ຮອງຫົວໜ້າ ອອປສ ລົງຕິດຕາມ ແລະ ຊຸກຍູ້ວຽກງານຮອບດ້ານ

 ອົງການໄອຍະການປະຊາຊົນ ນະຄອນຫຼວງວຽງຈັນ ແລະ ເຂດທັງ 4 ເຂດ.
ໃນການລົງຕິດຕາມແລະຊຸກຍູ້ວຽກງານຮອບດ້ານຄັ້ງນີ້ ໄດ້ຮັບຟັງການລາຍງານວຽກງານວິຊາການ ແລະ ແລກປ່ຽນບົດຮຽນຊຶ່ງກັນ ແລະ ກັນ ກ່ຽວກັບວຽກງານຫ້ອງການ, ວຽກງານຕິດຕາມກວດກາການດຳເນີນຄະດີອາຍາ,ວຽກງານຕິດຕາມກວດກາທົ່ວໄປ ແລະວຽກງານການຕິດຕາມກວດກາຄ້າຍຄຸມຂັງ-ດັດສ້າງ ເພື່ອນຳໄປຈັດຕັ້ງປະຕິບັດໃຫ້ໄດ້ຮັບຜົນດີຕາມແຜນການທີ່ວາງໄວ້ໃນຕໍ່ໜ້າ.
ໃນໂອກາດດັ່ງກ່າວ, ທ່ານ ບຸນທັນ ບຸນທະວິໄລ ໄດ້ໂອ້ລົມເນັ້ນບາງບັນຫາດັ່ງນີ້: ໃຫ້ຄະນະພັກ-ຄະນະນໍາອົງການໄອຍະການປະຊາຊົນພາກກາງ, ອົງການໄອຍະການປະຊາຊົນນະຄອນຫຼວງວຽງຈັນ ແລະ ເຂດ ຈົ່ງເພີ່ມທະວີສຶກສາອົບຮົມການເມືອງແນວຄິດໃຫ້ກັບພະນັກງານທີ່ຂຶ້ນກັບຄວາມຮັບຜິດຂອງຕົນໃຫ້ສູງຂຶ້ນກວ່າເກົ່າ; ສ້າງກົນໄກການປະສານງານທັງພາຍໃນ ແລະ ພາຍນອກ ເພື່ອຮັບປະກັນການປະຕິບັດໜ້າທີ່ໃຫ້ມີຄວາມເປັນເອກະພາບກັນ; ຈັດຕັ້ງຜັນຂະຫຍາຍບັນດາຄໍາສັ່ງ, ຄໍາແນະນໍາ ຂອງຫົວໜ້າອົງການໄອຍະການປະຊາຊົນສູງສຸດ ທີ່ໄດ້ອອກໄປນັ້ນເພື່ອນຳໃຊ້ເຂົ້າສູ່ວຽກງານຕົວຈິງ; ຄະນະນໍາແຕ່ລະຂັ້ນຕ້ອງຜັດປ່ຽນກັນຫັນລົງສູ່ຮາກຖານ ເພື່ອຊຸກຍູ້ວຽກງານໃຫ້ກັບພະນັກງານທີ່ຂຶ້ນກັບຄວາມຮັບຜິດຊອບຂອງຕົນ ຢ່າງເປັນປົກກະຕິ.
(ຂ່າວ-ພາບ ອອສປ)