ຮອງປະທານຄະນະປະຈໍາສະພາແຫ່ງຊາດ ຮອງປະທານສະພາແຫ່ງຊາດ, ມີ ສສຊ ເພດຍິງ ໃນຂອບເຂດທົ່ວປະເທດ, ຜູ້ຕາງໜ້າໂຄງການ WFD ຜູ້ຮັບຜິດຊອບຝ່າຍລາວ ແລະ ແຂກຖືກເຊີນ ເຂົ້າຮ່ວມຢ່າງພ້ອມພຽງ.
ການຝຶກອົບຮົມໃນຫົວຂໍ້ດັ່ງກ່າວ ແມ່ນໄດ້ຮັບຟັງການນໍາສະເໜີຂໍ້ມູນກ່ຽວກັບລັດຖະສະພາທີ່ຄໍານຶງເຖິງບົດບາດຍິງ-ຊາຍ; ການສ້າງແຜນງົບປະມານທີ່ຄໍານຶງເຖິງບົດບາດຍິງ-ຊາຍ; ການສ້າງນິຕິກໍາທີ່ຄໍານຶງເຖິງບົດບາດຍິງ-ຊາຍ; ການເກັບກໍາຂໍ້ມູນທີ່ຄໍານຶງເຖິງບົດບາດຍິງ-ຊາຍ; ບົດຄົ້ນຄວ້າກ່ຽວກັບອຸປະສັກຕໍ່ແມ່ຍິງທີ່ເປັນການນຳໃນເວທີການເມືອງທີ່ນໍາສະເໜີໂດຍຊ່ຽວຊານຈາກປະເທດໄທ, ມາເລເຊຍ, ອັງກິດ, ໂຄງການ WFD ໂດຍຜ່ານວິດີໂອທາງໄກ ແລະ ການປະກອບຄວາມຄິດຄວາມເຫັນຢ່າງກົງໄປກົງມາຂອງບັນດາຜູ້ເຂົ້າຮ່ວມ ຊຶ່ງເປັນໂອກາດດີສຳລັບ ສສຊ ເພດຍິງ ໃນການຮ່ວມກັນຄົ້ນຄວ້າ, ປຶກສາຫາລື ແລະ ແລກປ່ຽນບົດຮຽນຊຶ່ງກັນ ແລະ ກັນ ໂດຍສະເພາະແມ່ນບົດຮຽນຈາກຊ່ຽວຊານຕ່າງປະເທດ.
ພ້ອມນີ້, ຍັງໄດ້ຮັບຟັງການໂອ້ລົມຈາກທ່ານ ນາງ ສູນທອນ ໄຊຍະຈັກ ໂດຍທ່ານໄດ້ມີບາງຄໍາເຫັນເນັ້ນໜັກເຖິງຄວາມສຳຄັນ ແລະ ຄວາມຈຳເປັນໃນການຮັບປະກັນໃຫ້ແມ່ຍິງໄດ້ມີສ່ວນຮ່ວມປະກອບສ່ວນເຂົ້າໃນຂະບວນການສ້າງກົດໝາຍ, ແຜນງົບປະມານ ແລະ ການຕົກລົງບັນຫາສໍາຄັນຂອງຊາດ; ຍົກສູງບົດບາດຂອງແມ່ຍິງໃນເວທີການເມືອງ ແນໃສ່ເຮັດໃຫ້ສິດ ແລະ ຜົນປະໂຫຍດຂອງແມ່ຍິງ ແລະ ເດັກໄດ້ຮັບການປົກປ້ອງຢ່າງແທ້ຈິງ, ຕ້ອງມີວິທີການ ແລະ ມາດຕະການໃນການສົ່ງເສີມ ແລະ ເຊື່ອມທັດສະນະບົດບາດຍິງ-ຊາຍ ເຂົ້າໃນທຸກຂົງເຂດວຽກງານຂອງສະພາແຫ່ງຊາດ ແລະ ສະພາປະຊາຊົນຂັ້ນແຂວງ; ສຸມໃສ່ສ້າງເງື່ອນໄຂໃຫ້ແມ່ຍິງ ໄດ້ມີໂອກາດເຂົ້າຮ່ວມໃນການຍົກລະດັບຄວາມຮູ້, ຄວາມສາມາດ, ທັກສະ ແລະ ຂໍ້ມູນຂ່າວສານ ກ່ຽວກັບບົດບາດຍິງ-ຊາຍໃຫ້ຫຼາຍຂຶ້ນ ໂດຍມີວິທີການ ແລະ ຮູບການທີ່ ເໝາະສົມ, ແທດຕົວຈິງ; ສູ້ຊົນໃຫ້ຈໍານວນຂອງສະມາຊິກສະພາແຫ່ງຊາດ ແລະ ສະພາປະຊາຊົນຂັ້ນແຂວງເພດຍິງ ເພີ່ມຂຶ້ນຮອດ 30%. ຢາກເຮັດໄດ້ຄືແນວນັ້ນ, ມີຄວາມຈໍາເປັນທີ່ຈະຕ້ອງຄົ້ນຄວ້າ, ຄັດເລືອກເປົ້າໝາຍເພດຍິງທີ່ມີມາດຕະຖານເງື່ອນໄຂ ເພື່ອລົງສະໝັກຮັບເລືອກຕັ້ງ ແລະ ໃນເງື່ອນໄຂທີ່ມີການເຊື່ອມໂຍງກັບສາກົນ, ການມີຄວາມຮູ້ດ້ານພາສາຕ່າງປະເທດ, ກົດໝາຍສາກົນ, ໄອທີ ແມ່ນສຳຄັນຫຼາຍ.
ທ່ານຮອງປະທານສະພາແຫ່ງຊາດໄດ້ຮຽກຮ້ອງໃຫ້ເອື້ອຍນ້ອງ ສສຊ ມີຄວາມກ້າຫານໃນການຄົ້ນຄວ້າຄິດ ຫງໍາ, ມີການປະສານສົມທົບ ແລະ ແລກປ່ຽນບົດຮຽນທີ່ດີໃນການສົ່ງເສີມການມີສ່ວນຮ່ວມຂອງແມ່ຍິງຢູ່ໃນເວ ທີການເມືອງໃຫ້ຫຼາຍຂຶ້ນ.
(ຂ່າວ-ພາບ: ສອນສັກ ວັນວິໄຊ)
ຄໍາເຫັນ