ການກະກຽມດຳເນີນກອງປະຊຸມໃຫຍ່ 3 ຂັ້ນ ຂອງພັກ

ຫົວໜ້າ ຄອສພ ເຄື່ອນໄຫວຕິດຕາມຊຸກຍູ້ການກະກຽມດຳເນີນກອງປະຊຸມໃຫຍ່ 3 ຂັ້ນ ຂອງພັກ

ຫົວໜ້າ ຄອສພ ເຄື່ອນໄຫວຕິດຕາມຊຸກຍູ້ການກະກຽມດຳເນີນກອງປະຊຸມໃຫຍ່ 3 ຂັ້ນ ຂອງພັກ
ໃນວັນທີ 9 ທັນວານີ້ ທີ່ຫ້ອງວ່າການແຂວງວຽງຈັນ,ສະຫາຍ ຄຳພັນ ເຜີຍຍະວົງ ຄະນະເລຂາທິການສູນກາງພັກຫົວໜ້າຄະນະໂຄສະນາອົບຮົມສູນກາງພັກ(ຄອສພ),ປະທານສະພາທິດສະດີສູນກາງພັກຮອງຫົວໜ້າອະນຸກຳມະການເນື້ອໃນກອງປະຊຸມໃຫຍ່ ຄັ້ງທີ XII ຂອງພັກ

 ໄດ້ເຄື່ອນໄຫວຊີ້ນຳວຽກງານຢູ່ແຂວງວຽງຈັນ ເພື່ອຕິດຕາມຊຸກຍູ້ການກະກຽມດຳເນີນກອງປະຊຸມໃຫຍ່ 3 ຂັ້ນ ຂອງພັກ ແລະ ເກັບກໍາຂໍ້ມູນຕົວແບບການຜະລິດ ເພື່ອເປັນເປົ້າໝາຍພິຈາລະນາຄັດເລື່ອກເປັນຕົວແບບ ປະກອບຄຳເຫັນຕໍ່ກອງປະຊຸມໃຫຍ່ ຄັ້ງທີ XII ຂອງພັກ.

ສະຫາຍ ທອງສະຫວັນ ວົງສຳພັນ ຮອງເລຂາພັກຮອງເຈົ້າແຂວງວຽງຈັນ ຜູ້ຊີ້ນຳວຽກງານພັກ-ພະນັກງານໄດ້ລາຍງານໃຫ້ຮູ້ວ່າ: ແຂວງວຽງຈັນ ມີຄວາມອຸດົມສົມບູນ ທາງດ້ານຊັບພະຍາກອນທໍາມຊາດ ເຊັ່ນ: ມີແມ່ນໍ້າຫຼາຍສາຍ, ມີໜອງນໍ້າທຳມະຊາດທີ່ໃຫຍ່, ມີອ່າງນ້ຳງື່ມທີ່ອຸດົມສົມບູນ, ອາກາດສົດຊື່ນ, ມີແຮ່ທາດຫຼາຍຊະນິດ, ມີທິວທັດທຳມະຊາດທີ່ສວຍງາມ ແລະ ຮ່ອງຮອຍວັດຖຸບູຮານຫຼາຍແຫ່ງ, ສິ່ງດັ່ງກ່າວໄດ້ເປັນທ່າແຮງສຳຄັນ ໃນການພັດທະນາເສດຖະກິດ-ສັງຄົມ ຂອງແຂວງ, ເປັນທ່າແຮງໃນການຜະລິດກະສິກຳ, ອຸດສາຫະກໍາປຸງແຕ່ງ, ແຮ່ທາດ, ພະລັງງານ ແລະ ການທ່ອງທ່ຽວ.ນອກຈາກນີ້ ແຂວງວຽງຈັນ ຍັງມີພື້ນຖານໂຄງລ່າງທີ່ເອື້ອອໍານວຍຄວາມສະດວກ ເຊັ່ນ: ມີເສັ້ນທາງເລກທີ 13, ເສັ້ນທາງລົດໄຟ, ທາງດ່ວນ ແລະ ເສັ້ນທາງຫຼາຍສາຍ ທີ່ເຊື່ອມຈອດກັບບັນດາເມືອງ ແລະ ແຂວງໃກ້ຄຽງ; ມີລະບົບເຄືອຂ່າຍໂທລະຄົມ ແລະ ໄຟຟ້າ ຢ່າງທົ່ວເຖິງ. ປັດຈຸບັນ ແຂວງວຽງຈັນ ມີຄະນະບໍລິຫານງານພັກແຂວງ 34 ສະຫາຍຍິງ 4 ສະຫາຍ, ມີ 1,414 ການຈັດຕັ້ງຮາກຖານພັກ; ໃນນີ້ ມີ 106 ຄະນະພັກຮາກຖານ ແລະ 1,308 ໜ່ວຍພັກ (ເປັນໜ່ວຍພັກທີ່ຂຶ້ນກັບຄະນະພັກຮາກຖານ 710 ໜ່ວຍ ແລະ ເປັນໜ່ວຍພັກຮາກຖານ 598 ໜ່ວຍ), ທົ່ວແຂວງມີສະມາຊິກພັກ ທັງໝົດ 22,260 ສະຫາຍຍິງ 6,958 ສະຫາຍ (ເປັນສະມາຊິກພັກສໍາຮອງ 921 ສະຫາຍຍິງ 334 ສະຫາຍ). ທົ່ວແຂວງປະກອບມີ II ອົງຄະນະພັກເມືອງ, ມີ 1,202 ການຈັດຕັ້ງຮາກຖານພັກ ຢູ່ຂັ້ນເມືອງ; ໃນນີ້ ມີ 74 ຄະນະພັກຮາກຖານ ແລະ ມີ 1,128 ໜ່ວຍພັກ(ເປັນໜ່ວຍພັກຂຶ້ນກັບຄະນະພັກຮາກຖານ 559 ໜ່ວຍ ເເລະ ເປັນໜ່ວຍພັກຮາກຖານ 569 ໜ່ວຍ) ແລະ ມີບ້ານທັງໝົດ 431 ບ້ານ, ປະກອບດ້ວຍ 447 ໜ່ວຍພັກບ້ານ.

ການດຳເນີນກອງປະຊຸມໃຫຍ່ 3 ຂັ້ນຂອງພັກ ໃນທົ່ວແຂວງ. ໜ່ວຍພັກບ້ານ: ໄດ້ສຳເລັດກອງປະຊຸມໃຫຍ່ 100% (ໃນຈໍານວນ 431 ບ້ານ) ເລຂາໜ່ວຍພັກບ້ານ ຄວບຕໍາແໜ່ງນາຍບ້ານ 430 ບ້ານ (ມີ 1 ບ້ານ ບໍ່ຄວບຕໍາແໜ່ງ); ອາຍຸຕໍ່າກວ່າ 34 ປີ ມີ 9 ສະຫາຍ, ອາຍຸ 35 - 60 ປີ ມີ 422 ສະຫາຍ. ໜ່ວຍພັກສຳນັກງານ-ອົງການຂັ້ນເມືອງ: ເປີດກອງປະຊຸມໃຫຍ່ສຳເລັດແລ້ວ 667 ໜ່ວຍພັກ (ຍັງ 2 ໜ່ວຍພັກ ຢູ່ເມືອງຫີນເຫີບ). ຮາກຖານພັກ ອ້ອມຂ້າງແຂວງ: ປະກອບມີ 15 ຄະນະພັກຮາກຖານ, ມີ 79 ໜ່ວຍພັກ ທີ່ຂຶ້ນກັບຄະນະພັກຮາກຖານ ແລະ ມີ 17 ໜ່ວຍພັກຮາກຖານ (ບໍ່ນັບກຳລັງປະກອບອາວຸດ). ໄດ້ສຳເລັດການທາບທາມບຸກຄະລາກອນ ຮອບທີ I ຕິດພັນກັບການກວດກາດ້ານເນື້ອໃນ ສຳເລັດທັງໝົດແລ້ວ. ປັດຈຸບັນ ໄດ້ນຳພາດຳເນີນເຜີຍແຜ່ເຊື່ອມຊຶມເອກະສານທີ່ສໍາຄັນຂອງພັກກ່ອນບັ້ນດໍາເນີນຊີວິດການເມືອງທ້າຍສະໄໝ ຕິດພັນກັບການທາບທາມ ຮອບທີ 2 ສໍາເລັດການເຜີຍແຜ່ເຊື່ອມຊຶມເອກະສານແລ້ວ ຈໍານວນ 12 ຄະນະພັກຮາກຖານແລະ 14ໜ່ວຍພັກຮາກຖານ (ຍັງບໍ່ສໍາເລັດ 3 ຄະນະພັກຮາກຖານ ແລະ ຍັງ 3 ໜ່ວຍພັກຮາກຖານ)ໜ່ວຍພັກທີ່ຂຶ້ນກັບຄະນະພັກຮາກຖານ ອ້ອມຂ້າງເເຂວງ ໄດ້ສໍາເລັດການທາບທາມຮອບທີ 2, ດໍາເນີນຊີວິດການເມືອງທ້າຍສະໄໝ ແລະ ເປີດກອງປະຊຸມໃຫຍ່ສະມາຊິກພັກ ສຳເລັດຈຳນວນ 32 ໜ່ວຍພັກ, (ຍັງ 47 ໜ່ວຍພັກ). ສຳລັບຮາກຖານພັກທີ່ຂຶ້ນກັບ ຄະນະພັກ 2 ກໍາລັງປ້ອງກັນຊາດ-ປ້ອງກັນຄວາມສະຫງົບ:ແມ່ນມອບໃຫ້ຄະນະພັກກອງບັນຊາການນຳພາຈັດຕັ້ງປະຕິບັດ ຕາມທິດຊີ້ນຳຂອງກະຊວງສາຍຕັ້ງ. ພາຍຫຼັງສໍາເລັດຂັ້ນຮາກຖານພັກແລ້ວ ຄະນະຮັບຜິດຊອບຂັ້ນແຂວງ ຈະໄດ້ສົມທົບກະຊວງສາຍຕັ້ງ ຊຸກຍູ້ການກະກຽມດຳເນີນກອງປະຊຸມໃຫຍ່ 2 ຄະນະພັກກອງບັນຊາການ ໃຫ້ໄດ້ເປີດກອງປະຊຸມຕາມແຜນຄາດຄະເນໄວ້.

ສະຫາຍ ຄຳພັນ ເຜີຍຍະວົງ ໄດ້ມີຄຳເຫັນຊີ້ນຳວ່າ: ກ່ອນອື່ນ ສະແດງຄວາມຍ້ອງຍໍຊົມເຊີຍຕໍ່ຄະນະນຳຂອງແຂວງໃນການກະກຽມກອງປະຊຸມໃຫຍ່ 3 ຂັ້ນ ຂອງອົງຄະນະພັກແຂວງ ແລະ ການປະກອບຄຳຄິດຄຳເຫັນຂອງແຕ່ລະອະນຸກຳມະການ ມີຫຼາຍອັນທີ່ຈະແຈ້ງພໍສົມຄວນ ແລະ ມີຄວາມພ້ອມທຸກດ້ານ ເພື່ອກະກຽມຈັດກອງປະຊຸມໃຫຍ່ຂອງຕົນແລະ ກໍເຫັນວ່າ ຂັ້ນຕອນໃນການກະກຽມແຕ່ລະດ້ານ ແມ່ນໄດ້ດຳເນີນຕາມຂັ້ນຕອນໝົດແລ້ວ ນັບແຕ່ຂັ້ນຕອນການຈັດຕັ້ງຄະນະກຳມະການຮັບຜິດຊອບ ແລະ ບັນດາອະນຸກຳມະການຕ່າງໆ ເຫັນວ່າມີຜົນສຳເລັດ ແລະ ມີເນື້ອໃນຄົບຖ້ວນສົມຄວນ. ແຕ່ຢາກໃຫ້ກວດເບິ່ງຄືນບັນດາຕົວແບບຕ່າງໆເຊັ່ນ: ຕົວແບບໃນການຜະລິດ,ຕົວແບບໃນການບໍລິການ ການທ່ອງທ່ຽວ,ຕົວແບບທາງດ້ານວັດທະນະທຳ-ສັງຄົມ,ຕົວແບບທາງດ້ານວຽກງານການປ້ອງກັນຊາດ,ປ້ອງກັນຄວາມສະງົບ ອັນນີ້ຕ້ອງເຮັດຮອບດ້ານ ແລະ ໄລຍະຫ້າປີຜ່ານມາອັນທີ່ພົ້ນເດັ່ນທີ່ປະຕິບັດໄດ້ຕົວຈິງທີ່ຢັ້ງຢືນຕໍ່ບົດລາຍງານການເມືອງຂອງແຂວງວ່າມັນມີຄວາມຈິງແທ້,ບໍ່ວ່າຈະແມ່ນຫັດຖະກຳຕ່າງໆ ແລະ ເປັນຕົວແບບໜຶ່ງທີ່ເລີມຈາກຫົວຄິດປະດິດສ້າງຂອງປະຊາຊົນຕົວຈິງ,ຂອງບຸກຄົນຂອງການຈັດຕັ້ງຕົວຈິງ ທີ່ເກີດເປັນຕົວແບບດັ່ງກ່າວ,ຕ້ອງມີຫຼັກສະນະການນຳພາຂອງພັກ,ຕ້ອງມີຄວາມຍືນຍົງນັບມື້ນັບຂະຫຍາຍຕົວຂຶ້ນເລື້ອຍໆ ບໍ່ແມ່ນຕົວແບບຫ້າປີ ເມື່ອຮອດປີທີສອງ ແລະ ທີສາມລະໝົດໄປ ຕ້ອງຮັກສາໄວ້ໃຫ້ໄດ້, ຈາກຄອບຄົວຕົວແບບກໍໃຫ້ກາຍເປັນສະຫະກອນ,ຈາກສະຫະກອນກໍໃຫ້ກາຍເປັນນິຄົມ,ເປັນກຸ່ມການຜະລິດນັບມື້ນັບເຕີບໃຫຍ່ຂຶ້ນເລື້ອຍໆຈິງເປັນຕົວແບບໄດ້. ສຳລັບການວາງສະແດງຕະຫຼາດນັດສິນຄ້າຕ່າງໆກໍຄວນເຮັດ ບໍ່ໝາຍວ່າເຮັດແຕ່ມື້ກອງປະຊຸມເທົ່ານັ້ນ ອາດຈະເຮັດໃນງານສາມວັນປະຫວັດສາດ ແລະ ວັນສຳຄັນຕ່າງຂອງແຂວງ ແລະ ເມືອງ ເພື່ອເປັນການຊຸກຍູ້ການຜະລິດຈາກເມືອງນີ້ໄປວາງສະແດງຢູ່ເມືອງອື່ນ ແລະ ການວາງສະແດງຮູບພາບໃນກອງປະຊຸມກໍຄວນມີ ຮູບພາບການເຄື່ອນໄຫວຂອງແຂວງ ແລະ ເມືອງ ໃນໄລຍະຫ້າປີຜ່ານມາ ຫຼືວ່າຮູບຜູ້ແທນໄປເຄື່ອນໄຫວຢ້ຽມຢາມບັນດາຄອບຕົວຕົວແບບ.

ໃນວັນດຽວກັນ,ສະຫາຍ ຄຳພັນ ເຜີຍຍະວົງ,ສະຫາຍ ທອງສະຫວັນ ວົງສຳພັນ ພ້ອມດ້ວຍຄະນະນຳ ກໍໄດ້ເຄື່ອນໄຫວຢ້ຽມຢາມຕົວແບບການຜະລິດ ເພື່ອເປັນເປົ້າໝາຍພິຈາລະນາຄັດເລືອກເປັນຕົວແບບປະກອບຄຳເຫັນຕໍ່ກອງປະຊຸມໃຫຍ່ ຄັ້ງທີ XII ຂອງພັກ.ຄື: ຫັດຖະກຳປ້າແສນ ບ້ານໂພນໝີ ເມືອງວຽງຄຳ ແຂວງວຽງຈັນ,ກຸ່ມປູກເຂົ້າ ບ້ານໂພນແບ່ງ,ຫໍມູນເຊື້ອຕົ້ນແຕ້ ຈາລຶກຄວາມແຄ້ນ ແລະ ທ່ຽວຊົມສະຖານທີ່ທ່ອງທ່ຽວຂອງເມືອງເຟືອງ ແຂວງວຽງຈັນ.

(ຂ່າວ-ພາບ:ບຸນຕອມ).

ຄໍາເຫັນ

ຂ່າວການເມືອງ

ກອງປະຊຸມຄະນະປະຈໍາ ສນຊ ເປີດກວ້າງຄັ້ງທີ 4 ສະໄໝທີ XI

ກອງປະຊຸມຄະນະປະຈໍາ ສນຊ ເປີດກວ້າງຄັ້ງທີ 4 ສະໄໝທີ XI

ກອງປະຊຸມຄະນະປະຈໍາສູນກາງແນວລາວສ້າງຊາດ (ສນຊ) ເປີດກວ້າງຄັ້ງທີ 4 ສະໄໝທີ XI ຈັດຂຶ້ນໃນວັນທີ 11 ກໍລະກົດນີ້ ທີ່ ສນຊ ພາຍໃຕ້ການເປັນປະທານຂອງທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານ ສນຊ, ມີຮອງປະທານ, ບັນດາຄະນະທີ່ປຶກສາ, ປະທານແນວລາວສ້າງຊາດນະຄອນຫຼວງ-ແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ II  ປິດລົງດ້ວຍຜົນສຳເລັດ

ກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ II ປິດລົງດ້ວຍຜົນສຳເລັດ

ກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ II ໄດ້ສໍາເລັດຜົນຢ່າງຈົບງາມ ພາຍຫຼັງດໍາເນີນມາແຕ່ວັນທີ 7-11 ກໍລະກົດນີ້ ທີ່ສໍານັກງານປົກຄອງນະຄອນຫຼວງວຽງຈັນ(ນວ), ໂດຍການເປັນປະທານຂອງທ່ານ ອານຸພາບ ຕຸນາລົມ ຄະນະເລຂາທິການສູນກາງພັກ ເລຂາຄະນະພັກປະທານສະພາປະຊາຊົນ ນວ, ເປັນກຽດເຂົ້າຮ່ວມຂອງທ່ານ ອາດສະພັງທອງ ສີພັນດອນ ກໍາມະການສູນກາງພັກ ເຈົ້າຄອງນະຄອນຫຼວງວຽງຈັນ, ບັນດາທ່ານສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 1 ນະຄອນ ຫຼວງວຽງຈັນ, ບັນດາທ່ານການນໍາພັກ-ລັດ ຂັ້ນນະຄອນຫຼວງ, ບັນດາທ່ານສະມາຊິກສະພາປະຊາຊົນ ນວ ພ້ອມດ້ວຍບັນດາແຂກຖືກເຊີນ.
ສໍາເລັດກອງປະຊຸມຄົບຄະນະບໍລິຫານງານພັກແຂວງເປີດກວ້າງ ຄັ້ງທີ 13

ສໍາເລັດກອງປະຊຸມຄົບຄະນະບໍລິຫານງານພັກແຂວງເປີດກວ້າງ ຄັ້ງທີ 13

ກອງປະຊຸມຄົບຄະນະບໍລິຫານງານພັກແຂວງ ເຊກອງເປີດກວ້າງ ຄັ້ງທີ 13 ສະໄໝທີ X ໄດ້ປິດລົງ ໃນວັນທີ 10 ກໍລະກົດນີ້, ທີ່ຫ້ອງປະຊຸມຊັ້ນ 3 ຫ້ອງວ່າການແຂວງ ພາຍໃຕ້ການເປັນປະທານຂອງ ສະຫາຍ ບຸນຫຼາຍ ບຸດທິ ຮັກສາການ ເລຂາພັກແຂວງ ຮັກສາການເຈົ້າແຂວງເຊກອງ, ມີຄະນະປະຈໍາພັກແຂວງ, ກໍາມະການພັກແຂວງ, ເລຂາພັກເມືອງ, ອົງການທຽບເທົ່າ ເຂົ້າຮ່ວມ.
ຄົ້ນຄວ້າພິຈາລະນາ ແລະ ປະກອບຄໍາເຫັນຕໍ່ການຈັດຕັ້ງແຜນວຽກງານຂອງ ສປນວ

ຄົ້ນຄວ້າພິຈາລະນາ ແລະ ປະກອບຄໍາເຫັນຕໍ່ການຈັດຕັ້ງແຜນວຽກງານຂອງ ສປນວ

ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນນະຄອນຫຼວງວຽງຈັນ (ສປນວ) ຊຸດທີ II ໃນວັນທີ10 ກໍລະກົດນີ້ ທີ່ຫ້ອງວ່າການປົກຄອງນະຄອນຫຼວງວຽງຈັນ (ນວ) ພາຍໃຕ້ການເປັນປະທານ ຂອງທ່ານນາງ ລໍາພອຍ ສີອັກຄະຈັນ ຮອງປະທານ ສປນວ; ບັນດາສະມາຊິກສະພາແຫ່ງຊາດ (ສສຊ) ເຂດເລືອກຕັ້ງທີ 1 ນວ ແລະ ສສນວ ໄດ້ພ້ອມກັນຮັບຟັງບົດສະຫຼຸບການຈັດຕັ້ງປະຕິບັດແຜນການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການເຄື່ອນໄຫວວຽກງານ 6 ເດືອນທ້າຍປີ 2025 ຂອງ ສປນວ ແລະ ພ້ອມກັນຄົ້ນຄວ້າພິຈາລະນາ ປະກອບຄໍາເຫັນໃສ່ຮ່າງບົດສະຫຼຸບດັ່ງກ່າວ.
ກອງປະຊຸມຄົບຄະນະບໍລິຫານງານພັກແຂວງສາລະວັນ ເປີດກວ້າງ ຄັ້ງທີ 19 ສະໄໝທີ IX

ກອງປະຊຸມຄົບຄະນະບໍລິຫານງານພັກແຂວງສາລະວັນ ເປີດກວ້າງ ຄັ້ງທີ 19 ສະໄໝທີ IX

​ ກອງປະຊຸມປະຊຸມຄົບຄະນະບໍລິຫານງານພັກແຂວງສາລະວັນເປີດກວ້າງ ຄັ້ງທີ 19 ສະໄໝທີ IX; ໄດ້ຈັດຂຶ້ນໃນວັນທີ 7 ກໍລະກົດຜ່ານມາ, ທີ່ສະໂມສອນແຂວງສາລະວັນ, ໂດຍເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດກຳມະການກົມການເມືອງສູນກາງພັກຮອງນາຍົກລັດຖະມົນຕີຜູ້ຊີ້ນຳວຽກງານຮອບດ້ານແຂວງສາລະວັນ, ມີສະຫາຍ ດາວວົງ ພອນແກ້ວ, ກຳມະການສູນກາງພັກເລຂາພັກແຂວງເຈົ້າແຂວງສາລະວັນ, ມີແຂກຖືກເຊີນ ແລະ ຜູ້ຕາງໜ້າພາກສ່ວນກ່ຽວຂ້ອງ ເຂົ້າຮ່ວມ.
ຮອງນາຍົກລັດຖະມົນຕີ ຊີ້ນຳການກະກຽມກອງປະຊຸມໃຫຍ່ອົງຄະນະພັກແຂວງຊຽງຂວາງ

ຮອງນາຍົກລັດຖະມົນຕີ ຊີ້ນຳການກະກຽມກອງປະຊຸມໃຫຍ່ອົງຄະນະພັກແຂວງຊຽງຂວາງ

ໃນຕອນເຊົ້າວັນທີ 8 ກໍລະກົດນີ້, ທີ່ສະໂມສອນເມືອງແປກ, ແຂວງຊຽງຂວາງ, ສະຫາຍ ກິແກ້ວ ໄຂຄຳພິທູນ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ຜູ້ຊີ້ນໍາວຽກງານຮອບດ້ານແຂວງຊຽງຂວາງ ໄດ້ໃຫ້ກຽດເປັນປະທານ ແລະ ຊີ້ນຳ ຕໍ່ກອງປະຊຸມກະກຽມຄວາມພ້ອມຮອບດ້ານ ໃຫ້ແກ່ການດຳເນີນກອງປະຊຸມໃຫຍ່ອົງຄະນະພັກແຂວງຊຽງຂວາງ ສະໄໝທີ IX; ມີສະຫາຍ ບຸນຈັນ ສີວົງພັນ, ກຳມະການສູນກາງພັກ, ເລຂາພັກແຂວງ-ເຈົ້າແຂວງຊຽງຂວາງ; ສະຫາຍ ນາງ ບຸດສະດີ ທະນະເມືອງ, ກຳມະການສູນກາງພັກ, ຮອງຫົວໜ້າຄະນະຈັດຕັ້ງສູນກາງພັກ; ພ້ອມດ້ວຍບັນດາສະຫາຍ ຮອງເລຂາພັກແຂວງ, ຄະນະປະຈຳພັກແຂວງ, ກຳມະການພັກແຂວງ, ຄະນະພັກຮາກຖານ, ອະດີດການນຳແຂວງ ແລະ ຜູ້ຕາງໜ້າພະແນກການທີ່ກ່ຽວຂ້ອງເຂົ້າຮ່ວມ.
ຄໍາມ່ວນ ຕິດຕາມການກະກຽມເນື້ອໃນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ

ຄໍາມ່ວນ ຕິດຕາມການກະກຽມເນື້ອໃນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ

ກອງປະຊຸມຕິດຕາມຊຸກຍູ້ ການກະກຽມເນື້ອໃນກອງປະຊຸມໃຫຍ່ຄັ້ງທີ XI ອົງຄະນະພັກແຂວງຄໍາມ່ວນໄດ້ຈັດຂຶ້ນໃນວັນທີ 7 ກໍລະກົດຜ່ານມາ ຢູ່ທີ່ຫ້ອງປະຊຸມເຮືອນພັກເລກ 1 ຂອງແຂວງ, ເຂົ້າຮ່ວມໃນກອງປະຊຸມມີສະຫາຍ ແກ້ວອຸດອນ ບຸດສິງຂອນ ກໍາມະການປະຈໍາພັກແຂວງ ຮອງເຈົ້າແຂວງ ຄະນະກໍາມະການຮັບຜິດຊອບວຽກກະກຽມເນື້ອໃນກອງປະຊຸມໃຫຍ່ຄັ້ງທີ XI ອົງຄະນະພັກແຂວງ, ສະຫາຍ ຄໍາຜາ ພິມມະສອນ ຮອງຫົວໜ້າຫ້ອງວ່າການສູນກາງພັກ ຫົວໜ້າຄະນະລົງຊ່ວຍວຽກກະກຽມເນື້ອໃນກອງປະຊຸມໃຫຍ່ຂັ້ນສູງກາງ ແລະ ທ້ອງຖິ່ນ ພ້ອມດ້ວຍຄະນະ.
ຄະນະບໍລິຫານງານພັກແຂວງ ເປີດກອງປະຊຸມຄົບຄະນະຄັ້ງທີ 12 ສະໄໝທີ IX

ຄະນະບໍລິຫານງານພັກແຂວງ ເປີດກອງປະຊຸມຄົບຄະນະຄັ້ງທີ 12 ສະໄໝທີ IX

ໃນວັນທີ 7 ກໍລະກົດນີ້ ທີ່ຫ້ອງປະຊຸມຫ້ອງວ່າການແຂວງອຸດົມໄຊ ໄດ້ເປີດກອງປະຊຸມຄົບຄະນະບໍລິຫານງານພັກແຂວງເປີດກວ້າງ ຄັ້ງທີ 12 ສະໄໝທີ IX ຂຶ້ນ, ໂດຍການເປັນປະທານຂອງ ສະຫາຍ ບຸນຄົງ ຫຼ້າຈຽມພອນ ກໍາມະການສຳຮອງສູນກາງພັກ ເລຂາພັກແຂວງ ເຈົ້າແຂວງອຸດົມໄຊ, ມີບັນດາສະຫາຍຮອງເລຂາພັກແຂວງ, ຄະນະປະຈຳພັກແຂວງ, ກຳມະການພັກແຂວງ, ຄະນະພັກ-ຄະນະບັນຊາການ ປກຊ-ປກສ ແລະ ພາກສ່ວນກ່ຽວຂ້ອງເຂົ້າຮ່ວມ.
ສະຫວັນນະເຂດ ໄຂກອງປະຊຸມຄົບຄະນະບໍລິຫານງານເປີດກວ້າງ ຄັ້ງທີ 19 ສະໄໝມທີ IX

ສະຫວັນນະເຂດ ໄຂກອງປະຊຸມຄົບຄະນະບໍລິຫານງານເປີດກວ້າງ ຄັ້ງທີ 19 ສະໄໝມທີ IX

ກອງປະຊຸມຄົບຄະນະບໍລິຫານງານພັກແຂວງສະຫວັນນະເຂດເປີດກວ້າງ ຄັ້ງທີ 19 ສະໄໝມທີ IX ໄດ້ຈັດຂຶ້ນໃນວັນທີ 7 ກໍລະກົດນີ້ ທີ່ສະໂມສອນຫ້ອງວ່າການແຂວງ ພາຍໃຕ້ການເປັນປະທານຂອງສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ ແຫ່ງ ສປປລາວ, ມີສະຫາຍ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງສະຫວັນນະເຂດ, ມີສະຫາຍຮອງເລຂາພັກແຂວງ, ຄະນະປະຈໍາພັກແຂວງ, ກຳມະການພັກແຂວງ, ເລຂາຄະນະບໍລິຫານງານພັກເມືອງ-ນະຄອນ, ເລຂາຄະນະພັກກອງບັນຊາການ ປກຊ-ປກສ ແຂວງ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.
ແຕ່ງຕັ້ງສະຫາຍ ນາງ ພັນຈິນດາ ເລັ່ງສະຫວັດ ເປັນຮອງປະທານ ສສຍລ

ແຕ່ງຕັ້ງສະຫາຍ ນາງ ພັນຈິນດາ ເລັ່ງສະຫວັດ ເປັນຮອງປະທານ ສສຍລ

ສະຫາຍ ນາງ ພັນຈິນດາ ເລັ່ງສະຫວັດ ຖືກແຕ່ງຕັ້ງເປັນຄະນະບໍລິຫານງານສູນກາງສະຫະພັນແມ່ຍິງລາວ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ)ຊຶ່ງພິທິປະກາດການແຕ່ງຕັ້ງໄດ້ຈັດຂຶ້ນໃນວັນທີ 7 ກໍລະກົດ ນີ້ ທີ່ສູນກາງສະຫະພັນແມ່ຍິງລາວ. ໂດຍການເຂົ້າຮ່ວມມີ ສະຫາຍ ນາງ ອາລີ ວົງໜໍ່ບຸນທຳ ກຳມະການສູນກາງພັກ ປະທານສູນກາງສະຫະພັນແມ່ຍິງລາວ, ມີບັນດາຄະນະບໍລິຫານງານ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
ເພີ່ມເຕີມ