ໄດ້ປະກາດຫຼຸດອັດຕາດອກເບ້ຍພື້ນຖານຕື່ມອີກ 0.25%. ນີ້ແມ່ນຄັ້ງທີສອງໃນປີທີ່ FED ໄດ້ຫຼຸດອັດຕາດອກເບ້ຍພື້ນຖານລົງ. ກ່ອນໜ້ານັ້ນ, ໃນເດືອນກັນຍາປີນີ້ FED ກໍໄດ້ຫຼຸດອັດຕາດອກເບ້ຍລົງ 0,5% ຊຶ່ງເປັນການຫຼຸດລົງຄັ້ງທຳອິດພາຍຫຼັງ 4 ປີ ເມື່ອບັນດາຜູ້ວາງແຜນນະໂຍບາຍສະແດງຄວາມເຊື່ອໝັ້ນວ່າ ໄພເງິນເຟີ້ພວມຫຍັບໃກ້ເຂົ້າກັບລະດັບຄາດໝາຍ 2%.
ຂ່າວລະບຸວ່າ: FED ເລີ່ມຮັດແໜ້ນນະໂຍບາຍເງິນຕາດ້ວຍການຍົກລະດັບອັດຕາດອກເບ້ຍຂຶ້ນ 5.25% ນັບແຕ່ເດືອນມີນາ ປີ 2022 ເພື່ອແນໃສ່ຮັບມືກັບກຳລັງກົດດັນດ້ານລາຄາທີ່ເພີ່ມຂຶ້ນສູງທີ່ສຸດໃນ 4 ທົດສະວັດທີ່ຜ່ານມາ. ການເພີ່ມດອກເບ້ຍຄັ້ງຕ່າງໆຂອງ FED ໄດ້ຊ່ວຍຫຼຸດຜ່ອນລະດັບໄພເງິນເຟີ້ໃນແຕ່ລະປີຂອງ ອາເມຣິກາ ແຕ່ລະດັບສະຖິຕິແມ່ນ 9,1%ໃນເດືອນມິຖຸນາປີ 2022 ລົງເຫຼືອ 2,5% ຄືໃນປັດຈຸບັນ. ເຖິງຢ່າງໃດກໍຕາມ, ອັດຕາດອກເບ້ຍສູງ ໄດ້ເຮັດໃຫ້ວິສາຫະກິດ ແລະ ປະຊາຊົນປະສົບກັບຄວາມຫຍຸ້ງຍາກໃນການກູ້ຢຶມເງິນ. ຜູ້ຊ່ຽວຊານດ້ານເສດຖະກິດ, ນັກວາງແຜນກຳນົດນະໂຍບາຍ ກ່າວວ່າ: ຕ້ອງຮັກສາລະດັບອັດຕາດອກເບ້ຍສູງທີ່ເໝາະສົມເພື່ອຈຳກັດການເຟີ້ຂອງເງິນ ຫາກບໍ່ແມ່ນເຮັດໃຫ້ພື້ນຖານເສດຖະກິດໄປຜິດດ່ຽງຈາກທິດ.
ຄໍາເຫັນ