ຊາວອິນເດຍ. ຈຳນວນການຈອງໄປທ່ຽວ ຫວຽດນາມ ຂອງບໍລິສັດທ່ອງທ່ຽວ ອິນເດຍ ໃນປີນີ້ເພີ່ມຂຶ້ນ 500% ເມື່ອທຽບໃສ່ປີ 2019, ພ້ອມກັນນັ້ນ, ບັນດາບໍລິສັດທ່ອງທ່ຽວ ແລະ ບໍລິສັດຂົນສົ່ງກໍພວມຊອກຫາວິທີເພື່ອສະໜອງຫຼາຍທາງເລືອກກວ່າເກົ່າ, ກໍຄືເພີ່ມທະວີກຳລັງຄວາມສາມາດ.
ຂ່າວລະບຸວ່າ: ທ່ານ ຣາຈີ ເຄລ ພະນັກງານກຸ່ມບໍລິສັດ Thomas Cook ປະຈຳສາຂາ ອິນເດຍກ່າວວ່າ: ຈຳນວນນັກທ່ອງທ່ຽວຈາກ ອິນເດຍ ມາທ່ຽວຫວຽດນາມເພີ່ມຂຶ້ນ 500% ອາດຍ້ອນການເຊື່ອມຕໍ່ບັນດາຖ້ຽວບິນໄດ້ຮັບການປັບປຸງ ແລະ ຜົນກະທົບຂອງສື່ສັງຄົມອອນລາຍ. ສິ່ງທີ່ໜ້າສົນໃຈແມ່ນ ຫວຽດນາມ ໄດ້ດຶງດູດຫຼາຍກຸ່ມນັກທ່ອງທ່ຽວທີ່ແຕກຕ່າງກັນ.
ທ່ານ ຣາຊ ຣິຊິ ຊີງ ຜູ້ອຳນວຍການຝ່າຍການຕະຫຼາດທັງເປັນຜູ້ອຳນວຍການຝ່າຍດຳເນີນທຸລະກິດຂອງບໍລິສັດ MakeMyTrip ໃຫ້ຮູ້ວ່າ: ໃນປີຜ່ານມາ, ຈຳນວນຜູ້ຄົ້ນຫາກ່ຽວກັບ ຫວຽດນາມ ໄດ້ເພີ່ມຂຶ້ນ 17%.
ສ່ວນທ່ານ ນານດາກຸມານ ປະທານບໍລິສັດທ່ອງທ່ຽວ SOTC Travel ເນັ້ນໜັກວ່າ: ຫວຽດນາມ ໄດ້ນຳບັນດາການຄົ້ນຫາໃໝ່ໆມາໃຫ້ນັກທ່ອງທ່ຽວ ອິນເດຍ, ນັບແຕ່ທາງດ້ານວັດທະນະທຳ, ປະຫວັດສາດ, ອາຫານການກິນ, ທຳມະຊາດ, ການຊື້ເຄື່ອງຂອງ.
ຄໍາເຫັນ