ອິນເດຍ ພິຈາລະນາຫຼຸດພາສີສຳລັບນັກລົງທຶນຕ່າງປະເທດທີ່ລົງທຶນໃນພັນທະບັດ

ຂ່າວຕ່າງປະເທດລາຍງານ ໃນວັນທີ 13 ພຶດສະພາ ຜ່ານມາວ່າ: ສາຍການບິນແອອິນເດຍ (Air India)ໄດ້ປະກາດຢຸດຖ້ຽວບິນສາກົນ 6 ເສັ້ນທາງຊົ່ວຄາວ ແລະ ຫຼຸດຄວາມຖີ່ຂອງຖ້ຽວບິນອີກ 22 ເສັ້ນທາງ ໃນລະຫວ່າງເດືອນມິຖຸນາ ຫາ ສິງຫາ 2026.

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນ​ທີ 13 ພຶດ​ສະ​ພາ​ນີ້, ອົງ​ການ​ປະ​ເທດ​ຜູ້​ສົ່ງ​ນ້ຳ​ມັນ​ເຊື້ອ​ໄຟ ​​ຫຼື OPEC ​ໄດ້​ເປີດ​ເຜີຍ​ບົດ​ລາຍ​ງານ​ກ່ຽວ​ກັບຕະ​ຫຼາດ​ນ້ຳ​ມັນ​ເຊື້ອ​ໄຟ​ປະ​ຈຳ​ເດືອນ, ໂດຍ​ໄດ້ປັບ​ຫຼຸດ​ການ​ຄາດ​ຄະ​ເນ​ການ​ເຕີບ​ໂຕ​ຂອງ​ຄວາມ​ຕ້ອງ​ການ​​ນ້ຳ​ມັນ​ເຊື້ອ​ໄຟ​​ທົ່ວໂລກ​ໃນ​ປີ 2026 ​ທີ່​ເຄີຍ​ຄາດ​ຄະ​ເນ​ໄວ້​ໂດຍ​ໄດ້​ປັບ​ເພີ່ມ​ການ​ຄາດ​ຄະ​ເນ​ການ​ເຕີບ​ໂຕ​ຂອງ​ຄວາມ​ຕ້ອງ​ການ​ນ້ຳ​ມັນ​ເຊື້ອ​ໄຟທົ່ວໂລກ​ໃນ​ປີ 2027.

ວິທະຍຸກະຈາຍສຽງຫວຽດນາມລາຍງານວ່າ: ໃນ​ວັນ​ທີ 14 ພຶດ​ສະ​ພາ ນີ້ ຢູ່ນະຄອນຫຼວງຮ່າ​ໂນ້ຍ, ຄະ​ນະ​ຊີ້​ນຳ​ການ​ສະ​ຫຼຸບ 100 ປີ​​ພັກ​ກອມ​ມູ​ນິດນຳ​ພາ​ການ​ປະ​ຕິ​ວັດ ຫວຽດ​ນາມ ແລະ 40 ປີ​ແຫ່ງການປະ​ຕິ​ບັດໂຄງ​ການ​ກາ​ນ​ເມືອງ​ສ້າງ​ສາ​ປະ​ເທດ​ຊາດ​ໃນ​​ໄລ​ຍະ​ກ້າວ​ຂຶ້ນ​ສັງ​ຄົມ​ນິ​ຍົມ ໄດ້​ຈັດ​ກອງ​ປ​ະ​ຊຸມ​ຄັ້ງ​ທີ 1, ພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ໂຕ​ເລິມ ເລ​ຂາ​ທິ​ການ​ໃຫຍ່​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ກອມ​ມູ​ນິດ ຫວຽດ​ນາມ ປະ​ທານ​ປະ​ເທດ ຫວຽດ​ນາມ.

ວິທະຍຸກະຈາຍສຽງຫວຽດນາມລາຍງານ ໃນວັນທີ 16 ພຶດສະພາ ຜ່ານມາວ່າ: ກະ​ຊວງ​ຄົມ​ມະ​ນາ​ຄົມ​ຂົນ​ສົ່ງ ອິນ​ໂດ​ເນ​ເຊຍ ໄດ້​ປັບ​ປຸງ​ກົນ​ໄກ​ຄ່າ​ໃຊ້​ຈ່າຍ​ນ້ຳ​ມັນ​ເຊື້ອ​ໄຟ​ສຳ​ລັບ​ບັນ​ດາ​ຖ້ຽວ​ບິນ​ການ​ຄ້າ​ພາຍ​ໃນ​ປະ​ເທດ.

ຂ່າວຕ່າງປະເທດລາຍງານວ່າ: ອົງການອະນາໄມໂລກ (WHO) ໄດ້ປະກາດການລະບາດຂອງພະຍາດອີໂບລາໃນ ສາທາລະນະລັດ ປະຊາທິປະໄຕ ກົງໂກ ແລະ ອູກັນດາ ເປັນພາວະສຸກເສີນດ້ານສາທາລະນະສຸກທົ່ວໂລກ ໃນວັນທີ 17 ພຶດສະພາຜ່ານມາ, ຫຼັງຈາກມີລາຍງານຜູ້ເສຍຊີວິດທີ່ສົງໃສວ່າເປັນພະຍາດນີ້ຫຼາຍສິບຄົນ.

ວິທະຍຸໂທລະພາບສູນກາງຈີນ (CMG) ລາຍງານວ່າ: ​ກຸ່ມບໍ​ລິ​ສັດ​ທາງ​ລົດ​ໄຟ​ແຫ່ງ​ຊາດ​ຈີນ​ຈຳ​ກັດ​ໄດ້​ແຈ້ງ​ໃຫ້​ຮູ້​ຫວ່າງມໍ່ໆມານີ້ວ່າ: ນັບແຕ່​ເດືອນ​ມັງ​ກອນ​ ຫາ ​ເດືອນ​ເມ​ສາ​ປີ​ນີ້, ການ​ກໍ່​ສ້າງ​ທາງ​ລົດ​ໄຟ​ໄດ້​ຮັບ​ການ​ຊຸກ​ຍູ້​ຢ່າງ​ມີ​ປະ​ສິດ​ທິ​ພາບ ​​ແລະ​ ຄຸນ​ນະ​ພາບ​ສູງ, ​ໄດ້​ສຳ​ເລັດການ​ລົງ​ທຶ​ນ​ໃນຊັບ​ສິນ​ຄົງ​ທີ່​ໃນ​ລະ​ບົບທາງ​ລົດ​ໄຟ​​ທົ່ວ​ປະ​ເທດ 200 ຕື້ 800 ລ້ານຢວນ, ເພີ່ມ​ຂຶ້ນ 3.2% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ກາຍ, ໄດ້​ເສີມ​ຂະ​ຫຍາຍ​ບົດ​ບາດ​ນຳ​ໜ້າ ​ແລະ ຂະ​ຫຍາຍ​ຢ່າງ​ມີ​ປະ​ສິດ​ທິ​ຜົນ, ທັງ​ໄດ້​ເພີ່ມ​ພະ​ລັງ​ແຮງ​ໃໝ່​ເຂົ້າ​ໃນ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ຂອງ​​ບັນ​ດາ​ເຂດ​ແຄວ້ນ.

ວິທະຍຸກະຈາຍສຽງຫວຽດນາມລາຍງານໃນວັນທີ 17 ພຶດສະພາ ຜ່ານມາວ່າ: ທ່ານນາ​ຍົກ​ລັດ​ຖະ​ມົນ​ຕີຫວຽດນາມ ຫາ​ກໍ​ປະ​ກາດ​ໃຊ້​ຂໍ້​ຕົກ​ລົງ​ເລກ​ທີ 876 ກ່ຽວ​ກັບ​ການ​ໃຫ້​ສັດ​ຕະ​ຍາ​ບັນ​ຍຸດ​ທະ​ສາດ​ມາດ​ຕະ​ຖານ​ແຫ່ງ​ຊາດ​ໄລ​ຍະ 2026-2035. ຍຸດ​ທະ​ສາດ​ມຸ່ງ​ໄປ​ເຖິງ​ເປົ້າ​ໝາຍ​ສ້າງ​ລະ​ບົບ​ມາດ​ຕະ​ຖານ​ສາ​ກົນ​ທັນ​ສະ​ໄໝ ແລະ ກົມ​ກຽວ​ກັບ ມາດ​ຕະ​ຖານ​ສາ​ກົນ, ມີ​ບົດ​ບາດ​ເປັນ​ພື້ນ​ຖານ​ລະ​ບອບ​ລະ​ບຽບ​ການ​ຂອງ​ຊາດ, ເປັນ​ເຄື່ອງ​ມື​ປະ​ຕິ​ບັດ​ນະ​ໂຍ​ບາຍ​ສາ​ທາ​ລະ​ນະ ແລະ ພື້ນ​ຖານ​ເຕັກ​ນິກ​ໃຫ້​ແກ່​ການ​ຄຸ້ມ​ຄອງ​ລັດ. ພ້ອມ​ທັງ​ຊຸກ​ຍູ້​ມາດ​ຕະ​ຖານ​ກາຍ​ເປັນ​ກຳ​ລັງ​ໜູນ​ນະ​ວັດ​ຕະ​ກຳ, ຫັນ​ເປັນ​ດີ​ຈີ​ຕອນ, ຫັນ​ເປັນ​ສີ​ຂຽວ ແລະ ພັດ​ທະ​ນາ​ແບບ​ຍືນ​ຍົງ.

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນ​ທີ 13 ພຶດ​ສະ​ພາ​ ຜ່ານມາ, ທ່ານ ໂດ​ໂນ​ ທ​ຣຳ ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ​ໄດ້​ເລີ່ມ​ດຳ​ເນີນ​ການຢ້ຽມ​ຢາມ​ຈີນ​ທາງ​ລັດ​ຖະ​ກິດ​ເປັນ​ເວ​ລາ 3 ວັນ. ໃນ​ສະ​ຖາ​ນະ​ການ​ສາ​ກົນ​ປັດ​ຈຸ​ບັນ​ທີ່​ມີ​ຄວາມຜັນ​ແປ ແລະ ສັບ​ສົນ, ການ​ພົບ​ປະ​ເຈ​ລະ​ຈາ​ກັນ​ລະ​ຫວ່າງ​ປະ​ມຸກ​ລັດ​ສອງ​ປະ​ເທດ​ຈີນ-ອາ​ເມ​ຣິ​ກາບໍ່​ພຽງ​ແຕ່​ຈະ​ສົ່ງ​ຜົນ​ສະ​ທ້ອນ​ໃຫ້​ແກ່​ການ​ຂະ​ຫຍາຍ​ການ​ພົວ​ພັນ​ລະ​ຫວ່າງ​ສອງ​ປະ​ເທດ​ໃນ​ຕໍ່​ໜ້າ, ຍັງ​ຈະ​ສົ່ງ​ຜົນ​ສະ​ທ້ອນ​ຕໍ່​ສະ​ພາບ​ການ​ເມືອງ-ເສດ​ຖະ​ກິດ​ໂລກ ແລະ ການ​ປ່ຽນ​ແປງ​ຂອງລະ​ບຽບ​ສາ​ກົນ.

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນຕອນເຊົ້າວັນທີ 14 ພຶດສະພາ ຜ່ານມາ, ທ່ານ ສີຈິ້ນຜິງ ປະທານປະເທດຈີນ ໄດ້ພົບປະເຈລະຈາກັບ ທ່ານ ໂດໂນ ທຣຳ ປະທານາທິບໍດີອາເມຣິກາ ທີ່ເດີນທາງມາຢ້ຽມຢາມຈີນທາງລັດຖະກິດຢູ່ຫໍສະພາປະຊາຊົນແຫ່ງຊາດຈີນ ທີ່ນະຄອນຫຼວງປັກກິ່ງ.

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນຕອນເຊົ້າວັນທີ 12 ພຶດສະພາຜ່ານມາ, ທ່ານນາງ ເຜີງລີ້ຢວນ ພັນລະຍາຂອງທ່ານ ສີຈິ້ນຜິງ ປະທານປະເທດຈີນ ທູດພິເສດດ້ານການຊຸກຍູ້ການສຶກສາສຳລັບເດັກຍິງ ແລະ ແມ່ຍິງຂອງອົງການເພື່ອການສຶກສາ ວິທະຍາສາດ ແລະ ວັດທະນະທຳແຫ່ງສະຫະປະຊາຊາດ ຫຼື UNESCO ໄດ້ພົບປະກັບທ່ານ ຄາເລັດ ເອລ ເອນານີ ຜູ້ອຳນວຍການໃຫຍ່ອົງການ UNESCO ທີ່ນະຄອນຫຼວງປັກກິ່ງຂອງຈີນ.