ເມື່ອບໍ່ດົນມານີ້ ທີ່ໂຮງຮຽນ ມ.ສ ເມືອງແບງ ແຂວງ ອຸດົມໄຊ ໄດ້ຈັດພິທີປະກາດຮັບຮອງເອົາໂຮງຮຽນ ມ.ສ ເມືອງແບງ ເປັນໂຮງຮຽນຕົວແບບ 3 ສ ຄື: ສ ສີຂຽວ, ສ ສະອາດ ແລະ ສ ສວຍງາມ ພາຍໃຕ້ການເປັນປະທານຂອງ ທ່ານ ພົມມາ ພົມມະຈັນ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງແບງ,ມີ ທ່ານ ສີດອນ ສຸດທິວົງ ຮັກສາການຜູ້ອໍານວຍການໂຮງຮຽນ ມ.ສ ເມືອງແບງ, ຕະຫຼອດຮອດປະທານສະພາໂຮງຮຽນ, ແຂກເຊີນຈາກບັນດາຫ້ອງການອ້ອມຂ້າງເມືອງ, ຄູ-ອາຈານ ແລະ ນັກຮຽນເຂົ້າຮ່ວມ.
ໃນພິທີໄດ້ຜ່ານຂໍ້ຕົກລົງ ຂອງທ່ານເຈົ້າເມືອງແບງ ວ່າດ້ວຍການອະນຸມັດຮັບຮອງເອົາ ໂຮງຮຽນ ມ.ສ ເມືອງແບງ ເປັນໂຮງຮຽນຕົວແບບ 3 ສ ແຫ່ງທໍາອິດຂອງເມືອງ ແລະ ໄດ້ຜ່ານບົດສະຫຼຸບການຈັດຕັ້ງປະຕິບັດ, ມາດຖານ-ເງື່ອນໄຂ ການສ້າງໂຮງຮຽນ 3 ສ ແລະ ທິດທາງແຜນການໃນການສືບຕໍ່ຮັກສາມູນເຊື້ອ ຈາກນັ້ນ, ໄດ້ມອບໃບຢັ້ງຢືນຮັບຮອງເອົາໂຮງຮຽນ ມ.ສ ເມືອງແບງເປັນໂຮງຮຽນຕົວແບບ 3 ສ ໃຫ້ກຽດມອບໃບຢັ້ງຢືນ ແລະ ລັ່ນຄ້ອງ 9 ບາດ ໂດຍທ່ານ ພົມມາ ພົມມະຈັນ.
ໃນພິທີ, ທ່ານ ພົມມາ ພົມມະຈັນ ຍັງໄດ້ກ່າວຊົມເຊີຍຜົນງານທີ່ທາງໂຮງຮຽນ ມ.ສ ເມືອງແບງ ຍາດມາໄດ້ ແລະ ເນັ້ນໜັກໃຫ້ທາງໂຮງຮຽນຮັກສາມູນເຊື້ອ ແບບຢ່າງໂຮງຮຽນ 3 ສ, ພ້ອມກັນສືບຕໍ່ຈັດຕັ້ງປະຕິບັດຮັກສາຄວາມສວຍສົດງົດງາມ, ຄວາມເປັນລະບຽບຮຽບຮ້ອຍ ໃຫ້ສົມກັບຜົນງານທີ່ຍາດມາໄດ້.ໃນພິທີ ຍັງໄດ້ມີການຊົມສະແດງສິລະປະຂອງນັກຮຽນຕື່ມອີກ.
ຂ່າວ-ພາບ: ຕົ້ນຄູນ ກັນສະນິດ
ໃນພິທີໄດ້ຜ່ານຂໍ້ຕົກລົງ ຂອງທ່ານເຈົ້າເມືອງແບງ ວ່າດ້ວຍການອະນຸມັດຮັບຮອງເອົາ ໂຮງຮຽນ ມ.ສ ເມືອງແບງ ເປັນໂຮງຮຽນຕົວແບບ 3 ສ ແຫ່ງທໍາອິດຂອງເມືອງ ແລະ ໄດ້ຜ່ານບົດສະຫຼຸບການຈັດຕັ້ງປະຕິບັດ, ມາດຖານ-ເງື່ອນໄຂ ການສ້າງໂຮງຮຽນ 3 ສ ແລະ ທິດທາງແຜນການໃນການສືບຕໍ່ຮັກສາມູນເຊື້ອ ຈາກນັ້ນ, ໄດ້ມອບໃບຢັ້ງຢືນຮັບຮອງເອົາໂຮງຮຽນ ມ.ສ ເມືອງແບງເປັນໂຮງຮຽນຕົວແບບ 3 ສ ໃຫ້ກຽດມອບໃບຢັ້ງຢືນ ແລະ ລັ່ນຄ້ອງ 9 ບາດ ໂດຍທ່ານ ພົມມາ ພົມມະຈັນ.
ໃນພິທີ, ທ່ານ ພົມມາ ພົມມະຈັນ ຍັງໄດ້ກ່າວຊົມເຊີຍຜົນງານທີ່ທາງໂຮງຮຽນ ມ.ສ ເມືອງແບງ ຍາດມາໄດ້ ແລະ ເນັ້ນໜັກໃຫ້ທາງໂຮງຮຽນຮັກສາມູນເຊື້ອ ແບບຢ່າງໂຮງຮຽນ 3 ສ, ພ້ອມກັນສືບຕໍ່ຈັດຕັ້ງປະຕິບັດຮັກສາຄວາມສວຍສົດງົດງາມ, ຄວາມເປັນລະບຽບຮຽບຮ້ອຍ ໃຫ້ສົມກັບຜົນງານທີ່ຍາດມາໄດ້.ໃນພິທີ ຍັງໄດ້ມີການຊົມສະແດງສິລະປະຂອງນັກຮຽນຕື່ມອີກ.
ຂ່າວ-ພາບ: ຕົ້ນຄູນ ກັນສະນິດ
ຄໍາເຫັນ