ໂດຍ: ວັນເພັງ
ນາກເປັນສັດໃນຕຳນານ ທີ່ຊຸມຊົນເຊື້ອຊາດລາວມີຄວາມເຊື່ອຖື ແລະ ຕິດພັນກັບການດໍາລົງຊີວິດຂອງຕົນມາແຕ່ດຶກດຳບັນ ຊຶ່ງໄດ້ສະແດງອອກຜ່ານການຕັ້ງຊື່ຂອງເມືອງ ຫຼື ນໍາເອົາໄປສ້າງສັນໃນງານຈິດຕະກຳ, ປະຕິມາກຳ ແລະ ຫັດຖະກໍາຕ່າງໆ. ອັນທີ່ພົ້ນເດັ່ນແມ່ນການນໍາເອົາຄວາມເຊື່ອ ກ່ຽວກັບນາກຂອງແມ່ຍິງລາວ ໄປປະຍຸກໃຊ້ເຂົ້າໃນວຽກງານຫັດຖະກໍາຕໍ່າແຜນຈົນກາຍມາເປັນເອກະລັກ ອັນໂດດເດັ່ນຂອງຜ້າແພລາວ ແລະ ເປັນມໍລະດົກຕົກທອດຈາກຮຸ່ນຄົນຕໍ່ຮຸ່ນຄົນຈົນເຖິງປັດຈຸບັນ ເຮັດໃຫ້ຫັດຖະກຳພື້ນເມືອງພູມປັນຍາການຕໍ່າລາຍນາກຂອງຊຸມຊົນເຊື້ອຊາດລາວຖືກຮັບຮອງເຂົ້າໃນບັນຊີມໍລະດົກ ວັດທະນະທຳ ທີ່ບໍ່ເປັນວັດຖຸ.
ທ່ານ ພະຂັນໄຊ ສີຄັນໄຊ ຫົວໜ້າກົມມໍລະດົົກ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ລາຍງານໃຫ້ຮູ້ ໃນວັນທີ 22 ທັນວາ ຜ່ານມາ ລາຍນາກເປັນລາຍທີ່ໂດດເດັ່ນອັນດັບໜຶ່ງໃນຜ້າແພລາວ ທີ່ຖືກປະດິດຄິດສ້າງຂຶ້ນດ້ວຍຈິດສຳນຶກ, ຄວາມເຊື່ອຖື, ບູຊາ, ມີສິລະປະອັນປານີດລາຍ ແລະ ຜູກພັນກັບຊີວິດການເປັນຢູ່ຂອງຊຸມຊົນເຊື້ອຊາດລາວ ຢ່າງແຍກບໍ່ອອກ. ດັ່ງນັ້ນ, ພາຍຫຼັງທີ່ “ສຽງແຄນເຊື້ອຊາດລາວ” ໄດ້ຖືກຮັບຮອງໃຫ້ເປັນບັນຊີມໍລະດົກ ວັດທະນະທໍາ ທີ່ບໍ່ເປັນວັດຖຸ ທີ່ເປັນຕົວແທນຂອງມວນມະນຸດ ໂດຍອົງການອຸຍແນັສໂກ ໃນປີ 2017. ລັດຖະບານ ສປປ ລາວ ກໍຄື ກະຊວງ ຖວທ ໄດ້ສືບຕໍ່ສະເໜີເອົາ “ຫັດຖະກຳພື້ນເມືອງ ພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ” ຕໍ່ອົງການອຸຍແນັສໂກ ເພື່ອຮັບຮອງເຂົ້າເປັນມໍລະດົກໂລກທາງດ້ານວັດທະນະທຳ ໂດຍໄດ້ມອບໃຫ້ກົມມໍຣະດົກ ປະສານສົມທົບກັບພາກສ່ວນທີ່ກ່ຽວຂ້ອງຕ່າງໆ ທັງພາກລັດ ແລະ ເອກະຊົນ ດຳເນີນການສຶກສາຄົ້ນຄວ້າ ແລະ ປະກອບເອກະສານຄຳຮ້ອງ ເຖິງອົງການອຸຍແນສໂກ ນັບຕັ້ງແຕ່ປີ 2018. ມາຮອດ ວັນທີ 31 ມີນາ 2022, ຄະນະຮັບຜິດຊອບ ກໍໄດ້ສຳເລັດເອກະສານຄຳຮ້ອງ ແລະ ນຳສົ່ງເຖິງສູນມໍລະດົກໂລກຢ່າງເປັນທາງການ.
ໃນກອງປະຊຸມໃຫຍ່ ຂອງຄະນະກຳມະການລະຫວ່າງລັດຖະບານ ວ່າດ້ວຍການປົກປ້ອງມໍລະດົກ ວັດທະນະທຳ ທີ່ບໍ່ເປັນວັດຖຸ ຄັ້ງທີ 18 ໄດ້ຈັດຂຶ້ນໃນລະຫວ່າງວັນທີ 5-8 ທັນວາ 2023 ທີ່ເມືອງຄາຊານ ສາທາລະນະລັດບັນສະວານາ. ຄະນະກຳມະການລະຫວ່າງລັດຖະບານ ວ່າດ້ວຍການປົກປ້ອງມໍລະດົກວັດທະນະທໍາ ທີ່ບໍ່ເປັນວັດຖຸ ຈາກ 24 ປະເທດ ທີ່ເປັນຕົວແທນໃຫ້ແກ່ບັນດາປະເທດພາຄີຂອງສົນທິສັນຍາດັ່ງກ່າວ ໄດ້ຮັບຮອງເອົາ “ຫັດຖະກຳພື້ນເມືອງ ພູມປັນຍາການຕໍ່າລາຍນາກຂອງຊຸມຊົນເຊື້ອຊາດລາວ” ເຂົ້າເປັນມໍລະດົກ ວັດທະນະທຳ ທີ່ບໍ່ເປັນວັດຖຸທີ່ເປັນຕົວແທນຂອງມວນມະນຸດຢ່າງເປັນທາງການ.
ທ່ານ ພະຂັນໄຊ ສີຄັນໄຊ ລາຍງານຕື່ມວ່າ: ການຮັບຮອງໃຫ້ເປັນມໍລະດົກວັດທະນະທຳ ທີ່ບໍ່ເປັນວັດຖຸ ທີ່ເປັນຕົວແທນຂອງມວນມະນຸດໂລກ ແມ່ນມີຄວາມໝາຍ-ຄວາມສຳຄັນຕໍ່ການອະນຸລັກ, ປົກປັກຮັກສາ ມໍລະດົກອັນລໍ້າຄ່າຂອງຊາດໃຫ້ມີຄວາມຍືນຍົງ ທັງເປັນປະກອບສ່ວນເຂົ້າໃນການສົ່ງເສີມ ວຽກງານເສດຖະກິດຂອງຊາດ, ເປັນການຕໍ່ຍອດໃຫ້ແກ່ຜະລິດຕະພັນ ຫັດຖະກຳຂອງລາວ ໃຫ້ມີບາດກ້າວຂະຫຍາຍຕົວອັນໃໝ່ ແລະ ເປັນທີ່ຮັບຮູ້ຈາກສາກົນຫຼາຍຂຶ້ນ. ສະນັ້ນ, ພາຍຫຼັງການຮັບຮອງເອົາ “ຫັດຖະກຳພື້ນເມືອງ ພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ” ເຂົ້າໃນບັນຊີມໍລະດົກ ວັດທະນະທໍາ ທີ່ບໍ່ເປັນວັດຖຸ ທີ່ເປັນຕົວແທນຂອງມວນມະນຸດ ຈາກອົງການອຸຍແນັສໂກ ຢ່າງເປັນທາງການ; ກະຊວງ ຖວທ ໄດ້ມີແຜນການທີ່ຈະຈັດພິທີຖະແຫຼງຢ່າງເປັນທາງການຂຶ້ນ ໃນເດືອນມັງກອນ 2024 ແລະ ກະກຽມຈັດພິທີສະເຫຼີມສະຫຼອງໃຫຍ່ ພາຍຫຼັງໄດ້ຮັບໃບຢັ້ງຢືນຢ່າງເປັນທາງການຈາກອົງການອຸຍແນັສໂກໃນໄວໆນີ້.
ນາກເປັນສັດໃນຕຳນານ ທີ່ຊຸມຊົນເຊື້ອຊາດລາວມີຄວາມເຊື່ອຖື ແລະ ຕິດພັນກັບການດໍາລົງຊີວິດຂອງຕົນມາແຕ່ດຶກດຳບັນ ຊຶ່ງໄດ້ສະແດງອອກຜ່ານການຕັ້ງຊື່ຂອງເມືອງ ຫຼື ນໍາເອົາໄປສ້າງສັນໃນງານຈິດຕະກຳ, ປະຕິມາກຳ ແລະ ຫັດຖະກໍາຕ່າງໆ. ອັນທີ່ພົ້ນເດັ່ນແມ່ນການນໍາເອົາຄວາມເຊື່ອ ກ່ຽວກັບນາກຂອງແມ່ຍິງລາວ ໄປປະຍຸກໃຊ້ເຂົ້າໃນວຽກງານຫັດຖະກໍາຕໍ່າແຜນຈົນກາຍມາເປັນເອກະລັກ ອັນໂດດເດັ່ນຂອງຜ້າແພລາວ ແລະ ເປັນມໍລະດົກຕົກທອດຈາກຮຸ່ນຄົນຕໍ່ຮຸ່ນຄົນຈົນເຖິງປັດຈຸບັນ ເຮັດໃຫ້ຫັດຖະກຳພື້ນເມືອງພູມປັນຍາການຕໍ່າລາຍນາກຂອງຊຸມຊົນເຊື້ອຊາດລາວຖືກຮັບຮອງເຂົ້າໃນບັນຊີມໍລະດົກ ວັດທະນະທຳ ທີ່ບໍ່ເປັນວັດຖຸ.
ທ່ານ ພະຂັນໄຊ ສີຄັນໄຊ ຫົວໜ້າກົມມໍລະດົົກ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ລາຍງານໃຫ້ຮູ້ ໃນວັນທີ 22 ທັນວາ ຜ່ານມາ ລາຍນາກເປັນລາຍທີ່ໂດດເດັ່ນອັນດັບໜຶ່ງໃນຜ້າແພລາວ ທີ່ຖືກປະດິດຄິດສ້າງຂຶ້ນດ້ວຍຈິດສຳນຶກ, ຄວາມເຊື່ອຖື, ບູຊາ, ມີສິລະປະອັນປານີດລາຍ ແລະ ຜູກພັນກັບຊີວິດການເປັນຢູ່ຂອງຊຸມຊົນເຊື້ອຊາດລາວ ຢ່າງແຍກບໍ່ອອກ. ດັ່ງນັ້ນ, ພາຍຫຼັງທີ່ “ສຽງແຄນເຊື້ອຊາດລາວ” ໄດ້ຖືກຮັບຮອງໃຫ້ເປັນບັນຊີມໍລະດົກ ວັດທະນະທໍາ ທີ່ບໍ່ເປັນວັດຖຸ ທີ່ເປັນຕົວແທນຂອງມວນມະນຸດ ໂດຍອົງການອຸຍແນັສໂກ ໃນປີ 2017. ລັດຖະບານ ສປປ ລາວ ກໍຄື ກະຊວງ ຖວທ ໄດ້ສືບຕໍ່ສະເໜີເອົາ “ຫັດຖະກຳພື້ນເມືອງ ພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ” ຕໍ່ອົງການອຸຍແນັສໂກ ເພື່ອຮັບຮອງເຂົ້າເປັນມໍລະດົກໂລກທາງດ້ານວັດທະນະທຳ ໂດຍໄດ້ມອບໃຫ້ກົມມໍຣະດົກ ປະສານສົມທົບກັບພາກສ່ວນທີ່ກ່ຽວຂ້ອງຕ່າງໆ ທັງພາກລັດ ແລະ ເອກະຊົນ ດຳເນີນການສຶກສາຄົ້ນຄວ້າ ແລະ ປະກອບເອກະສານຄຳຮ້ອງ ເຖິງອົງການອຸຍແນສໂກ ນັບຕັ້ງແຕ່ປີ 2018. ມາຮອດ ວັນທີ 31 ມີນາ 2022, ຄະນະຮັບຜິດຊອບ ກໍໄດ້ສຳເລັດເອກະສານຄຳຮ້ອງ ແລະ ນຳສົ່ງເຖິງສູນມໍລະດົກໂລກຢ່າງເປັນທາງການ.
ໃນກອງປະຊຸມໃຫຍ່ ຂອງຄະນະກຳມະການລະຫວ່າງລັດຖະບານ ວ່າດ້ວຍການປົກປ້ອງມໍລະດົກ ວັດທະນະທຳ ທີ່ບໍ່ເປັນວັດຖຸ ຄັ້ງທີ 18 ໄດ້ຈັດຂຶ້ນໃນລະຫວ່າງວັນທີ 5-8 ທັນວາ 2023 ທີ່ເມືອງຄາຊານ ສາທາລະນະລັດບັນສະວານາ. ຄະນະກຳມະການລະຫວ່າງລັດຖະບານ ວ່າດ້ວຍການປົກປ້ອງມໍລະດົກວັດທະນະທໍາ ທີ່ບໍ່ເປັນວັດຖຸ ຈາກ 24 ປະເທດ ທີ່ເປັນຕົວແທນໃຫ້ແກ່ບັນດາປະເທດພາຄີຂອງສົນທິສັນຍາດັ່ງກ່າວ ໄດ້ຮັບຮອງເອົາ “ຫັດຖະກຳພື້ນເມືອງ ພູມປັນຍາການຕໍ່າລາຍນາກຂອງຊຸມຊົນເຊື້ອຊາດລາວ” ເຂົ້າເປັນມໍລະດົກ ວັດທະນະທຳ ທີ່ບໍ່ເປັນວັດຖຸທີ່ເປັນຕົວແທນຂອງມວນມະນຸດຢ່າງເປັນທາງການ.
ທ່ານ ພະຂັນໄຊ ສີຄັນໄຊ ລາຍງານຕື່ມວ່າ: ການຮັບຮອງໃຫ້ເປັນມໍລະດົກວັດທະນະທຳ ທີ່ບໍ່ເປັນວັດຖຸ ທີ່ເປັນຕົວແທນຂອງມວນມະນຸດໂລກ ແມ່ນມີຄວາມໝາຍ-ຄວາມສຳຄັນຕໍ່ການອະນຸລັກ, ປົກປັກຮັກສາ ມໍລະດົກອັນລໍ້າຄ່າຂອງຊາດໃຫ້ມີຄວາມຍືນຍົງ ທັງເປັນປະກອບສ່ວນເຂົ້າໃນການສົ່ງເສີມ ວຽກງານເສດຖະກິດຂອງຊາດ, ເປັນການຕໍ່ຍອດໃຫ້ແກ່ຜະລິດຕະພັນ ຫັດຖະກຳຂອງລາວ ໃຫ້ມີບາດກ້າວຂະຫຍາຍຕົວອັນໃໝ່ ແລະ ເປັນທີ່ຮັບຮູ້ຈາກສາກົນຫຼາຍຂຶ້ນ. ສະນັ້ນ, ພາຍຫຼັງການຮັບຮອງເອົາ “ຫັດຖະກຳພື້ນເມືອງ ພູມປັນຍາການຕໍ່າລາຍນາກ ຂອງຊຸມຊົນເຊື້ອຊາດລາວ” ເຂົ້າໃນບັນຊີມໍລະດົກ ວັດທະນະທໍາ ທີ່ບໍ່ເປັນວັດຖຸ ທີ່ເປັນຕົວແທນຂອງມວນມະນຸດ ຈາກອົງການອຸຍແນັສໂກ ຢ່າງເປັນທາງການ; ກະຊວງ ຖວທ ໄດ້ມີແຜນການທີ່ຈະຈັດພິທີຖະແຫຼງຢ່າງເປັນທາງການຂຶ້ນ ໃນເດືອນມັງກອນ 2024 ແລະ ກະກຽມຈັດພິທີສະເຫຼີມສະຫຼອງໃຫຍ່ ພາຍຫຼັງໄດ້ຮັບໃບຢັ້ງຢືນຢ່າງເປັນທາງການຈາກອົງການອຸຍແນັສໂກໃນໄວໆນີ້.
ຄໍາເຫັນ