ໂດຍແຜນການດັ່ງກ່າວມີເປົ້າໝາຍເປັນຂັ້ນເປັນຕອນ ໃນການສ້າງສາປະເທດທີ່ມີຄວາມເຂັ້ມແຂງທາງດ້ານການຜະລິດກະສິກຳ ອອກເປັນ 3 ໄລຍະ ຄື: ປີ 2027 ປີ 2035 ແລະໄລຍະກາງສະຕະວັດທີ 21.
ແຜນການດັ່ງກ່າວໄດ້ມີຂໍ້ກຳນົດວ່າ:ຮອດປີ 2027 ຈະມີໝາກຜົນຄືບໜ້າຢ່າງເຫັນໄດ້ຊັດເຈນ ໃນການສ້າງສາປະເທດທີ່ມີທ່າແຮງດ້ານກະສິກຳ ການພັດທະນາສ້າງຄວາມຈະເລີນຮຸ່ງເຮືອງໃນຊົນນະບົດ ລວມທັງການສ້າງຄວາມທັນສະໄໝໃນພາກກະສິກຳ ແລະໃນຊົນນະບົດ ຊຶ່ງກຳລັງການຜະລິດທັນຍາຫານໂດຍລວມທັງໝົດຈະມີເຖິງ 700 ລ້ານໂຕນ.
ເມື່ອຮອດປີ 2035 ກໍຈະມີຄວາມຄືບໜ້າຢ່າງກ້າວກະໂດດ ໃນການສ້າງສາປະເທດທີ່ມີຄວາມເຂັ້ມແຂງດ້ານກະສິກຳ ແລະການພັດທະນາສ້າງຄວາມຈະເລີນໃນຊົນນະບົດ ສາມາດບັນລຸເປົ້າໝາຍການສ້າງຄວາມທັນສະໄໝຂອງພາກກະສິກຳ ການດຳລົງຊີວິດໃນຊົນນະບົດກໍຈະກ້າວເຂົ້າສູ່ຄວາມທັນສະໄໝໃນເບື້ອງຕົ້ນ.
ຈົນເຖິງກາງສະຕະວັດທີ 21 ການສ້າງສາປະເທດທີ່ມີຄວາມເຂັ້ມແຂງທາງດ້ານກະສິກຳ ກໍຈະຖືກດຳເນີນຢ່າງມີຜົນສຳເລັດສູງ, ເຂດຊົນນະບົດກໍມີຄວາມຈະເລີນຮຸ່ງເຮືອງຮອບດ້ານ ການສ້າງຄວາມທັນສະໄໝຂອງພາກກະສິກຳ ແລະພັດທະນາຊົນນະບົດກໍຈະບັນລຸເປົ້າໝາຍຢ່າງຮອບດ້ານ.
ຄໍາເຫັນ