ນັບແຕ່ຕົ້ນປີມານີ້, ຄຽງຄູ່ກັບລະຄອນໂທລະພາບເລື່ອງ “Blossoms Shanghai” ກຳກັບໂດຍ ທ່ານ ວົງກາວາຍ (Kar-WaiWong) ຜູ້ກຳກັບທີ່ມີຊື່ສຽງຂອງຮົງກົງ ຈີນ ແລະ ມີເນື້ອໃນກ່ຽວກັບຊີວິດໃນເມືອງຂອງນະຄອນຊຽງໄຮ້ໃນຊຸມປີ 1990, ໄດ້ອອກອາກາດທາງຊ່ອງໂທລະພາບຕ່າງໆຂອງຈີນ, ຄົນທັງຫຼາຍ ໄດ້ສົນໃຈນຳພູມສາດ, ວັດທະນະທຳ ແລະ ປະຫວັດສາດ ຂອງນະຄອນຊຽງໄຮ້ ນັບມື້ນັບຫຼາຍຂຶ້ນ. ຈາກຖະໜົນໃນເມືອງ ຈົນເຖິງສູນຖ່າຍທຳຮູບເງົາ ແລະ ໂທລະພາບ, ຈາກຮ້ານອາຫານຕ່າງໆ ຈົນເຖິງຫໍວິຈິດສິນເຫຼົ່ານີ້ເປັນຕົ້ນ, ປະຊາຊົນ ແລະ ນັກທ່ອງທ່ຽວທັງຫຼາຍ ໄດ້ພາກັນໄປທ່ຽວແຫ່ງຕ່າງໆ ທີ່ໄດ້ຖ່າຍທຳໃນລະຄອນໂທລະພາບຕາມໆກັນ.
ອາຫານທີ່ແຊບຊ້ອຍ ທີ່ສະແດງອອກໃນເລື່ອງ “Blossoms Shanghai” ເຊັ່ນ: ເຂົ້າໜົມກະດູກຂ້າງໝູ ທີ່ນາງສາວວາງ ມັກທີ່ສຸດ, ພ້ອມທັງຈືນປາເຫຼືອງ, ເຂົ້າປຽກເຂົ້າ, ຕີນໄກ່, ຈືນເຂົ້າໜົມໃສ້ຜັກກາດຫົວ ເປັນຕົ້ນ ລ້ວນແຕ່ໄດ້ຮັບຄວາມນິຍົມຊົມຊອບ ຈາກນັກທ່ອງທ່ຽວທີ່ມາຈາກແຫ່ງຕ່າງໆ. ໂຕເລກຂໍ້ມູນກ່ຽວກັບການຂາຍອາຫານຂອງ Meituan ສະແດງໃຫ້ເຫັນວ່າ: ນັບແຕ່ສາຍລະຄອນໂທລະພາບເລື່ອງ “Blossoms Shanghai” ເປັນຕົ້ນມາ, ຈຳນວນລູກຄ້າທີ່ສັ່ງຊື້ອາຫານຊຽງໄຮ້ ທີ່ໄດ້ສະແດງອອກໃນລະຄອນຕາມແອັບ Meituan ລ້ວນແຕ່ໄດ້ເພີ່ມຂຶ້ນໃນລະດັບຕ່າງກັນ. ໃນນັ້ນ, ການຄົ້ນຫາເຂົ້າໜົມກະດູກຂ້າງໝູຢູ່ຕາມອິນເຕີເນັດໄດ້ເພີ່ມຂຶ້ນ 10 ເທົ່າ, ຍອດສັ່ງຊື້ອາຫານທາງອິນເຕີເນັດໄດ້ເພີ່ມຂຶ້ນ 300% ເມື່ອທຽບໃສ່ອາທິດຜ່ານມາ. ສ່ວນໂຮງແຮມສັນຕິພາບ ແລະ ຮ້ານອາຫານຖາຍເຊິ້ງຢວນ ທີ່ໄດ້ສະແດງອອກໃນລະຄອນລ້ວນແຕ່ໄດ້ຂາຍຊຸດອາຫານສ້າງສັນທີ່ສົມທົບກັບ “Blossoms Shanghai” ໄດ້ກາຍເປັນຫົວຂໍ້ເດັ່ນໃນສື່ສັງຄົມອອນລາຍ.
ໃນຂະນະດຽວກັນ, ມີລູກຄ້າຫຼາຍຄົນ ໄດ້ແບ່ງປັນເຄັດລັບກ່ຽວກັບລະຄອນໂທລະພາບເລື່ອງ “Blossoms Shanghai” ຢູ່ຕາມແອັບ Dianping, ຈຳນວນບົດບັນທຶກແບ່ງປັນຄວາມຮູ້ສຶກທີ່ກ່ຽວຂ້ອງ ໄດ້ເພີ່ມຂຶ້ນ 540%. ນອກນີ້, ມີເຈົ້າຂອງຮ້ານຈຳນວນໜຶ່ງ ໄດ້ຂີດໝາຍເສັ້ນທາງທ່ອງທ່ຽວໃນຕົວເມືອງຊຽງໄຮ້ ທີ່ກ່ຽວຂ້ອງກັບລະຄອນ, ສາມາດໄປທ່ຽວຖະໜົນຮວງເຫີ, ໂຮງແຮມສັນຕິພາບ ເປັນຕົ້ນ ພ້ອມທັງໄດ້ມີ ການອະທິບາຍດ້ວຍພາສາຈີນກາງ ແລະ ພາສາຊຽງໄຮ້ ຊຶ່ງກໍໄດ້ຮັບຄວາມນິຍົມຊົມຊອບຈາກນັກທ່ອງທ່ຽວຫຼາຍ.
ທ່ານ ເວີ້ຍສຽວອ່ານ (Wei Xiao’an) ຫົວໜ້າຜູ້ຊ່ຽວຊານສະມາຄົມຕົວເມືອງທ່ອງທ່ຽວໂລກ ປະທານສະມາຄົມທ່ອງທ່ຽວຈີນ ສາຂາການພັກຜ່ອນຢ່ອນໃຈ ເຫັນວ່າ: “Blossoms Shanghai” ຫາກໍມີຜົນສະທ້ອນເກີດຂຶ້ນໃນເບື້ອງຕົ້ນ, ຊຽງໄຮ້ຈະກາຍເປັນຕົວເມືອງທ່ອງທ່ຽວທີ່ໄດ້ຮັບຄວາມນິຍົມຊົມຊອບຫຼາຍໃນໄລຍະຕໍ່ໜ້າ, ອາຫານຊຽງໄຮ້ ກໍຈະໄດ້ຮັບຄວາມນິຍົມຊົມຊອບເຊັ່ນກັນ ຊຶ່ງສະພາບການແບບນີ້ຈະເກີດຂຶ້ນໃນໄລຍະພັກບຸນກຸດຈີນ ທີ່ເປັນເວລາ 9 ວັນໃນໄວໆນີ້.
ແຫຼ່ງຂ່າວ: ໜັງສືພິມໄວໜຸ່ມຈີນ, ໜັງສືພິມການທະນາຄານ ແລະ ການລົງທຶນ
ຄໍາເຫັນ