ຫົວໜ້າ ອຳນວຍການໂຮງໝໍຫຼັກໄຊ ພ້ອມດ້ວຍ ພະນັກງານແພດ ໝໍ ເຂົ້າຮ່ວມ. ຈຸດປະສົງການເປີດໜ່ວຍບໍລິການສົ່ງເສີມສຸຂະພາບສູນ Wellness center ຄືສູນສຸຂະພາບອົງລວມ ຢູ່ ໂຮງໝໍຫຼັກໄຊ ເພື່ອສົ່ງເສີມສຸຂະພາບປະຊາຊົນລາວ ແລະ ຊາວຕ່າງປະເທດ ທີ່ອາໄສຢູ່ປະເທດ ສປປ ລາວ ທຸກເພດທຸກໄວ ໃຫ້ມີສຸຂະພາບທີ່ດີທີ່ສຸດ.
ຜ່ານມາໂຮງໝໍຫຼັກໄຊ ໄດ້ໃຫ້ການບໍລິການປະຊາຊົນລາວ ແລະ ຊາວຕ່າງປະເທດທີ່ອາໄສໃນປະເທດລາວເຮົາເຊັ່ນ: ໃຫ້ບໍລິການ ບົ່ງມະຕິ ປິ່ນປົວພະຍາດ ປ້ອງກັນ ເພື່ອບໍ່ໃຫ້ ເກີດອາການສົນ ລຸກລາມໄປຫາອະໄວຍະວະອື່ນຂອງຮ່າງກາຍ ແລະ ເພື່ອ ຟື້ນຟູໜ້າທີ່ການທີ່ ສູນເສຍໄປໃຫ້ກັບມາສູ່ຄວາມປົກກະຕິ ຫຼື ໃກ້ຄຽງ ກັບປົກະຕິ ແຕ່ການໃຫ້ບໍລິການ ດັ່ງກ່າວມານັ້ນມີຜູ້ປ່ວຍພຽງ 20-30% ໃນ 100% ຂອງປະຊາກອນ ; ປະຊາກອນອີກຈໍານວນ 70-80% ໃນສັງຄົມທີ່ຍັງມີສຸຂະພາບແຂງແຮງ ຫຼື ກໍາລັງຈະກ້າວເປັນພະຍາດ ທີ່ຍັງບໍ່ໄດ້ເຂົ້າເຖິງການປ້ອງກັນດູແລສຸຂະພາບຢ່າງຖືກວິທີ. ອີກດ້ານໜຶ່ງໂຮງໝໍຫຼັກໄຊເປີດສູນສົ່ງເສີມສຸຂະພາບ (wellness center) ຄັ້ງນີ້: ເພື່ອເນັ້ນໃສ່ກຸ່ມປະຊາກອນ 70-80% ທີ່ຍັງບໍ່ທັນມີບັນຫາດ້ານສຸຂະພາບຫຼື ຜູ້ທີ່ກຳລັງທີ່ ກຳລັງຈະເປັນພະຍາດເຂົ້າມາໃຊ້ບໍລິການ ກວດສຸຂະພາບປະຈຳປີເຊັ່ນ: ການກວດຄວາມສົມດູນຂອງຮໍໂມນ, ການກວດວິຕາມິນ, ກວດສານອາຫານຕ່າງໆໃນຮ່າງກາຍ, ກວດຫາສານໂລຫາໜັກທີ່ຕົກ ຄ້າງໃນຮ່າງກາຍ ແລະ ກວດເຊວຜິດປົກກະຕິທີ່ຮ້າຍແຮງຂອງ ຮ່າງກາຍ; ຫຼັງຜ່ານການກວດເຊັກສຸຂະພາບແລ້ວ ທີມແພດຜູ້ຊ່ຽວຊານກັບຄົນໄຂ້ຈະວາງແຜນຮ່ວມກັນໃນການປິ່ນປົວໂດຍການໃຫ້ໂພຊະນາການ ການປັບປ່ຽນພຶດຕິກຳ ການກິນອາຫານທີ່ມີຄຸນນະພາບຕໍ່ຮ່າງກາຍ, ການອອກກໍາລັງກາຍ ຫຼື ວາງແຜນດ້ວຍການກິນວິຕາມິນແບບເປັນເມັດ ຫຼື ວິຕາມິນແບບສັກ ເຂົ້າທາງສາຍນໍ້າເກືອ ການໃຫ້ເຊວບຳບັດ (stem cell). ໃນການປິ່ນປົວ ໃນໄວໆນີ້
ທ່ານຫົວໜ້າ ອຳນວນການ ຍັງໄດ້ຮຽກຮອງໃຫ້ທຸກຊັ້ນຄົນ ຫັນມາໃສ່ໃຈ ແລະ ຫັນມາເບິ່ງແຍງ ດູແລສຸຂະພາບຕົນເອງ ເລີ່ມແຕ່ ໄວໜຸ່ມ ເພື່ອສຸຂະພາບທີ່ດີຂອງຕົນເອງ.
(ຂ່າວ: ຕຸໄລເພັດ ຂໍ້ມູນໂຮງໝໍຫຼັກໄຊ)
ຄໍາເຫັນ