ອາຊຽນ ຊຸກຍູ້ການຄ້າພາຍໃນພາກພື້ນ ແລະ ການຮ່ວມມືກັບບັນດາຄູ່ຮ່ວມມືທີ່ເປັນມິດ

ອາຊຽນ ຊຸກຍູ້ການຄ້າພາຍໃນພາກພື້ນ ແລະ ການຮ່ວມມືກັບບັນດາຄູ່ຮ່ວມມືທີ່ເປັນມິດ

11:48 15/07/2025

ຂ່າວຕ່າງປະເທດລາຍງານໃນທ້າຍອາທິດຜ່ານມາວ່າ: ຖະແຫຼງການຮ່ວມຈາກກອງປະຊຸມລັດຖະມົນຕີການຕ່າງປະເທດອາຊຽນຄັ້ງທີ 58 ທີ່ນຳອອກມາເຜີຍແຜ່ຫວ່າງມໍ່ໆມານີ້ວ່າ: ການຊຸກຍູ້ການຄ້າພາຍໃນພາກພື້ນ, ການຮ່ວມມືກັບບັນດາຄູ່ຮ່ວມມືທີ່ມິດ ແລະ ຍາດແຍ່ງເອົາຄວາມໄດ້ປຽບຂອງສັນຍາຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP) ໃນລະດັບສູງສຸດເປັນຍຸດທະສາດທີ່ບັນດາປະເທດອາຊຽນຈະປະຕິບັດ ເພື່ອຮັບມືກັບຜົນກະທົບທາງລົບຈາກຄວາມເຄັ່ງຕຶງດ້ານການຄ້າ.

ບັນດາລັດຖະມົນຕີການຕ່າງປະເທດອາຊຽນ ເນັ້ນໜັກເຖິງຄວາມສຳຄັນຂອງລະບົບການຄ້າຫຼາຍຝ່າຍທີ່ສາມາດຄາດຄະເນໄດ້, ໂປ່ງໃສ, ຮອບດ້ານ, ເສລີ, ຍຸຕິທຳ, ຍືນຍົງ ແລະ ມີກົດລະບຽບ, ໂດຍມີອົງການການຄ້າໂລກ (WTO) ເປັນຫຼັກ, ພ້ອມທັງໃຫ້ຄຳໝັ້ນສັນຍາຈະສົມທົບກັນຢ່າງຕັ້ງໜ້າກັບບັນດາຄູ່ຮ່ວມມືເພື່ອບັນລຸໄດ້ໝາກຜົນດັ່ງກ່າວ. ຫວ່າງມໍ່ໆນີ້, ບັນດາລັດຖະມົນຕີເສດຖະກິດອາຊຽນ ໄດ້ປຶກສາຫາລືກັບບັນດາຄູ່ຮ່ວມມືພາຍນອກ, ໃນນັ້ນມີ ອົສຕຣາລີ, ຈີນ, ຍີ່ປຸ່ນ ແລະ ນູແວນເຊລັງ ກ່ຽວກັບການພັດທະນາເສດຖະກິດໃນພາກພື້ນ ແລະ ໃນທົ່ວໂລກ.

ບັນດາລັດຖະມົນຕີການຕ່າງປະເທດອາຊຽນ ໃຫ້ຄຳໝັ້ນສັນຍາຈະເສີມຂະຫຍາຍກຳລັງແຮງ ແລະ ຄວາມສາມາດແກ້ງແຍ້ງຂອງພາກພື້ນ ໂດຍຜ່ານການປັບປຸງສັນຍາການຄ້າສິນຄ້າຂອງອາຊຽນ (ATIGA), ສະຫຼຸບການເຈລະຈາກ່ຽວກັບສັນຍາເສດຖະກິດດີຈີຕອນຂອງອາຊຽນ (DEFA) ເພື່ອສະໜັບສະໜູນການຫັນເປັນດີຈີຕອນ, ເພີ່ມທະວີການພົວພັນຮ່ວມມື ແລະ ເປີດກວ້າງກາລະໂອກາດທາງເສດຖະກິດໃໝ່ໆ, ດຳເນີນການ ຫຼື ຍົກລະດັບບັນດາສັນຍາການຄ້າເສລີ (FTAs) ກັບບັນດາຄູ່ຮ່ວມມືພາຍນອກ ແລະ ສ້າງຜົນປະໂຫຍດສູງສຸດຂອງສັນຍາຄູ່ຮ່ວມມືເສດຖະກິດຮອບດ້ານລະດັບພາກພື້ນ.

ນອກນີ້, ບັນດາປະເທດອາຊຽນພວມຕິດຕາມຢ່າງໃກ້ຊິດກ່ຽວກັບຄວາມສ່ຽງທີ່ເກີດຈາກມາດຕະການເກັບພາສີຝ່າຍດຽວ ຊຶ່ງມີທ່າອ່ຽງສົ່ງຜົນກະທົບຕໍ່ສະຖຽນລະພາບ ແລະ ການເຕີບໂຕທາງເສດຖະກິດຂອງອາຊຽນ. ພ້ອມກັນນັ້ນ, ບັນດາປະເທດອາຊຽນໃຫ້ຄວາມສຳຄັນຕໍ່ການເຈລະຈາຂອບເຂດການຄ້າເສລີຈີນ-ອາຊຽນ Version 3.0 ຊຶ່ງຄາດວ່າຈະມີບົດບາດສຳຄັນໃນການຊ່ວຍເຫຼືອອາຊຽນ ແລະ ຈີນ ຮັບມືກັບສິ່ງທ້າທາຍດ້ານເສດຖະກິດທີ່ເກີດຂຶ້ນໃໝ່ ແລະ ການປະຕິບັດການຄ້າທີ່ທັນສະໄໝ.

ທັງນີ້, ຖະແຫຼງການຮ່ວມນີ້ຍັງໄດ້ເຜີຍແຜ່ໃນກອງປະຊຸມລັດຖະມົນຕີການຕ່າງປະເທດອາຊຽນຄັ້ງທີ 58 ແລະ ກອງປະຊຸມທີ່ກ່ຽວຂ້ອງທີ່ຈັດຂຶ້ນຢູ່ນະຄອນຫຼວງກົວລາລຳເປີ ຂອງມາເລເຊຍ ໃນວັນທີ 8 ຫາ 11 ກໍລະກົດ ຜ່ານມາ.

ຄໍາເຫັນ

ຂ່າວຕ່າງປະເທດ

ນູແວນເຊລັງ ຈະຂະຫຍາຍຕະຫຼາດການສຶກສາ 2 ເທົ່າພາຍໃນ 10 ປີ

15/07/2025 11:49

ຂ່າວຕ່າງປະເທດລາຍງານວ່າ: ໃນວັນທີ 14 ກໍລະກົດ ຜ່ານມາ, ທ່ານນາງ ເອຣິກາ ສະແຕນຟອຣດ ລັດຖະມົນຕີກະຊວງສຶກສາ ຂອງນູແວນເຊລັງ ກ່າວໃນຖະແຫຼງການວ່າ: ດ້ວຍຈໍານວນນັກສຶກສາຕ່າງປະເທດທີ່ເພີ່ມຂຶ້ນຢ່າງຕໍ່ເນື່ອງນັບຕັ້ງແຕ່ປີ 2023, "ລັດຖະບານຈຶ່ງຕ້ອງການເລັ່ງການເຕີບໂຕດັ່ງກ່າວ”.

ເສດຖະກິດສິງກະໂປ ເຕີບໂຕ 4.3% ໃນໄຕມາດທີສອງ

15/07/2025 11:47

ຂ່າວຕ່າງປະເທດລາຍງານ ໃນວັນທີ 14 ກໍລະກົດ ຜ່ານມາວ່າ: ກະຊວງການຄ້າ ແລະ ອຸດສາຫະກຳ ຂອງສິງກະໂປ ລາຍງານການຄາດຄະເນໂຕເລກເບື້ອງຕົ້ນວ່າ, ລວມຍອດຜະລິດຕະພັນພາຍໃນປະເທດ (GDP) ໃນໄຕມາດທີສອງ (ເມສາ - ມິຖຸນາ) ຂອງປີ 2025, ເພີ່ມຂຶ້ນ 4,3% ເມື່ອທຽບໃສ່ໄລຍະດຽວກັນຂອງປີກາຍ ຊຶ່ງສູງກວ່າການເຕີບໂຕ 4.1% ໃນໄຕມາດທຳອິດ.

ສຸສານລາຊະວົງເຊ້ຍຕາເວັນຕົກ ຖືກຈັດເຂົ້າໃນລາຍຊື່ມໍລະດົກໂລກ

15/07/2025 11:46

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ກອງປະຊຸມມໍລະດົກໂລກຄັ້ງທີ 47 ຂອງອົງການສຶກສາ,ວິທະຍາສາດ ແລະ ວັດທະນະທຳສະຫະປະຊາຊາດ ຫຼື UNESCO ທີ່ຈັດຂຶ້ນຢູ່ນະຄອນຫຼວງປາຣີ ປະເທດຝຣັ່ງ ໄດ້ຮັບຮອງເອົາມະຕິ ໂດຍຈັດເອົາສຸສານລາຊະວົງເຊ້ຍຕາເວັນຕົກທີ່ຈີນຮ້ອງຂໍຂຶ້ນທະບຽນເຂົ້າໃນ “ລາຍຊື່ມໍລະດົກໂລກ”.ມາຮອດປັດຈຸບັນ, ຈຳນວນມໍລະດົກໂລກຂອງຈີນໄດ້ບັນລຸເຖິງ 60 ລາຍການ.

ວິທະຍາສາດ ແລະ ການຫັນເປັນດີຈີຕອນ ປະກອບສ່ວນ 5% ໃນການເຕີບໂຕເສດຖະກິດຫວຽດນາມ

15/07/2025 11:45

ວິທະຍຸກະຈາຍສຽງຫວຽດນາມລາຍງານ ຫວ່າງມໍ່ໆມານີ້ວ່າ: ເມື່ອຫວຽດນາມວາງເປົ້າໝາຍການເຕີບໂຕເສດຖະກິດບັນລຸລະດັບສອງຕົວເລກນັ້ນ, ວິທະຍະສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນຕ້ອງປະກອບສ່ວນ 5% ເຂົ້າໃນການເຕີບໂຕເສດຖະກິດ.

ເຕັກໂນໂລຊີຈີນ ພວມໄດ້ຮັບຄວາມນິຍົມຈາກວິສາຫະກິດລົດໃນທົ່ວໂລກ

15/07/2025 10:27

ຫວ່າງບໍ່ດົນມານີ້, ບໍລິສັດ XIAOPENG ຊຶ່ງເປັນບໍລິສັດຜະລິດລົດຂອງຈີນປະກາດວ່າໄດ້ຄົ້ນຄວ້າຜະລິດແຜ່ນຊິບຂັບລົດແບບອັດຕະໂນມັດທີ່ມີສະມັດຖະພາບສູງ, ກຸ່ມບໍລິສັດໂວນສະວາເກິນຂອງເຢຍລະມັນອາດຈະຈັດຊື້ແຜ່ນຊິບຊຸດທຳອິດຈາກບໍລິສັດຕົນ. ນອກນີ້, ບໍລິສັດອໍດີໄດ້ໂຄສະນາຂາຍລົດລຸ້ນ A5L ຂອງຕົນທີ່ຈະປ້ອນເຂົ້າຕະຫຼາດໃນໄວໆນີ້, “ລະບົບຂັບລົດອັດສະລິຍະສຽນຄຸນຂອງບໍລິສັດຫົວເຫວີຍ” ໃນແຜ່ນປ້າຍໂຄສະນາ ຫຼື ໂປສະເຕີ ໄດ້ກາຍເປັນຈຸດເດັ່ນທີ່ດຶງດູດລູກຄ້າ… ປັດຈຸບັນ, ອຸດສາຫະກຳລົດໃນທົ່ວໂລກພວມເກີດມີການປະຕິວັດຄັ້ງປະຫວັດສາດ, ຄວາມເປັນຜູ້ນຳດ້ານເຕັກໂນໂລຊີລົດໃນທົ່ວໂລກພວມຍົກຍ້າຍຈາກຕາເວັນຕົກມາຫາຕາເວັນອອກ, ເຕັກໂນໂລຊີຈີນພວມໄດ້ຮັບຄວາມນິຍົມຊົມຊອບຈາກວິສາຫະກິດລົດໃນທົ່ວໂລກນັບມື້ນັບຫຼາຍຂຶ້ນ.

ສະຫະພັນເຂົ້າມຽນມາ ວາງແຜນຈະນຳໃຊ້ພະລັງງານແສງຕາເວັນ ໃນໂຮງສີເຂົ້າ

14/07/2025 12:52

ຂ່າວຕ່າງປະເທດລາຍງານ ຫວ່າງມໍ່ໆມານີ້; ທ່ານ ອູເຍມິນອອງ ປະທານສະຫະພັນເຂົ້າມຽນມາ ເປີດເຜີຍວ່າ: ສະຫະພັນເຂົ້າວາງແຜນທີ່ຈະໃຊ້ພະລັງງານແສງຕາເວັນໃນໂຮງສີເຂົ້າສຳລັບຜະລິດເຂົ້າເພື່ອສົ່ງອອກ.

3 ອະນຸສອນສະຖານຂອງກຳປູເຈຍ ໄດ້ເຂົ້າເປັນມໍລະດົກໂລກ

14/07/2025 12:51

ຂ່າວຕ່າງປະເທດລາຍງານໃນທ້າຍອາທິດ ຜ່ານມານີ້ວ່າ: ຖະແຫຼງການຈາກກະຊວງວັດທະນະທຳແລະ ວິຈິດສິນຂອງກຳປູເຈຍ ລະບຸວ່າ: ອະນຸສອນສະຖານຂອງກຳປູເຈຍ (The Cambodian Memorial Sites) ໄດ້ຮັບການຂຶ້ນທະບຽນເປັນມໍລະດົກໂລກ ຂອງອົງການ UNESCO ໃນລະຫວ່າງກອງປະຊຸມຄັ້ງທີ 47 ຂອງຄະນະກຳມະການມໍລະດົກໂລກຂອງອົງການ UNESCO ທີ່ນະຄອນຫຼວງປາຣີ ປະເທດຝຣັ່ງ. ໂດຍການຂຶ້ນທະບຽນຄັ້ງນີ້ເຮັດໃຫ້ກຳປູເຈຍມີຈໍານວນແຫຼ່ງມໍລະດົກໂລກເພີ່ມຂຶ້ນເປັນ 5 ແຫ່ງ.

ລັດຖະບານຍີ່ປຸ່ນ ສົ່ງເສີມການນຳໃຊ້ AI

14/07/2025 12:50

ຂ່າວຕ່າງປະເທດລາຍງານວ່າ: ກະຊວງປ້ອງກັນຄວາມສະຫງົບ ຍີ່ປຸ່ນ ເປີດເຜີຍວ່າ, ຊາວຍີ່ປຸ່ນຍັງຊັກຊ້າໃນການນຳໃຊ້ Generative AI ແລະ ຊຸກຍູ້ໃຫ້ພົນລະເມືອງຝຶກນຳໃຊ້ AI ໃນຊີວິດປະຈຳວັນຫຼາຍຂຶ້ນ.

ນາຍົກຫວຽດນາມ ປະຊຸມກັບການນຳບັນດາແຂວງເຂດທົ່ງພຽງແມ່ນ້ຳຂອງທາງພາກໃຕ້

14/07/2025 12:48

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 13 ກໍລະກົດ ຜ່ານມາ ຢູ່ນະຄອນເກີ່ນເທີ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ເປັນປະທານກອງປະຊຸມກັບການນຳບັນດາແຂວງ, ນະຄອນ ກ່ຽວກັບສະພາບການປະຕິບັດຮູບແບບອຳນາດການປົກຄອງທ້ອງຖິ່ນ 2 ຂັ້ນ; ຄວາມຄືບໜ້າການຜັນຂະຫຍາຍບັນດາໂຄງການຄົມມະນາຄົມຈຸດສຸມ ແລະ ແຜນຮ່າງພັດທະນາເຂດປູກເຂົ້າ 1 ລ້ານເຮັກຕາ ທີ່ບັນລຸຄຸນນະພາບສູງຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ. ນີ້ແມ່ນກອງປະຊຸມຄັ້ງທຳອິດຂອງທ່ານນາຍົກລັດຖະມົນຕີ ກັບເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ນັບແຕ່ສັບຊ້ອນຄືນບັນດາແຂວງ, ນະຄອນ ແລະ ຜັນຂະຫຍາຍຮູບແບບອຳນາດການປົກຄອງທ້ອງຖິ່ນ 2 ຂັ້ນ ແຕ່ວັນທີ 1 ກໍລະກົດ 2025 ເປັນຕົ້ນມາ.

ຍ້ອນຫຍັງໂລກຈຶ່ງຕ້ອງການຈິດໃຈການຮ່ວມມືແຫ່ງ “ບຣິກສໃຫຍ່”?

13/07/2025 08:31

ກອງປະຊຸມພົບປະຄັ້ງທີ 17 ຂອງຜູ້ນຳປະເທດສະມາຊິກບຣິກສ ໄດ້ຈັດຂຶ້ນຢູ່ນະຄອນຣີໂອເດີຈາເນໂຣ ປະເທດບຣາຊິນ ໃນລະຫວ່າງວັນທີ 6-7 ກໍລະກົດ ຜ່ານມາ. ນີ້ເປັນກອງປະຊຸມຄົບຄະນະ “11+10” ຄັ້ງທຳອິດຂອງວົງຄະນາຍາດໃຫຍ່ບຣິກສຫຼັງຈາກອິນໂດເນເຊຍເຂົ້າເປັນສະມາຊິກບຣິກສໃນເດືອນມັງກອນ ແລະ ຫວຽດນາມ ເຂົ້າເປັນປະເທດຄູ່ຮ່ວມໃນເດືອນມິຖຸນາປີນີ້.

ເພີ່ມເຕີມ