ແດນສະຫວັນນໍ້າງື່ມຣີສອດ ໄດ້ຮັບລາງວັນໂຮງແຮມຂຽວມາດຕະຖານອາຊ່ຽນ ແລະ ປະເມີນເປັນໂຮງແຮມມາດຕະຖານລະດັບ 5 ດາວ

ເມື່ອບໍ່ດົນມານີ້, ຫ້ອງການສູນກາງແນວລາວສ້າງຊາດ (ສນຊ) ຮ່ວມກັບ ກົມຕໍາຫຼວດສະກັດກັ້ນ ແລະ ຕ້ານອັກຄີໄພ ຝຶກອົບຮົມຄວາມຮູ້ພື້ນຖານໃນການສະກັດກັ້ນ ແລະ ຕ້ານອັກຄີໄພ ໃຫ້ພະນັກງານ ສນຊ ໂດຍມີ ທ່ານ ດາວຽງສັກ ຫວ່າງວິຈິດ ຮອງປະທານ ສນຊ, ທ່ານ ພັທ ສອນເພັດ ແດງຊື່ນ ຫົວໜ້າພະແນກໂຄສະນາ, ກົມສະກັດກັ້ນ ແລະ ຕ້ານອັກຄີໄພ ກະຊວງປ້ອງກັນຄວາມສະຫງົບ, ມີຫົວໜ້າກົມ-ຮອງກົມ, ຫ້ອງການ ແລະ ພະນັກງານແນວລາວສ້າງຊາດເຂົ້າຮ່ວມ ທີ່ສູນກາງແນວລາວສ້າງຊາດ.

ຫ້ອງວ່າການສໍານັກງານປະທານປະເທດ (ຫສປທ) ໄດ້ຈັດພິທີປະກາດການຈັດຕັ້ງ ແລະ ມອບການຍ້ອງຍໍ,ໃນວັນທີ 30 ມິຖຸນານີ້ ທີ່ ຫສປທ, ໂດຍການເປັນປະທານ ຂອງທ່ານ ນາງ ຟອງສະໝຸດ ອັ່ນລາວັນ ຫົວໜ້າ ຫສປທ, ມີບັນດາຄະນະພັກ-ຄະນະນໍາ, ແຂກຖືກເຊີນ ພ້ອມດ້ວຍພະນັກງານ-ລັດຖະກອນເຂົ້າຮ່ວມຢ່າງພ້ອມພຽງ.

ກອງທຶນສົ່ງເສີມຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (ທສວ) ໄດ້ຈັດພິທີເຊັນສັນຍາສະໜອງທຶນບ້ວງເງິນສະສົມ ຂອງ ທສວ ປະຈຳປີ 2026 ລະຫວ່າງ ທສວ ກັບ ສະພາການຄ້າ ແລະ ອຸດສາຫະກຳແຫ່ງຊາດລາວ (ສຄອຊ) ໃນວັນທີ 29 ມິຖຸນາ ຜ່ານມານີ້ ທີ່ ນະຄອນຫຼວງວຽງຈັນ, ໂດຍໃຫ້ກຽດເປັນປະທານ ແລະ ເປັນສັກຂີພິຍານ ໂດຍ ທ່ານ ພຸດທະວັນ ນັນທະວົງ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ທັງເປັນຮອງປະທານສະພາບໍລິຫານ ທສວ ພ້ອມດ້ວຍບັນດາສະມາຊິກສະພາບໍລິຫານ ຂອງ ທສວ, ຄະນະບໍລິຫານງານ ຂອງ ສຄອຊ, ບັນດາກົມທີ່ກ່ຽວຂ້ອງ ຂອງກະຊວງອຸດສາຫະກຳ ແລະ ການຄ້າ, ສະມາຄົມນັກທຸລະກິດ ແລະ ພາກສ່ວນຕ່າງໆ ເຂົ້າຮ່ວມ.

ໃນວັນທີ 29 ມິຖຸນາຜ່ານມາ, ສະຫາຍ ທອງລີ ສີສຸລິດ ກຳມະການສູນກາງພັກ, ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ພ້ອມດ້ວຍຄະນະ ໄດ້ເຄື່ອນໄຫວຊຸກຍູ້ວຽກງານຢູ່ແຂວງບໍລິຄຳໄຊ, ໂດຍການຕ້ອນຮັບຂອງສະຫາຍ ລົມເຢັນ ສີສຸວົງ ກຳມະການພັກແຂວງ, ເລຂາຄະນະບໍລິຫານງານຊາວໜຸ່ມແຂວງ ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ.

ສະຫະພັນນັກຮົບເກົ່າເມືອງປາກຊ່ອງ ແຂວງຈຳປາສັກ ຈັດກອງປະຊຸມຄົບຄະນະບໍລິຫານງານ ຄັ້ງທີ II ສະໄໝທີ V ປະຈຳປີ 2025 ແລະ ວາງທິດທາງປີ 2026 ຂຶ້ນໃນວັນທີ 30 ມິຖຸນານີ້, ທີ່ຫ້ອງການດັ່ງກ່າວ ໂດຍການເປັນປະທານຮ່ວມຂອງສະຫາຍ ແສງເດືອນ ສົມສະຫວັນ ຮອງເລຂາພັກເມືອງ ຜູ້ຊີ້ນຳວຽກງານການ ເມືອງ-ແນວຄິດ, ວຽກງານພັກ-ພະນັກງານຂັ້ນເມືອງ ທັງເປັນຫົວໜ້າຄະນະຈັດຕັ້ງເມືອງ; ມີສະຫາຍ ພັນໂທ ຄຳແສນ ພົນຈະນະກິດ ຮອງປະທານສະຫະພັນນັກຮົບເກົ່າແຂວງ, ມີສະຫາຍ ພັນໂທ ສີແພງ ອິນທະກຸມມານ ປະທານສະຫະພັນນັກຮົບເກົ່າເມືອງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມທົບທວນໄລຍະທ້າຍ ການຈັດຕັ້ງປະຕິບັດແຜນດໍາເນີນງານແຫ່ງຊາດ ເພື່ອສ້າງຄວາມເຂັ້ມ ແຂງລະບົບປົກປ້ອງເດັກ 2022-2026 ຂອງຄະນະກຳມະການປົກປ້ອງສິດ ແລະ ຜົນປະໂຫຍດຂອງເດັກຈັດຂຶ້ນໃນວັນທີ 30 ມິຖຸນານີ້, ທີ່ໂຮງແຮມສຸພັດຕຣາ ນະຄອນ-ຫຼວງພະບາງ ໂດຍການເປັນປະທານຮ່ວມຂອງ ທ່ານ ສຸພອນໄຊ ລໍແພງສີ ຮອງຫົວໜ້າກົມສົງເຄາະ ກະຊວງແຮງງານ ແລະ ສະຫວັດດີການສັງຄົມ (ຮສສ), ທ່ານ ສົມບູນ ພົມມະປັນຍາ ຮອງຫົວໜ້າພະແນກ ຮສສ ແຂວງ, ມີຜູ້ຕາງໜ້າອົງການຊ່ວຍເຫຼືອເດັກສາກົນ ປະຈຳແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ກອງບັນຊາການປ້ອງກັນຄວາມສະຫງົບ (ປກສ) ແຂວງເຊກອງ ຈັດກອງປະຊຸມສະຫຼຸບຕີລາຄາການຈັດ ຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ນັບແຕ່ປີ 2024-2025 ຈັດຂຶ້ນໃນວັນທີ 25 ມິຖຸນາຜ່ານມາ, ໂດຍການເປັນປະທານຂອງທ່ານ ນາງ ສີສະຫງ່າ ແກ້ວດວງດີ ຮອງປະທານຄະນະກຳມະ ການປົກຄອງແຂວງ, ມີຄະນະພັກ, ຄະນະບັນຊາ, ແຂກຖືກເຊີນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ໃນວັນທີ 30 ມີຖຸນານີ້ ທີ່ກົມແຜນທີ່ແຫ່ງຊາດ ໄດ້ຈັດກອງປະຊຸມເປີດສະມາຄົມນັກວັດແທກ ແລະ ແຜນທີ່ລາວ (ສວຜລ) ຢ່າງເປັນທາງການ, ໂດຍໃຫ້ກຽດເຂົ້າຮ່ວມ ຂອງ ທ່ານ ສຸເລນ ຈັນທະວົງ ຫົວໜ້າກົມແຜນທີ່ແຫ່ງຊາດ, ມີທີ່ປຶກສາສະມາຄົມນັກວັດແທກ ແລະ ແຜນທີ່ລາວ, ມີຄະນະບໍລິຫານງານສະມາຄົມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ເມືອງບາຈຽງຈະເລີນສຸກ ໄດ້ຈັດກອງປະຊຸມສະຫຼຸບວຽກງານກໍ່ສ້າງໜ່ວຍພັກປອດໃສ, ເຂັ້ມແຂງ ໜັກແໜ້ນ ປະຈຳປີ 2025 ໃນ​ວັນ​ທີ 26 ມິ​ຖຸ​ນາ​ຜ່ານ​ມາ ທີ່ ເມືອງ​ດັ່ງ​ກ່າວ ໂດຍ​ການເປັນປະທານຂອງສະຫາຍ ອຳນວຍ ເຮືອງວົງສາ ກຳມະການພັກແຂວງ ເລຂາຄະນະບໍລິຫານງານພັກເມືອງ, ມີບັນດາສະຫາຍ ກຳມະການປະຈຳພັກເມືອງ, ກຳມະການພັກເມືອງ, ປະທານຄະນະກຳມະການພັກຕາແສງ ແລະ ເລຂາພັກບ້ານເຂົ້າຮ່ວມ.

​ ເພື່ອຮັບປະກັນໃຫ້ຄຳສະເໜີຂອງປະຊາຊົນ ທີ່ໄດ້ສະເໜີຜ່ານສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາຊົນແຂວງ (ສສຂ) ໃນໂອກາດລົງເຄື່ອນໄຫວພົບປະຜູ້ມີສິດເລືອກຕັ້ງ ໄດ້ຮັບການແກ້ໄຂຢ່າງທັນການ ແລະ ແທດເຖິງຕົວຈິງ. ສະນັ້ນ, ວັນທີ 29 ມິຖຸນາຜ່ານ​ມາ ທີ່ ຫ້ອງປະຊຸມຫ້ອງວ່າການເມືອງໂຂງ ແຂວງຈຳປາສັກ ໄດ້ຈັດກອງປະຊຸມຮັບຟັງການຊີ້ແຈງຈາກພາກສ່ວນກ່ຽວຂ້ອງຂອງຫ້ອງການອ້ອມຂ້າງເມືອງ ໂດຍການເປັນປະທານ​ຂອງ ທ່ານ ຈັນທະນົງສິນ ຈັນທະພິມ ປະທານຄະນະກຳມະການປົກຄອງເມືອງ, ມີພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.