ບໍລິຄຳໄຊ ສ້າງຄວາມຫຼາກຫຼາຍທາງດ້ານເສດຖະກິດເພື່ອຄວາມເຂັ້ມແຂງ ແລະ ໝັ້ນທ່ຽງ

ບໍລິຄຳໄຊ ສ້າງຄວາມຫຼາກຫຼາຍທາງດ້ານເສດຖະກິດເພື່ອຄວາມເຂັ້ມແຂງ ແລະ ໝັ້ນທ່ຽງ
ແຂວງບໍລິຄຳໄຊ ໄດ້ເອົາໃຈໃສ່ສ້າງຄວາມຫຼາກຫຼາຍທາງດ້ານເສດຖະກິດເພື່ອຄວາມເຂັ້ມແຂງ ແລະ ໝັ້ນທ່ຽງເພື່ອຫຼຸດຜ່ອນຄວາມບອບບາງດ້ານເສດຖະກິດ ໂດຍສະເພາະຜົນກະທົບທີ່ມາຈາກການປ່ຽນແປງຂອງສະພາບ
ແວດລ້ອມພາຍໃນ ແລະ ພາຍນອກ; ພວກເຮົາສຸມໃສ່ການຜະລິດກະສິກຳ ແລະ ອາຫານສະອາດ ເບິ່ງແລ້ວ
ແຂວງບໍລິຄຳໄຊພວກເຮົາມີທ່າແຮງຫຼາຍພໍສົມຄວນ ໂດຍສະເພາະທີ່ຕັ້ງພູມສັນຖານ ແລະ ສະພາບແວດລ້ອມທີ່
ສະອາດ ເປັນຕົ້ນຜະລິດພືດຜັກ ແລະ ໝາກໄມ້ປອດສານພິດ ຊຶ່ງຍັງມີໂອກາດສູງໃນການແຂ່ງຂັນ; ແຕ່ສິ່ງທ້າທາຍ
ແມ່ນການຄຸ້ມຄອງນໍາໃຊ້ສານເຄມີ ຫຼືການປູກຝັງທີ່ທໍາລາຍສິ່ງແວດລ້ອມ.
    ໃນໄລຍະຜ່ານມາ ກະສິກຳມີການຂະຫຍາຍຕົວ ຍ້ອນການຂະຫຍາຍເນື້ອທີ່ປູກຝັງ ແຕ່ບໍ່ແມ່ນການເພີ່ມຂຶ້ນຂອງສະມັດຖະພາບການຜະລິດ ຫຼືຕົ້ນທຶນການຜະລິດຕໍ່າ, ຂໍ້ຈໍາກັດ ແລະ ຂໍ້ຫຍຸ້ງຍາກຫຼາຍຢ່າງເຮັດໃຫ້ການຜະລິດຂະແໜງກະສິກຳມີກຳໄລໜ້ອຍ, ຄວາມອຸດົມສົມບູນຂອງດິນປູກຝັງທີ່ຫຼຸດລົງ, ຄວາມຈໍາກັດໃນການເຂົ້າເຖິງຊົນລະປະທານ, ການນຳໃຊ້ເຕັກນິກວິທະຍາສາດ ແລະ ບັນຫາການຈັດສັນ-ຄຸ້ມຄອງທີ່ດິນທຳການຜະລິດ.
    ເພື່ອສ້າງຄວາມເຂັ້ມແຂງທາງດ້ານພື້ນຖານເສດຖະກິດ ແຂວງບໍລິຄຳໄຊໄດ້ເລັ່ງໃສ່ຊຸກຍູ້ບັນດາຈຸນລະວິສາຫະກິດ, ທຸລະກິດຂະໜາດນ້ອຍ, ກາງ (MSMEs) ໃຫ້ເຂົ້າເຖິງແຫຼ່ງທຶນ ແລະ ສົ່ງເສີມຜູ້ຜະລິດໃຫ້ເຂົ້າເຖິງຕະຫຼາດຢ່າງກວ້າງຂວາງ ເພື່ອຮັບປະກັນການເຕີບໂຕທີ່ຍືນຍົງ, ຮັບປະກັນສະຖຽນລະພາບດ້ານລາຄາ, ອັດຕາແລກປ່ຽນ, ອັດຕາເງິນເຟີ້ ແລະເງິນສະສົມ (Savings) ເພື່ອເປັນແຫຼ່ງທຶນໃນການພັດທະນາ; ລັດຖະບານໄດ້ສົ່ງເສີມການບໍລິໂພກພາກເອກະຊົນຢ່າງມີຄວາມຮັບຜິດຊອບ ຄຽງຄູ່ກັບການສົ່ງເສີມການລົງທຶນພາກເອກະຊົນໃນຂະແໜງກະສິກຳ, ອຸດສະຫະກຳປຸງແຕ່ງ ແລະ ການບໍລິການ ເພື່ອຂັບເຄື່ອນການເຕີບໂຕເສດຖະກິດ ແລະ ເພີ່ມທະວີການສົ່ງອອກ ດ້ວຍການປັບປຸງຄຸນນະພາບ ແລະ ຄວາມສາມາດແຂ່ງຂັນຂອງຜະລິດຕະພັນທີ່ເປັນທ່າແຮງ ແລະ ເອກະລັກ ພ້ອມທັງຂະຫຍາຍຄູ່ຮ່ວມມືດ້ານການຄ້າ ເພື່ອຂະຫຍາຍຕະຫຼາດສົ່ງອອກ, ຄົ້ນຄວ້າທ່າແຮງບົ່ມຊ້ອນຂອງສະມັດຖະພາບການຜະລິດດ້ວຍການສ້າງຄວາມເຂັ້ມແຂງການບໍລິການພາກລັດ ແລະ ປັບປຸງລະບຽບນິຕິກຳທີ່ສຳຄັນ ແລະ ຈຳເປັນ; ສົ່ງເສີມການຄົ້ນຄວ້າວິໄຈຢ່າງເປັນລະບົບ ໂດຍສະເພາະສຶກສາການສ້າງຄວາມຊໍານິຊໍານານໃນແຕ່ລະຂົງເຂດການຜະລິດຄຽງຄູ່ກັບການປະເມີນຜົນ ການຈັດຕັ້ງປະຕິບັດຕົວຈິງຂອງຫົວໜ່ວຍທຸລະກິດ ແລະ ຜູ້ປະກອບການ.
    ດ້ານງົບປະມານແຫ່ງລັດສູ້ຊົນການເກັບລາຍຮັບ: 5 ປີຄາດວ່າຈະບັນລຸ 3.460 ຕື້ກີບ, ຮັບປະກັນການຂາດດຸນງົບປະມານໃນແຕ່ລະປີໃຫ້ຢູ່ໃນລະດັບບໍ່ເກີນ 5% ຂອງ GPP. ໃນນັ້ນ; ຮັບຈາກອາກອນ (ອາກອນປົກກະຕິ, ສັບຊິນ, ທີ່ດິນ) 829ຕື້ກີບ, ພາສີ 2.630 ຕື້ກີບ; ເພີ່ມປະສິດທິພາບການຈັດເກັບລາຍຮັບ ໂດຍສົ່ງເສີມການຊຳລະຜ່ານທະນາຄານ, ສູ້ຊົນລະດົມແຫຼ່ງທຶນເພື່ອການພັດທະນາໃນ 5 ປີ ໃຫ້ກວມປະມານ 20% ຂອງ GPP, ໃນນັ້ນ
ໄດ້ເລືອກເຟັ້ນໂຄງການລົງທຶນທີ່ມີປະສິດທິພາບ ປະສິດທິຜົນທາງດ້ານເສດຖະກິດ-ສັງຄົມ, ຈຳກັດລາຍຈ່າຍງົບປະມານດ້ານການບໍລິຫານ ເນັ້ນໃສ່ແຕ່ລາຍຈ່າຍທີ່ຈໍາເປັນເທົ່ານັ້ນ ແລະໄປໃສ່ການລົງທຶນໃຫ້ມີປະສິດທິຜົນສູງ.
ຂ່າວ: ພູວັນ

ຄໍາເຫັນ

ຂ່າວເສດຖະກິດ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ ຢູ່ ລາວ ຄືນໃໝ່ ດ້ວຍມູນຄ່າ 492 ລ້ານໂດລາ. ໃນຕອນເຊົ້າຂອງວັນທີ 12 ຕຸລາຜ່ານມາ, ທີ່ເມືອງໜອງບົກ ແຂວງຄຳມ່ວນ, ກຸ່ມບໍລິສັດເຄມີແຫ່ງຊາດຫວຽດນາມ (Vinachem) ໂດຍຮ່ວມມືກັບ ບໍລິສັດຮຸ້ນສ່ວນລົງທຶນດ້ານພະລັງງານ ແລະ ບໍ່ແຮ່ຫວຽດນາມ, ໄດ້ຈັດພິທີລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ຄືນໃໝ່. ໂຄງການດັ່ງກ່າວ ມີເປົ້າໝາຍຈະນຳໂຮງງານ ຊຶ່ງຖືກອອກແບບໃຫ້ມີກຳລັງການຜະລິດ ໂປຕາສຊຽມ ຄລໍໄຣດ໌ (potassium chloride) 500,000 ໂຕນຕໍ່ປີ ເຂົ້າສູ່ຂະບວນການຜະລິດພາຍໃນ ປີ 2028.
ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ການຈັດຕັ້ງປະຕິບັດ ມະຕິກອງປະຊຸມໃຫຍ່ອົງຄະນະພັກເມືອງທ່າແຕງ ແຂວງ​ເຊກອງກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ (2025-2029) ເຫັນວ່າ ເສດຖະກິດເມືອງທ່າແຕງ ຍັງສືບຕໍ່ຂະຫຍາຍຕົວເພີ່ມຂຶ້ນ ສະເລ່ຍ 5.7%.
6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

ໃນ 6 ເດືອນ​ຕົ້ນ​ປີ 2026 ເສດ​ຖະ​ກິດ​ແຂວງ​ອັດ​ຕະ​ປື​ຂະ​ຫຍາຍ​ຕົວ 4.3%, ໃນ​ນັ້ນຂະ​ແໜງ​ກະ​ສິ​ກຳຂະ​ຫຍາຍ​ຕົວ 4.9% ກວມ 51% ຂອງ GDP, ຂະແໜງອຸດສາຫະກຳ ຂະຫຍາຍຕົວ 4.2% ກວມ 29%,ຂະແໜງບໍລິການ ຂະຫຍາຍຕົວ 3.7% ກວມ 17% ແລະ ຂະແໜງພາສີ-ອາກອນ ຂະຫຍາຍຕົວ 5.8%.
ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ດ້ວຍສັກກະຍະພາບດ້ານຊັບພະຍາກອນທາງທຳມະຊາດ ພູມສາດ ແລະ ສະພາບອາກາດທີ່ເອື້ອອຳນວຍ ເມືອງປ່າວຊານ ໄດ້ພັດທະນາອຸດສາຫະກຳກາເຟອາຣາບີກາໃຫ້ເຕີບໂຕຢ່າງຕໍ່ເນື່ອງ ແລະ ສ້າງມູນຄ່າເພີ່ມຕາມຫ່ວງໂຊ່ການຜະລິດ. “ກາເຟອາຣາບີກາປ່າວຊານ” ໄດ້ກາຍເປັນສິນຄ້າກະສິກຳຫຼັກຂອງພື້ນທີ່ ດ້ວຍຄຸນນະພາບມາດຕະຖານສູງ ແລະ ອັດຕະລັກດ້ານລົດຊາດທີ່ໂດດເດັ່ນ ໂດຍມີຈຸດເດັ່ນຄື “ບໍ່ສົ້ມ, ບໍ່ຮຶນ,ເຂັ້ມແຕ່ບໍ່ຂົມຫຼາຍ, ຫອມແບບທຳມະຊາດກິ່ນດອກໄມ້ອ່ອນໆ” ສະທ້ອນໃຫ້ເຫັນສັກກະຍະພາບການຜະລິດແລະ ການຄວບຄຸມຄຸນນະພາບຢ່າງເປັນລະບົບ.
ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ໃນໄລຍະ 6 ເດືອນຕົ້ນປີ 2026 ນີ້ເມືອງໄຊເສດຖາ, ແຂວງອັດຕະປື ມີມູນຄ່າການຈໍລະຈອນສິນຄ້າ 169 ຕື້ກີບ, ບັນລຸໄດ້ເກືອບ 100% ຂອງແຜນການປີ, ເຊິ່ງ ປັດຈຸບັນທົ່ວເມືອງ ມີຫົວໜ່ວຍທຸລະກິດທັງໝົດ 596 ຫົວໜ່ວຍ, ໃນນີ້ 6 ເດືອນຜ່ານມາ, ສາມາດຊຸກຍູ້ທຸລະກິດໃໝ່ເຂົ້າຈົດທະບຽນໄດ້ຕື່ມອີກ 22 ຫົວໜ່ວຍ ແລະ ຍັງມີຫົວໜ່ວຍທຸລະກິດນອກລະບົບ ບໍ່ມີທະບຽນວິສາຫະກິດ ເຖິງ 391 ຫົວໜ່ວຍ, ທີ່ຈະຕ້ອງໄດ້ເລັ່ງໃຫ້ໄດ້ຂຶ້ນທະບຽນຖືກຕ້ອງຕາມກົດໝາຍ.
6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

ໃນໄລຍະ 6 ເດືອນຕົ້ນປີ 2026 ແຂວງອັດຕະປື ມີອັດຕາການຂະຫຍາຍຕົວຂອງເສດຖະກິດ ຢູ່ໃນລະດັບ 3.8% (ມະຕິສະພາ 5.4%), ຄິດເປັນມູນຄ່າຕາມລາຄາໃນປີ 1,231 ຕື້ກີບ ເທົ່າກັບ 15.6% ຂອງແຜນການ (ມະຕິສະພາ 7,850 ຕື້ກີບ), ລວມຍອດຜະລິດຕະພັນພາຍໃນສະເລ່ຍຕໍ່ຫົວຄົນບັນລຸໄດ້ 21.9 ລ້ານກີບ (ມະຕິສະພາ 42 ລ້ານກີບ).
ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ທ້າຍອາທິດຜ່ານມານີ້, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ (ອຄ) ພ້ອມຄະນະ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະວັນ, ໂດຍໃຫ້ກຽດຕ້ອນຮັບຂອງ ທ່ານ ໂພທິຍາ ວົງຈອມສີ ຫົວໜ້າພະແນກອຸດສາຫະກຳ ແລະ ການຄ້າແຂວງສາລະວັນ ພ້ອມຄະນະ ໃຫ້ກຽດຕ້ອນຮັບຢ່າງ ອົບອຸ່ນຢູ່ທີ່ຫ້ອງປະຊຸມຂອງຕົນ.
ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ເສດຖະກິດມໍຣະດົກມີຄວາມໝາຍ ແລະ ນິຍາມກວ້າງຂວາງ. ກ່ອນອື່ນຕ້ອງເຂົ້າໃຈຄວາມໝາຍຂອງ “ມໍຣະດົກ” ໝາຍເຖິງທຸກສິ່ງທຸກຢ່າງທີ່ເປັນວັດຖຸ ນິວັດຖຸທີ່ມີຄຸນຄ່າ ທີ່ພວກເຮົາໄດ້ຮັບການສືບທອດມາຈາກບັນພະບູລຸດ. ມໍຣະດົກບໍ່ພຽງແຕ່ເປັນເອກະລັກຂອງຊາດເທົ່ານັ້ນ, ແຕ່ຍັງເປັນຊັບສິນ ຫຼື ສົມບັດທີ່ມີຄຸນຄ່າທີ່ສາມາດນໍາໃຊ້ເປັນທ່າແຮງໃນການພັດທະນາເສດຖະກິດ-ສັງຄົມຂອງປະເທດ.
ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ໃນຫວ່າງບໍ່ດົນມານີ້,ສູນສະຖິຕິແຫ່ງຊາດ ກະຊວງການເງີນ ໄດ້ສະຫຼຸບຕົວເລກຂາດຕົວລວມຍອດຜະລິດຕະພັນພາຍໃນ (GDP)ປີ 2025 ແລະ ທ່າອ່ຽງ ປີ 2026 ຂະນະທີ່ລາວ ຍັງພົບຄວາມຫຍຸ້ງຍາກທາງດ້ານເສດຖະກິດເປັນຕົ້ນ ສະຖຽນລະພາບທາງດ້ານການເງິນ ແລະ ເງິນຕາ, ບັນຫາການເພີ່ມຂຶ້ນຂອງລາຄາ, ອັດຕາເງິນເຟີ້ທີ່ຍັງສືບຕໍ່ເພີ່ມຂຶ້ນ ແລະ ບັນຫາໜີ້ສິນຕ່າງປະເທດ.
ເພີ່ມເຕີມ