ຫົວໜ້າຫ້ອງວ່າການສູນກາງພັກ, ມີບັນດາທ່ານຄະນະນຳຫ້ອງວ່າການສູນກາງພັກ, ຫົວໜ້າກົມ, ຮອງກົມ, ຕາງໜ້າ 3 ອົງການຈັດຕັ້ງມະຫາຊົນ,ບັນດາແຂກຖືກເຊີນ ພ້ອມດ້ວຍພະນັກງານ-ລັດຖະກອນພາຍໃນຫ້ອງວ່າການສູນກາງພັກຈໍານວນໜຶ່ງເຂົ້າຮ່ວມ.
ໃນພິທີ ທ່ານ ຄຳພອນ ສອນທະວົງ ຫົວໜ້າກົມຂໍ້ມູນຂ່າວສານ ແລະ ສຳເນົາເອກະສານຂອງພັກໄດ້ລາຍງານສະພາບການສ້າງຫ້ອງມູນເຊື້ອຂອງຫ້ອງວ່າການສູນກາງພັກວ່າ: ຍ້ອນເຫັນໄດ້ຄວາມໝາຍຄວາມສໍາຄັນມູນເຊື້ອອັນດີງາມຂອງຫ້ອງວ່າການສູນກາງພັກ ຕະຫຼອດໄລຍະ ຕໍ່ສູ້ກູ້ຊາດໄລຍະປົກປັກຮັກສາ ແລະສ້າງສາພັດທະນາປະເທດຊາດ ກໍຄືໄລຍະປ່ຽນແປງໃໝ່ຢ່າງມີຫຼັກການຂອງພັກ, ຫົວໜ້າຫ້ອງວ່າການສູນກາງພັກ ຈຶ່ງໄດ້ຕົກລົງສະບັບເລກທີ 246/ຫສພ ລົງວັນທີ 25 ມິຖຸນາ 2021 ມອບຄວາມຮັບຜິດຊອບໃຫ້ກົມສໍາເນົາເອກະສານ ໃນເມື່ອກ່ອນ ກໍຄືກົມຂໍ້ມູນຂ່າວສານ ແລະສໍາເນົາເອກະສານຂອງພັກ ໃນປັດຈຸບັນ ສົມທົບກັບກົມກ່ຽວຂ້ອງອື່ນໆ ຈັດຕັ້ງປະຕິບັດໂຄງການປັບປຸງຫ້ອງມູນເຊື້ອຂອງຫ້ອງວ່າການສູນກາງພັກ.
ຮອດຕົ້ນປີ 2024 ໂຄງການດັ່ງກ່າວ ຈຶ່ງໄດ້ຮັບອະນຸມັດງົບປະມານລົງທຶນໃນມູນຄ່າທັງໝົດ766.828.000 ກີບ; ໄລຍະເວລາປະຕິບັດໂຄງການ 1 ປີ (ເດືອນ1-12/2024); ຊຶ່ງເນື້ອໃນ ແລະໂຄງສ້າງການຈັດວາງສະແດງ ແມ່ນໄດ້ອີງຕາມປຶ້ມປະຫວັດ ແລະມູນເຊື້ອ 60ປີ ແຫ່ງການກໍາເນີດ ແລະ ເຕີບໃຫຍ່ຂອງຫ້ອງວ່າການສູນກາງພັກ (24/03/1955-24/03/ 2015), ເຫຼັ້ມຈັດພິມຄັ້ງທີ 2 ວັນທີ 15 ມີນາ 2016 ແລະ ຂໍ້ມູນໃໝ່ ຈໍານວນໜຶ່ງ ໄລຍະ 10 ປີ (2016-2025); ການຈັດວາງສະແດງ ປະກອບມີທັງໝົດ 5 ພາກຄື: ພາກທີ 1: ໄລຍະກ່ອນການສ້າງຕັ້ງພັກ (1930-1954); ພາກທີ 2: ຫ້ອງວ່າການສູນກາງພັກ ເປັນເສນາທິການ ໃນໄລຍະ 1955-1975; ພາກທີ 3: ຫ້ອງວ່າການສູນກາງພັກ ເປັນເສນາທິການ ໃນໄລຍະພັກນໍາພາຈັດຕັ້ງປະຕິບັດສອງໜ້າທີ່ຍຸດທະສາດ ປົກປັກຮັກສາ ແລະ ສ້າງສາປະເທດຊາດ ແຕ່ປີ 1976-1985 ແລະປີ 1986-1992; ພາກທີ 4: ໂຄງປະກອບກົງຈັກການຈັດຕັ້ງ ພາລະບົດບາດ ໜ້າທີ່ ແລະ ຜົນງານແຫ່ງການ ເຄື່ອນໄຫວ ຂອງຫ້ອງວ່າການສູນກາງພັກ ໄລຍະ (1993-2024); ພາກທີ 5: ການເຄື່ອນໄຫວພົວພັນຕ່າງປະເທດ ຂອງຫ້ອງວ່າການສູນກາງພັກ.
ໃນພິທີ ທີ່ເຕັມໄປດ້ວຍຄວາມໝາຍ ຄວາມສໍາຄັນ, ທ່ານ ທອງສະລິດ ມັງໜໍ່ເມກ ໄດ້ໃຫ້ກຽດຕັດແຖບຜ້າ ເພື່ອເປີດນຳໃຊ້ຫ້ອງມູນເຊື້ອຂອງຫ້ອງວ່າການສູນກາງພັກ ຢ່າງເປັນທາງການ ພ້ອມທັງເຂົ້າທ່ຽວຊົມຫ້ອງມູນເຊື້ອດັ່ງກ່າວຮ່ວມກັບບັນດາທ່ານຄະນະນຳຫ້ອງວ່າການສູນກາງພັກ, ແຂກຖືກເຊີນ ພ້ອມດ້ວຍພະນັກງານ-ລັດຖະກອນຫຼັກແຫຼ່ງຈໍານວນໜຶ່ງ ພາຍໃນຫ້ອງວ່າການສູນກາງພັກ.
ຜ່ານການທ່ຽວຊົມ ການຈັດວາງສະແດງໃນຫ້ອງມູນເຊື້ອ, ທ່ານ ທອງສະລິດ ມັງໜໍ່ເມກ ໄດ້ສະແດງຄວາມຮູ້ສຶກ ວ່າ: ວັນທີ່ 24 ມີນາ ຊຶ່ງເປັນວັນສ້າງຕັ້ງຫ້ອງວ່າການສູນກາງພັກ, ຕາງໜ້າຄະນະນໍາ ຊົມເຊີຍກົມຂໍ້ມູນຂ່າວສານ ແລະສໍາເນົາເອກະສານຂອງພັກ ທີ່ໄດ້ສັງລວມຂໍ້ມູນມູນເຊື້ອຜົນງານການເຄື່ອນໄຫວ ທັງອະດີດ ແລະປັດຈຸບັນ ຂອງຫ້ອງວ່າການສູນກາງພັກ, ເຖິງວ່າຂໍ້ມູນບໍ່ທັນຄົບຖ້ວນ ແຕ່ເຊື່ອແນ່ວ່າ ໃນອະນາຄົດຈະອຸດົມສົມບູນ ແລະຄົບຖ້ວນຂຶ້ນເລື້ອຍໆ; ຂໍໃຫ້ຫ້ອງມູນເຊື້ອແຫ່ງນີ້ ກາຍເປັນບ່ອນຮຽນຮູ້ ສຶກສາອົບຮົມ ພະນັກງານ ຫສພ ແຕ່ລະໄລຍະ. (ຂ່າວ: ຫ້ອງວ່າການສູນກາງ)
ຄໍາເຫັນ