ອາດສົ່ງຜົນດີຕໍ່ການເຮັດວຽກຂອງສະໝອງຫຼາຍກ່ວາກິດຈະກຳປະເພດອື່ນໆ.
ທີມນັກຄົ້ນຄວ້າໄດ້ປະເມີນຮູບແບບກິດຈະກໍາໃນໄລຍະ 24 ຊົ່ວໂມງຂອງຜູ້ໃຫຍ່ທີ່ມີອາຍຸ 60 ປີຂຶ້ນໄປ ຈຳນວນ 397 ຄົນແລະພົບວ່າກິດຈະກໍາທີ່ກະຕຸ້ນການເຂົ້າສັງຄົມແລະຈິດໃຈເຊັ່ນ: ການອ່ານໜັງສື, ການຫຼິ້ນດົນຕີແລະການເຮັດວຽກຫັດຖະກໍາຫຼືເວົ້າລົມກັບຄົນອື່ນສົ່ງຜົນດີຕໍ່ຄວາມຊົງຈໍາແລະຄວາມສາມາດໃນການນຶກຄິດ. ສໍາລັບການເບິ່ງໂທລະພາບ ຫຼືການຫຼິ້ນວິດີໂອເກມມີຜົນກະທົບທາງລົບ. ໂດຍການຄົ້ນພົບດັ່ງກ່າວອາດຈະຊ່ວຍຫຼຸດຜ່ອນຄວາມສ່ຽງຂອງການເກີດຄວາມບົກຜ່ອງທາງດ້ານສະຕິປັນຍາ ຊຶ່ງລວມເຖິງຈາກອາການສະໝອງເສື່ອມ.
ທ່ານ ແມດດີສັນ ເມລໂລ ຜູ້ຊ່ຽວຊານຈາກມະຫາວິທະຍາໄລ UniSAກ່າວວ່າ: ພວກເຮົາຮັບຮູ້ນຳກັນແລ້ວວ່າການອອກກຳລັງກາຍຖືເປັນການປ້ອງກັນຄວາມສ່ຽງຕໍ່ໂຣກອາການສະໝອງເສື່ອມ ແລະ ຜູ້ຄົນຄວນໃຫ້ຄວາມສຳຄັນກັບເລື່ອງນີ້ຢ່າງຈິງຈັງພະຍາຍາມພັດທະນາສຸຂະພາບສະໝອງຂອງຕົນ.
ທ່ານ ເມລໂລ ແນະນໍາໃຫ້ແບ່ງເວລາຈາກການເບິ່ງໂທລະທັດຫຼືຫຼິ້ນເກມມາອອກກຳລັງກາຍ ຫຼື ເຮັດກິດຈະກຳເພື່ອໃຊ້ສະໝອງໃນຂະນະທີ່ນັ່ງຢູ່ 5 ນາທີ.
ອົງການອະນາໄມໂລກ ຫຼື WHO ຄາດຄະເນວ່າ: ມີຫຼາຍກວ່າ 55 ລ້ານຄົນໃນທົ່ວໂລກເປັນພະຍາດສະໝອງເສື່ອມ. ໂດຍມີການບົ່ງມະຕິຄົນເຈັບດັ່ງກ່າວກໍລະນີໃໝ່ເກືອບ 10 ລ້ານຄົນຕໍ່ປີ.
ທັງນີ້, ຄົນເຈັບອາການສະໝອງເສື່ອມ ເກືອບ 2 ໃນ 3 ຄົນ ໃນອົສຕຣາລີເປັນຜູ້ຍິງ ແລະ ຄາດວ່າພະຍາດນີ້ຈະກາຍເປັນສາເຫດຂອງການເສຍຊີວິດອັນດັບຕົ້ນໆໃນອົສຕຣາລີພາຍໃນບໍ່ເທົ່າໃດປີ ຫຼັງຈາກຂຶ້ນເປັນອັນດັບສອງໃນປີ 2023.
ຄໍາເຫັນ