ໂດຍ: ສ.ບຸດປະຊາ
ໂຮງງານ ພູຄໍາ ບ້ານນໍ້າຍອນ ເມືອງອານຸວົງ ແຂວງໄຊສົມບູນ ກໍຄືໂຄງການຂຸດຄົ້ນ-ປຸງແຕ່ງ ທອງ-ຄໍາ ພູຄໍາມີການດຳເນີນງານຢ່າງຄ່ອງຕົວ ຍ້ອນລັດຖະບານໃຫ້ຄວາມສະດວກ ແລະ ຍ້ອນປັດໄຈອື່ນໆ; ຂະນະທີ່, ບໍລິສັດ ພູເບ້ຍ ມາຍນິງ ຈໍາກັດ ເຈົ້າຂອງໂຄງການ ເຜີຍຂໍ້ມູນໃຫ້ຮູ້ວ່າ “ນັບແຕ່ປີ 2011ເປັນຕົ້ນມາ ບໍລິສັດໄດ້ປະກອບສ່ວນຫຼາຍກວ່າ 932 ລ້ານໂດລາ ໃຫ້ແກ່ ສປປລາວ ແລະ ການປະກອບສ່ວນມີທ່າອ່ຽງເພີ່ມຂຶ້ນຕື່ມອີກ 229 ລ້ານໂດລາ ລະຫວ່າງປີ 2022 – 2026, ທັງນີ້ດ້ານສະໜອງທຶນ ແກ່ກອງທຶນພັດທະນາຊຸມຊົນ (CDF) ຈະເພີ່ມເປັນ 750.000 ໂດລາຕໍ່ປີ.
ຂໍ້ມູນທາງການທີ່ເປີດເຜີຍຫຼ້າສຸດ, ບໍລິສັດ ພູເບ້ຍ ມາຍນິງ ຈໍາກັດ ຊຶ່ງມີລັດຖະບານລາວ ຖືຫຸ້ນ 10% ແລະ 90% ແມ່ນບໍລິສັດ ແພນອອສ ຈໍາກັດ ຜູ້ຜະລິດທອງ ແລະ ຄໍາ ໃນລາວ ຊຶ່ງສຳນັກງານໃຫຍ່ຕັ້ງຢູ່ອົສຕຣາລີ ແລະ ມີຜູ້ຖືຫຸ້ນເປັນລັດວິສາຫະກິດຂອງ ສປ ຈີນ ຊຶ່ງແມ່ນ ບໍລິສັດ ກວາງດົງ ໄຣຊິງ ເອທເຄ (ໂຮນດິ້ງ) ຈໍກັດ. ພູເບ້ຍ ມາຍນິງ ມີ 2 ໂຮງງານ ທີ່ດຳເນີນງານຢູ່ແຂວງໄຊສົມບູນ ຄື: ໂຮງງານພູຄໍາ ແລະ ໂຮງງານຂຸດຄົ້ນປຸງແຕ່ງ ຄໍາ-ເງິນ ບ້ານຫ້ວຍຊາຍ (ທີ່ເມືອງລ່ອງແຈ້ງ) ໂດຍການດຳເນີນງານໃນປີ 2023 ໄດ້ມີຄວາມຄ່ອງຕົວດີ.
ທ່ານ ຈິດ ທອງວິນາຫົງ ຮອງຜູ້ຈັດການຝ່າຍການຜະລິດຂອງບໍລິສັດພູເບ້ຍມາຍນິງ ໄດ້ກ່າວວ່າ: ໂຮງງານນີ້ ໄດ້ເນັ້ນໃສ່ຄວາມປອດໄພ, ຄຸນນະພາບ ແລະ ຮັກສາສິ່ງແວດລ້ອມ ຊຶ່ງປີນີ້ການຜະລິດເປັນໄປໄດ້ດີ ສາມາດບັນລຸເປົ້າໝາຍໂດຍສະເພາະທອງແດງບັນລຸ 48.203 ໂຕນ ແລະ ມີທ່າອ່ຽງສູງເຖິງ 49.000 ໂຕນ, ທັງສາມາດຫຼຸດຜ່ອນຕົ້ນທຶນ, ໃນຂະນະດຽວກັນ ກໍໄດ້ສົ່ງເສີ່ມການພັດທະນາພະນັກງານຄົນລາວ ຈົນສາມາຄວບຄຸມການຜະລິດໄດ້ຫຼາຍຄົນສົມຄວນ. ດ້ານການຈັບແຮ່ ສາມາດຈັບໄດ້ປະມານ 85% ຂອງທອງແດງ ຊຶ່ງມີແຮ່ຕິດພັນ ມີແຮ່ຄໍາ ແລະ ເງິນ ຕິດນໍາມາ. ບັນດັ່ງກ່າວ, ແມ່ນເນື່ອງຈາກການຂຸດຄົ້ນແຮ່ມາປ້ອນໂຮງງານໄດ້ຕາມເປົ້າໝາຍ ດ້ານປະລິມານ ແລະ ຄຸນນະພາບແຮ່, ການຈັບແຮ່ແມ່ນໄດ້ດີ ແລະ ການແລ່ນຂອງເຄື່ອງຈັກໂຮງງານດຳເນີນໄດ້ຕາມເວລາທີ່ກຳນົດ ທີ່ເປັນຕົວຊີ້ວັດສຳຄັນ ຊຶ່ງປັດຈຸບັນໂດຍສະເລ່ຍ ຜະລິດໄດ້ 140 ໂຕນ (ທອງແດງ). ສ່ວນດ້ານສິ່ງແວດລ້ອມ ພູເບ້ຍ ມາຍນິງ ກໍໄດ້ເອົາໃຈໃສ່ຢ່າງດີ ໂດຍສະເພາະເນັ້ນໃສ່ການບໍລິຫານຈັດການນໍ້າ, ຂີ້ຝຸ່ນ ແລະ ຄວບຄຸມສານເຄມີຕ່າງໆ ແມ່ນໄດ້ດຳເນີນຕາມລະບຽບການຂອງເຕັກນິກ-ວິທະຍາສາດ ຕາມຫຼັກສາກົນ ເພື່ອຫຼຸດຜ່ອນຜົນກະທົບ.
ທ່ານ ຈິດ ທອງວິນາຫົງ ກ່າວຕື່ມວ່າ: ສິ່ງທີ່ເຫັນໄດ້ຢ່າງຈະແຈ້ງເດັ່ນຊັດ ແມ່ນລັດຖະບານລາວ ໄດ້ໃຫ້ຄວາມສະດວກໃນການຜະລິດ, ການນໍາເຂົ້າສິນຄ້າ, ການເຄື່ອນຍ້າຍສິນຄ້າ ແລະ ການສົ່ງອອກສິນຄ້າ ຊຶ່ງປັດຈຸບັນແມ່ນມີ 2 ເສັ້ນທາງຫຼັກ ຄືສົ່ງອອກໄປທາງຫວຽດນາມ ແລະ ຣາຊະອານາຈັກໄທ; ພ້ອມນີ້, ດ້ວຍລະບົບໂຄງການຈັດສ້າງທີ່ດີ ສາມາດເຮັດໃຫ້ຜະລິດໄດ້ຕາມເປົ້າໝາຍ, ແຮງງານໄດ້ຮັບການຝຶກອົບຮົມທີ່ດີ ແລະ ການສື່ສານກໍໄດ້ສະດວກດີຂຶ້ນ ເມື່ອມີຄົນລາວເຮົາສາມາດມາຄວບຄຸມການຜະລິດໄດ້ ເຮັດໃຫ້ການຮຽນຮູ້ວຽກງານໄດ້ໄວຂຶ້ນ, ເມື່ອກ່ອນແມ່ນປະມານ 1 ປີ ແຕ່ປັດຈຸບັນຝຶກພຽງ 6 ເດືອນ ກໍສາມາດແລ່ນວຽກໃນໂຮງງານໄດ້ແລ້ວ.
ການຜະລິດທີ່ຄ່ອງຕົວໄດ້ດຳເນີນທ່າມກາງການປະກອບສ່ວນ ທີ່ມີທ່າອ່ຽງເພີ່ມຂຶ້ນ ຊຶ່ງໃນພິທີມອບ-ຮັບ 10 ໂຄງການປັບປຸງໂຄງລ່າງພື້ນຖານໃຫ້ແກ່ປະຊາຊົນ 3 ບ້ານຂອງ 2 ເມືອງ ແຂວງໄຊສົມບູນ ທີ່ຈັດຂຶ້ນເມື່ອວັນທີ 15 ທັນວາຜ່ານມາ ທີ່ແຂວງດັ່ງກ່າວ, ທ່ານ ທ່ານ ສະຕີບ ຈິມໂປ (Steve Gimpel) ຜູ້ອຳນວຍການ ບໍລິສັດ ພູເບ້ຍ ໄດ້ກ່າວໃຫ້ຮູ້ວ່າ: ບໍລິສັດໄດ້ສະໜອງທຶນໃຫ້ແກ່ກອງທຶນພັດທະນາຊຸມຊົນ (CDF) ຫຼາຍກວ່າ 380.000 ໂດລາຕໍ່ປີ ແລະ ມີທ່າອ່ຽງເພີ່ມຂຶ້ນ ພາຍຫຼັງທີ່ການລົງນາມໃນຂໍ້ຕົກລົງໃນ ສັນຍາວ່າດ້ວຍການສຳຫຼວດ ແລະ ການຜະລິດແຮ່ທາດ (MEPA) ຄັ້ງທີ 4 ຈະເພີ່ມເງິນທຶນນີ້ ເຖິງ 750.000 ໂດລາຕໍ່ປີ.
ພູເບ້ຍ ມາຍນິງ ໄດ້ປະກອບສ່ວນຫຼາຍກວ່າ 932 ລ້ານໂດລາ ນັບແຕ່ປີ 2011 ເປັນຕົ້ນມາຊຶ່ງການປະກອບສ່ວນທາງກົງປະກອບມີ ອາກອນລາຍໄດ້ຂອງບໍລິສັດ 293 ລ້ານໂດລາ, ຄ່າຊັບພະຍາກອນທໍາມະຊາດ 437 ລ້ານໂດລາ, ພາສີ ແລະ ການຈັດເກັບພາສີ 58 ລ້ານໂດລາ, ອາກອນເງິນເດືອນ 73 ລ້ານໂດລາ, ເງິນປັນຜົນ 69 ລ້ານໂດລາ, ບໍລິຈາກ 3 ລ້ານໂດລາ; ນັບແຕ່ປີ 2011 ມາ, ຜົນປະໂຫຍດທີ່ພາກລັດໄດ້ຮັບຈາກບໍລິສັດ ແມ່ນອັດຕາສ່ວນ 57% ຈາກຜົນກຳໄລສຸດທິຫຼັງຫັກອາກອນ; ຄາດວ່າຈະປະກອບສ່ວນເພີ່ມຕື່ມອີກ 229 ລ້ານໂດລາ ລະຫວ່າງປີ 2022-2026. ນອກຈາກນີ້ ຍັງປະກອບສ່ວນໂດຍທາງອ້ອມອີກ.
ສະນັ້ນ, ເຮົາຈະເຫັນໄດ້ວ່າ: ການດຳເນີນງານທີ່ຄ່ອງຕົວດ້ານການຜະລິດ ໄດ້ມີທ່າອ່ຽງໃນການເພີ່ມການປະກອບສ່ວນໃຫ້ເພີ່ມຂຶ້ນ ຊຶ່ງປະເຮັດໃຫ້ປະເທດຊາດ ກໍຄືລັດຖະບານ ແລະ ປະຊາຊົນລາວບັນດາເຜົ່າ ໂດຍສະເພາະປະຊາຊົນບ້ານທີ່ອ້ອມຂ້າງໂຄງການຂອງບໍລິສັດ ໄດ້ຮັບຜົນປະໂຫຍດຈາກໂຄງການຕ່າງໆ.
ໂຮງງານ ພູຄໍາ ບ້ານນໍ້າຍອນ ເມືອງອານຸວົງ ແຂວງໄຊສົມບູນ ກໍຄືໂຄງການຂຸດຄົ້ນ-ປຸງແຕ່ງ ທອງ-ຄໍາ ພູຄໍາມີການດຳເນີນງານຢ່າງຄ່ອງຕົວ ຍ້ອນລັດຖະບານໃຫ້ຄວາມສະດວກ ແລະ ຍ້ອນປັດໄຈອື່ນໆ; ຂະນະທີ່, ບໍລິສັດ ພູເບ້ຍ ມາຍນິງ ຈໍາກັດ ເຈົ້າຂອງໂຄງການ ເຜີຍຂໍ້ມູນໃຫ້ຮູ້ວ່າ “ນັບແຕ່ປີ 2011ເປັນຕົ້ນມາ ບໍລິສັດໄດ້ປະກອບສ່ວນຫຼາຍກວ່າ 932 ລ້ານໂດລາ ໃຫ້ແກ່ ສປປລາວ ແລະ ການປະກອບສ່ວນມີທ່າອ່ຽງເພີ່ມຂຶ້ນຕື່ມອີກ 229 ລ້ານໂດລາ ລະຫວ່າງປີ 2022 – 2026, ທັງນີ້ດ້ານສະໜອງທຶນ ແກ່ກອງທຶນພັດທະນາຊຸມຊົນ (CDF) ຈະເພີ່ມເປັນ 750.000 ໂດລາຕໍ່ປີ.
ຂໍ້ມູນທາງການທີ່ເປີດເຜີຍຫຼ້າສຸດ, ບໍລິສັດ ພູເບ້ຍ ມາຍນິງ ຈໍາກັດ ຊຶ່ງມີລັດຖະບານລາວ ຖືຫຸ້ນ 10% ແລະ 90% ແມ່ນບໍລິສັດ ແພນອອສ ຈໍາກັດ ຜູ້ຜະລິດທອງ ແລະ ຄໍາ ໃນລາວ ຊຶ່ງສຳນັກງານໃຫຍ່ຕັ້ງຢູ່ອົສຕຣາລີ ແລະ ມີຜູ້ຖືຫຸ້ນເປັນລັດວິສາຫະກິດຂອງ ສປ ຈີນ ຊຶ່ງແມ່ນ ບໍລິສັດ ກວາງດົງ ໄຣຊິງ ເອທເຄ (ໂຮນດິ້ງ) ຈໍກັດ. ພູເບ້ຍ ມາຍນິງ ມີ 2 ໂຮງງານ ທີ່ດຳເນີນງານຢູ່ແຂວງໄຊສົມບູນ ຄື: ໂຮງງານພູຄໍາ ແລະ ໂຮງງານຂຸດຄົ້ນປຸງແຕ່ງ ຄໍາ-ເງິນ ບ້ານຫ້ວຍຊາຍ (ທີ່ເມືອງລ່ອງແຈ້ງ) ໂດຍການດຳເນີນງານໃນປີ 2023 ໄດ້ມີຄວາມຄ່ອງຕົວດີ.
ທ່ານ ຈິດ ທອງວິນາຫົງ ຮອງຜູ້ຈັດການຝ່າຍການຜະລິດຂອງບໍລິສັດພູເບ້ຍມາຍນິງ ໄດ້ກ່າວວ່າ: ໂຮງງານນີ້ ໄດ້ເນັ້ນໃສ່ຄວາມປອດໄພ, ຄຸນນະພາບ ແລະ ຮັກສາສິ່ງແວດລ້ອມ ຊຶ່ງປີນີ້ການຜະລິດເປັນໄປໄດ້ດີ ສາມາດບັນລຸເປົ້າໝາຍໂດຍສະເພາະທອງແດງບັນລຸ 48.203 ໂຕນ ແລະ ມີທ່າອ່ຽງສູງເຖິງ 49.000 ໂຕນ, ທັງສາມາດຫຼຸດຜ່ອນຕົ້ນທຶນ, ໃນຂະນະດຽວກັນ ກໍໄດ້ສົ່ງເສີ່ມການພັດທະນາພະນັກງານຄົນລາວ ຈົນສາມາຄວບຄຸມການຜະລິດໄດ້ຫຼາຍຄົນສົມຄວນ. ດ້ານການຈັບແຮ່ ສາມາດຈັບໄດ້ປະມານ 85% ຂອງທອງແດງ ຊຶ່ງມີແຮ່ຕິດພັນ ມີແຮ່ຄໍາ ແລະ ເງິນ ຕິດນໍາມາ. ບັນດັ່ງກ່າວ, ແມ່ນເນື່ອງຈາກການຂຸດຄົ້ນແຮ່ມາປ້ອນໂຮງງານໄດ້ຕາມເປົ້າໝາຍ ດ້ານປະລິມານ ແລະ ຄຸນນະພາບແຮ່, ການຈັບແຮ່ແມ່ນໄດ້ດີ ແລະ ການແລ່ນຂອງເຄື່ອງຈັກໂຮງງານດຳເນີນໄດ້ຕາມເວລາທີ່ກຳນົດ ທີ່ເປັນຕົວຊີ້ວັດສຳຄັນ ຊຶ່ງປັດຈຸບັນໂດຍສະເລ່ຍ ຜະລິດໄດ້ 140 ໂຕນ (ທອງແດງ). ສ່ວນດ້ານສິ່ງແວດລ້ອມ ພູເບ້ຍ ມາຍນິງ ກໍໄດ້ເອົາໃຈໃສ່ຢ່າງດີ ໂດຍສະເພາະເນັ້ນໃສ່ການບໍລິຫານຈັດການນໍ້າ, ຂີ້ຝຸ່ນ ແລະ ຄວບຄຸມສານເຄມີຕ່າງໆ ແມ່ນໄດ້ດຳເນີນຕາມລະບຽບການຂອງເຕັກນິກ-ວິທະຍາສາດ ຕາມຫຼັກສາກົນ ເພື່ອຫຼຸດຜ່ອນຜົນກະທົບ.
ທ່ານ ຈິດ ທອງວິນາຫົງ ກ່າວຕື່ມວ່າ: ສິ່ງທີ່ເຫັນໄດ້ຢ່າງຈະແຈ້ງເດັ່ນຊັດ ແມ່ນລັດຖະບານລາວ ໄດ້ໃຫ້ຄວາມສະດວກໃນການຜະລິດ, ການນໍາເຂົ້າສິນຄ້າ, ການເຄື່ອນຍ້າຍສິນຄ້າ ແລະ ການສົ່ງອອກສິນຄ້າ ຊຶ່ງປັດຈຸບັນແມ່ນມີ 2 ເສັ້ນທາງຫຼັກ ຄືສົ່ງອອກໄປທາງຫວຽດນາມ ແລະ ຣາຊະອານາຈັກໄທ; ພ້ອມນີ້, ດ້ວຍລະບົບໂຄງການຈັດສ້າງທີ່ດີ ສາມາດເຮັດໃຫ້ຜະລິດໄດ້ຕາມເປົ້າໝາຍ, ແຮງງານໄດ້ຮັບການຝຶກອົບຮົມທີ່ດີ ແລະ ການສື່ສານກໍໄດ້ສະດວກດີຂຶ້ນ ເມື່ອມີຄົນລາວເຮົາສາມາດມາຄວບຄຸມການຜະລິດໄດ້ ເຮັດໃຫ້ການຮຽນຮູ້ວຽກງານໄດ້ໄວຂຶ້ນ, ເມື່ອກ່ອນແມ່ນປະມານ 1 ປີ ແຕ່ປັດຈຸບັນຝຶກພຽງ 6 ເດືອນ ກໍສາມາດແລ່ນວຽກໃນໂຮງງານໄດ້ແລ້ວ.
ການຜະລິດທີ່ຄ່ອງຕົວໄດ້ດຳເນີນທ່າມກາງການປະກອບສ່ວນ ທີ່ມີທ່າອ່ຽງເພີ່ມຂຶ້ນ ຊຶ່ງໃນພິທີມອບ-ຮັບ 10 ໂຄງການປັບປຸງໂຄງລ່າງພື້ນຖານໃຫ້ແກ່ປະຊາຊົນ 3 ບ້ານຂອງ 2 ເມືອງ ແຂວງໄຊສົມບູນ ທີ່ຈັດຂຶ້ນເມື່ອວັນທີ 15 ທັນວາຜ່ານມາ ທີ່ແຂວງດັ່ງກ່າວ, ທ່ານ ທ່ານ ສະຕີບ ຈິມໂປ (Steve Gimpel) ຜູ້ອຳນວຍການ ບໍລິສັດ ພູເບ້ຍ ໄດ້ກ່າວໃຫ້ຮູ້ວ່າ: ບໍລິສັດໄດ້ສະໜອງທຶນໃຫ້ແກ່ກອງທຶນພັດທະນາຊຸມຊົນ (CDF) ຫຼາຍກວ່າ 380.000 ໂດລາຕໍ່ປີ ແລະ ມີທ່າອ່ຽງເພີ່ມຂຶ້ນ ພາຍຫຼັງທີ່ການລົງນາມໃນຂໍ້ຕົກລົງໃນ ສັນຍາວ່າດ້ວຍການສຳຫຼວດ ແລະ ການຜະລິດແຮ່ທາດ (MEPA) ຄັ້ງທີ 4 ຈະເພີ່ມເງິນທຶນນີ້ ເຖິງ 750.000 ໂດລາຕໍ່ປີ.
ພູເບ້ຍ ມາຍນິງ ໄດ້ປະກອບສ່ວນຫຼາຍກວ່າ 932 ລ້ານໂດລາ ນັບແຕ່ປີ 2011 ເປັນຕົ້ນມາຊຶ່ງການປະກອບສ່ວນທາງກົງປະກອບມີ ອາກອນລາຍໄດ້ຂອງບໍລິສັດ 293 ລ້ານໂດລາ, ຄ່າຊັບພະຍາກອນທໍາມະຊາດ 437 ລ້ານໂດລາ, ພາສີ ແລະ ການຈັດເກັບພາສີ 58 ລ້ານໂດລາ, ອາກອນເງິນເດືອນ 73 ລ້ານໂດລາ, ເງິນປັນຜົນ 69 ລ້ານໂດລາ, ບໍລິຈາກ 3 ລ້ານໂດລາ; ນັບແຕ່ປີ 2011 ມາ, ຜົນປະໂຫຍດທີ່ພາກລັດໄດ້ຮັບຈາກບໍລິສັດ ແມ່ນອັດຕາສ່ວນ 57% ຈາກຜົນກຳໄລສຸດທິຫຼັງຫັກອາກອນ; ຄາດວ່າຈະປະກອບສ່ວນເພີ່ມຕື່ມອີກ 229 ລ້ານໂດລາ ລະຫວ່າງປີ 2022-2026. ນອກຈາກນີ້ ຍັງປະກອບສ່ວນໂດຍທາງອ້ອມອີກ.
ສະນັ້ນ, ເຮົາຈະເຫັນໄດ້ວ່າ: ການດຳເນີນງານທີ່ຄ່ອງຕົວດ້ານການຜະລິດ ໄດ້ມີທ່າອ່ຽງໃນການເພີ່ມການປະກອບສ່ວນໃຫ້ເພີ່ມຂຶ້ນ ຊຶ່ງປະເຮັດໃຫ້ປະເທດຊາດ ກໍຄືລັດຖະບານ ແລະ ປະຊາຊົນລາວບັນດາເຜົ່າ ໂດຍສະເພາະປະຊາຊົນບ້ານທີ່ອ້ອມຂ້າງໂຄງການຂອງບໍລິສັດ ໄດ້ຮັບຜົນປະໂຫຍດຈາກໂຄງການຕ່າງໆ.
ຄໍາເຫັນ