ຂ່າວສານຊີອາໄອລາຍງານ ເມື່ອວັນທີ 2 ມັງກອນທີ່ຜ່ານມານີ້, ອົງການສະຖິຕິສູນກາງອິນໂດເນເຊຍໄດ້ອອກປະກາດຂ່າວວ່າຕະຫຼອດປີ 2023 ອັດຕາເງິນເຟີ້ຂອງອິນໂດເນເຊຍແມ່ນ 2,61%, ຍັງຢູ່ໃນຂອບເຂດເປົ້າໝາຍຄື 2% – 4% ທີ່ທະນາຄານກາງອິນໂດເນເຊຍກຳນົດໄວ້. ຂໍ້ມູນສະແດງໃຫ້ເຫັນວ່າ, ລາຄາອາຫານໄດ້ຖີບໂຕສູງຂຶ້ນເປັນແຮງຊຸກຍູ້ຕົ້ນຕໍຂອງໄພເງິນເຟີ້. ນອກນີ້, ລາຄານ້ຳມັນເຊື້ອໄຟກໍສູງຂຶ້ນເຮັດໃຫ້ຕົ້ນທຶນການຂົນສົ່ງເພີ່ມສູງຂຶ້ນສ້າງຜົນກະທົບຕໍ່ໄພເງິນເຟີ້ເຊັ່ນກັນ. ອົງການດັ່ງກ່າວຄາດຄະເນວ່າ, ອັດຕາເງິນເຟີ້ຂອງອິນໂດເນເຊຍໃນປີ 2024 ຈະຮັກສາໄວ້ໃນຂອບເຂດລະຫວ່າງ 2% – 4%.
ປະຊາກອນເສືອມາເລ ເລີ່ມຟື້ນຕົວຫຼັງຈາກມາເລເຊຍເພີ່ມຄວາມພະຍາຍາມອະນຸລັກ
ສຳນັກຂ່າວສານຊິນຮວາລາຍງານໃນວັນທີ 30 ກັນຍາ ຜ່ານມາວ່າ: ກະຊວງຊັບພະຍາກອນທຳມະຊາດ ແລະ ຄວາມຍືນຍົງດ້ານສິ່ງແວດລ້ອມຂອງມາເລເຊຍ ໄດ້ເປີດເຜີຍວ່າ, ໂຄງການອະນຸລັກຟື້ນຟູປະຊາກອນເສືອມາເລໄດ້ບັນລຸຜົນໃນທາງບວກ ຫຼັງຈາກມາເລເຊຍດຳເນີນມາດຕະການຫຼາຍຢ່າງຕັ້ງແຕ່ປີ 2021 ເຊັ່ນ: ການຍົກລະດັບການບັງຄັບໃຊ້ກົດໝາຍເພື່ອປາບປາມການຄ້າຂາຍສັດປ່າ, ພ້ອມທັງການຕິດຕາມກວດກາ ແລະ ຟື້ນຟູປະຊາກອນເສືອ ແລະ ສັດປ່າ.
ຄໍາເຫັນ