ຫາລື ການຈັດຕັ້ງປະຕິບັດໂຄງການກໍ່ສ້າງທາງດ່ວນວຽງຈັນ-ຮ່າໂນ້ຍຊ່ວງທີ 2

15:04 18/05/2026

ກອງປະຊຸມປຶກສາຫາລືການຈັດຕັ້ງປະຕິບັດໂຄງການກໍ່ສ້າງທາງດ່ວນວຽງຈັນ-ຮ່າໂນ້ຍຊ່ວງທີ 2 ແຕ່ເມືອງປາກຊັນ ຫາຊາຍແດນລາວ-ຫວຽດນາມ (ແທ້ງຖຸຍ) ເມືອງໄຊຈໍາພອນ ຈັດຂຶ້ນໃນວັນທີ 16 ພຶດສະພາ ຜ່ານມາ, ທີ່ແຂວງບໍລິຄໍາໄຊ ໂດຍການເປັນປະທານຂອງທ່ານ ເຫຼັກໄຫຼ ສີວິໄລ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ), ມີທ່ານ ຄໍາແຫວນ ປັນຍານຸວົງ ປະທານຄະນະກໍາມະການປົກຄອງແຂວງບໍລິຄຳໄຊ, ມີຄະນະຊີ້ນໍາ ແລະ ຄຸ້ມຄອງໂຄງການກໍ່ສ້າງທາງດ່ວນເຂົ້າຮ່ວມ.

ຫາລ ການຈດຕງປະຕບດໂຄງການກສາງທາງດວນວຽງຈນ-ຮາໂນຍຊວງທ 2 - image 1

ໂຄງການກໍ່ສ້າງທາງດ່ວນວຽງຈັນ-ຮ່າໂນ້ຍຊ່ວງທີ 2 ແຕ່ເມືອງປາກຊັນ ຫາຊາຍແດນລາວ-ຫວຽດນາມ (ແທ້ງຖຸຍ) ເມືອງໄຊຈໍາພອນ ມີຈຸດເລີ່ມຕົ້ນຢູ່ ກມ0+000 (ບ້ານທົ່ງໃຫຍ່ ເມືອງປາກຊັນ) ຫາຊາຍແດນລາວ-ຫວຽດນາມ (ແທ້ງຖຸຍ) ເມືອງໄຊຈໍາພອນ ແຂວງບໍລິຄຳໄຊ ມີລວງຍາວປະມານ 203,8 ກິໂລແມັດ (ກມ), ກວມເອົາ 4 ຕົວເມືອງ 28 ບ້ານ (ເມືອງປາກຊັນ, ບໍລິຄັນ, ວຽງທອງ ແລະ ເມືອງໄຊຈໍາພອນ); ໄດ້ເຊັນບົດສຶກສາຄວາມເປັນໄປໄດ້ໂດຍແມ່ນບໍລິສັດນໍ້າທາ 3 ເອັດ, ໄດ້ເຊັນສັນຍາພັດທະນາ (CA) ແບບມີເງື່ອນປີໄຂ ໃນວັນທີ 15 ຕຸລາ 2025, ອາຍຸການກໍ່ສ້າງ 4 ປີ ຮອດ 2029; ກົມຂົວທາງ ໄດ້ຮັບຮອງເອົາແບບແຕ້ມລະອຽດຈໍານວນ 2 ຈຸດ ໃນຮູບແບບອອກແບບໄປພ້ອມ ແລະ ກໍ່ສ້າງໄປພ້ອມ (Design Build) ແຕ່ ກມ 30+000 ຫາ 40+000 ແລະ ກມ 92+000 ຫາ 100+000.

ຫາລ ການຈດຕງປະຕບດໂຄງການກສາງທາງດວນວຽງຈນ-ຮາໂນຍຊວງທ 2 - image 2

ຜ່ານການຈັດຕັ້ງປະຕິບັດແມ່ນມີຄວາມຄືບໜ້າພໍສົມຄວນ ໄດ້ທະລຸແລວທາງເພື່ອເກັບກໍາຂໍ້ມູນ ຕາມແລວທີ່ໄດ້ຮັບຮອງສໍາເລັດປະມານ 63 ກິໂລແມັດ, ເກັບກໍາຜົນກະທົບສິ່ງແວດລ້ອມ 4 ເມືອງຄື: ເມືອງປາກຊັນ: ມີຂອບເຂດແລວທາງດ່ວນຜ່ານ 25 ກມ. (ແຕ່ກມ 0+000 ຫາ ກມ 25+000) ກວມເອົາ 8 ບ້ານ, ເກັບກໍາຜົນກະທົບສິ່ງແວດລ້ອມສໍາເລັດ 100% ມີຈໍານວນ 5 ບ້ານ (ບ້ານທົ່ງໃຫຍ່, ບ້ານສວນສະຫວັນ, ບ້ານປັດຊຸມ, ບ້ານນາດີ ແລະ ບ້ານບົວແວງຄໍາ), ຍັງ 3 ບ້ານ (ບ້ານສົມສະຫວາດ, ບ້ານນາຂາມ ແລະ ບ້ານຄໍາບອນ); ເມືອງບໍລິຄັນ: ມີຂອບເຂດແລວທາງດ່ວນຜ່ານ 66 ກມ (ແຕ່ກມ 0+000 ຫາ ກມ 91+000) ກວມເອົາ 5 ບ້ານ, ເກັບກໍາສໍາເລັດແຕ່ຍັງບໍ່ທັນໄດ້ເຊັນຮັບຮອງຂໍໍ້ມູນຈາກຄະນະກໍາມະການຂັ້ນເມືອງ ມີຈໍານວນ 3 ບ້ານ (ບ້ານພູຄໍາ, ບ້ານປາກໂພຍ ແລະ ບ້ານຫີນໂງ່ນ) ຍັງບໍ່ທັນສໍາເລັດ 2 ບ້ານຄື: ບ້ານພູຄໍາ ແລະ ບ້ານນໍ້າເຕັກ; ເມືອງວຽງທອງ: ມີຂອບເຂດແລວທາງດ່ວນຜ່ານ 39 ກມ (ແຕ່ ກມ 91+000 ຫາ ກມ 130+000) ກວມເອົາ 6 ບ້ານ, ເກັບກໍາສໍາເລັດ 3 ບ້ານ (ບ້ານກົກຂາມ, ບ້ານໂພນດູ່ ແລະ ບ້ານຫ້ວຍຫອຍ) ຍັງບໍ່ທັນສໍາເລັດ 3 ບ້ານຄື: ບ້ານມີໄຊ, ບ້ານໄຊບົວທອງ ແລະ ບ້ານນາຕັນ; ເມືອງໄຊຈໍາພອນ: ມີຂອບເຂດແລວທາງດ່ວນຜ່ານ 73,8 ກມ (ແຕ່ ກມ 130+000 ຫາ ກມ 203+800) ກວມເອົາ 9 ບ້ານ, ເກັບກໍາຜົນກະທົບສິ່ງແວດລ້ອມສໍາເລັດ 100% ຈໍານວນ 2 ບ້ານ, ກໍາລັງຈັດຕັ້ງປະຕິບັດ 3 ບ້ານ ແລະ ຍັງເຫຼືອ 4 ບ້ານ. ປັດຈຸບັນ, ຄະນະວິຊາການຂັ້ນແຂວງໄດ້ສໍາເລັດການຄົ້ນຄວ້າລາຄາຫົວໜ່ວຍຊົດເຊີຍຜົນກະທົບເປັນພື້ນຖານເບື້ອງຕົ້ນ.

ຫາລ ການຈດຕງປະຕບດໂຄງການກສາງທາງດວນວຽງຈນ-ຮາໂນຍຊວງທ 2 - image 3

ໂອກາດນີ້, ທ່ານລັດຖະມົນຕີກະຊວງ ຍທຂ ສະເໜີໃຫ້ຄະນະຊີ້ນໍາ ແລະ ຄຸ້ມຄອງໂຄງການແຕ່ລະຂັ້ນ ກໍຄື ບໍລິສັດ ນໍ້າທາ 3 ເອັດ ຈົ່ງໄດ້ສຶກສາວິເຄາະ-ວິໄຈໃຫ້ລະອຽດ ໃນການແກ້ໄຂແລວທາງປ່ຽນແປງໃໝ່ ຊ່ວງ ກມ 150+000 ຫາ ກມ 203+800, ການກຳນົດຫົວໜ່ວຍຊົດເຊີຍ, ມາດຕະຖານເຕັກນິກການກໍ່ສ້າງຕາມນິຕິກຳ ແລະ ກົດໝາຍທີ່ໄດ້ກຳນົດອອກ.

ຫາລ ການຈດຕງປະຕບດໂຄງການກສາງທາງດວນວຽງຈນ-ຮາໂນຍຊວງທ 2 - image 4

ຂ່າວ-ພາບ: ສາຍສະໝອນ

ຄໍາເຫັນ

ຂ່າວການຮ່ວມມື

ປາຖະກະຖາວັນສະຖາປະນາ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ ຄົບຮອບ 78 ປີ

09/09/2026 10:36

ໃນວັນທີ 8 ກັນຍານີ້ ທີ່ສະໂມສອນຫ້ອງວ່າການປົກຄອງເມືອງໄຊທານີ, ສະມາຄົມມິດຕະພາບ ລາວ - ສປປ ເກົາຫຼີ ແລະ ອົງການປົກຄອງເມືອງໄຊທານີ ຮ່ວມກັບ ສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈໍາ ສປປ ລາວ ໄດ້ຈັດພິທີປາຖະກະຖາ ເນື່ອງໃນໂອກາດວັນສະຖາປະນາ ສາທາ ລະນະລັດ ປະຊາຊົນ ປະຊທິປະໄຕ ເກົາຫຼີ ຄົບຮອບ 78 ປີ (9/9/1948-09/09/2026),

ຄະນະຜູ້ແທນພັກ ປປ ລາວ ເຂົ້າຮ່ວມງານບຸນມະໂຫລານ ອາວັງເຕ ຄັ້ງທີ 50

09/09/2026 10:32

ໂດຍອີງຕາມການເຊື້ອເຊີນຂອງ ພັກກອມມູນິດປອກຕຸຍການ, ຄະນະຜູ້ແທນພັກປະຊາຊົນປະຕິວັດລາວ ນຳໂດຍ ສະຫາຍ ວາລະໄຊ ເລັ່ງສະຫວັດ ກໍາມະການສໍາຮອງສູນກາງພັກ ຮອງຫົວໜ້າຄະນະພົວພັນຕ່າງປະເທດສູນກາງພັກ ພ້ອມດ້ວຍຄະນະ ໄດ້ເດີນທາງໄປຮ່ວມງານບຸນມະໂຫລານ ອາວັງເຕ ຄັ້ງທີ 50 (Avante Festival) ຂອງ ພັກກອມມູນິດປອກຕຸຍການ (Portuguese Communist Party) ທີ່ເມືອງລິດສະບອນ ປະເທດປອກຕຸຍການ, ໃນລະຫວ່າງວັນທີ 4–6 ກັນຍາ ຜ່ານມາ.

ເປີດການຝຶກຊ້ອມຮ່ວມສອງກອງທັບ ລາວ-ຈີນ ຂະບວນລົດໄຟສັນຕິພາບ-2026

08/09/2026 17:05

ພິທີເປີດການຝຶກຊ້ອມຮ່ວມສອງກອງທັບ ລາວ-ຈີນ ພາຍໃຕ້ລະຫັດ "ຂະບວນລົດໄຟສັນຕິພາບ-2026" ເພື່ອຊ່ວຍເຫຼືອມະນຸດສະທໍາ ແລະ ການບໍລິການດ້ານການແພດ ຈັດຂຶ້ນໃນວັນທີ 7 ກັນຍາຜ່ານມາ ທີ່ສະໂມສອນ ກົມໃຫຍ່ພະລາທິການກອງທັບປະຊາຊົນລາວ, ໂດຍການເປັນປະທານຮ່ວມຂອງສະຫາຍ ພົນຕີ ຈັນດີ ສຸລິວົງສັກ ຫົວໜ້າກົມໃຫຍ່ພະລາທິການກອງທັບ ຫົວໜ້າຄະນະຊີ້ນໍາການຝຶກຊ້ອມຮ່ວມສອງກອງທັບ ລາວ-ຈີນ

ແລກປ່ຽນບົດຮຽນກັບຊ່ຽວຊານ ສສ ຫວຽດນາມ ກ່ຽວກັບການຈັດຕັ້ງປະຕິບັດວຽກງານຂອງພັກ-ລັດ

08/09/2026 17:01

ຄະນະຈັດຕັ້ງສູນກາງພັກ ໄດ້ຈັດກອງປະຊຸມສຳມະນາ ເພື່ອແລກປ່ຽນບົດຮຽນຮ່ວມກັບ ຄະນະຊ່ຽວຊານຈາກ ສາທາລະນະລັດ ສັງຄົມນິຍົມ ຫວຽດນາມ ໃນຫົວຂໍ້: ແບບແຜນວິທີເຮັດວຽກ ແລະ ການພົວພັນປະສານງານ ລະຫວ່າງ ເລຂາຄະນະບໍລິຫານງານພັກ ກັບປະທານຄະນະກໍາມະການປົກຄອງນະຄອນຫຼວງວຽງຈັນ, ແຂວງ, ເມືອງ ແລະ ນະຄອນ, ໃນວັນທີ 8 ກັນຍານີ້ ທີ່ສະໂມສອນຂອງຄະນະຈັດຕັ້ງສູນກາງພັກ ໂດຍການເປັນປະທານ ຂອງສະຫາຍ ພົນເອກ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຜູ້ປະຈຳການ ຄະນະເລຂາທິການສູນກາງພັກ.

ເປີດການນໍາໃຊ້ກາສັນຍາລັກ ສະຫຼອງ 70 ປີ ວັນສ້າງຕັ້ງສາຍພົວພັນການທູດ ລາວ-ກໍາປູເຈຍ

08/09/2026 16:52

ໃນຕອນບ່າຍຂອງວັນທີ 7 ກັນຍານີ້, ທີ່ ກະຊວງການຕ່າງປະເທດ ແຫ່ງ ສປປ ລາວ, ໄດ້ມີພິທີເປີດການນໍາໃຊ້ກາສັນຍາລັກ (Logo) ຢ່າງເປັນທາງການ ເພື່ອສະເຫຼີມສະຫຼອງວັນສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ລາຊະອານາຈັກກໍາປູເຈຍ ຄົບຮອບ 70 ປີ (5 ກໍລະກົດ 1956 - 5 ກໍລະກົດ 2026) ຊຶ່ງຕາງໜ້າລັດຖະບານລາວ ເຂົ້າຮ່ວມໂດຍ ທ່ານ ອານຸພາບ ວົງໜໍ່ແກ້ວ ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ຕາງໜ້າລັດຖະບານ ກໍາປູເຈຍ ເຂົ້າຮ່ວມໂດຍ ທ່ານພາ ໜອງ, ເອກອັກຄະລາຊະທູດ ວິສາມັນ ຜູ້ມີອໍານາດເຕັມ ແຫ່ງ ລາຊະອານາຈັກ ກໍາປູເຈຍ ປະຈໍາ ສປປ ລາວ ພ້ອມດ້ວຍພາກສ່ວນທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມ.

ທ່ານ ອານຸພາບ ວົງໜໍ່ແກ້ວ ຕ້ອນຮັບຜູ້ຕາງໜ້າອົງການ UNDP ປະຈໍາລາວ ຄົນໃໝ່

08/09/2026 16:49

ໃນຕອນບ່າຍຂອງວັນທີ 7 ກັນຍານີ້, ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີກະຊວງການຕ່າງປະເທດ, ຕາງໜ້າໃຫ້ ລັດຖະບານ ແຫ່ງ ສປປ ລາວ ໄດ້ຕ້ອນຮັບການເຂົ້າຍື່ນສານແຕ່ງຕັ້ງຂອງ ທ່ານ ນາງ ອາຍຊານີ ອີລານກາ ມາດາການໂກດາ ລາເບ (Ayshanie Ilanka Medagangoda-Labé), ຜູ້ຕາງໜ້າອົງການສະຫະປະຊາຊາດ ເພື່ອການພັດທະນາ (UNDP) ປະຈໍາ ສປປ ລາວ ຄົນໃໝ່, ໂດຍມີການເຂົ້າຮ່ວມຂອງບັນດາກົມກ່ຽວຂ້ອງຂອງກະຊວງການຕ່າງປະເທດ ແລະ ຄະນະຈາກອົງການ UNDP ປະຈໍາ ສປປ ລາວ.

ກອງປະຊຸມປະຈໍາປີຂອງກຸ່ມແມ່ຍິງອາຊຽນທີ່ນະຄອນຫຼວງວຽງຈັນ (ກຍອວ)

07/09/2026 13:59

ໃນວັນທີ 4 ກັນຍາ ຜ່ານມານີ້, ກຸ່ມແມ່ຍິງອາຊຽນທີ່ນະຄອນຫຼວງວຽງຈັນ (ກຍອວ) ຫຼື ASEAN Women’s Circle in Vientiane (AWCV) ໄດ້ຈັດກອງປະຊຸມປະຈຳປີ 2026 ທີ່ນະຄອນຫຼວງວຽງຈັນ, ພາຍໃຕ້ການເປັນປະທານຂອງທ່ານນາງ ແສງດາວັນ ວົງໄຊ ຫົວໜ້າກົມອາຊຽນ ກະຊວງການຕ່າງປະເທດ, ທັງເປັນປະທານສະຫະພັນແມ່ຍິງກະຊວງການຕ່າງປະເທດ ແລະ ປະທານກຸ່ມ ກຍອວ ຊຶ່ງມີທ່ານເອກອັກຄະລັດຖະທູດຍິງ, ພັນລະຍາຂອງທ່ານເອກອັກຄະລັດຖະທູດ, ນັກການທູດຍິງ ແລະ ພັນລະຍາຂອງນັກການທູດຈາກບັນດາສະຖານທູດຂອງປະເທດສະມາຊິກອາຊຽນປະຈໍາ ສປປ ລາວ, ລວມທັງນັກການທູດ ແລະ ກອງເລຂາຂອງກຸ່ມດັ່ງກ່າວຈາກກະຊວງການຕ່າງປະເທດແຫ່ງ ສປປ ລາວ ກໍຄືຄະນະບໍລິຫານງານ ແລະ ສະມາຊິກຂອງກຸ່ມດັ່ງກ່າວເຂົ້າຮ່ວມຢ່າງພ້ອມພຽງ.

ກອງປະຊຸມສາມັນ ຄັ້ງທີ 10 ລະຫວ່າງ ກອງພົນທີ 5 ແລະ ບໍລິສັດ ມິດຕະພາບ 206

07/09/2026 10:58

ວັນທີ 4 ກັນຍາ 2026, ຢູ່ທີ່ຫ້ອງປະຊຸມ ບໍລິສັດ ມິດຕະພາບ 206 ທະຫານເຂດ 5 ກອງທັບປະຊາຊົນຫວຽດນາມ ໄດ້ຈັດກອງປະຊຸມສາມັນ ຄັ້ງທີ 10 ປະຈຳປີ 2026 ລະຫວ່າງ ກອງພົນທີ 5 ກອງທັບປະຊາຊົນລາວ ແລະ ບໍລິສັດ ມິດຕະພາບ 206 ທະຫານເຂດ 5 ກອງທັບປະຊາຊົນຫວຽດນາມ ໂດຍການເປັນປະທານຮ່ວມ ຂອງສະຫາຍ ພົນຈັດຕະວາ ບຸນສົມ ອິນທະລາ ຫົວໜ້າການທະຫານ ກອງພົນທີ 5 ກອງທັບປະຊາຊົນລາວ ແລະ ສະຫາຍ ໂງ ແມັງ ຮຸ່ງ ອຳນວຍການບໍລິສັດ ມິດຕະພາບ 206, ມີບັນດາຄະນະພັກ-ຄະນະບັນຊາ ແລະ ພາກສ່ວນກ່ຽວຂ້ອງ ທັງສອງຝ່າຍ ເຂົ້າຮ່ວມ.

ການນຳແຂວງຊຽງຂວາງອວຍພອນຊາວຫວຽດນາມໂອກາດວັນຊາດຄົບຮອບ 81 ປີ

04/09/2026 10:51

ທ່ານ ພູວົງ ອຸ່ນຄຳແສນ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງ ພ້ອມດ້ວຍຄະນະ ໄດ້ອວຍພອນວັນວັນຊາດ ສສຫວຽດນາມ ຄົບຮອບ81ປີ( 2ກັນຍາ1945-2ກັນຍາ2026) ໃນວັນທີ 3 ກັນຍາຜ່ານມາທີ່ ແຂວງຊຽງຂວາງ ໂດຍມີຄະນະຄຸ້ມຄອງຊາວຫວຽດນາມ, ກອງຂຸດຄົ້ນອັດຖິທະຫານອາສາສະມັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດຢູ່ແຂວງຊຽງຂວາງ ໃນພາລະກິດຕ້ານຈັກກະພັດຜູ້ຮຸກຮານ, ບໍລິສັດໂກເອໂກ, ກອງກໍ່ສ້າງກ່າ(ກອງກ່າ), ທະນາຄານຮ່ວມທຸລະກິດລາວ-ຫວຽດ ແລະ ຄະນະບໍລິສັດລາວຈັງໂກ ວີນາມີ້ວ.

ສະຫຼອງຄົບຮອບ 30 ປີ ການສ້າງຕັ້ງສະຖາບັນແມ່ນໍ້າຂອງ ພາຍໃຕ້ຫົວຂໍ້ “People-Partnership-Progress”

04/09/2026 10:43

ຫວ່າງບໍ່ດົນມານີ້, ທ່ານ ສົມບູນ ສີຫານາດ ຫົວໜ້າກົມເສດຖະກິດ ກະຊວງການຕ່າງປະເທດ, ໃນນາມປະທານສະພາບໍລິຫານງານ ສະຖາບັນແມ່ນໍ້າຂອງ ໄດ້ເຂົ້າຮ່ວມງານສະເຫຼີມສະຫຼອງຄົບຮອບ 30 ປີ ແຫ່ງການສ້າງຕັ້ງສະຖາບັນແມ່ນໍ້າຂອງທີ່ຂອນແກ່ນ ປະເທດໄທ, ໂດຍມີສະມາຊິກສະພາບໍລິຫານງານສະຖາບັນແມ່ນ້ຳຂອງ, ສະມາຊິກຄະນະປະຈຳສະຖາບັນແມ່ນ້ຳຂອງ, ບັນດາຜູ້ຕາງໜ້າຈາກສະຖານກົງສຸນໃຫຍ່ຂອງບັນດາປະເທດສະມາຊິກອະນຸພາກພື້ນແມ່ນໍ້າຂອງ (GMS) ທີ່ ຂອນແກ່ນ, ຄູ່ຮ່ວມງານ, ຄູ່ຮ່ວມພັດທະນາ ແລະ ພະນັກງານຂອງສະຖາບັນດັ່ງກ່າວ ໄດ້ເຂົ້າຮ່ວມຢ່າງພ້ອມພຽງ.

ເພີ່ມເຕີມ