ແອັບຂາຍປີ້ລົດໄຟ LCR Ticket APP

14:10 30/01/2024

ບໍລິສັດທາງລົດໄຟບໍ່ຢຸດທີ່ຈະພັດທະນາອຳນວຍຄວາມສະດວກໃຫ້ຜູ້ຊົມໃຊ້ເຕັມທີ່, ປັດຈຸບັນLCR Ticket APP ໄດ້ເພີ່ມຊ່ອງທາງການລົງທະບຽນດ້ວຍເບີໂທລະສັບຜູ້ຊົມໃຊ້ສາມາດເລືອກລົງທະບຽນດ້ວຍເບີໂທລາວ, ຈີນແລະໄທ, ອີກທັງຜູ້ຊົມໃຊ້ສາກົນຍັງສາມາດນໍາໃຊ້ອີເມວໃນການລົງທະບຽນແລະຊຳລະເງິນຜ່ານMastercard ໄດ້ຕື່ມອີກຊຶ່ງໃນຕໍ່ໜ້າຈະບໍ່ເປັນບັນຫາຕໍ່ຜູ້ຊົມໃຊ້ໃນການຊື້ປີ້ຜ່ານLCR Ticket. ນອກຈາກນີ້, ຍັງໄດ້ເພີ່ມຊ່ອງທາງການດາວໂຫຼດAPP ທີ່ຫຼາກຫຼາຍຂຶ້ນຊຶ່ງປັດຈຸບັນສາມາດດາວໂຫຼດແອັບLCR Ticket ໄດ້ແລ້ວທັງໃນApple store, Google Play store ແລະໃນຮ້ານຄ້າຂອງHuawei, Samsung, Xiaomi, Oppo ແລະVivo. ນອກຈາກນີ້, ຍັງເພີ່ມຊ່ອງທາງການຊຳລະຜ່ານທະນາຄານກະສິກຳລາວໄດ້ອີກດ້ວຍ, ອຳນວຍຄວາມສະດວກໃຫ້ຜູ້ໂດຍສານໃນການຊື້ປີ້ຫຼາຍຂຶ້ນ.
ຜູ້ໂດຍສານສາມາດຄົ້ນຫາ, ດາວໂຫຼດແລະຕິດຕັ້ງAPP ໄດ້ໂດຍກົງໃນທຸກApp store ທີ່ກ່າວມາຂ້າງເທິງແລະຍັງສາມາດນຳໃຊ້ອີເມວໃນການລົງທະບຽນແລະຊຳລະເງິນຜ່ານMastercard ໄດ້ນຳອີກຊຶ່ງການອັບເດດໃນຄັ້ງນີ້ຈະຊ່ວຍອຳນວຍຄວາມສະດວກໃຫ້ແກ່ຜູ້ໂດຍສານສາກົນໃນການຊື້ປີ້ລົດໄຟຫຼາຍຂຶ້ນ, ລາຍລະອຽດຂອງການອັບເດດLCR Ticket APP ເວີຊັ່ນໃໝ່ມີດັ່ງນີ້:
1. ການລົງທະບຽນ.
ນອກຈາກໄດ້ເພີ່ມຊ່ອງທາງການລົງທະບຽນດ້ວຍເບີໂທລະສັບ3ປະເທດຄື: ລາວ, ຈີນແລະໄທແລ້ວ, ຍັງສາມາດນຳໃຊ້ອີເມວເພື່ອລົງທະບຽນໄດ້. ໃນເວລາລົງທະບຽນສາມາດໃສ່ເບີໂທແລະອີເມວພ້ອມກັນ, ແຕ່ລະບົບຈະຮັບຮອງເອົາເບີໂທເປັນຊ່ອງທາງຫຼັກໃນການລົງທະບຽນ, ເມື່ອເບີໂທລະສັບແລະອີເມວໄດ້ຮັບການຢືນຢັນແລ້ວ, ເວລາເຂົ້າລະບົບແມ່ນສາມາດໃຊ້ເບີໂທຫຼືອີເມວlog in ເຂົ້າສູ່ລະບົບໄດ້ເລີຍ.
2. ການເຂົ້າສູ່ລະບົບ.
ການເຂົ້າສູ່ລະບົບດ້ວຍລະຫັດຜ່ານ: ສະໜັບສະໜູນການlog in ເຂົ້າສູ່ລະບົບດ້ວຍການໃຊ້ຊື່ຫຼືເບີໂທລະສັບຫຼືອີເມວ + ລະຫັດຜ່ານໄດ້; ລະບົບຈະປະມວນເນື້ອໃນຂໍ້ມູນທີ່ປ້ອນຊຶ່ງການເພີ່ມໝາຍເລກໂທລະສັບນັ້ນແມ່ນຈະຂຶ້ນລະຫັດປະເທດໂດຍອັດຕະໂນມັດ.
ການເຂົ້າສູ່ລະບົບໂດຍເບີໂທລະສັບ: ສາມາດນຳໃຊ້ເບີໂທລະສັບ + ລະຫັດຜ່ານ + ລະຫັດຢືນຢັນຫຼືເລກເອກະສານປະຈຳໂຕເພື່ອເຂົ້າສູ່ລະບົບ.
3. ກໍລະນີລືມລະຫັດຜ່ານ.
ສາມາດກູ້ຄືນລະຫັດຜ່ານໂດຍນຳໃຊ້ເບີໂທລະສັບຫຼືອີເມວຢືນຢັນ. ເພື່ອຮັກສາຄວາມປອດໄພຂອງຂໍ້ມູນຜູ້ໃຊ້ຜູ້ໃຊ້ຕ້ອງໄດ້ຢັ້ງຢືນເອກະສານປະຈຳໂຕທີ່ໃຊ້ໃນການລົງທະບຽນ.
4. ຂໍ້ມູນສ່ວນຕົວ.
ການແຈ້ງເຕືອນ: ຜູ້ໃຊ້ສາມາດເລືອກຊ່ອງທາງຮັບການແຈ້ງເຕືອນໃຫ້ບໍລິການທາງເບີໂທລະສັບຫຼືອີເມວກໍໄດ້.
ການແກ້ໄຂເບີໂທລະສັບ: ຜູ້ໃຊ້ສາມາດປ່ຽນເບີໂທລະສັບທີ່ເຊື່ອມກັບບັນຊີໄດ້ໂດຍເບີໂທລະສັບໃໝ່ຈະຖືກນຳໃຊ້ຫຼັງຈາກເບີທີ່ປ່ຽນແລ້ວໄດ້ຮັບການກວດສອບແລະເປີດໃຊ້ງານສຳເລັດ.
ການແກ້ໄຂອີເມວ: ຜູ້ໃຊ້ສາມາດປ່ຽນອີເມວທີ່ເຊື່ອມກັບບັນຊີໄດ້ໂດຍອີເມວໃໝ່ຈະສາມາດນຳໃຊ້ຫຼັງຈາກອີເມວທີ່ປ່ຽນແລ້ວໄດ້ຮັບການກວດສອບແລະເປີດໃຊ້ງານສຳເລັດ.
5. ການແຈ້ງການທຸລະກຳ.
ຫຼັງຈາກການເຮັດທຸລະກຳການຊື້ປີ້, ຖອນປີ້ຫຼືການປ່ຽນປີ້, ລະບົບຈະສົ່ງການແຈ້ງເຕືອນໄປຍັງເບີໂທລະສັບຫຼືອີເມວຂອງຜູ້ໃຊ້ໂດຍອັດຕະໂນມັດ.
ນອກຈາກອັບເດດຟັງຊັນໃໝ່ທີ່ເປີດໂຕໃນຄັ້ງນີ້ແລ້ວ, ໃນມໍ່ໆນີ້ຍັງຈະມີຟັງຊັນຕ່າງໆທີ່ເພີ່ມຂຶ້ນມາເຊັ່ນ: ສາມາດພິມໃບບິນຊື້ປີ້ອອນລາຍ, ການປ່ຽນແປງປີ້ຫຼືຖອນປີ້ທີ່ຊື້ຈາກອອນລາຍທີ່ປ່ອງບໍລິການຂາຍປີ້ໄດ້ອີກ.
ຂ່າວ: ບໍລິສັດ ລົດໄຟ

ຄໍາເຫັນ

ຂ່າວການຮ່ວມມື

ນາຍົກລັດຖະມົນຕີ ແຫ່ງ ຣາຊະອານາຈັກໄທ ພ້ອມດ້ວຍພັນລະຍາ ແລະ ຄະນະ ເດີນທາງເຖິງນະຄອນຫຼວງວຽງຈັນ

16/10/2025 13:14

ໃນຕອນເຊົ້າຂອງວັນທີ 16 ຕຸລານີ້, ພະນະທ່ານ ອະນຸທິນ ຊານວີຣະກຸນ ນາຍົກລັດຖະມົນຕີ ແຫ່ງ ຣາຊະອານາຈັກໄທ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງເຖິງສະໜາມບິນສາກົນວັດໄຕ ນະຄອນຫຼວງວຽງຈັນ ເພື່ອດໍາເນີນການຢ້ຽມຢາມ ສປປ ລາວ ຢ່າງເປັນທາງການ ຊຶ່ງພິທີຕ້ອນຮັບທີ່ສະໜາມບິນສາກົນວັດໄຕ ໄດ້ຈັດຂຶ້ນຢ່າງອົບອຸ່ນ ແລະ ສົມກຽດ ໂດຍມີ ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງໂຍທາທິການ ແລະ ຂົນສົ່ງ, ທັງເປັນລັດຖະມົນຕີກຽດຕິຍົດ ພ້ອມດ້ວຍຄະນະ ທັງຝ່າຍລາວ ແລະ ຝ່າຍໄທ ໃຫ້ການຕ້ອນຮັບ.

ເອກອັກຄະລັດຖະທູດ ແຫ່ງ ສປປ ລາວ ຍື່ນສານຕາຕັ້ງຕໍ່ ສົມເດັດພະຣາຊາ ແຫ່ງ ຣາຊະອານາຈັກ ນອກແວ

15/10/2025 15:34

ຫວ່າງບໍ່ດົນມານີ້ ທີ່ພະຣາຊະວັງເຈົ້າຊີວິດຢູ່ນະຄອນຫຼວງໂອສະໂລ ປະເທດນອກແວ, ທ່ານ ບຸນທະວີ ວິລະວົງ ໄດ້ຍື່ນສານຕາຕັ້ງຕໍ່ສົມເດັດພະຣາຊາ ຮາຣາດ ທີ 5 (Harald V) ແຫ່ງ ຣາຊະອານາຈັກນອກແວ ເພື່ອດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສາທາລະນະລັດ ປະຊາທິປະໄຕ ປະຊາຊົນລາວ ຄົນໃໝ່ ປະຈຳ ຣາຊະອານາຈັກ ນອກແວ.

ຄະນະຜູ້ແທນແຂວງຈ້ຽງຊູ້ ຢ້ຽມຢາມ ແລະ ເຮັດວຽກຢູ່ ສປປ ລາວ

15/10/2025 15:21

ໂດຍຕອບສະໜອງຕາມຄຳເຊີນ ຂອງຫ້ອງວ່າການນະຄອນຫຼວງວຽງຈັນ, ຄະນະຜູ້ແທນແຂວງຈ້ຽງຊູ້ ສປ ຈີນ ນຳໂດຍສະຫາຍ ຊູ ຢົງຫົງ (Chu Yonghong) ກຳມະການປະຈຳພັກແຂວງ ເລຂາທິການຄະນະບໍລິຫານງານພັກແຂວງຈ້ຽງຊູ້ ສປ ຈີນ ພ້ອມດ້ວຍຄະນະຈຳນວນ 8 ສະຫາຍ ມາຢ້ຽມຢາມ ແລະ ເຮັດວຽກ ຢູ່ ສປປ ລາວ ແຕ່ວັນທີ 14-16 ຕຸລາ 2025.

ກອງທັບລາວ-ກໍາປູເຈຍ ເພີ່ມທະວີການຮ່ວມມືສອງຝ່າຍ

15/10/2025 15:13

ໃນລະຫວ່າງວັນທີ 13-16 ຕຸລາ ນີ້, ທ່ານ ພົນເອກ ເຕຍ ໄຊຫາ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດແຫ່ງຣາຊະອານາຈັກກໍາປູເຈຍ ພ້ອມຄະນະ ໄດ້ເດີນທາງຢ້ຽມຢາມ ແລະ ເຮັດວຽກຢູ່ ສປປ ລາວ ຊຶ່ງພິທີຕ້ອນຮັບຢ່າງເປັນທາງການໄດ້ຈັດຂຶ້ນໃນຕອນເຊົ້າວັນທີ 14 ຕຸລາ ນີ້ ຢູ່ກະຊວງປ້ອງກັນປະເທດ ໂດຍການຕ້ອນຮັບຂອງທ່ານ ພົນໂທ ຄໍາລຽງ ອຸທະໄກສອນ ລັດຖະມົນຕີກະຊວງປ້ອງກັນປະເທດແຫ່ງ ສປປ ລາວ ພ້ອມດ້ວຍຄະນະ.

3 ກອງທັບຊ້ອມກອບກູ້ໄພພິບັດ

15/10/2025 15:04

ກອງທັບກຳປູເຈຍ-ລາວ-ຫວຽດນາມຝຶກຊ້ອມກອບກູ້ໄພພິບັດຮ່ວມປະສານທຸກພາກສ່ວນເພື່ອໃຫ້ຂັ້ນເທິງສັງເກດການຄັ້ງທີ 2 ໃນວັນທີ 13 ຕຸລາ ຜ່ານມາ ທີ່ສະໜາມຝຶກຊ້ອມອ່າງນໍ້າຫຸມ ເມືອງນາຊາຍທອງ ນະຄອນຫຼວງວຽງຈັນ, ໂດຍມີທ່ານ ພົນຕີ ສາຍໃຈ ກົມມະສິດ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງ ທັບປະຊາຊົນລາວ, ຫົວໜ້າຄະນະຊີ້ນໍາການຝຶກຊ້ອມກອບກູ້ໄພພິບັດຮ່ວມ 3 ກອງທັບປະຈໍາປີ 2025, ທ່ານ ພັນເອກ ຟ້າມ ວັນຢູ້ງ ຮອງຫົວໜ້າເສນາທິການທະຫານເຂດ 4, ຫົວໜ້າຄະນະຊີ້ນໍາກອບກູ້ໄພພິບັດຮ່ວມ 3 ກອງທັບຝ່າຍຫວຽດນາມ, ທ່ານ ພັນເອກ ລົງ ກິມທຽນ ຮອງຫົວໜ້າກົມອົບຮົມ ກອງບັນຊາການທະຫານສູງສຸດ, ຫົວໜ້າຄະນະຊີ້ນໍາຝຶກຊ້ອມກອບກູ້ໄພພິບັດຮ່ວມ 3 ກອງທັບຝ່າຍກໍາປູເຈຍ ພ້ອມດ້ວຍພາກສ່ວນກ່ຽວຂ້ອງ 3 ກອງທັບເຂົ້າຮ່ວມ.

ກອງປະຊຸມດ້ານການຂົນສົ່ງອາຊຽນ ຄັ້ງທີ 49 ແລະດ້ານການຂົນສົ່ງຜ່ານແດນ ຄັ້ງທີ 17

15/10/2025 09:17

ໃນລະຫວ່າງວັນທີ 14-17 ຕຸລາ 2025ນີ້, ທີ່ໂຮງແຮມສຸພັດຕານະຄອນ ຫຼວງພະບາງ ແຂວງຫຼວງພະບາງ, ກົມຂົນສົ່ງ ກະຊວງໂຍທາທິການ ແລະ ຂົນສົ່ງ ສປປ ລາວ ໄດ້ຈັດກອງປະຊຸມໜ່ວຍງານວິຊາການ ອໍານວຍຄວາມສະດວກ ດ້ານການຂົນສົ່ງອາຊຽນ ຄັ້ງທີ 49 (49th Transport Facilitation Working Group Meeting) ແລະກອງປະຊຸມ ຫົວໜ້າຄະນະປະສານງານ ດ້ານການຂົນສົ່ງຜ່ານແດນ ຄັ້ງທີ 17 (17th Transit Transport Coordinating Board Meeting) ໂດຍເປັນປະທານຂອງ ທ່ານ ນາງ ອໍາໄພວັນ ແກ້ວປະດິດ ຮອງຫົວໜ້າກົມຂົນສົ່ງ ກະຊວງໂຍທາທິການ ແລະ ຂົນສົ່ງ, ມີຄະນະຜູ້ແທນຈາກ ປະເທດສະມາຊິກ ອາຊຽນ 10 ປະເທດ, ກອງເລຂາອາຊຽນ ຄູ່ຮ່ວມພັດທະນາ ຈາກປະເທດ ຍີ່ປຸ່ນ, ອາເມລິກາ, ຕິມໍເລດເຕ ໃນຖານະປະເທດ ສັງເກດການ ແລະຜູ້ຕາງໜ້າຈາກອົງການຈັດຕັ້ງລັດທີ່ກ່ຽວຂ້ອງ ເຂົ້າຮ່ວມ.

ເປີດກອງປະຊຸມຜູ້ນຳລະດັບໂລກວ່າດ້ວຍບົດບາດ ແລະ ສິດທິຂອງແມ່ຍິງ

13/10/2025 22:05

ກອງປະຊຸມ ຜູ້ນຳລະດັບໂລກວ່າດ້ວຍບົດບາດ ແລະ ສິດທິຂອງແມ່ຍິງ ໄດ້ເປີດຂຶ້ນຢ່າງເປັນທາງການໃນວັນທີ 13 ຕຸລານີ້ ທີ່ຫໍປະຊຸມແຫ່ງຊາດຂອງຈີນ ທີ່ປັກກິ່ງ, ໂດຍການເຂົ້າຮ່ວມຂອງທ່ານ ສີ ຈິ້ນຜິງ ປະທານປະເທດ ແຫ່ງ ສາທາລະນະລັດ ປະຊາຊົນຈີນ ພ້ອມດ້ວຍ ພັນລະຍາ, ແລະ ຜູ້ຕາງໜ້າແມ່ຍິງຫຼາຍກວ່າ100ປະເທດ ຈາກ 5 ທະວີບ ທົ່ວໂລກ ແລະ ທ່ານ ນາງ ປານີ ຢາທໍ່ຕູ້ ເປັນຜູ້ຕາງໜ້າ ສປປ ລາວ ນຳພາຄະນະເຂົ້າຮ່ວມກອງປະຊຸມຄັ້ງນີ້.

ຄະນະຜູ້ແທນລາວເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 34

10/10/2025 11:39

ໃນລະຫວ່າງວັນທີ 6-9 ຕຸລາ ຜ່ານມາ, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງວັດທະນະທຳ ແລະ ການທ່ອງທ່ຽວແຫ່ງ ສປປ ລາວ ໄດ້ນໍາພາຄະນະຜູ້ແທນທາງການລາວເຂົ້າຮ່ວມກອງປະຊຸມສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 34 ຢູ່ເຊລັງກໍ ປະເທດມາເລເຊຍ ພາຍໃຕ້ຫົວຂໍ້ “ການມີສ່ວນຮ່ວມຢ່າງທົ່ວເຖິງ ແລະ ຍືນຍົງ” ໂດຍການເປັນປະທານຂອງທ່ານ ດາໂຕະ ສຣິ ຕິຢອງ ຄິງ ຊິງ ລັດຖະມົນຕີກະຊວງທ່ອງທ່ຽວ, ສິລະປະ ແລະ ວັດທະນະທຳແຫ່ງມາເລເຊຍ, ມີບັນດາລັດຖະມົນຕີ, ຮອງລັດຖະມົນຕີ, ຜູ້ຕາງໜ້າສະພາວັດທະນະທຳ-ສັງຄົມອາຊຽນ, ຕີມໍແລັດສະເຕ ແລະ ເລຂາທິການໃຫຍ່ອາຊຽນເຂົ້າຮ່ວມ.

ລັດຖະບານ ລາວ ປະດັບຫຼຽນກາມິດຕະພາບໃຫ້ແກ່ ເອກອັກຄະລັດຖະທູດ ສິງກະໂປ ປະຈໍາ ສປປ ລາວ

10/10/2025 11:34

ໃນວັນທີ 9 ຕຸລານີ້ ທີ່ ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ ທ່ານ ຊູເດສ ມາເນຍ (Sudesh Maniar) ເອກອັກຄະລັດຖະທູດ ແຫ່ງ ສາທາລະນະລັດ ສິງກະໂປ ປະຈໍາ ສປປ ລາວ, ໃນໂອກາດທີ່ທ່ານສໍາເລັດການປະຕິບັດໜ້າທີ່ການທູດ ຢູ່ ສປປ ລາວ, ພ້ອມທັງຕາງໜ້າໃຫ້ລັດຖະບານ ແຫ່ງ ສປປ ລາວ ປະດັບຫຼຽນກາມິດຕະພາບ ໃຫ້ແກ່ທ່ານເອກອັກຄະລັດຖະທູດ ສິງກະໂປ ເພື່ອເປັນການຊົມເຊີຍ ແລະ ສັນລະເສີນ ຕໍ່ຜົນງານໃນການປະກອບສ່ວນຂອງທ່ານເອກອັກຄະລັດຖະທູດ ເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ສິງກະໂປ ໄດ້ຢ່າງຈົບງາມ, ມີປະສິດທິພາບ ແລະ ປະສິດທິຜົນ.

ສະເຫຼີມສະຫຼອງ 65 ປີ ແຫ່ງການສ້າງຕັ້ງສາຍພົວພັນການທູດ ລາວ-ຣັດເຊຍ

10/10/2025 10:00

ໃນຕອນຄໍ່າຂອງວັນທີ 9 ກັນຍາ ຜ່ານມານີ້ ທີ່ໂຮງແຮມດອນຈັນພາເລດ ນະຄອນຫຼວງວຽງຈັນໄດ້ມີພິທີສະເຫຼີມສະຫຼອງ ຄົບຮອບ 65 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ສ ຣັດເຊຍ ຂຶ້ນຢ່າງເປັນທາງການ, ເຂົ້າຮ່ວມເປັນກຽດໃນພິທີດັ່ງກ່າວມີ ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ໃນນາມຕາງໜ້າລັດຖະບານ ແຫ່ງ ສປປ ລາວ ແລະ ທ່ານ ວະລາດີເມຍ ກາລີນິນ ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສ ຣັດເຊຍ ປະຈໍາ ສປປ ລາວ ຕາງໜ້າລັດຖະບານ ແຫ່ງ ສ ຣັດເຊຍ, ມີບັນດາທ່ານລັດຖະມົນຕີ, ຮອງລັດຖະມົນຕີ, ເຈົ້າໜ້າທີ່ຂັ້ນສູງຂອງລາວ, ທູຕານຸທູດປະຈໍາ ສປປ ລາວ ແລະ ແຂກຖືກເຊີນຈາກພາກສ່ວນຕ່າງໆ ເຂົ້າຮ່ວມຢ່າງພ້ອມພຽງ.

ເພີ່ມເຕີມ