 |
ພະອາຈານ ສີສຸກ ສະເລີມຄຸນ ຮອງກຳມາທິການເຜີຍແຜ່ສິນລະທຳ ແລະ ກຳມະຖານສູນກາງ ອພສ ກ່າວວ່າ: ເພື່ອເປັນການອະຈາຣິຍະບູຊາຄຸນເນື່ອງໃນໂອກາດອາຍຸ 88 ປີ 68 ພັນສາຂອງພະອາຈານໃຫຍ່ມະຫາເວດ ມະເສໄນ. ດັ່ງນັ້ນ, ພະເດດພະຄຸນ ພະອາຈານໃຫຍ່ອົງປະທານມີສັດທາ ມີເຈດຕະນາ ແລະ ນຳພາລູກສິດຕັ້ງກອງມະຫາອັດຖະສາມັກຄີຂຶ້ນ 4 ກອງ ຊຶ່ງກອງທີ 1 ໄດ້ອຸທິດບູຊາຄຸນພະອາຈານໃຫຍ່ ລຳຄຳແກ້ວ ແພງສະດາ ອະດີດເຈົ້າອະທິການວັດ ອະດີດສັງຄະນາຍົກຜູ້ມີຄຸນປະການຕໍ່ບ້ານເມືອງ ແລະ ພຸດທະສາສະໜາ, ກອງທີ 2 ອຸທິດໃຫ້ບູຣະພາມະຫາກະສັດໂດຍສະເພາະແມ່ນເຈົ້າອະນຸວົງ, ກອງທີ 3 ອຸທິດໃຫ້ຍາທ່ານເປັ້ງ ແລະ ຍາພໍ່ໂພ (ອະດີດເຈົ້າອະທິການ ແລະ ຜູ້ຊ່ວຍເຈົ້າອະທິການວັດສີສະເກດ), ກອງທີ 4 ອຸທິດໃຫ້ເຈົ້າເພັດສະລາດຜູ້ມີຄຸນູປະການຕໍ່ບ້ານເມືອງ.
 |
ການຈັດງານໃນຄັ້ງນີ້, ຖືເປັນການສ້າງແບບຢ່າງອັນດີງາມໃຫ້ລູກຫຼານ ແລະ ສາທຸຊົນໃນການສະແດງອອກເຖິງຄວາມກະຕັນຍູບໍ່ວ່າຈະເປັນທາງກາຍ ວາຈາ ແລະ ຈິດໃຈເພື່ອສືບທອດຄຸນງາມຄວາມດີຂອງບັນພະບຸລຸດ ແລະ ຜູ້ມີຄຸນູປະການສືບຕໍ່ໄປ, ໃນພິທີມວນຊົນກໍຄືຊາວພຸດທະສາສະນິກະຊົນໄດ້ມາຮ່ວມໃສ່ບາດອີກດ້ວຍ.
 |
ຂ່າວ: ວຽງຈັນໃໝ່
ຄໍາເຫັນ