ສະຫາຍ ຄຳສີ ແພງສະຫວັນ ໄດ້ເຜີຍແຜ່ ມະຕິ 03 ຂອງຄະນະບໍລິຫານງານສູນກາງພັກ ລົງວັນທີ 12 ມີນາ 2025 ວ່າດ້ວຍການປັບປຸງກົງຈັກການຈັດຕັ້ງ, ຊຶ່ງມະຕິດັ່ງກ່າວ ເປັນການປັບປຸງລະບົບການຈັດຕັ້ງ, ກົງຈັກ ແລະ ກົນໄກເຄື່ອນໄຫວ ຂອງບັນດາອົງການອຳນາດລັດ ໃຫ້ເຂັ້ມແຂງ ແລະ ມີປະສິດທິພາບ, ແກ້ໄຂສະພາບຊ້ຳຊ້ອນດ້ານພາລະບົດບາດ, ກຳນົດສາຍໄຍການຈັດຕັ້ງ ທີ່ຈະແຈ້ງ ແລະ ຮັດກຸມ, ເຮັດໃຫ້ຂະໜາດກົງຈັກບໍ່ໃຫຍ່ໂຕ, ຫັນເປັນທັນສະໄໝ ເພື່ອຍົກສູງປະສິດທິຜົນວຽກງານ, ເຮັດໃຫ້ຖັນແຖວລັດຖະກອນ ມີຈຳນວນໜ້ອຍລົງ ແຕ່ຄຸນນະພາບວຽກເພີ່ມຂຶ້ນ, ປະຢັດໄດ້ ການໃຊ້ຈ່າຍງົບປະມານ ແລະ ດຸ່ນດ່ຽງງົບປະມານ ເຂົ້າສູ່ການພັດທະນາ, ລຶບລ້າງຄວາມທຸກຍາກໃຫ້ຫຼາຍຂຶ້ນ ແລະ ອື່ນໆ, ຮັບປະກັນໃຫ້ກົງຈັກການຈັດຕັ້ງ ກະທັດຮັດ, ມີປະສິດທິພາບ, ປະສິດທິຜົນ ແລະ ສອດຄ່ອງກັບສະພາບການພັດທະນາເສດຖະກິດ-ສົງຄົມໃນເງື່ອນໄຂໃໝ່, ເພີ່ມຄວາມເຂັ້ມງານ ແລະ ຄວາມຮັບຜິດຊອບ ຂອງພະນັກງານລັດຖະກອນໃຫ້ສູງຂຶ້ນ ຕາມທິດຫັນປ່ຽນ ໄປສູ່ປະສິດທິພາບ ແລະ ສະມັດຕະພາບ ຂອງການບໍລິຫານ ຈຶ່ງມີຄວາມຈຳເປັນຕ້ອງໄດ້ສືບຕໍ່ປັບປຸງກົງຈັກການຈັດຕັ້ງ, ຫຼຸດຜ່ອນຂອດ-ຂັ້ນ, ເອົາວຽກທີ່ຄ້າຍຄືກັນໂຮມເຂົ້າກັນ, ບໍ່ໃຫ້ຊ້ຳຊ້ອນ-ກ້າວກ່າຍກັນ ເຮັດໃຫ້ການນຳພາຊີ້ນຳ, ການບໍລິຫານ-ຄຸ້ມຄອງ ມີປະສິດທິພາບສູງ ແລະ ວ່ອງໄວກວ່າເກົ່າ, ນຳໃຊ້ງົບປະມານໃຫ້ມີປະສິດທິຜົນກວ່າເກົ່າ, ສ້າງເງື່ອນໄຂຄວາມສາມາດໃນການຍົກລະດັບເງິນເດືອນ, ເງິນອຸດໜູນ ແລະ ເງິນນະໂຍບາຍ ຂອງພະນັກງານ-ລັດຖະກອນ ໃຫ້ສົມເຫດສົມຜົນ ແລະ ກ້າວສູ່ຄວາມສາມາດປະຕິຮູບລະບອບເງິນເດືອນຢູ່ປະເທດເຮົາ ໃນຕໍ່ໜ້າໃຫ້ເປັນຮູບປະທຳ. ໃນວາລະດຽວກັນ ກໍໄດ້ຈັດພິທີ ປະດັບຫຼຽນກາ ລະນຶກ 70 ປີ ວັນສ້າງຕັ້ງພັກປະຊາຊົນປະຕິວັດລາວໃຫ້ສະມາຊິກພັກ ຜູ້ທີ່ມີຜົນງານ,ຄຸນງາມຄວາມດີໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະຜ່ານມາ.
(ຂ່າວ-ພາບ: ສາຍຄຳ ບຸນຍາວົງ)
ເມືອງພຽງ ເຜີຍແຜ່ ເຊື່ອມຊຶມນິຕິກໍາຂອງພັກ
ເມືອງພຽງ ແຂວງໄຊຍະບູລີໄດ້ຈັດພິທີເຜີຍແຜ່, ເຊື່ອມຊຶມນິຕິກໍາຂອງພັກ ແລະ ຜັນຂະຫຍາຍເນື້ອໃນມະຕິກອງປະຊຸມວຽກງານຈັດຕັ້ງ ແລະ ການປົກຄອງ ທົ່ວແຂວງໄຊຍະບູລີ ຄັ້ງທີ VIII ໃນວັນທີ 28 ກັນຍາຜ່ານມາທີ່ເມືອງພຽງໂດຍການເປັນປະທານຂອງສະຫາຍ ຄຳພັນ ຄຳພູບົວ ຮອງເລຂາຄະນະບໍລິຫານງານພັກເມືອງ, ປະທານຄະນະກຳມະການປົກຄອງເມືອງ, ມີບັນດາສະຫາຍ ຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງແລະພາກສ່ວນກ່ຽວຂ້ອງເຂົ້າຮ່ວມຮັບຟັງ.
ຄໍາເຫັນ