ພັດທະນາຄັນຮົ່ມປ້ອງກັນການໂຈມຕີດ້ວຍມີດ

ບໍລິສັດ ລົດໄຟຍີ່ປຸ່ນ ພັດທະນາຄັນຮົ່ມປ້ອງກັນການໂຈມຕີດ້ວຍມີດ

ບໍລິສັດ ລົດໄຟຍີ່ປຸ່ນ ພັດທະນາຄັນຮົ່ມປ້ອງກັນການໂຈມຕີດ້ວຍມີດ
ຂ່າວຕ່າງປະເທດລາຍງານ ໃນວັນທີ 22 ຕຸລາ ຜ່ານມາວ່າ: ບໍລິສັດ West Japan Railway ຫຼື (JR West)ໃນຍີ່ປຸ່ນ ເປີດເຜີຍວ່າ: ໄດ້ພັດທະນາຄັນຮົ່ມ

 

ທີ່ສາມາດປ້ອງກັນການໂຈມຕີດ້ວຍມີດ ເປັນຄັ້ງທຳອິດ.

JR Westຖືເປັນບໍລິສັດລົດໄຟແຫ່ງທຳອິດໃນຍີ່ປຸ່ນທີ່ພັດທະນາອຸປະກອນດັ່ງກ່າວ ຫຼັງຈາກມີເປົ້າໝາຍທີ່ຈະສ້າງອຸປະກອນປ້ອງກັນເພື່ອຮັບມືກັບເຫດການແທງດ້ວຍມີດ ເທິງລົດໄຟສາຍສະໜາມບິນຄັນໄຊ ໃນລະດູຮ້ອນປີທີ່ແລ້ວ.

ຕາມຂໍ້ມູນຂອງJR West ລະບຸວ່າ: ອຸປະກອນປ້ອງກັນທີ່ມີຮູບຮ່າງເປັນຄັນຮົ່ມນີ້ ໃຊ້ຜ້າຊະນິດພິເສດທີ່ໃບມີດບໍ່ສາມາດເຈາະເຂົ້າໄດ້ງ່າຍ ອຸປະກອນນີ້ໄດ້ຮັບການອອກແບບມາໃຫ້ກາງອອກ ແລະ ຖືໄວ້ຄືກັບໂລ້ໃນສະຖານະການທີ່ມີຜູ້ແກ່ວງຂອງມີຄົມໃສ່,ໂດຍຄັນຮົ່ມໄດ້ຮັບການອອກແບບໃຫ້ຍາວກວ່າຄັນຮົ່ມທົ່ວໄປປະມານ 20 ຊັງຕີແມັດ ເຮັດໃຫ້ມີໄລຍະຫ່າງລະຫວ່າງຜູ້ຖືຄັນຮົ່ມກັບຜູ້ທີ່ອາດຈະໂຈມຕີໄດ້ໃນລະດັບໜຶ່ງ, ເປົ້າໝາຍເພື່ອໃຫ້ຜູ້ໂດຍສານຄົນອື່ນໆທີ່ຢູ່ດ້ານຫຼັງຄັນຮົ່ມມີເວລາໃນການຫຼົບໜີໄປຍັງບ່ອນທີ່ປອດໄພໄດ້ທັນເວລາ.

ລາຍງານລະບຸວ່າ: ການທີ່ອຸປະກອນນີ້ຖືກອອກແບບໃຫ້ເປັນຄັນຮົ່ມ ກໍເພື່ອເຮັດໃຫ້ເຄື່ອງມືນີ້ມີຄວາມກະທັດຮັດຂຶ້ນ ນ້ຳໜັກເບົາລົງສາມາດເກັບຮັກສາ ແລະ ນຳໃຊ້ໄດ້ງ່າຍກວ່າອຸປະກອນອື່ນໆເຊັ່ນ: ໄມ້ງ່າມ "ຊາສຶມາຕະ" ຊຶ່ງເປັນໜຶ່ງໃນອຸປະກອນທີ່ໃຊ້ເພື່ອປ້ອງກັນຕົວ ໃນເຫດການປຸ້ນລົດໄຟທີ່ນະຄອນຫຼວງໂຕກຽວ ເມື່ອທ້າຍປີຜ່ານມາ.

ທັງນີ້, ຈາກເຫດການໃຊ້ມີດໄລ່ແທງຜູ້ຄົນເທິງເສັ້ນທາງສາຍສະໜາມບິນຄັນໄຊ ເມື່ອເດືອນກໍລະກົດ 2023 ມີຜູ້ໄດ້ຮັບບາດເຈັບ 3 ຄົນ ລວມມີຜູ້ໂດຍສານ 2 ຄົນ, ໂດຍເຈົ້າໜ້າຂອງ JR Westກ່າວວ່າ:ອຸປະກອນປ້ອງກັນທີ່ຕິດຕັ້ງໃນປັດຈຸບັນນີ້ ເປັນແບບໃຊ້ໃນໄລຍະໃກ້ມີນໍ້າໜັກຫຼາຍ ແລະ ພວກເຮົາໄດ້ອອກແບບອຸປະກອນປ້ອງກັນທີ່ພະນັກງານຜູ້ຍິງສາມາດນຳໃຊ້ໄດ້ງ່າຍ ແລະ ເລີ່ມແຕ່ເດືອນພະຈິກເປັນຕົ້ນໄປ ຈະຕິດຕັ້ງ ຄັນຮົ່ມ 1,200 ຄັນ ເທິງລົດໄຟປະມານ 600 ຂະບວນ ໃນພື້ນທີ່ຄັນໄຊ.

ທ່ານ ຄາຊູອາກິ ຮາເຊກາວາ ປະທານບໍລິສັດJR Westກ່າວວ່າ:ຄັນຮົ່ມສາມາດໃຊ້ງານໄດ້ພາຍໃນຕູ້ໂດຍສານໃນລະດັບໜຶ່ງ ແລະ ມີຄວາມແຂງແຮງ, ສ່ວນໃນກໍລະນີສຸກເສີນ ພວກເຮົາຕ້ອງການໃຫ້ເຈົ້າໜ້າທີ່ຈັດການສະຖານນະການ ແລະ ອົບພະຍົບຢ່າງປອດໄພ.

ຄໍາເຫັນ

ຂ່າວຕ່າງປະເທດ

ສິງກະ​ໂປ​ ເລັ່ງນຳ​ໃຊ້ AI ຍົກລະດັບຂະແໜງການທ່ອງທ່ຽວ

ສິງກະ​ໂປ​ ເລັ່ງນຳ​ໃຊ້ AI ຍົກລະດັບຂະແໜງການທ່ອງທ່ຽວ

ຂ່າວຕ່າງປະເທດລາຍງານ ໃນວັນທີ 24 ກໍລະກົດ ຜ່ານມາວ່າ: ສິງກະ​ໂປ​ປະກາດ​ແຜນການ​ເລັ່ງ​ນຳ​ໃຊ້​ເຕັກ​ໂນ​ໂລ​ຊີ​ປັນຍາ​ປະດິດ (AI) ຂັ້ນສູງ ​ໃນ​ຂະ​ແໜງ​ການ​ທ່ອງ​ທ່ຽວ, ໂດຍມີເປົ້າໝາຍ​ແນ​ໃສ່​ຍົກລະດັບ​ປະສົບ​ການ​ຂອງນັກທ່ອງທ່ຽວ ​ແລະ ​ເພີ່ມ​ທະວີການຜະລິດ​ອຸດສາຫະກຳ​ ໂດຍ​ຜ່ານ​ຄຳ​ແນະນຳສະເພາະບຸກຄົນ, ບໍລິການ​ຜູ້ຊ່ວຍ​ຫຼາຍ​ພາສາ ​ແລະ ການ​ເລົ່າ​ເລື່ອງ​ແບບສະ​ເໝືອນຈິງ.
ອິນໂດເນເຊຍ ຄາດຄະເນເສດຖະກິດເຕີບໂຕຫຼາຍກວ່າ 5%

ອິນໂດເນເຊຍ ຄາດຄະເນເສດຖະກິດເຕີບໂຕຫຼາຍກວ່າ 5%

ຂ່າວຕ່າງປະເທດລາຍງານ; ກະຊວງ​ການ​ເງິນ​ຂອງ​ອິນ​ໂດ​ເນ​ເຊຍ ເປີດເຜີຍ​ໃນ​ວັນທີ 24 ກໍລະກົດ ຜ່ານມາວ່າ: ເສດຖະກິດ​ຂອງ​ອິນ​ໂດ​ເນ​ເຊຍ​ມີ​ທ່າອ່ຽງ​ຈະ​ເຕີບ​ໂຕ​ຫຼາຍ​ກວ່າ 5% ​ໃນ​ເຄິ່ງທີ່​ສອງ​ຂອງ​ປີ​ນີ້, ​ພ້ອມທັງ​ຕັ້ງ​ເປົ້າ​ໝາຍລາຍຮັບຈາກ​ການ​ເກັບ​ພາສີ​ຈະເພີ່ມຂຶ້ນ​ໃນ​ປີ 2026.
ທ່ານ​ ສີ​ຈິ້ນ​ຜິງ ພົບ​ປະ​ ​ປະ​ທານ​ສະ​ພາເອີ​ຣົບ ແລະ ​ປະ​ທານຄະນະກຳ​ມາ​ທິການສະຫະພາບເອີຣົບ

ທ່ານ​ ສີ​ຈິ້ນ​ຜິງ ພົບ​ປະ​ ​ປະ​ທານ​ສະ​ພາເອີ​ຣົບ ແລະ ​ປະ​ທານຄະນະກຳ​ມາ​ທິການສະຫະພາບເອີຣົບ

ຂ່າວສານຊີອາໄອລາຍງານວ່າ: ໃນຕອນ​ເຊົ້າ​ວັນ​ທີ 24 ກໍ​ລະ​ກົດ​ ຜ່ານມານີ້, ທ່ານ ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ໄດ້​ພົບ​ປ​ະ​ກັບ​ທ່ານ ອັນໂຕນີໂອ ຄອ​ສ​ຕາ ປະ​ທານ​ສະ​ພາ​ເອີ​ຣົບ ແລະ ທ່ານນາງ ເອີຊູລາ ວອນ ເດີ ເລ​ເຢນ ປະທານຄະນະກຳມ​າ​ທິການສະຫະພາບເອີຣົບທີ່​ເດີນ​ທາງ​ມາ​ຈີນ​ເພື່ອ​ເຂົ້າ​ຮ່ວມການພົບປະລະຫວ່າງ​ຜູ້ນຳຈີນ-ສະຫະພາບເອີຣົບຄັ້ງທີ 25 ​ທີ່​ນະ​ຄອນຫຼວງ​ປັກ​ກິ່ງ​ ຂອງ​ຈີນ.
ການ​ພັດ​ທະ​ນາ​ຂອງ​ປະ​ເທດ​ຊາດ ​ແມ່ນ​ການ​ສະແດງ​ຄວາມ​ຮູ້​ບຸນ​ຄຸນ​ທີ່​ແທດຈິງ

ການ​ພັດ​ທະ​ນາ​ຂອງ​ປະ​ເທດ​ຊາດ ​ແມ່ນ​ການ​ສະແດງ​ຄວາມ​ຮູ້​ບຸນ​ຄຸນ​ທີ່​ແທດຈິງ

ວິທະຍຸກະຈາຍສຽງຫວຽດນາມລາຍງານວ່າ: ເນື່ອງໃນໂອກາດສະເຫຼີມສະຫຼອງ 78 ປີແຫ່ງວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ (27/7/1947 – 27/7/2025). ຫວ່າງມໍ່ໆມານີ້ ຢູ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ພັກກອມມູນິດ ຫວຽດນາມ, ທ່ານ ເລື່ອງເກືອງ ປະທານປະເທດ, ທ່ານ ຟ້າມມິງຈິງ ນາຍົກລັດຖະມົນຕີ ໄດ້ເຂົ້າຮ່ວມການພົບປະກັບຕາງໜ້າຜູ້ມີຄຸນງາມຄວາມດີ, ຜູ້ດີເດັ່ນ 250 ຄົນ ໃນທົ່ວປະເທດ.
ຍ້ອນ​ຫຍັງ ຈີນ ຈຶ່ງ​ສ​າ​ມາດ​ຮັບ​ປະ​ກັນ​ການ​​ຊົມໃຊ້​ພະ​ລັງ​ໄຟ​ຟ້າ​ໄດ້​ຢ່າງ​ໝັ້ນ​ທ່ຽງ

ຍ້ອນ​ຫຍັງ ຈີນ ຈຶ່ງ​ສ​າ​ມາດ​ຮັບ​ປະ​ກັນ​ການ​​ຊົມໃຊ້​ພະ​ລັງ​ໄຟ​ຟ້າ​ໄດ້​ຢ່າງ​ໝັ້ນ​ທ່ຽງ

ຫວ່າງ​ມໍ່ໆ​ມາ​ນີ້, ​ພື້ນ​ທີ່​ສ່ວນຫຼາຍ​ຂອງ​ຈີນ​ລ້ວນ​ແຕ່​ມີອາ​ກາດ​ຮ້ອນ​ອົບ​ເອົ້າແລະ ອຸນ​ຫະ​ພູມຢູ່ຫຼາຍ​ທ້ອງ​ຖິ່ນ​ໄດ້​ສ້າງ​ສະ​ຖິ​ຕິ​ສູງ​ສຸດ​ໃນ​ປະ​ຫວັດ​ສາດເຮັດ​ໃຫ້​​ປະ​ຊາ​ຊົນ​ທັງຫຼາຍ​ນຳ​ໃຊ້​ແອ​ເຢັນ ຫຼື ພັດ​ລົມ​ຕະຫຼອດ​ມື້ ແລະ ເຮັດໃຫ້​ການ​ຊົມ​ໃຊ້​ໄຟ​ຟ້າ​ພາຍ​ໃນ​ປະ​ເທດ​ຈີນ​ເພີ່ມ​ຂຶ້ນຫຼາຍ​ເປັນ​ພິ​ເສດ. ໃນວັນ​ທີ 16 ກໍ​ລະ​ກົດ ຜ່ານມາ​ນີ້, ການ​​ຊົມໃຊ້​ໄຟ​ຟ້າ​ໃນ​ທົ່ວ​ປະ​ເທດ​ຈີນ​ສູງ​ສຸດ​ຫຼາຍກວ່າ 1 ຕື້ 500 ລ້ານ​ກິ​ໂລ​ວັດ ຊຶ່ງໄດ້​ສ້າງ​ສະ​ຖິ​ຕິ​ສູງ​ສຸດ​ໃນ​ປະ​ຫວັດ​ສາດ. ເມື່ອ​ປະ​ເຊີນ​ໜ້າ​ກັບ​ການ​ທົດ​ສອບ​ທີ່​ຂ້ຽວ​ຂາດ​ແບບ​ນີ້, ຈີນ​ໄດ້​ຮັບ​ປະ​ກັນ​ໃຫ້​​ຕາ​ຂ່າຍ​ໄຟ​ຟ້າ​ປະ​ຕິ​ບັດ​ງານ​ໄດ້​ຢ່າງ​ໝັ້ນ​ທ່ຽງ ແລະ ຮັບ​ປະ​ກັນ​ໃຫ້​ທຸກ​ຄອບ​ຄົວ​ໄດ້​ນຳໃຊ້​ແອເຢັນ ຫຼື ພັດ​ລົມ​ໄດ້​ຢ່າງ​ສະ​ບາຍ.
ກາຕາ ສະເໜີເປັນເຈົ້າພາບຈັດງານກິລາໂອແລັມປິກ 2036

ກາຕາ ສະເໜີເປັນເຈົ້າພາບຈັດງານກິລາໂອແລັມປິກ 2036

ຂ່າວຕ່າງປະເທດລາຍງານວ່າ: ຄະ​ນະ​ກຳ​ມະ​ການ​ໂອແ​ລັມ​ປິກ ຂອງ​ກາ​ຕາ​ ເປີດເຜີຍໃນວັນ​ທີ 22 ກໍ​ລະ​ກົດ ຜ່ານມາ​ວ່າ, ກາ​ຕາ ​ໄດ້​ຍື່ນ​ສະ​ເໜີ​ຢ່າງ​ເປັນ​ທາງ​ການ​ເພື່ອ​ຂໍເປັນ​ເຈົ້າ​ພາບ​ຈັດ​ງານ​ກິ​ລາ​ໂອ​ແລັມ​ປິກ​ ແລະ​ ພາ​ຣາ​ລິມ​ປິກ​ ເກມ ປີ 2036. ໂດຍຖ້າຫາກໄດ້ຖືກເລືອກ, ກາຕາ ຈະກາຍເປັນປະເທດທໍາອິດຈາກຕາເວັນອອກກາງ ແລະ ອາຟຣິກາເໜືອ ທີ່ຈະເປັນເຈົ້າພາບຈັດການແຂ່ງຂັນກິລາທີ່ໃຫຍ່ທີ່ສຸດຂອງໂລກ.
ສະຫະລັດ ອາເມຣິກາ ປະກາດຈະຖອນຕົວອອກຈາກອົງການ UNESCO

ສະຫະລັດ ອາເມຣິກາ ປະກາດຈະຖອນຕົວອອກຈາກອົງການ UNESCO

ຂ່າວສານຊີອາໄອລາຍງານວ່າ: ໃນວັນທີ 22 ກໍລະກົດ ຜ່ານມານີ້, ທ່ານນາງ ແທມມີ ບຣູຊ ໂຄສົກກະຊວງການຕ່າງປະເທດ ສະຫະລັດ ອາເມຣິກາ ໄດ້ອອກຖະແຫຼງການວ່າ: ສະຫະລັດ ອາເມຣິກາ ໄດ້ແຈ້ງຂໍ້ຕົກລົງກ່ຽວກັບ ສະຫະລັດ ອາເມຣິກາ ຈະຖອນຕົວອອກຈາກອົງການເພື່ອການສຶກສາ, ວິທະຍາສາດ ​ແລະ ວັດທະນະທຳ ສະຫະປະຊາຊາດ ຫຼື UNESCO ຕໍ່ທ່ານນາງ ອໍເດຣ ອາຊູເລ ຜູ້ອຳນວຍການໃຫຍ່ອົງການ UNESCO. ອີງຕາມຂັ້ນຕອນທີ່ກ່ຽວຂ້ອງ, ສະຫະລັດ ອາເມຣິກາ ຈະຖອນຕົວອອກຈາກອົງການ UNESCO ຢ່າງເປັນທາງການໃນວັນທີ 31 ທັນວາປີ 2026.
WHO ​ເຕືອນ ​ໄວ​ຣັດ Chikungunya ​ມີ​ຄວາ​ມ​ສ່ຽງແຜ່​ລາມລະ​ດັບ​ສູງ

WHO ​ເຕືອນ ​ໄວ​ຣັດ Chikungunya ​ມີ​ຄວາ​ມ​ສ່ຽງແຜ່​ລາມລະ​ດັບ​ສູງ

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ອົງການອະນາໄມໂລກ (WHO) ໄດ້ຮຽກຮ້ອງໃຫ້ມີການດຳເນີນງານໂດຍດ່ວນເພື່ອສະກັດກັ້ນການແຜ່ລະບາດຂອງໄວຣັດຊີຄຸນກຸນຢາ (Chikungunya) ຊຶ່ງເປັນພະຍາດທີ່ຕິດເຊື້ອໂດຍຍຸງ ໄດ້ເກີດມີການລະບາດຮອບໃໝ່ຢູ່ບັນດາປະເທດອາຟຣິກາ ແລະ ມະຫາສະໝຸດອິນເດຍ ພວມແຜ່ລາມອອກສູ່ວົງກວ້າງ.
ອິນເດຍ ສູນເສຍເງິນໃຫ້ມິດສາຊີບອອນລາຍ 2.64 ຕື້ໂດລາ ໃນປີ 2024

ອິນເດຍ ສູນເສຍເງິນໃຫ້ມິດສາຊີບອອນລາຍ 2.64 ຕື້ໂດລາ ໃນປີ 2024

ຂ່າວຕ່າງປະເທດລາຍງານ ໃນວັນທີ 23 ກໍລະກົດ ຜ່ານມາວ່າ: ອີງຕາມຂໍ້ມູນຈາກເວັບໄຊ ລາຍງານອາຊະຍາກຳໄຊເບີ ແລະ ລະບົບການຄຸ້ມຄອງກໍລະນີສໍ້ໂກງທາງດ້ານການເງິນຂອງພົນລະເມືອງອິນເດຍ ເປີດເຜີຍວ່າ, ພົນລະເມືອງອິນເດຍ ສູນເສຍເງິນຫຼາຍກວ່າ 2.64 ຕື້ໂດລາ ຈາກການສໍ້ໂກງທາງອອນລາຍໃນປີ 2024, ເພີ່ມຂຶ້ນຈາກ 863.8 ລ້ານໂດລາ ໃນປີ 2023.
ADB ຫຼຸດການຄາດຄະເນການເຕີບໂຕກຸ່ມເສດຖະກິດທີ່ກຳລັງພັດທະນາຢູ່ເຂດອາຊີ-ປາຊີຟິກ

ADB ຫຼຸດການຄາດຄະເນການເຕີບໂຕກຸ່ມເສດຖະກິດທີ່ກຳລັງພັດທະນາຢູ່ເຂດອາຊີ-ປາຊີຟິກ

ຂ່າວສານຊີອາໄອລາຍງານວ່າ: ໃນວັນທີ 23 ກໍລະກົດ ຜ່ານມານີ້, ທະນາຄານພັດທະນາອາຊີ ຫຼື ADB ໄດ້ປະກາດບົດລາຍງານ “ການຄາດຄະເນການພັດທະນາອາຊີ ປີ 2025 (ສະບັບເດືອນກໍລະກົດ)”, ໂດຍໄດ້ປັບຫຼຸດການຄາດຄະເນການເຕີບໂຕດ້ານເສດຖະກິດໃນປີ 2025 ຂອງກຸ່ມເສດຖະກິດທີ່ກຳລັງພັດທະນາຢູ່ເຂດອາຊີ-ປາຊີຟິກ ລົງເຫຼືອ 4.7% ແລະ 4.6% ໃນປີ 2026.
ເພີ່ມເຕີມ