 |
ທ່ານ ຄໍາຜູ ແກ້ວດວງສີ ກ່າວວ່າ: ຊຸດຝຶກອົບຮົມຄັ້ງນີ້, ຈັດຂຶ້ນເພື່ອເປັນການບຳລຸງກົດໝາຍໃຫ້ພະນັກ ງານນໍາພາ-ຄຸ້ມຄອງຮຸ່ນສືບທອດຢູ່ແຕ່ລະບັນດາຫ້ອງການ, ອົງການ, ບ້ານ ທີ່ພວມດຳລົງຕຳແໜ່ງ ຫຼື ກຽມດຳລົງຕຳແໜ່ງຢູ່ພາຍໃນອົງການຈັດຕັ້ງພັກ-ລັດ ແລະ ອົງການຈັດຕັ້ງມະຫາຊົນ ໃຫ້ມີຄວາມຮັບຮູ້ທາງດ້ານກົດໝາຍໃນໄລຍະໃໝ່ຢ່າງເປັນລະບົບ ຕາມມາດຖານເງື່ອນໄຂທີ່ພັກ-ລັດກຳນົດໄວ້. ຊຸດຝຶກອົບຮົມຄັ້ງນີ້, ມີສຳມະນາກອນທັງໝົດ 31 ທ່ານ ຍິງ 2 ທ່ານ, ມາຈາກບ້ານ 21 ທ່ານ ຍິງ 2 ທ່ານ, ມາຈາກສໍານັກງານ, ອົງການ, ຕາແສງຈໍານວນ 10 ທ່ານ, ມີຄູຝຶກທັງໝົດ 30 ທ່ານ ຍິງ 5 ທ່ານ, ມີວິຊາຮຽນທັງໝົດ 35 ວິຊາ, ໃຊ້ເວລາຮຽນ 45 ວັນ, ມີພາກວິຊາທິດສະດີ ແລະ ພາກວິຊາກົດໝາຍ.
 |
ໂອກາດນີ້, ທ່ານ ພອນສິນ ທິລະກຸນ ໄດ້ເນັ້ນໃຫ້ສຳມະນາກອນ ຍົກສູງຄວາມຮັບຜິດຊອບຕໍ່ໜ້າທີ່ການເມືອງ ເພີ່ມທະວີຄວາມສາມັກຄີພາຍໃນ, ມີການແບ່ງງານໃຫ້ບຸກຄົນຮັບຜິດຊອບຢ່າງຈະແຈ້ງ, ມີການຕິດຕາມກວດກາເປັນແຕ່ລະໄລຍະ, ປະຕິບັດໂມງເວລາຂຶ້ນຫ້ອງສິດສອນຂອງຄູ-ອາຈານ ແລະ ນັກສຶກສາ, ເປັນເຈົ້າການ ນໍາພາສ້າງຂະບວນການດ້ານຕ່າງໆ ເພື່ອເຮັດໃຫ້ການຮຽນ-ການສອນມີບັນຍາກາດຟົດຟື້ນ.
ພາບ-ຂ່າວ: ນາງ ວັນນາ
ຄໍາເຫັນ