ໃນວັນທີ 23 ຕຸລານີ້, ພະແນກຊັບພະຍາກອນມະນຸດ ຝ່າຍ Corporate Services (CS) ບໍລິສັດ ໄຟຟ້າ ຫົງສາ ຈໍາກັດ ຈັດພິທີມອບທຶນການສຶກສາ ພາຍໃຕ້ໂຄງການ Local Scholarship Student Program (LSSP) ປະຈໍາປີ 2023 ທີ່ ອາຄານຫົງຄໍາໄຊຍາຄານ ໂດຍການເປັນປະທານຂອງ ທ່ານ ຄະທາຍຸດ ຊູພູນ ຜູ້ອໍານວຍການໃຫຍ່ ບໍລິສັດ ໄຟຟ້າ ຫົງສາ ຈໍາກັດ ແລະ ໄດ້ຮັບກຽດຈາກ ທ່ານ ພົມມາ ພົມມະຫານ ຮອງເຈົ້າເມືອງຫົງສາ ເຂົ້າຮ່ວມພິທີ, ມີຕົວແທນຈາກຫ້ອງການສຶກສາທິການ ແລະ ກິລາ ເມືອງຫົງສາ ແລະ ເມືອງເງິນ, ນັກຮຽນທີ່ໄດ້ຮັບທຶນ, ພໍ່ແມ່ນັກຮຽນ ແລະ ພະນັກງານ ບໍລິສັດ ໄຟຟ້າ ຫົງສາ ຈໍາກັດ ທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.
ຈຸດປະສົງຂອງການມອບທຶນໃນຄັ້ງນີ້, ເພື່ອເປີດໂອກາດໃຫ້ນັກຮຽນ ທີ່ຮຽນຈົບຊັ້ນມັດທະຍົມສຶກສາຕອນປາຍແລ້ວ ຜູ້ທີ່ມີຜົນການຮຽນດີ ແລະ ມີຄວາມປະພຶດດີ ສາມາດເຂົ້າສຶກສາຕໍ່ໃນລະດັບປະລິນຍາຕີໃນສະຖາບັນສຶກສາພາຍໃນ ສປປ ລາວ ຈົນຈົບຫຼັກສູດ ໂດຍເປັນການຫຼຸດຄ່າໃຊ້ຈ່າຍດ້ານການສຶກສາໃຫ້ກັບຜູ້ປົກຄອງ ແລະ ຄອບຄົວ ແລະ ເມື່ອນ້ອງໆນັກສຶກສາທີ່ຮຽນຈົບໃນລະດັບປະລິນຍາຕີແລ້ວ ທາງບໍລິສັດຈະມອບສັນຍາການເປັນພະນັກງານຂອງບໍລິສັດ ໃຫ້ກັບນັກຮຽນເປັນໄລຍະເວລາ 2 ປີ ເພື່ອຮ່ວມເປັນສ່ວນສໍາຄັນໃນການພັດທະນາຊັກກະຍະພາບຂອງນັກຮຽນທີ່ສາມາດນໍາຄວາມຮູ້ຈາກສາຂາວິຊາທີ່ຮຽນຈົບມາປະຍຸກໃຊ້ ໃຫ້ເກີດປະໂຫຍດຕໍ່ຕົວເອງ, ຊຸມຊົນ ແລະ ສັງຄົມຕໍ່ໄປ; ສໍາລັບປີ 2023 ນີ້, ບໍລິສັດ ໄຟຟ້າ ຫົງສາ ຈໍາກັດ ໄດ້ມີນະໂຍບາຍມອບທຶນການສຶກສາໃນລະດັບຊັ້ນປະລິນຍາຕີ ໃຫ້ແກ່ນັກສຶກສາໃນເຂດ ເມືອງຫົງສາ, ເມືອງເງິນ ແລະ ເມືອງຊຽງຮ່ອນ ຈໍານວນ 5 ທຶນ (ທຶນລະ 55.400.000 ກີບ) ໃນສາຂາວິຊາຕ່າງໆ ເຊັ່ນ: ສາຂາວິສະວະກໍາບໍ່ແຮ່ ຈໍານວນ 2 ທຶນ, ສາຂາວິສະວະກໍາໄຟຟ້າ ຈໍານວນ 1 ທຶນ, ສາຂາວິສະວະກໍາສິ່ງແວດລ້ອມ ຈໍານວນ 1 ທຶນ ແລະ ສາຂາບໍລິຫານທຸລະກິດ ຈໍານວນ 1 ທຶນ ລວມເປັນເງິນທັງໝົດ ຈໍານວນ 277.000.000 ກີບ
ບໍລິສັດ ໄຟຟ້າ ຫົງສາ ຈໍາກັດ ມີພັນທະສັນຍາສ່ວນໜຶ່ງ ທີ່ຈະຕ້ອງປະຕິບັດຕາມພັນທະສັນຍາສໍາປະທານ ວ່າດ້ວຍການພັດທະນາຄຸນນະພາບຊີວິດ ແລະ ສັງຄົມອ້ອມຂ້າງ ຈຶ່ງໄດ້ໃຫ້ຄວາມສໍາຄັນໃນການພັດທະນາເຍົາວະຊົນ ອັນຈະເປັນກໍາລັງສໍາຄັນໃນການພັດທະນາບ້ານເມືອງ ແລະ ປະເທດຊາດໃນອະນາຄົດ ບໍລິສັດຈຶ່ງໃຫ້ການສະໜັບສະໜູນທຶນການສຶກສາໃຫ້ກັບນັກຮຽນທີ່ມີຜົນການຮຽນດີໃນລະດັບຊັ້ນປະຖົມສຶກສາ ຈົນຈົບລະດັບປະລິນຍາຕີ ມາຕັ້ງແຕ່ປີ 2011ຈົນເຖິງປັດຈຸບັນ ໄດ້ໃຫ້ການສະໜັບສະໜູນທຶນການສຶກສາໃນລະດັບຊັ້ນປະຖົມສຶກສາມາແລ້ວຫຼາຍກວ່າ 450 ທຶນ ແລະ ໃນລະດັບຊັ້ນປະລິນຍາຕີກວ່າ 70 ທຶນ ແລະ ຍັງເປີດໂອກາດໃຫ້ນ້ອງໆນັກສຶກສາຈາກສະຖາບັນການສຶກສາຕ່າງໆ ພາຍໃນ ສປປ ລາວ ເຂົ້າມາເຝິກງານກັບບໍລິສັດ ເພື່ອເສີມສ້າງຄວາມຮູ້ ແລະ ປະສົບການຈາກການເຮັດວຽກຈິງອີກດ້ວຍ.
(ຂ່າວ: ຫົງສາ)
ຈຸດປະສົງຂອງການມອບທຶນໃນຄັ້ງນີ້, ເພື່ອເປີດໂອກາດໃຫ້ນັກຮຽນ ທີ່ຮຽນຈົບຊັ້ນມັດທະຍົມສຶກສາຕອນປາຍແລ້ວ ຜູ້ທີ່ມີຜົນການຮຽນດີ ແລະ ມີຄວາມປະພຶດດີ ສາມາດເຂົ້າສຶກສາຕໍ່ໃນລະດັບປະລິນຍາຕີໃນສະຖາບັນສຶກສາພາຍໃນ ສປປ ລາວ ຈົນຈົບຫຼັກສູດ ໂດຍເປັນການຫຼຸດຄ່າໃຊ້ຈ່າຍດ້ານການສຶກສາໃຫ້ກັບຜູ້ປົກຄອງ ແລະ ຄອບຄົວ ແລະ ເມື່ອນ້ອງໆນັກສຶກສາທີ່ຮຽນຈົບໃນລະດັບປະລິນຍາຕີແລ້ວ ທາງບໍລິສັດຈະມອບສັນຍາການເປັນພະນັກງານຂອງບໍລິສັດ ໃຫ້ກັບນັກຮຽນເປັນໄລຍະເວລາ 2 ປີ ເພື່ອຮ່ວມເປັນສ່ວນສໍາຄັນໃນການພັດທະນາຊັກກະຍະພາບຂອງນັກຮຽນທີ່ສາມາດນໍາຄວາມຮູ້ຈາກສາຂາວິຊາທີ່ຮຽນຈົບມາປະຍຸກໃຊ້ ໃຫ້ເກີດປະໂຫຍດຕໍ່ຕົວເອງ, ຊຸມຊົນ ແລະ ສັງຄົມຕໍ່ໄປ; ສໍາລັບປີ 2023 ນີ້, ບໍລິສັດ ໄຟຟ້າ ຫົງສາ ຈໍາກັດ ໄດ້ມີນະໂຍບາຍມອບທຶນການສຶກສາໃນລະດັບຊັ້ນປະລິນຍາຕີ ໃຫ້ແກ່ນັກສຶກສາໃນເຂດ ເມືອງຫົງສາ, ເມືອງເງິນ ແລະ ເມືອງຊຽງຮ່ອນ ຈໍານວນ 5 ທຶນ (ທຶນລະ 55.400.000 ກີບ) ໃນສາຂາວິຊາຕ່າງໆ ເຊັ່ນ: ສາຂາວິສະວະກໍາບໍ່ແຮ່ ຈໍານວນ 2 ທຶນ, ສາຂາວິສະວະກໍາໄຟຟ້າ ຈໍານວນ 1 ທຶນ, ສາຂາວິສະວະກໍາສິ່ງແວດລ້ອມ ຈໍານວນ 1 ທຶນ ແລະ ສາຂາບໍລິຫານທຸລະກິດ ຈໍານວນ 1 ທຶນ ລວມເປັນເງິນທັງໝົດ ຈໍານວນ 277.000.000 ກີບ
ບໍລິສັດ ໄຟຟ້າ ຫົງສາ ຈໍາກັດ ມີພັນທະສັນຍາສ່ວນໜຶ່ງ ທີ່ຈະຕ້ອງປະຕິບັດຕາມພັນທະສັນຍາສໍາປະທານ ວ່າດ້ວຍການພັດທະນາຄຸນນະພາບຊີວິດ ແລະ ສັງຄົມອ້ອມຂ້າງ ຈຶ່ງໄດ້ໃຫ້ຄວາມສໍາຄັນໃນການພັດທະນາເຍົາວະຊົນ ອັນຈະເປັນກໍາລັງສໍາຄັນໃນການພັດທະນາບ້ານເມືອງ ແລະ ປະເທດຊາດໃນອະນາຄົດ ບໍລິສັດຈຶ່ງໃຫ້ການສະໜັບສະໜູນທຶນການສຶກສາໃຫ້ກັບນັກຮຽນທີ່ມີຜົນການຮຽນດີໃນລະດັບຊັ້ນປະຖົມສຶກສາ ຈົນຈົບລະດັບປະລິນຍາຕີ ມາຕັ້ງແຕ່ປີ 2011ຈົນເຖິງປັດຈຸບັນ ໄດ້ໃຫ້ການສະໜັບສະໜູນທຶນການສຶກສາໃນລະດັບຊັ້ນປະຖົມສຶກສາມາແລ້ວຫຼາຍກວ່າ 450 ທຶນ ແລະ ໃນລະດັບຊັ້ນປະລິນຍາຕີກວ່າ 70 ທຶນ ແລະ ຍັງເປີດໂອກາດໃຫ້ນ້ອງໆນັກສຶກສາຈາກສະຖາບັນການສຶກສາຕ່າງໆ ພາຍໃນ ສປປ ລາວ ເຂົ້າມາເຝິກງານກັບບໍລິສັດ ເພື່ອເສີມສ້າງຄວາມຮູ້ ແລະ ປະສົບການຈາກການເຮັດວຽກຈິງອີກດ້ວຍ.
(ຂ່າວ: ຫົງສາ)
ຄໍາເຫັນ