ຂ່າວລະບຸວ່າ: ລັດຖະບານ ຫວຽດນາມ ໄດ້ຊີ້ນຳການຫັນປ່ຽນຮູບແບບການເຕີບໂຕຈາກເອື່ອຍອີ່ງທາງດ້ານທຶນຮອນ, ສະມັດຖະພາບ, ຄ່າແຮງງານຕ່ຳ ມາເປັນຮູບແບບອີງໃສ່ພື້ນຖານວິທະຍາສາດເຕັກໂນໂລຊີ, ນະວັດຕະກຳ ແລະ ພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ, ຕອບສະໜອງບັນດາຄຳຮຽກຮ້ອງຕ້ອງການເຊື່ອມໂຍງ ແລະ ແກ້ງແຍ້ງສາກົນ.
ທ່ານຮອງສາດສະດາຈານ. ປອ. ຫງວຽນຮົ່ງເຊີນ ຮອງຫົວໜ້າຄະນະນະໂຍບາຍ, ຍຸດທະສາດສູນກາງ ໃຫ້ຮູ້ວ່າ: ຫວຽດນາມ ໄດ້ຖືປັດໄຈວິທະຍາສາດເຕັກໂນໂລຊີ, ນະວັດຕະກຳ ແລະ ຫັນເປັນດີຈີຕອນ ເປັນກຳລັງຫຼັກແຫຼ່ງໃນການຫັນປ່ຽນຮູບແບບການເຕີບໂຕ. ຕິດພັນກັບຮູບແບບການເຕີບໂຕກັບການປົວແປງສະພາບແວດລ້ອມລົງທຶນ ແລະ ດຳເນີນທຸລະກິດ, ການປະຕິວັດອຸດສາຫະກຳ 4.0 ເຂົ້າຮ່ວມຕາໜ່າງການຜະລິດ ແລະ ລະບົບມູນຄ່າທົ່ວໂລກ. ພ້ອມດຽວກັນນັ້ນ, ແກ້ໄຂບັນດາສາຍພົວພັນລະຫວ່າງການເຕີບໂຕເສດຖະກິດກັບການປົກປັກຮັກສາສິ່ງແວດລ້ອມ ແລະ ພັດທະນາສັງຄົມແບບຍືນຍົງໃຫ້ກົມກຽວ. ຍູ້ແຮງວິວັດທະນາການຫັນເປັນສີຂຽວ, ຫັນເປັນດີຈີຕຕອນ ແລະ ພັດທະນາເສດຖະກິດດີຈີຕອນ ສ້າງພື້ນຖານອັນໝັ້ນແກ່ນໃຫ້ແກ່ຮູບແບບການເຕີບໂຕໃໝ່.
ຄໍາເຫັນ