ໃນວັນທີ 25 ຕຸລານີ້, ກົມເລຂານຸການ-ການນໍາ, ຫ້ອງວ່າການສູນກາງພັກ ໄດ້ຈັດຝຶກອົບຮົມວຽກງານເລຂານຸການແບບມືອາຊີບ ແລະ ຈຸດພິເສດຂອງອາຊີບເລຂານຸການ, ໂດຍການເປັນປະທານຂອງ ສະຫາຍ ຜາຄໍາ ອິນແສງຄະນະປະຈໍາພັກຮອງຫົວໜ້າຫ້ອງວ່າການສູນກາງພັກ ຜູ້ຊີ້ນໍາວຽກງານກົມເລຂານຸການ-ການນໍາ, ມີສະຫາຍຫົວໜ້າກົມ, ຄະນະກົມ, ພະນັກງານກົມເລຂານຸການ-ການນໍາ ແລະ ພາກສ່ວນກ່ຽວຂ້ອງ ທີ່ຢູ່ໃນນະຄອນຫຼວງວຽງຈັນ ເຂົ້າຮ່ວມທັງໝົດ 50 ກວ່າສະຫາຍ.
ໂອກາດນີ້, ສະຫາຍ ຜາຄໍາ ອິນແສງ ໄດ້ໃຫ້ກຽດເຜີຍແຜ່ ຂໍ້ກໍານົດຂອງຄະນະເລຂາທິການສູນກາງພັກ ວ່າດ້ວຍເລຂານຸການ ຂອງການນໍາ ສະບັບເລກທີ 415/ຄລສພ, ລົງວັນທີ 25 ສິງຫາ 2023, ສະຫາຍ ສີສູນໄທ ແກ້ວໂພໄຊຫົວໜ້າກົມເລຂານຸການ-ການນໍາ ເຜີຍແຜ່ກ່ຽວກັບວຽກງານການເປັນເລຂານຸການປະຈໍາການນໍາຂັ້ນສູງ ຂອງພັກ-ລັດ ຊຶ່ງໄດ້ຍົກໃຫ້ເຫັນພາບລວມ, ຄວາມໝາຍ, ຄວາມສໍາຄັນຂອງວຽກງານເລຂານຸການຮັບໃຊ້ການນໍາ, ບາງທັດສະນະກ່ຽວກັບການເປັນເລຂານຸການ; ການແບ່ງປະເພດເລຂານຸການ; ຈຸດພິເສດຂອງອາຊີບເລຂານຸການ; ຄຸນສົມບັດ ແລະ ຄວາມສາມາດຂອງການເປັນເລຂານຸການ ຊຶ່ງເນື້ອໃນດັ່ງກ່າວ ແມ່ນຜ່ານການຄົ້ນຄວ້າສັງລວມຖອດຖອນບົດຮຽນທາງດ້ານທິດສະດີ ກໍຄືພຶດຕິກໍາຕົວຈິງ ຂອງກົມເລຂານຸການ-ການນໍາ ໃນໄລຍະຜ່ານມາ ເພື່ອສ້າງຄວາມເຂົ້າໃຈເປັນເອກະພາບ, ຍົກລະດັບຄຸນນະພາບຂອງວຽກງານເລຂານຸການ ປະຈໍາການນໍາຂັ້ນສູງພັກ-ລັດ ແລະ ຫັນວຽກງານເລຂານຸການ ເຂົ້າສູ່ຄຸນນະພາບໃໝ່ທີ່ແຂງແຮງ, ເລິກເຊິ່ງ ແລະ ຮອບດ້ານ; ສ້າງເງື່ອນໄຂໃຫ້ບັນດາເລຂາຂອງການນໍາໄດ້ມີການແລກປ່ຽນບົດຮຽນ ແລະ ສ້າງຂະບວນການຮັດແໜ້ນຄວາມສາມັກຄີຮັກແພງຊຶ່ງກັນ ແລະ ກັນ.
ໂອກາດນີ້, ສະຫາຍ ຜາຄຳ ອິນແສງ ໄດ້ເນັ້ນໃຫ້ ບັນດາສະຫາຍທີ່ເຂົ້າຮ່ວມຈົ່ງໄດ້ພ້ອມກັນ ກຳແໜ້ນແນວທາງນະໂຍບາຍ, ມະຕິ, ຄໍາສັ່ງ ຂອງພັກ, ລັດຖະທໍາມະນູນ, ລະບຽບ, ກົດໝາຍຂອງລັດ, ບັນດາພາລະບົດບາດ,ສິດໜ້າທີ່, ຄວາມໝາຍຄວາມສຳຄັນຂອງການເປັນເລຂາ ແລະຈຸດພິເສດຂອງແຕ່ລະກະຊວງ-ອົງການ ແລະການນໍາ. ເພື່ອສືບຕໍ່ຝຶກຝົນຕົນເອງ ທາງດ້ານວິຊາສະເພາະ, ຮ່າງກາຍ ແລະຈິດໃຈ ກຽມພ້ອມຮັບໃຊ້ການນໍາຢ່າງມີປະສິດທິພາບ ແລະປະສິດທິຜົນ ສູງຂຶ້ນກວ່າເກົ່າ.
(ຂ່າວ: ຫສພ)
ໂອກາດນີ້, ສະຫາຍ ຜາຄໍາ ອິນແສງ ໄດ້ໃຫ້ກຽດເຜີຍແຜ່ ຂໍ້ກໍານົດຂອງຄະນະເລຂາທິການສູນກາງພັກ ວ່າດ້ວຍເລຂານຸການ ຂອງການນໍາ ສະບັບເລກທີ 415/ຄລສພ, ລົງວັນທີ 25 ສິງຫາ 2023, ສະຫາຍ ສີສູນໄທ ແກ້ວໂພໄຊຫົວໜ້າກົມເລຂານຸການ-ການນໍາ ເຜີຍແຜ່ກ່ຽວກັບວຽກງານການເປັນເລຂານຸການປະຈໍາການນໍາຂັ້ນສູງ ຂອງພັກ-ລັດ ຊຶ່ງໄດ້ຍົກໃຫ້ເຫັນພາບລວມ, ຄວາມໝາຍ, ຄວາມສໍາຄັນຂອງວຽກງານເລຂານຸການຮັບໃຊ້ການນໍາ, ບາງທັດສະນະກ່ຽວກັບການເປັນເລຂານຸການ; ການແບ່ງປະເພດເລຂານຸການ; ຈຸດພິເສດຂອງອາຊີບເລຂານຸການ; ຄຸນສົມບັດ ແລະ ຄວາມສາມາດຂອງການເປັນເລຂານຸການ ຊຶ່ງເນື້ອໃນດັ່ງກ່າວ ແມ່ນຜ່ານການຄົ້ນຄວ້າສັງລວມຖອດຖອນບົດຮຽນທາງດ້ານທິດສະດີ ກໍຄືພຶດຕິກໍາຕົວຈິງ ຂອງກົມເລຂານຸການ-ການນໍາ ໃນໄລຍະຜ່ານມາ ເພື່ອສ້າງຄວາມເຂົ້າໃຈເປັນເອກະພາບ, ຍົກລະດັບຄຸນນະພາບຂອງວຽກງານເລຂານຸການ ປະຈໍາການນໍາຂັ້ນສູງພັກ-ລັດ ແລະ ຫັນວຽກງານເລຂານຸການ ເຂົ້າສູ່ຄຸນນະພາບໃໝ່ທີ່ແຂງແຮງ, ເລິກເຊິ່ງ ແລະ ຮອບດ້ານ; ສ້າງເງື່ອນໄຂໃຫ້ບັນດາເລຂາຂອງການນໍາໄດ້ມີການແລກປ່ຽນບົດຮຽນ ແລະ ສ້າງຂະບວນການຮັດແໜ້ນຄວາມສາມັກຄີຮັກແພງຊຶ່ງກັນ ແລະ ກັນ.
ໂອກາດນີ້, ສະຫາຍ ຜາຄຳ ອິນແສງ ໄດ້ເນັ້ນໃຫ້ ບັນດາສະຫາຍທີ່ເຂົ້າຮ່ວມຈົ່ງໄດ້ພ້ອມກັນ ກຳແໜ້ນແນວທາງນະໂຍບາຍ, ມະຕິ, ຄໍາສັ່ງ ຂອງພັກ, ລັດຖະທໍາມະນູນ, ລະບຽບ, ກົດໝາຍຂອງລັດ, ບັນດາພາລະບົດບາດ,ສິດໜ້າທີ່, ຄວາມໝາຍຄວາມສຳຄັນຂອງການເປັນເລຂາ ແລະຈຸດພິເສດຂອງແຕ່ລະກະຊວງ-ອົງການ ແລະການນໍາ. ເພື່ອສືບຕໍ່ຝຶກຝົນຕົນເອງ ທາງດ້ານວິຊາສະເພາະ, ຮ່າງກາຍ ແລະຈິດໃຈ ກຽມພ້ອມຮັບໃຊ້ການນໍາຢ່າງມີປະສິດທິພາບ ແລະປະສິດທິຜົນ ສູງຂຶ້ນກວ່າເກົ່າ.
(ຂ່າວ: ຫສພ)
ຄໍາເຫັນ