 |
ເວທີປາໄສດັ່ງກ່າວໄດ້ມີບັນດາຜູ້ນໍາພັກກອມມູນິດຈາກຕ່າງປະເທດ, ນັກວິຊາການລັດທິມາກທີ່ມີອິດທິພົນລະດັບສາກົນ, ອົງກອນທີ່ເຄື່ອນໄຫວທາງສັງຄົມ ຈາກ 40 ປະເທດທົ່ວໂລກ, ໃນນີ້ ສປປ ລາວກໍໄດ້ເຂົ້າຮ່ວມ. ມີບັນດາທູຕານຸທູດຕ່າງປະເທດປະຈຳຈີນຈຳນວນໜຶ່ງ ຊຶ່ງໄດ້ມາຮ່ວມແລກປ່ຽນ ແລະ ສົນທະນາຢ່າງເລິກເຊິ່ງຮ່ວມກັບນັກວິຊາການຈີນ.
 |
ເວທີປາໄສສັງຄົມນິຍົມໂລກ ໄດ້ຮັບການສ້າງຕັ້ງຂຶ້ນໃນປີ 2004, ໄດ້ກາຍເປັນເວທີແລກປ່ຽນວິຊາການທີ່ສຳຄັນຂອງປະຊາຄົມໂລກ ໃນການສຶກສາຄົ້ນຄວ້າທິດສະດີລັດທິມາກ, ການພັດທະນາສັງຄົມນິຍົມ ແລະ ການຄຸ້ມຄອງບໍລິຫານພັກການເມືອງ.
 |
ເວທີປາໄສໄດ້ຕິດພັນຢ່າງໃກ້ຊິດກັບການປ່ຽນແປງຂອງສະພາບການພາຍໃນ ແລະ ຕ່າງປະເທດໃນປັດຈຸບັນ, ໂດຍໄດ້ສຸມໃສ່ສົນທະນາຢ່າງເລິກເຊິ່ງກ່ຽວກັບກົດເກນການກໍ່ສ້າງພັກການເມືອງ, ການຮັດແໜ້ນການແລກປ່ຽນ ແລະ ຮຽນຮູ້ຊຶ່ງກັນ ແລະ ກັນລະຫວ່າງພັກການເມືອງທີ່ຢຶດຖືລັດທິມາກ, ພ້ອມທັງຊຸກຍູ້ການພັດທະນາໃຫ້ມີການຂະຫຍາຍຕົວດີຂຶ້ນທັນຍຸກທັນສະໄໝ.
ຂ່າວ: ຕະວິນຍານ
ຄໍາເຫັນ