ກອງປະຊຸມສະພາແຫ່ງຊາດ ເຫັນວ່າລັດຖະບານຕ້ອງໄດ້ສືບຕໍ່ຈັດຕັ້ງປະຕິບັດບັນດາຄາດໝາຍທີ່ບໍ່ທັນບັນລຸໃຫ້ສຳເລັດ ໃນ 6 ເດືອນທ້າຍປີ 2026 ເປັນຕົ້ນ ການປະຕິບັດແຜນງົບປະມານ: ການຈັດຕັ້ງປະຕິບັດແຜນລາຍຈ່າຍງົບປະມານແຫ່ງລັດ, ຂະແໜງກະສິກຳ ແລະ ປ່າໄມ້: ເຖິງວ່າການສົ່ງອອກຜະລິດຕະພັນກະສິກຳ ແລະ ປ່າໄມ້ ປະຕິບັດໄດ້, ແຕ່ການສົ່ງອອກດັ່ງ ກ່າວ ແມ່ນວັດຖຸດິບເປັນສ່ວນໃຫຍ່ ຍັງບໍ່ທັນມີການປຸງແຕ່ງ, ກອງປະຊຸມ ສະເໜີລັດຖະບານນຳໄປຄົ້ນຄວ້າສ້າງ ຕັ້ງໂຮງງານປຸງແຕ່ງ, ຂະແໜງແຮ່ທາດ: ການອະນຸມັດໂຄງການຊອກຄົ້ນ, ສຳຫຼວດ ແລະ ຂຸດຄົ້ນແຮ່ທາດ. ຜ່ານມາ ເຫັນວ່າມີຈຳນວນຫຼາຍກວ່າ 1,000 ໂຄງການທີ່ອະນຸມັດຢູ່ຂັ້ນສູນກາງ ແລະ ທ້ອງຖິ່ນ, ແຕ່ການເກັບລາຍຮັບເຂົ້າງົບປະມານຍັງປະຕິບັດໄດ້ບໍ່ສົມຄູ່, ການສົ່ງອອກສ່ວນໃຫຍ່ເປັນແຮ່ດິບ ຫຼື ແຮ່ເຂັ້ມຂຸ້ນ ເຮັດໃຫ້ມີຊ່ອງຫວ່າງການແຈ້ງປະເພດແຮ່ ແລະ ປະລິມານແຮ່ບໍ່ກົງກັບຕົວຈິງ, ການປະຕິບັດມາດຕະການຕໍ່ໂຄງການທີ່ບໍ່ຜ່ານເກນການປະເມີນ ປະເພດ C ຫຼື C+ ຍັງບໍ່ທັນເຂັ້ມງວດ, ກອງປະຊຸມສະເໜີລັດຖະບານປະຕິບັດຕໍ່ໂຄງການທີ່ບໍ່ປະ ຕິບັດຕາມກົດໝາຍ ກໍຄວນຍົກເລີກ ຫຼື ໂຈະ, ຂະແໜງໂຍທາທິການ ແລະ ຂົນສົ່ງ: ການເຊື່ອມໂຍງ-ເຊື່ອມຈອດ ເຖິງວ່າມີການກໍ່ສ້າງ-ສ້ອມແປງທາງຫຼວງແຫ່ງຊາດ ແລະ ທາງຫຼວງທ້ອງຖິ່ນ, ແຕ່ງົບປະມານສຳລັບການບຳລຸງຮັກສາຍັງບໍ່ທັນພຽງພໍ, ການຄົມມະນາຄົມຂົນສົ່ງຍັງມີຄວາມຫຍຸ້ງຍາກໃນລະດູຝົນ, ການບັນທຸກນ້ຳໜັກເກີນມາດ ຕະຖານ ສ້າງຄວາມເປ່ເພເສຍຫາຍໃຫ້ເສັ້ນທາງ, ຍັງບໍ່ທັນມີມາດຕະການເຂັ້ມງວດຕໍ່ການລະເມີດ ແລະ ເຈົ້າ ໜ້າທີ່ກ່ຽວຂ້ອງຍັງບັງຄັບໃຊ້ກົດໝາຍບໍ່ເຕັມສ່ວນ, ຂະແໜງວັດທະນະທຳ-ສັງຄົມ: ຂະແໜງສຶກສາທິການ ແລະ ກິລາ: ອັດຕາການເຂົ້າຮຽນຂອງເດັກ 5 ປີໃນຊັ້ນການສຶກສາກ່ອນໄວຮຽນ, ການປະລະຂອງນັກຮຽນຊັ້ນປະຖົມສຶກສາ, ຂະແໜງສາທາລະນະສຸກ: ອັດຕາຂອງເດັກລຸ່ມ 5 ປີທີ່ມີນ້ຳໜັກ ແລະ ລວງສູງບໍ່ໄດ້ມາດຕະຖານ, ອັດຕາການເກີດລູກມີແພດຊ່ວຍ ແລະ ການໃຫ້ວັກຊິນກັນພະຍາດໃຫ້ເດັກລຸ່ມ 1 ປີ, ຂະແໜງການທ່ອງທ່ຽວ: ມີທ່າແຮງເພີ່ມຂຶ້ນ, ພາຍຫຼັງການນໍາໃຊ້ເສັ້ນທາງລົດໄຟລາວ-ຈີນ, ແຕ່ກອງປະຊຸມເຫັນວ່າຍັງເປັນການທ່ອງທ່ຽວແບບດັ້ງ ເດີມ, ຢູ່ແຫຼ່ງທ່ອງທ່ຽວໃຫຍ່ບາງຈຸດ ຍັງບໍ່ທັນສາມາດຂະຫຍາຍການທ່ອງທ່ຽວແບບເປັນຕ່ອງໂສ້-ຕໍ່ເນື່ອງ-ເຊື່ອມໂຍງ.
ສໍາລັບທິດທາງແຜນພັດທະນາເສດຖະກິດ-ສັງຄົມ 6 ເດືອນທ້າຍປີ 2026, ກອງປະຊຸມເຫັນດີຕໍ່ການສະ ເໜີແຜນວຽກຈຸດສຸມ ແລະ ມາດຕະການຂອງລັດຖະບານ ໃນໄລຍະ 6 ເດືອນທ້າຍປີ 2026 ເພື່ອເຮັດໃຫ້ການ ຈັດຕັ້ງປະຕິບັດແຜນການດັ່ງກ່າວຢ່າງມີຜົນສໍາເລັດ, ກອງປະຊຸມສະພາແຫ່ງຊາດ ສະເໜີບາງມາດຕະການເພີ່ມເຕີມ ດັ່ງນີ້:
ແຜນງົບປະມານແຫ່ງລັດ ສະເໜີສຸມໃສ່ການຫັນເປັນທັນສະໄໝໃນການເກັບລາຍຮັບໃຫ້ມີຈຸດສຸມ ແລະ ມີຄຸນນະພາບສູງ ແລະ ໃຫ້ທົ່ວເຖິງຢູ່ບັນດາດ່ານສາກົນ, ບັນດາຫົວໜ່ວຍທຸລະກິດຕ່າງໆ ໂດຍສະເພາະ ໂຄງການຂຸດຄົ້ນແຮ່ທາດ, ໂຄງການພະລັງງານ ເນື່ອງຈາກເປັນແຫຼ່ງລາຍຮັບທີ່ສູງ ເພື່ອຈໍາກັດບໍ່ໃຫ້ລາຍຮັບມີການຮົ່ວໄຫຼ, ເພື່ອບໍ່ໃຫ້ຊັບສົມບັດຂອງຊາດຕົກເຮ່ຍເສຍຫາຍຫຼາຍ;
ຄົ້ນຄວ້າກົນໄກການແບ່ງຂັ້ນຄຸ້ມຄອງໃຫ້ຊັດເຈນ ໃນການຈັດເກັບລາຍຮັບຈາກອາກອນທີ່ດິນ;
ກວດກາຄືນ ແລະ ເອົາໃຈໃສ່ໃນການປະຕິບັດ ກ່ຽວກັບການສ້າງເສດຖະກິດເອກະລາດ ເປັນເຈົ້າຕົນເອງ ເພື່ອໃຫ້ສາມາດເປັນປະເທດກຸ້ມຕົນເອງ ແລະ ສາມາດເກັບລາຍຮັບເຂົ້າງົບປະມານແຫ່ງລັດໃຫ້ຫຼາຍຂຶ້ນ, ທ້ອງຖິ່ນມີບົດບາດໃນການພັດທະນາຕົນເອງໄດ້ ໃນການລະດົມທຶນເພື່ອກໍ່ສ້າງເສັ້ນທາງດ້ວຍຕົນເອງ;
ກວດກາ ແລະ ພິຈາລະນາຄືນກ່ຽວກັບ ການແບ່ງຂັ້ນຄຸ້ມຄອງ, ການເກັບລາຍຮັບ-ລາຍຈ່າຍ ແລະ ການດຸ່ນດ່ຽງ ການນໍາໃຊ້ເງິນເກີນແຜນໃຫ້ທ້ອງຖິ່ນ ເພາະມີບາງແຂວງສາມາດປະຕິບັດລາຍຮັບງົບ ປະມານເກີນແຜນຢ່າງຫຼວງຫຼາຍ ສະເໜີໃຫ້ລັດຖະບານມີນິຕິກໍາ ເພື່ອກໍານົດນະໂຍບາຍການນໍາໃຊ້ເງິນດັ່ງກ່າວໃຫ້ທ້ອງຖິ່ນໃນສັດສ່ວນ 70/30 ຫຼື 80/20 ເພື່ອໃຫ້ແຂວງນໍາເຂົ້າໃນການພັດທະນາທ້ອງຖິ່ນ ເປັນຕົ້ນ ການກໍ່ສ້າງ ແລະ ບູລະນະເສັ້ນທາງຂອງທ້ອງຖິ່ນ.
ແກ້ໄຂໄພເງິນເຟີ້, ອັດຕາແລກປ່ຽນ ແລະ ບັນຫາເງິນກີບອ່ອນຄ່າ ຊຶ່ງສົ່ງຜົນກະທົບຕໍ່ການຜະລິດພາຍໃນ, ສະເໜີລັດຖະບານມີມາດຕະການຄຸ້ມຄອງ ແລະ ປະຕິບັດໃຫ້ຖືກຕ້ອງຕາມກົດໝາຍຢ່າງເຂັ້ມງວດ;
ການຈັດສັນງົບປະມານບ້ວງກອງທຶນທາງທີ່ລັດຖະບານມອບໃຫ້ທ້ອງຖິ່ນຄຸ້ມຄອງ, ຜູ້ແທນເຫັນວ່າໃນປີ 2027 ທີ່ຈະເອົາໜີ້ສິນບ້ວງກອງທຶນໃຫ້ເຂົ້າໃນແຜນປົກກະຕິ ຊຶ່ງຈະເຮັດໃຫ້ແຜນໜີ້ສິນຂອງແຂວງເພີ່ມຂຶ້ນ. ຕໍ່ກັບວຽກງານການເຊື່ອມໂຍງ-ເຊື່ອມຈອດ, ສະເໜີລັດຖະບານພິຈາລະນາຈັດສັນງົບປະມານ ເພື່ອສຸມໃສ່ການກໍ່ສ້າງ ແລະ ບູລະນະສ້ອມແປງທາງຫຼວງແຫ່ງຊາດທີ່ເປ່ເພຢ່າງໜັກ ຊຶ່ງສ້າງຄວາມຫຍຸ້ງຍາກໃຫ້ການສັນຈອນ ແລະ ການຂົນສົ່ງສິນຄ້າ; ເພີ່ມທະວີຄວາມເຂັ້ມງວດໃນການກວດກາ ແລະ ປະຕິບັດມາດຕະການທາງກົດໝາຍຢ່າງເດັດຂາດ ຕໍ່ພາຫະນະທີ່ບັນທຸກເກີນນໍ້າໜັກ ຊຶ່ງເປັນສາເຫດຫຼັກເຮັດໃຫ້ພື້ນຖານໂຄງລ່າງທາງເປ່ເພ;
ເພື່ອຮັບປະກັນການຄໍ້າປະກັນສະບຽງອາຫານ, ການປຸງແຕ່ງຜະລິດຕະພັນກະສິກຳ ແລະ ອຸດສາຫະກຳ ເພື່ອທົດແທນການນໍາເຂົ້າ, ສ້າງມູນຄ່າເພີ່ມເປັນສິນຄ້າສົ່ງອອກໃຫ້ມີຄວາມຫຼາກຫຼາຍ ແລະ ເພີ່ມຜົນຜະ ລິດທີ່ມີຄຸນນະພາບ, ຫຼຸດຜ່ອນການສົ່ງອອກເປັນວັດຖຸດິບ ແລະ ນໍາໃຊ້ມາດຕະການທີ່ບໍ່ແມ່ນພາສີ-ອາກອນຕໍ່ການນຳເຂົ້າ ເພື່ອສ້າງຄວາມເຂັ້ມແຂງໃຫ້ການຜະລິດພາຍໃນປະເທດ ສາມາດແຂ່ງຂັນກັບສາກົນໄດ້. (ຂ່າວ-ພາບ: ສໍານານ)
ສໍາລັບທິດທາງແຜນພັດທະນາເສດຖະກິດ-ສັງຄົມ 6 ເດືອນທ້າຍປີ 2026, ກອງປະຊຸມເຫັນດີຕໍ່ການສະ ເໜີແຜນວຽກຈຸດສຸມ ແລະ ມາດຕະການຂອງລັດຖະບານ ໃນໄລຍະ 6 ເດືອນທ້າຍປີ 2026 ເພື່ອເຮັດໃຫ້ການ ຈັດຕັ້ງປະຕິບັດແຜນການດັ່ງກ່າວຢ່າງມີຜົນສໍາເລັດ, ກອງປະຊຸມສະພາແຫ່ງຊາດ ສະເໜີບາງມາດຕະການເພີ່ມເຕີມ ດັ່ງນີ້:
ແຜນງົບປະມານແຫ່ງລັດ ສະເໜີສຸມໃສ່ການຫັນເປັນທັນສະໄໝໃນການເກັບລາຍຮັບໃຫ້ມີຈຸດສຸມ ແລະ ມີຄຸນນະພາບສູງ ແລະ ໃຫ້ທົ່ວເຖິງຢູ່ບັນດາດ່ານສາກົນ, ບັນດາຫົວໜ່ວຍທຸລະກິດຕ່າງໆ ໂດຍສະເພາະ ໂຄງການຂຸດຄົ້ນແຮ່ທາດ, ໂຄງການພະລັງງານ ເນື່ອງຈາກເປັນແຫຼ່ງລາຍຮັບທີ່ສູງ ເພື່ອຈໍາກັດບໍ່ໃຫ້ລາຍຮັບມີການຮົ່ວໄຫຼ, ເພື່ອບໍ່ໃຫ້ຊັບສົມບັດຂອງຊາດຕົກເຮ່ຍເສຍຫາຍຫຼາຍ;
ຄົ້ນຄວ້າກົນໄກການແບ່ງຂັ້ນຄຸ້ມຄອງໃຫ້ຊັດເຈນ ໃນການຈັດເກັບລາຍຮັບຈາກອາກອນທີ່ດິນ;
ກວດກາຄືນ ແລະ ເອົາໃຈໃສ່ໃນການປະຕິບັດ ກ່ຽວກັບການສ້າງເສດຖະກິດເອກະລາດ ເປັນເຈົ້າຕົນເອງ ເພື່ອໃຫ້ສາມາດເປັນປະເທດກຸ້ມຕົນເອງ ແລະ ສາມາດເກັບລາຍຮັບເຂົ້າງົບປະມານແຫ່ງລັດໃຫ້ຫຼາຍຂຶ້ນ, ທ້ອງຖິ່ນມີບົດບາດໃນການພັດທະນາຕົນເອງໄດ້ ໃນການລະດົມທຶນເພື່ອກໍ່ສ້າງເສັ້ນທາງດ້ວຍຕົນເອງ;
ກວດກາ ແລະ ພິຈາລະນາຄືນກ່ຽວກັບ ການແບ່ງຂັ້ນຄຸ້ມຄອງ, ການເກັບລາຍຮັບ-ລາຍຈ່າຍ ແລະ ການດຸ່ນດ່ຽງ ການນໍາໃຊ້ເງິນເກີນແຜນໃຫ້ທ້ອງຖິ່ນ ເພາະມີບາງແຂວງສາມາດປະຕິບັດລາຍຮັບງົບ ປະມານເກີນແຜນຢ່າງຫຼວງຫຼາຍ ສະເໜີໃຫ້ລັດຖະບານມີນິຕິກໍາ ເພື່ອກໍານົດນະໂຍບາຍການນໍາໃຊ້ເງິນດັ່ງກ່າວໃຫ້ທ້ອງຖິ່ນໃນສັດສ່ວນ 70/30 ຫຼື 80/20 ເພື່ອໃຫ້ແຂວງນໍາເຂົ້າໃນການພັດທະນາທ້ອງຖິ່ນ ເປັນຕົ້ນ ການກໍ່ສ້າງ ແລະ ບູລະນະເສັ້ນທາງຂອງທ້ອງຖິ່ນ.
ແກ້ໄຂໄພເງິນເຟີ້, ອັດຕາແລກປ່ຽນ ແລະ ບັນຫາເງິນກີບອ່ອນຄ່າ ຊຶ່ງສົ່ງຜົນກະທົບຕໍ່ການຜະລິດພາຍໃນ, ສະເໜີລັດຖະບານມີມາດຕະການຄຸ້ມຄອງ ແລະ ປະຕິບັດໃຫ້ຖືກຕ້ອງຕາມກົດໝາຍຢ່າງເຂັ້ມງວດ;
ການຈັດສັນງົບປະມານບ້ວງກອງທຶນທາງທີ່ລັດຖະບານມອບໃຫ້ທ້ອງຖິ່ນຄຸ້ມຄອງ, ຜູ້ແທນເຫັນວ່າໃນປີ 2027 ທີ່ຈະເອົາໜີ້ສິນບ້ວງກອງທຶນໃຫ້ເຂົ້າໃນແຜນປົກກະຕິ ຊຶ່ງຈະເຮັດໃຫ້ແຜນໜີ້ສິນຂອງແຂວງເພີ່ມຂຶ້ນ. ຕໍ່ກັບວຽກງານການເຊື່ອມໂຍງ-ເຊື່ອມຈອດ, ສະເໜີລັດຖະບານພິຈາລະນາຈັດສັນງົບປະມານ ເພື່ອສຸມໃສ່ການກໍ່ສ້າງ ແລະ ບູລະນະສ້ອມແປງທາງຫຼວງແຫ່ງຊາດທີ່ເປ່ເພຢ່າງໜັກ ຊຶ່ງສ້າງຄວາມຫຍຸ້ງຍາກໃຫ້ການສັນຈອນ ແລະ ການຂົນສົ່ງສິນຄ້າ; ເພີ່ມທະວີຄວາມເຂັ້ມງວດໃນການກວດກາ ແລະ ປະຕິບັດມາດຕະການທາງກົດໝາຍຢ່າງເດັດຂາດ ຕໍ່ພາຫະນະທີ່ບັນທຸກເກີນນໍ້າໜັກ ຊຶ່ງເປັນສາເຫດຫຼັກເຮັດໃຫ້ພື້ນຖານໂຄງລ່າງທາງເປ່ເພ;
ເພື່ອຮັບປະກັນການຄໍ້າປະກັນສະບຽງອາຫານ, ການປຸງແຕ່ງຜະລິດຕະພັນກະສິກຳ ແລະ ອຸດສາຫະກຳ ເພື່ອທົດແທນການນໍາເຂົ້າ, ສ້າງມູນຄ່າເພີ່ມເປັນສິນຄ້າສົ່ງອອກໃຫ້ມີຄວາມຫຼາກຫຼາຍ ແລະ ເພີ່ມຜົນຜະ ລິດທີ່ມີຄຸນນະພາບ, ຫຼຸດຜ່ອນການສົ່ງອອກເປັນວັດຖຸດິບ ແລະ ນໍາໃຊ້ມາດຕະການທີ່ບໍ່ແມ່ນພາສີ-ອາກອນຕໍ່ການນຳເຂົ້າ ເພື່ອສ້າງຄວາມເຂັ້ມແຂງໃຫ້ການຜະລິດພາຍໃນປະເທດ ສາມາດແຂ່ງຂັນກັບສາກົນໄດ້. (ຂ່າວ-ພາບ: ສໍານານ)
ຄໍາເຫັນ