ເຈ້ຍຈ່ຽງນານຈະຢຶດໝັ້ນແນວຄິດເຕັກໂນໂລຊີ ແລະ ສີຂຽວ

ທ່ານ ເວີຍໄຫໝິນ ຜູ້ອຳນວຍການໃຫຍ່ບໍລິສັດອຸດສາຫະກຳເຈ້ຍຈ່ຽງນານທຈຳກັດ ສປ ຈີນ ເມືອງເຫີງຊ້ຽນກວາງຊີ ໄດ້ລາຍງານວ່າ: ກຸ່ມບໍລິສັດ ອຸດສາຫະກຳເຈ້ຍຈ່ຽງນານ ຈຳກັດ ສປ ຈີນ ໄດ້ດຳເດີນການຜະລິດເຈ້ຍມາເປັນເວລາ 30 ປີ, ປັດຈຸບັນສາມາດຜະລິດເຈ້ຍເພື່ອຮັບໃຊ້ປີລະ 50,000 ໂຕນ, ບໍລິສັດດັ່ງກ່າວໄດ້ສ້າງຕັ້ງຂຶ້ນໃນປີ 1996 ດຳເນີນທຸລະກິດໃນຂົງເຂດເຈ້ຍເຊັດທີ່ໃຊ້ໃນຊີວິດປະຈຳວັນມາເປັນເວລາ 30 ປີໄດ້ຮັບການຍ້ອງຍໍວ່າເປັນຜູ້ນຳດ້ານການຜະລິດເຈ້ຍເຊັດຂອງຈີນ. ຜ່ານການພັດທະນາຢ່າງໝັ້ນທ່ຽງຫຼາຍສິບປີປັດຈຸບັນໄດ້ຂະຫຍາຍຕົວຂຶ້ນເປັນກຸ່ມບໍລິສັດທັນສະໄໝທີ່ມີການຄົ້ນຄວ້ານະວັດຕະກຳທາງວິທະຍາສາດເປັນຕົວຂັບເຄື່ອນ ແລະ ທັງມີການວາງແຜນທຸລະກິດຫຼາຍຮູບແບບ ຊຶ່ງມີສຳນັກງານໃຫຍ່ຕັ້ງຢູ່ເຂດປົກຄອງຕົນເອງເຜົ່າຈ້ວງກວາງຊີ, ກຸ່ມບໍລິສັດອຸດສາຫະກຳເຈ້ຍດັ່ງກ່າວໄດ້ວາງຖານການຜະລິດອັດສະລິຍະສອງແຫ່ງຢູ່ເຂດອຸດສາຫະກຳລິວຈິງນະຄອນໜານໜິງ, ຖານການຜະລິດແບບອັດຕະໂນມັດທີ່ກ້າວໜ້າທີ່ສຸດໃນຂະແໜງການລວມມີລະບົບຄວບຄຸມອັດຕະໂນມັດ DCS ແລະ ລະບົບຄວບຄຸມຄຸນນະພາບແບບອອນລາຍ QCS ຜ່ານການຮັບຮອງລະບົບມາດຕະຖານທີ່ຊົງອິດທິພົນເຊັ່ນ: FSC, ISO 9001 ແລະ ອື່ນໆ, ສ້າງລະບົບຄວບຄຸມຄຸນນະພາບທັງຂະບວນການເພື່ອເປັນການສ້າງຄວາມໝັ້ນຄົງ ແລະ ໜ້າເຊື່ອຖືຂອງຜະລິດຕະພັນ, ທຸລະກິດຫຼັກຂອງກຸ່ມບໍລິສັດກວມ 2 ປະເພດຫຼັກຄື: ຊຸດເຈ້ຍເຊັດ ແລະ ວັດສະດຸແກນກາງສຳລັບຜະລິດຕະພັນອະນາໄມ, ຜະລິດຕະພັນປະກອບມີເຈ້ຍເຊັດມື, ເຈ້ຍສຳລັບຫ້ອງຄົວ, ເຈ້ຍອະນາໄມ, ເຈ້ຍເຊັດໜ້າ ແລ ະເຈ້ຍມ້ວນໃຫຍ່ຊະນິດຕ່າງໆພ້ອມທັງແກນກາງດູດຊຶມທາດແຫຼວທີ່ບາງພິເສດເໜາະສຳລັບການແພດແລະອື່ນໆ.ສໍາລັບເຄືອຂ່າຍຕະຫຼາດຄວບຄຸມໃນທົ່ວປະເທດແລະຍັງສົ່ງອອກໄປເອີຣົບ, ອາເມຣິກາ, ອາຊີຕາເວັນອອກສ່ຽງໃຕ້, ຕາເວັນອອກກາງ ແລະ ປະເທດຕ່າງໆ, ຊຸດເຈ້ຍເຊັດເນື້ອກຸ້ຍຊຽນ ແລະ ຊວາງໂຊວ ພາຍໃຕ້ກຸ່ມບໍລິສັດໄດ້ຮັບລາງວັນຕ່າງໆໃນອຸດສາຫະກຳຫຼາຍຄັ້ງ.

ສາມາດສ້າງມາດຕະຖານຄຸນນະພາບ ແລະ ເປັນແບບຢ່າງທາງດ້ານຊື່ສຽງອີງໃສ່ທ່າແຮງຂອງທຸລະກິດແລະ ຫຸ້ນທຸລະກິດຂອງກຸ່ມບໍລິສັດໄດ້ຂະຫຍາຍໄປສູ່ຂົງເຂດວັດສະດຸໃໝ່ເຕັກໂນໂລຊີການລົງທຶນ, ການບໍລິການທາງທຸລະກິດ, ສ້າງລະບົບນິເວດອຸດສາຫະກຳທີ່ສົມທົບກັນຢ່າງມີປະສິດທິພາບ ແລະ ເຕັມໄປດ້ວຍຊີວິດຊີວາ, ກຸ່ມບໍລິສັດຢຶດໝັ້ນການນຳພາດ້ວຍນະວັດຕະກຳມາໂດຍຕະຫຼອດຄົ້ນຄວ້າພັດທະນາເຕັກໂນໂລຊີການຜະລິດເຈ້ຍຈາກກາກອ້ອຍ (ເສດຂີ້ອ້ອຍ) ເພື່ອທົດແທນເຈ້ຍຈາກໄມ້ ແລະ ຕັ້ງໜ້າປະຕິບັດເສດຖະກິດໝູນວຽນ ແລະ ເສັ້ນທາງການພັດທະນາແບບສີຂຽວ ແລະ ກາກບອນຕໍ່າເປັນວິສາຫະກິດຜະລິດເຈ້ຍຈາກກາກອ້ອຍຊັ້ນນຳຂອງປະເທດໃນຂົງເຂດຜະລິດຕະພັນອະນາໄມ ແລະ ໄດ້ຄົ້ນຄວ້ານະວັດຕະກຳແກນກາງດູດຊຶມບາງພິເສດບຸກທະລຸເສັ້ນທາງເຕັກໂນໂລຊີແບບດັ້ງເດີມເປັນການເພີ່ມພະລັງຂັບເຄື່ອນໃໝ່ໃຫ້ການຍົກລະດັບຂອງອຸດສາຫະກຳ. ກຸ່ມບໍລິສັດໄດ້ຮ່ວມສ້າງເວທີຄົ້ນຄວ້າພັດທະນາກັບມະຫາໄລກວາງຊີ ແລະ ສະຖາບັນອື່ນໆຢ່າງເລິກເຊິ່ງ. ການປະສານງານລະຫວ່າງອຸດສາຫະກຳ, ການສຶກສາ, ການຄົ້ນຄວ້າຊ່ວຍເຫຼືອການສ້າງບຸກຄະລາກອນວິຊາຊີບ ແລະ ການຫັນຜົນງານທາງວິທະຍາສາດເປັນຈິງ. ສຳລັບອະນາຄົດກຸ່ມບໍລິສັດອຸດສາຫະກຳເຈ້ຍຈ່ຽງນານຈະຢຶດໝັ້ນແນວຄິດນຳພາອະນາຄົດເຕັກໂນໂລຊີ ແລະ ສີຂຽວໃຊ້ນະວັດຕະກຳຂັບເຄື່ອນການຍົກລະດັບອຸດສາຫະກຳໃຊ້ການກະທຳປະຕິບັດຄຳໝັ້ນສັນຍາການພັດທະນາແບບຍືນຍົງຢືນຢູ່ແຖວໜ້າຂອງການພັດທະນາຂະແໜງການ, ລົງເລິກການຜະລິດອັດສະລິຍະສີຂຽວມຸ້ງໝັ້ນທີ່ຈະເປັນພະລັງນະວັດຕະກຳອຸດສາຫະກຳລະດັບໂລກທີ່ໄດ້ຮັບຄວາມນັບຖືປະກອບສ່ວນສະຕິປັນຍາຂອງຈ່ຽງນານເພື່ອສ້າງຊີວິດທີ່ສະອາດ, ສະຫຼາດ ແລະ ດີງາມກວ່າເກົ່າ.