ໂຮງໝໍແຂວງສະຫວັນນະເຂດ ໄດ້ຂະຫຍາຍລະບົບສະໜອງອົກຊີແຊນເພື່ອກອບກູ້ຊີວິດຄົນເຈັບ ໂດຍໄດ້ຮັບການສະໜັບສະໜູນຈາກອົງການພັດທະນາສາກົນ ສະຫະລັດອາເມຣິກາ(USAID)ແລະ ອົງການອະນາໄມໂລກ (WHO).
ພິທີມອບ-ຮັບ ເຄື່ອງດັ່ງກ່າວ ໄດ້ຈັດຂຶ້ນໃນວັນທີ 31 ມັງກອນ ຜ່ານມາທີ່ໂຮງໝໍດັ່ງກ່າວ, ລະບົບທໍ່ສົ່ງອົກຊີແຊນ ເພື່ອກອບກູ້ຊີວິດຄົນເຈັບໃຫ້ແກ່ໂຮງໝໍແຂວງສະຫວັນນະເຂດ ຊຶ່ງອົກຊີແຊນທາງດ້ານການແພດ ຈະສາມາດເຂົ້າເຖິງຄົນເຈັບຢູ່ໂຮງໝໍແຂວງສະຫວັນນະເຂດໄດ້ຫຼາຍກວ່າທີ່ຜ່ານມາ. ການຕິດຕັ້ງລະບົບທໍ່ສົ່ງອົກຊີແຊນ ທີ່ໄດ້ຮັບການສະໜັບສະໜູນຈາກອົງການພັດທະນາສາກົນ ສະຫະລັດອາເມຣິກາ (USAID) ແລະຈັດຕັ້ງໂດຍອົງການອະນາໄມໂລກ (WHO) ຈະສາມາດຊ່ວຍຊີວິດຄົນໄດ້ໂດຍກົງ, ຢ່າງຕໍ່ເນື່ອງ ແລະວ່ອງໄວ ສຳລັບຄົນເຈັບທີ່ມີຄວາມສ່ຽງສູງ ໃນໜ່ວຍງານທີ່ມີຄົນເຈັບໜັກເປັນຕົ້ນ ຫ້ອງສຸກເສີນ, ຫ້ອງຟື້ນຟູຊີບ (ICU), ຫ້ອງຜ່າຕັດ ແລະຫ້ອງເດັກແດງ.
ລະບົບທໍ່ສົ່ງອົກຊີແຊນດັ່ງກ່າວ ແມ່ນມີມູນຄ່າເກືອບ 2,5 ຕື້ກີບ (120.000 ໂດລາ) ຊຶ່ງປະກອບມີລະບົບການແຈກຢາຍອົກຊີແຊນຄົບວົງຈອນ, ລະບົບທໍ່ສົ່ງທີ່ມີຄວາມຍາວຫຼາຍກວ່າ 300 ແມັດ ຊຶ່ງມີຄວາມສາມາດໃນການອະເຊື້ອ, ມີໜ່ວຍຄວບຄຸມສູນກາງ, ລະບົບສຳຮອງ 2 ຊຸດ ແລະຫົວຈ່າຍອົກຊີແຊນ 55 ຈຸດ.ກ່າວມອບໂດຍ ທ່ານ ໄມເຄິລ ຣອນນິ້ງ ຜູ້ຕາງໜ້າອົງການ USAID ປະຈຳ ສປປ ລາວ, ທ່ານ ບັກໂຄເດຍ ເບີຄະນ໋ອບຜູ້ປະສານງານອົງການສະຫະປະຊາຊາດ ປະຈຳ ສປປ ລາວ ແລະ ທ່ານ ນາງ ຢິງ-ຣູ ແຈັກກະລິນ ໂລ ຜູ້ຕາງໜ້າອົງການອະນາໄມໂລກ ປະຈຳ ສປປ ລາວ. ເປັນກຽດກ່າວຮັບໂດຍ ທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ, ທ່ານ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ .
ລະບົບທໍ່ສົ່ງອົກຊີແຊນຖືເປັນການສ້າງຄວາມເຂັ້ມແຂງໃຫ້ແກ່ເຄື່ອງຜະລິດອົກຊີແຊນ ເຄື່ອງທີ 2 ຂອງ ສປປ ລາວ ທີ່ໂຮງໝໍແຂວງສະຫວັນນະເຂດ ໄດ້ເປີດນຳໃຊ້ເມື່ອບໍ່ດົນມານີ້ ໂດຍການສະໜັບສະໜູນຈາກອົງການອະນາໄມໂລກ, ເຄື່ອງຜະລິດອົກຊີແຊນນີ້ ເຮັດໃຫ້ໂຮງໝໍສາມາດຜະລິດອົກຊີແຊນດ້ວຍຕົນເອງໄດ້ເປັນຄັ້ງທໍາອິດ, ສາມາດຮັບປະກັນແຫຼ່ງທີ່ມາຂອງອົກຊີແຊນ, ຫຼຸດຜ່ອນການເພິ່ງພາການສະໜອງອົກຊີແຊນຈາກພາຍນອກ ແລະຫຼຸດຜ່ອນຄ່າໃຊ້ຈ່າຍອີກດ້ວຍ. ການຊ່ວຍເຫຼືອລະບົບທໍ່ສົ່ງດັ່ງກ່າວ,ເປັນສ່ວນໜຶ່ງຂອງການຊ່ວຍເຫຼືອຮອບດ້ານຈາກອົງການ USAID ຜ່ານອົງການອະນາໄມໂລກ ເພື່ອໃຫ້ ສປປ ລາວ ສາມາດເຂົ້າເຖິງອົກຊີແຊນທາງການແພດ ແລະ ທັງຮັບປະກັນໃຫ້ສະຖານທີ່ບໍລິການປິ່ນປົວພະຍາດໂຄວິດ-19 ຈຳນວນ 23 ແຫ່ງທົ່ວປະເທດ ມີອົກຊີແຊນສຳລັບນຳໃຊ້ເຂົ້າໃນການປິ່ນປົວຄົນເຈັບ ໂດຍການສະໜອງອົກຊີແຊນເຖິງ 206 ລ້ານລິດ ຊຶ່ງບັນຈຸໃສ່ບັ້ງໄວ້ສຳລັບຄົນເຈັບພະຍາດໂຄວິດ-19 ຜູ້ມີຄວາມສ່ຽງສູງ ແລະ ສະໜອງອຸປະກອນອື່ນໆທີ່ຈຳເປັນໃນການເບິ່ງແຍງປິ່ນປົວຄົນເຈັບພະຍາດໂຄວິດ-19 ໃນໄລຍະທີ່ມີການແຜ່ລະບາດ ແລະອື່ນໆ.
ທ່ານ ແສງດາວ ສີດາໄລ ຫົວໜ້າພະແນກສາທາລະນະສຸກແຂວງສະຫວັນນະເຂດໃຫ້ຮູ້ວ່າ: ຜ່ານມາໂຮງໝໍແຂວງສະຫວັນນະເຂດໄດ້ຮັບການສະໜອງອົກຊີແຊນທີ່ຜ່ານການຈັດຊື້ຮ່ວມກັນຂອງກົມອາຫານ ແລະຢາ, ຖັງລະ 64.200 ກີບ, ນອກນັ້ນຍັງມີເຄື່ອງກັ່ນຕອງອົກຊີແຊນແບບເຄື່ອນໄປທີ່ບາງຕຶກ/ໜ່ວຍງານ ຊ່ວຍໃນການສະໜອງອົກຊີແຊນໄດ້ປະມານ1-2%ຂອງຈຳນວນຕ້ອງການທັງໝົດ ເທົ່ານັ້ນ. ໃນປີ 2023 ປະລິມານການນຳໃຊ້ອົກຊີແຊນຢູ່ໂຮງໝໍແຂວງສະຫວັນນະເຂດ ໂດຍສະເລ່ຍປະມານ 1.400 ຖັງ ຫຼືປະມານ 8,4 ລ້ານລິດຕໍ່ເດືອນ ຫຼື 280.000 ລິດຕໍ່ວັນ ຄິດເປັນມູນຄ່າໃນການຈັດຊື້ປະມານ 90 ລ້ານກີບຕໍ່ເດືອນ. ໂດຍເຫັນໄດ້ຄວາມສຳຄັນຂອງອົກຊີແຊນເຂົ້າໃນການປິ່ນປົວ ພ້ອມທັງເພື່ອໃຫ້ການສະໜອງອົກຊີແຊນ ໃຫ້ແກ່ຄົນເຈັບໄດ້ຢ່າງຕໍ່ເນື່ອງ, ມີຄວາມປອດໄພແລະຍືນຍົງ,ອົງການອະນາໄມໂລກປະຈຳ ສປປ ລາວໄດ້ສະໜັບສະໜູນເຄື່ອງຜະລິດ ແລະບັນຈຸອົກຊີແຊນໃຫ້ແກ່ແຂວງສະຫວັນນະເຂດ ຈຳນວນ 1 ເຄື່ອງທີ່ມີກຳລັງການຜະລິດສູງເຖິງ21,8 m2 ຕໍ່ຊົ່ວໂມງ ຫຼື 21.800 ລິດຕໍ່ຊົ່ວໂມງ,ດ້ວຍຄວາມບໍລິສຸດຂອງອົກຊີແຊນ ຊຶ່ງເຄື່ອງດັ່ງກ່າວໄດ້ເລີ່ມນຳໃຊ້ໃນເດືອນກຸມພາ 2023.
ທ່ານ ຈັນທະລາ ພາມີສິດ ຜູ້ອໍານວຍການໂຮງໝໍແຂວງສະຫວັນນະເຂດ ກ່າວວ່າ: ການຂະຫຍາຍລະບົບອົກຊີແຊນໃນຄັ້ງນີ້ ຖືເປັນການປ່ຽນແປງອັນສຳຄັນ ຊຶ່ງກ່ອນໜ້ານີ້, ການສະໜອງອົກຊີແຊນໃຫ້ຄົນເຈັບ ແມ່ນເຮົາຕ້ອງໄດ້ເຄື່ອນຍ້າຍບັ້ງອົກຊີແຊນໄປແຕ່ລະໜ່ວຍງານຂອງໂຮງໝໍ ຕ້ອງໃຊ້ເວລາ ແລະ ພະນັກງານ. ແຕ່ປັດຈຸບັນນີ້, ຄົນເຈັບທີ່ມີຄວາມສ່ຽງສູງສາມາດຮັບອົກຊີແຊນທີ່ເຂົາເຈົ້າຕ້ອງການໄດ້ທັນທີ, ສາມາດກອບກູ້ຊີວິດ ແລະເປັນການຊ່ວຍເພີ່ມໂອກາດໃຫ້ຄົນເຈັບຟື້ນຕົວໄວຂຶ້ນ.
ຂ່າວ-ພາບ:ສະຫວັນນະເຂດ
ພິທີມອບ-ຮັບ ເຄື່ອງດັ່ງກ່າວ ໄດ້ຈັດຂຶ້ນໃນວັນທີ 31 ມັງກອນ ຜ່ານມາທີ່ໂຮງໝໍດັ່ງກ່າວ, ລະບົບທໍ່ສົ່ງອົກຊີແຊນ ເພື່ອກອບກູ້ຊີວິດຄົນເຈັບໃຫ້ແກ່ໂຮງໝໍແຂວງສະຫວັນນະເຂດ ຊຶ່ງອົກຊີແຊນທາງດ້ານການແພດ ຈະສາມາດເຂົ້າເຖິງຄົນເຈັບຢູ່ໂຮງໝໍແຂວງສະຫວັນນະເຂດໄດ້ຫຼາຍກວ່າທີ່ຜ່ານມາ. ການຕິດຕັ້ງລະບົບທໍ່ສົ່ງອົກຊີແຊນ ທີ່ໄດ້ຮັບການສະໜັບສະໜູນຈາກອົງການພັດທະນາສາກົນ ສະຫະລັດອາເມຣິກາ (USAID) ແລະຈັດຕັ້ງໂດຍອົງການອະນາໄມໂລກ (WHO) ຈະສາມາດຊ່ວຍຊີວິດຄົນໄດ້ໂດຍກົງ, ຢ່າງຕໍ່ເນື່ອງ ແລະວ່ອງໄວ ສຳລັບຄົນເຈັບທີ່ມີຄວາມສ່ຽງສູງ ໃນໜ່ວຍງານທີ່ມີຄົນເຈັບໜັກເປັນຕົ້ນ ຫ້ອງສຸກເສີນ, ຫ້ອງຟື້ນຟູຊີບ (ICU), ຫ້ອງຜ່າຕັດ ແລະຫ້ອງເດັກແດງ.
ລະບົບທໍ່ສົ່ງອົກຊີແຊນດັ່ງກ່າວ ແມ່ນມີມູນຄ່າເກືອບ 2,5 ຕື້ກີບ (120.000 ໂດລາ) ຊຶ່ງປະກອບມີລະບົບການແຈກຢາຍອົກຊີແຊນຄົບວົງຈອນ, ລະບົບທໍ່ສົ່ງທີ່ມີຄວາມຍາວຫຼາຍກວ່າ 300 ແມັດ ຊຶ່ງມີຄວາມສາມາດໃນການອະເຊື້ອ, ມີໜ່ວຍຄວບຄຸມສູນກາງ, ລະບົບສຳຮອງ 2 ຊຸດ ແລະຫົວຈ່າຍອົກຊີແຊນ 55 ຈຸດ.ກ່າວມອບໂດຍ ທ່ານ ໄມເຄິລ ຣອນນິ້ງ ຜູ້ຕາງໜ້າອົງການ USAID ປະຈຳ ສປປ ລາວ, ທ່ານ ບັກໂຄເດຍ ເບີຄະນ໋ອບຜູ້ປະສານງານອົງການສະຫະປະຊາຊາດ ປະຈຳ ສປປ ລາວ ແລະ ທ່ານ ນາງ ຢິງ-ຣູ ແຈັກກະລິນ ໂລ ຜູ້ຕາງໜ້າອົງການອະນາໄມໂລກ ປະຈຳ ສປປ ລາວ. ເປັນກຽດກ່າວຮັບໂດຍ ທ່ານ ບຸນໂຈມ ອຸບົນປະເສີດ ເຈົ້າແຂວງສະຫວັນນະເຂດ, ທ່ານ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ .
ລະບົບທໍ່ສົ່ງອົກຊີແຊນຖືເປັນການສ້າງຄວາມເຂັ້ມແຂງໃຫ້ແກ່ເຄື່ອງຜະລິດອົກຊີແຊນ ເຄື່ອງທີ 2 ຂອງ ສປປ ລາວ ທີ່ໂຮງໝໍແຂວງສະຫວັນນະເຂດ ໄດ້ເປີດນຳໃຊ້ເມື່ອບໍ່ດົນມານີ້ ໂດຍການສະໜັບສະໜູນຈາກອົງການອະນາໄມໂລກ, ເຄື່ອງຜະລິດອົກຊີແຊນນີ້ ເຮັດໃຫ້ໂຮງໝໍສາມາດຜະລິດອົກຊີແຊນດ້ວຍຕົນເອງໄດ້ເປັນຄັ້ງທໍາອິດ, ສາມາດຮັບປະກັນແຫຼ່ງທີ່ມາຂອງອົກຊີແຊນ, ຫຼຸດຜ່ອນການເພິ່ງພາການສະໜອງອົກຊີແຊນຈາກພາຍນອກ ແລະຫຼຸດຜ່ອນຄ່າໃຊ້ຈ່າຍອີກດ້ວຍ. ການຊ່ວຍເຫຼືອລະບົບທໍ່ສົ່ງດັ່ງກ່າວ,ເປັນສ່ວນໜຶ່ງຂອງການຊ່ວຍເຫຼືອຮອບດ້ານຈາກອົງການ USAID ຜ່ານອົງການອະນາໄມໂລກ ເພື່ອໃຫ້ ສປປ ລາວ ສາມາດເຂົ້າເຖິງອົກຊີແຊນທາງການແພດ ແລະ ທັງຮັບປະກັນໃຫ້ສະຖານທີ່ບໍລິການປິ່ນປົວພະຍາດໂຄວິດ-19 ຈຳນວນ 23 ແຫ່ງທົ່ວປະເທດ ມີອົກຊີແຊນສຳລັບນຳໃຊ້ເຂົ້າໃນການປິ່ນປົວຄົນເຈັບ ໂດຍການສະໜອງອົກຊີແຊນເຖິງ 206 ລ້ານລິດ ຊຶ່ງບັນຈຸໃສ່ບັ້ງໄວ້ສຳລັບຄົນເຈັບພະຍາດໂຄວິດ-19 ຜູ້ມີຄວາມສ່ຽງສູງ ແລະ ສະໜອງອຸປະກອນອື່ນໆທີ່ຈຳເປັນໃນການເບິ່ງແຍງປິ່ນປົວຄົນເຈັບພະຍາດໂຄວິດ-19 ໃນໄລຍະທີ່ມີການແຜ່ລະບາດ ແລະອື່ນໆ.
ທ່ານ ແສງດາວ ສີດາໄລ ຫົວໜ້າພະແນກສາທາລະນະສຸກແຂວງສະຫວັນນະເຂດໃຫ້ຮູ້ວ່າ: ຜ່ານມາໂຮງໝໍແຂວງສະຫວັນນະເຂດໄດ້ຮັບການສະໜອງອົກຊີແຊນທີ່ຜ່ານການຈັດຊື້ຮ່ວມກັນຂອງກົມອາຫານ ແລະຢາ, ຖັງລະ 64.200 ກີບ, ນອກນັ້ນຍັງມີເຄື່ອງກັ່ນຕອງອົກຊີແຊນແບບເຄື່ອນໄປທີ່ບາງຕຶກ/ໜ່ວຍງານ ຊ່ວຍໃນການສະໜອງອົກຊີແຊນໄດ້ປະມານ1-2%ຂອງຈຳນວນຕ້ອງການທັງໝົດ ເທົ່ານັ້ນ. ໃນປີ 2023 ປະລິມານການນຳໃຊ້ອົກຊີແຊນຢູ່ໂຮງໝໍແຂວງສະຫວັນນະເຂດ ໂດຍສະເລ່ຍປະມານ 1.400 ຖັງ ຫຼືປະມານ 8,4 ລ້ານລິດຕໍ່ເດືອນ ຫຼື 280.000 ລິດຕໍ່ວັນ ຄິດເປັນມູນຄ່າໃນການຈັດຊື້ປະມານ 90 ລ້ານກີບຕໍ່ເດືອນ. ໂດຍເຫັນໄດ້ຄວາມສຳຄັນຂອງອົກຊີແຊນເຂົ້າໃນການປິ່ນປົວ ພ້ອມທັງເພື່ອໃຫ້ການສະໜອງອົກຊີແຊນ ໃຫ້ແກ່ຄົນເຈັບໄດ້ຢ່າງຕໍ່ເນື່ອງ, ມີຄວາມປອດໄພແລະຍືນຍົງ,ອົງການອະນາໄມໂລກປະຈຳ ສປປ ລາວໄດ້ສະໜັບສະໜູນເຄື່ອງຜະລິດ ແລະບັນຈຸອົກຊີແຊນໃຫ້ແກ່ແຂວງສະຫວັນນະເຂດ ຈຳນວນ 1 ເຄື່ອງທີ່ມີກຳລັງການຜະລິດສູງເຖິງ21,8 m2 ຕໍ່ຊົ່ວໂມງ ຫຼື 21.800 ລິດຕໍ່ຊົ່ວໂມງ,ດ້ວຍຄວາມບໍລິສຸດຂອງອົກຊີແຊນ ຊຶ່ງເຄື່ອງດັ່ງກ່າວໄດ້ເລີ່ມນຳໃຊ້ໃນເດືອນກຸມພາ 2023.
ທ່ານ ຈັນທະລາ ພາມີສິດ ຜູ້ອໍານວຍການໂຮງໝໍແຂວງສະຫວັນນະເຂດ ກ່າວວ່າ: ການຂະຫຍາຍລະບົບອົກຊີແຊນໃນຄັ້ງນີ້ ຖືເປັນການປ່ຽນແປງອັນສຳຄັນ ຊຶ່ງກ່ອນໜ້ານີ້, ການສະໜອງອົກຊີແຊນໃຫ້ຄົນເຈັບ ແມ່ນເຮົາຕ້ອງໄດ້ເຄື່ອນຍ້າຍບັ້ງອົກຊີແຊນໄປແຕ່ລະໜ່ວຍງານຂອງໂຮງໝໍ ຕ້ອງໃຊ້ເວລາ ແລະ ພະນັກງານ. ແຕ່ປັດຈຸບັນນີ້, ຄົນເຈັບທີ່ມີຄວາມສ່ຽງສູງສາມາດຮັບອົກຊີແຊນທີ່ເຂົາເຈົ້າຕ້ອງການໄດ້ທັນທີ, ສາມາດກອບກູ້ຊີວິດ ແລະເປັນການຊ່ວຍເພີ່ມໂອກາດໃຫ້ຄົນເຈັບຟື້ນຕົວໄວຂຶ້ນ.
ຂ່າວ-ພາບ:ສະຫວັນນະເຂດ
ຄໍາເຫັນ