖືການພັດທະນາດ້ວຍຄຸນນະພາບສູງເປັນຫົວຂໍ້ເຈາະຈີ້ມ, ຖືການປະຕິຮູບ ແລະ ປະດິດສ້າງໃໝ່ເປັນແຮງຂັບເຄື່ອນຕົ້ນຕໍ, ຖືຄວາມຮຽກຮ້ອງຕ້ອງການທີ່ນັບມື້ເພີ່ມຂຶ້ນຕໍ່ຊີວິດການເປັນຢູ່ຂອງປະຊາຊົນເປັນເປົ້າໝາຍຫຼັກ,ຖືການຄຸ້ມຄອງພັກຢ່າງເຂັ້ມງວດຮອບດ້ານເປັນມາດຕະການຮັບປະກັນ, ສົ່ງເສີມໃຫ້ເສດຖະກິດມີການປັບປຸງດີຂຶ້ນທາງດ້ານຄຸນນະພາບ ແລະ ມີການຂະຫຍາຍຕົວທາງດ້ານປະລິມານຢ່າງສົມເຫດສົມຜົນ, ຊຸກຍູ້ການພັດທະນາຢ່າງຮອບດ້ານ ແລະ ປວງຊົນທັງຫຼາຍມີຄວາມຮັ່ງມີຜາສຸກຮ່ວມກັນນັ້ນ ໄດ້ຢັ່ງບາດກ້າວອອກຢ່າງໜັກແໜ້ນ.
ໃນປັດຈຸບັນ, ສປປລາວພວມຢູ່ໄລຍະມ້ວນທ້າຍຂອງຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ 9 ແລະ ຈະຮ່າງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 10 ຂອງຕົນ. ພາຍໃຕ້ການຊີ້ທິດນໍາທາງຂອງການນໍາສູງສຸດຂອງສອງພັກ, ສອງລັດລາວ-ຈີນ, ການສ້າງຄູ່ຮ່ວມຊາຕາກໍາລາວ-ຈີນ ຈີນ-ລາວ ຈະກ້າວຂຶ້ນສູ່ມາດຕະຖານສູງຂຶ້ນ, ຄຸນນະພາບສູງຂຶ້ນ ແລະ ລະດັບສູງຂຶ້ນ.ການຮ່ວມມືຂອງສອງຊາດລາວ-ຈີນ ແລະ ການຮ່ວມກັນພັດທະນາຂອງທັງສອງຊາດພວກເຮົາຍ່ອມຈະມີອະນາຄົດອັນສົດໃສ.
ຄໍາເຫັນ