 |
ທ່ານ ສົມບູນ ເບົ້າຈັນ ຮອງຫົວໜ້າຫ້ອງການ-ການເງິນເມືອງ ໄດ້ຜ່ານຮ່າງບົດສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ 2026 ແລະ ທິດທາງ 6 ເດືອນທ້າຍປີ 2026. ການຈັດຕັ້ງປະຕິບັດລາຍຮັບ-ລາຍຈ່າຍງົບປະມານແຫ່ງລັດ 6 ເດືອນຕົ້ນປີ 2026: ດ້ານວຽກງານວິຊາສະເພາະແຜນລາຍຮັບທັງໝົດ 8,237,330,000 ກີບ. ໃນນັ້ນສ່ວຍສາອາກອນ 7,937,330,000 ກີບ, ຊັບສິນ 300,000,000 ກີບ. ປະຕິບັດລາຍຮັບທັງໝົດ 6 ເດືອນ 5,560,065,899 ກີບ ເທົ່າກັບ 67,50% ຂອງແຜນການປີ, ຖ້າທຽບໃສ່ໄລຍະດຽວກັນ ເພີ່ມຂຶ້ນ 805,944,190 ກີບ ເທົ່າກັບ 16,95%. ໃນນັ້ນສ່ວຍສາອາກອນ 5,219,758,674 ກີບ ເທົ່າກັບ 65,76% ຂອງແຜນການປີ, ຊັບສິນ 340,307,225 ກີບ ເທົ່າກັບ 113.44% ຂອງແຜນການປີ. ລາຍຮັບຊ່ວຍແຂວງໄດ້ແບ່ງຂັ້ນຄຸ້ມຄອງດັ່ງນີ້: ຂັ້ນເມືອງຄຸ້ມຄອງ ແຜນ 6,703,500,000 ກີບ ປະຕິບັດໄດ້ 4,711,543,739 ກີບ ເທົ່າກັບ 70,28%, ຂັ້ນບ້ານຄຸ້ມຄອງ ແຜນ 501,500,000 ກີບ ປະຕິບັດໄດ້ 142,380,160 ກີບ ເທົ່າກັບ 28,35%, ດ້ານລາຍຈ່າຍ ແຜນລາຍຈ່າຍທັງໝົດ 3,684,050,000 ກີບ. ໃນນີ້ຈ່າຍເງິນບໍລິຫານ3,104,100,000 ກີບ. ເງິນດັດສົມ ແລະ ສົ່ງເສີມ 579,950,000 ກີບ ປະຕິບັດລາຍຈ່າຍ 6 ເດືອນໄດ້ທັງໝົດ 1,453,323,450 ກີບ ເທົ່າກັບ 39,45% ຂອງແຜນການປີ, ຖ້າທຽບໃສ່ໄລຍະດຽວກັບເພີ່ມຂຶ້ນ 156,119,850 ກີບ ເທົ່າກັບ 12,03% ໃນນັ້ນ ເງິນບໍລິຫານ 1,227,608,000 ກີບ ເທົ່າກັບ 39,55% ຂອງແຜນການປີ, ເງິນດັດສົມ 225,715,450 ກີບ ເທົ່າກັບ 38,92% ຂອງແຜນການປີ, ທິດທາງແຜນຄາດຄະເນ 6 ເດືອນທ້າຍປີ 2026 ດ້ານລາຍຮັບ ແຜນຄາດຄະເນ 2,739,400,000 ກີບ ໃນນັ້ນ, ສ່ວຍສາອາກອນ 2,564,400,000 ກີບ,ຊັບສິນ 175,000,000 ກີບ, ດ້ານລາຍຈ່າຍ ຄາດຄະເນ 2,230,726,550 ກີບ. ໃນນັ້ນເງິນບໍລິຫານ 1,876,492,000 ກີບ ເງິນດັດສົມ 354,234,550 ກີບ. ໃນວາລະກອງປະຊຸມບັນດາຂະແໜງການຕ່າງໆ ກໍໄດ້ພ້ອມກັນປະກອບຄຳຄິດເຫັນຢ່າງກົງໄປກົງມາ ເພື່ອຊອກໃຫ້ເຫັນຈຸດດີ, ຂໍ້ຄົງຄ້າງ ເພື່ອພ້ອມກັນປັບປຸງແກ້ໄຂໃນຕໍ່ໜ້າ. ໂດຍ: ອິນແປງ ແຫວນຄຳ
ຄໍາເຫັນ