 |
ທ່ານ ສີວັນ ຫອມໄຊຍະເດດ ໄດ້ສະແດງຄວາມຕ້ອນຮັບ ແລະ ຂອບໃຈຕໍ່ບໍລິສັດໄຟຟ້າຫົງສາ ຈໍາກັດ ທີ່ໄດ້ເຂົ້າມາອວຍພອນໃນຄັ້ງນີ້, ຕະຫຼອດໄລຍະຜ່ານມາ. ໜັງສືພິມປະຊາຊົນ ແລະ ບໍລິສັດ ໄຟຟ້າຫົງສາ ຈໍາກັດ ກໍໄດ້ມີການພົວພັນຮ່ວມມືແລກປ່ຽນວຽກງານຂ່າວສານ ຊຶ່ງກັນ ແລະ ກັນ ເພື່ອນໍາມາລົງໂຄສະນາປະຊາສໍາພັນ ຜ່ານເວັບໄຊ, ເຟສບຸກ ແລະ ໜັງສືພິມປະຊາຊົນ. ໜັງສືພິມປະຊາຊົນ ພ້ອມຈະສືບຕໍ່ໃຫ້ການຮ່ວມມືປະສານງານໃນວຽກງານຕ່າງໆ, ນໍາສະເໜີຂໍ້ມູນຂ່າວສານທີ່ເປັນປະໂຫຍດຕໍ່ສັງຄົມຂຶ້ນເລື້ອຍໆໄປ.
ໂອກາດນີ້, ທ່ານ ນາງ ລຸ້ງເພັດ ຖິ່ນມະນາວ ໄດ້ສະແດງຄວາມຂອບໃຈຕໍ່ຮັກສາການຫົວໜ້າບັນນາທິການໃຫຍ່ໜັງສືພິມປະຊາຊົນ ທີ່ໄດ້ໃຫ້ການຕ້ອນຮັບ ແລະ ໄດ້ໃຫ້ການຮ່ວມມືປະສານງານດ້ານໂຄສະນາປະຊາສໍາພັນ, ການອອກຂ່າວຕ່າງໆ ຕະຫຼອດໄລຍະຜ່ານມາ ແລະ ຫວັງຢ່າງຍິ່ງວ່າຈະໄດ້ຮັບການຮ່ວມມືປະສານງານ ຊຶ່ງກັນ ແລະ ກັນອີກຕໍ່ໆໄປ ເນື່ອງໃນໂອກາດວັນສ້າງຕັ້ງສື່ມວນຊົນ ແລະ ການພິມຈໍາໜ່າຍ, ວັນສ້າງຕັ້ງໜັງສືພິມປະຊາຊົນ ຄົບຮອບ 76 ປີ ໃກ້ຈະມາເຖິງນີ້, ທ່ານ ນາງ ລຸ້ງເພັດ ຖິ່ນມະນາວ ຍັງໄດ້ອວຍພອນໄຊ ອັນປະເສີດໃຫ້ຮັກສາການຫົວໜ້າບັນນາທິການໃຫຍ່ໜັງສືພິມປະຊາຊົນ ພ້ອມຄະນະ ກໍຄືພະນັກງານທົ່ວໜັງສືພິມປະຊາຊົນ ຈົ່ງມີສຸຂະພາບແຂງແຮງ, ມີຄວາມສຸກໃນຊີວິດສ່ວນຕົວ ແລະ ຄອບຄົວ, ມີຜົນສໍາເລັດໃນໜ້າທີ່ວຽກງານທຸກປະການ.
ຮັກສາການຫົວໜ້າບັນນາທິການໃຫຍ່ໜັງສືພິມປະຊາຊົນ ກໍໄດ້ອວຍພອນໄຊອັນປະເສີດ ໃຫ້ທ່ານ ນາງ ລຸ້ງເພັດ ຖິ່ນມະນາວ ພ້ອມຄະນະ ກໍຄືພະນັກງານທົ່ວບໍລິສັດ ໄຟຟ້າຫົງສາ ຈຳກັດ ຈົ່ງມີສຸຂະພາບແຂງແຮງ ແລະ ຂໍໃຫ້ບໍລິສັດ ມີຄວາມຈະເລີນຮຸ່ງເຮືອງຂຶ້ນຕະຫຼອດໄປ.
(ຂ່າວ-ພາບ: ວັນເພັງ)
ຄໍາເຫັນ