“ແຜນດຳເນີນງານກ່ຽວກັບການເລັ່ງນຳໃຊ້ຮີໂດຣແຊນທີ່ສະອາດກາກບອນຕ່ຳເຂົ້າໃນຂົງເຂດອຸດສາຫະກຳ” ໂດຍໄດ້ວາງມາດຕະການໃໝ່ຢ່າງເປັນລະບົບ ເພື່ອເປີດກວ້າງການນຳໃຊ້ຮີໂດຣແຊນທີ່ສະອາດກາກບອນຕ່ຳໃນຂົງເຂດອຸດສາຫະກຳ, ເລັ່ງການຍົກລະດັບຜະລິດຕະພັນອຸປະກອນທາງເຕັກນິກ ແລະ ຊຸກຍູ້ການພັດທະນາດ້ວຍຄຸນນະພາບສູງຂອງອຸດສາຫະກຳຮີໂດຣແຊນ.
ອຸດສາຫະກຳເປັນຂົງເຂດສຳຄັນໃນການນຳໃຊ້ຮີໂດຣແຊນທີ່ສະອາດ ແລະ ກາກບອນຕ່ຳ, ການເລັ່ງນຳໃຊ້ຮີໂດຣແຊນເຂົ້າໃນຂົງເຂດອຸດສາຫະກຳ ແມ່ນຊ່ອງທາງທີ່ສຳຄັນໃນການຊຸກຍູ້ການປະຢັດພະລັງງານ, ຫຼຸດການລະບາຍກາກບອນ ແລະ ຊຸກຍູ້ການຫັນເປັນອຸດສາຫະກຳແບບໃໝ່. ແຜນດຳເນີນງານດັ່ງກ່າວໄດ້ສະເໜີວ່າ: ຖືເອົາການເປີດກວ້າງການນຳໃຊ້ຮີໂດຣແຊນທີ່ສະອາດ ແລະ ກາກບອນຕ່ຳໃນຂົງເຂດອຸດສາຫະກຳເປັນຈຸດສຳຄັນ, ເພີ່ມທະວີການເຊື່ອມຕໍ່ກັນລະຫວ່າງການສະໜອງກັບຄວາມຕ້ອງການ, ເລັ່ງຍົກລະດັບຜະລິດຕະພັນອຸປະກອນທາງເຕັກນິກ, ຊຸກຍູ້ໃຫ້ຕ່ອງໂສ້ອຸດສາຫະກຳມີການພັດທະນາຢ່າງມີປະສິດທິພາບສູງ ແລະ ສ້າງຈຸດເຕີບໂຕໃໝ່ດ້ານການຫັນປ່ຽນຮູບແບບ ແລະ ຍົກລະດັບທາງດ້ານອຸດສາຫະກຳ.
ຂ່າວລາຍງານຕື່ມວ່າ: ການຕິດຕັ້ງໄຟຟ້າພະລັງງານໝູນວຽນຂອງຈີນມີຂະໜາດໃຫຍ່ອັນດັບໜຶ່ງໃນໂລກ, ມີກຳລັງບົ່ມຊ້ອນອັນມະຫາສານໃນການຜະລິດຮີໂດຣແຊນດ້ວຍພະລັງງານໝູນວຽນໄດ້. ໂຕເລກສະຖິຕິໄດ້ສະແດງໃຫ້ເຫັນວ່າ ມາຮອດເດືອນມິຖຸນາປີ 2024, ຄວາມສາມາດການຜະລິດຮີໂດຣແຊນດ້ວຍພະລັງງານໝູນວຽນຂອງຈີນມີເຖິງໜຶ່ງແສນໂຕນຕໍ່ປີ, ຄວາມສາມາດການຜະລິດໃນແຜນກໍ່ສ້າງ ແລະ ໂຄງການທີ່ພວມກໍ່ສ້າງມີປະມານ 8 ໝື່ນໂຕນຕໍ່ປີ.
ຄໍາເຫັນ