ພ້ອມຮຽກຮ້ອງໃຫ້ປະເທດສະມາຊິກກຳກັບເບິ່ງແຍງໃຫ້ມະນຸດເປັນຫົວໃຈສຳຄັນຂອງລະບົບການສຶກສາ.
ທ່ານ ອັນໂຕນິໂອ ກຣູເຕີເຣສ ກ່າວໃນວັນ 24 ມັງກອນ ຜ່ານມາ ຊຶ່ງເປັນວັນການສຶກສາສາກົນ ວ່າ: ຄວາມກ້າວໜ້າທາງດ້ານເຕັກໂນໂລຊີຢ່າງໄວວາໃນຍຸກປັດຈຸບັນເຊັ່ນ: ປັນຍາປະດິດມີທ່າແຮງອັນໃຫຍ່ຫຼວງທີ່ຈະສະໜັບສະໜູນນັກຮຽນທຸກເພດໄວຕະຫຼອດເສັ້ນທາງການຮຽນຮູ້ຂອງພວກເຂົາເຈົ້າ.
ຢ່າງໃດກໍຕາມ, ຜົນໄດ້ຮັບອັນໃຫຍ່ຫຼວງເຫຼົ່ານີ້ຍັງມາພ້ອມກັບຄວາມສ່ຽງທີ່ໜ້າເປັນຫ່ວງເຊັ່ນດຽວກັນ. ເນື່ອງຈາກລະບົບຂັບເຄື່ອນດ້ວຍAI ທີ່ມີຄວາມສາມາດເພີ່ມຂຶ້ນເຮັດໃຫ້ຄວາມຕັ້ງໃຈຂອງມະນຸດແລະຜົນໄດ້ຮັບຂອງເຄື່ອງຈັກຂັດແຍ່ງກັນ.
ວັນການສຶກສາສາກົນຂອງປີນີ້, ເນັ້ນເຕືອນໃຫ້ຄຳນຶງເຖິງການປົດລັອກທ່າແຮງຂອງ AI ຕ້ອງໄປຄຽງຄູ່ກັບການຮັກສາບົດບາດ ແລະ ສິດທິມະນຸດ ໃຫ້ເປັນຈຸດໃຈກາງສຳຄັນຂອງເຕັກໂນໂລຊີທີ່ພັດທະນາຢ່າງໄວວານີ້.
ທ່ານ ອັນໂຕນິໂອ ກຣູເຕີເຣສເນັ້ນໜັກວ່າ:AI ຈະຕ້ອງບໍ່ທົດແທນອົງປະກອບການຮຽນຮູ້ທີ່ສໍາຄັນຂອງມະນຸດ ແລະ ຊຸກຍູ້ໃຫ້ທຸກພາກສ່ວນຮ່ວມແຮງຮ່ວມໃຈຮັກສາຄວາມເປັນມະນຸດສະທຳໃຫ້ເປັນໃຈກາງຂອງລະບົບການສຶກສາຢູ່ທົ່ວທຸກແຫ່ງ.
ຄໍາເຫັນ