ອິນໂດເນເຊຍ ດຶງດູດນັກທ່ອງທ່ຽວຕ່າງປະເພດເພີ່ມຂຶ້ນ 14%

13:40 02/07/2025

ຂ່າວຕ່າງປະເທດລາຍງານ; ສຳນັກງານສະຖິຕິແຫ່ງຊາດຂອງອິນໂດເນເຊຍ (BPS) ເປີດເຜີຍໃນວັນທີ 1 ກໍລະກົດ ຜ່ານມາວ່າ: ອິນໂດເນເຊຍຕ້ອນຮັບນັກທ່ອງທ່ຽວຕ່າງປະເທດ 1.31 ລ້ານເທື່ອຄົນໃນເດືອນພຶດສະພາ ປີ 2025, ເພີ່ມຂຶ້ນ 14.01% ເມື່ອທຽບໃສ່ໄລຍະດຽວກັນຂອງປີກາຍ. ໂດຍນັກທ່ອງທ່ຽວສ່ວນໃຫຍ່ມາຈາກມາເລເຊຍ 18.26%, ຖັດມາແມ່ນອົສຕຣາລີ 11.31% ແລະ ສິງກະໂປ 9.68%.

ບົດລາຍງານລະບຸວ່າ:, ໃນເດືອນພຶດສະພາຜ່ານມາ, ນັກທ່ອງທ່ຽວຕ່າງປະເທດສ່ວນຫຼາຍເຂົ້າມາໂດຍຜ່ານສະໜາມບິນ I Gusti Ngurah Rai ຂອງເກາະບາຫຼີ. ໂດຍນັກທ່ອງທ່ຽວຈາກອົສຕຣາລີ, ອິນເດຍ ແລະ ຈີນ ເດີນທາງເຂົ້າຮ່ວມງານບຸນ ແລະ ກິດຈະກໍາຕ່າງໆເຊັ່ນ: Bali Spirit Festival ແລະ Bali Training Ultra trail run.

ໃນຂະນະດຽວກັນ, ການທ່ອງທ່ຽວພາຍໃນປະເທດບັນລຸ 97.67 ລ້ານເທື່ອຄົນໃນເດືອນພຶດສະພາ, ເພີ່ມຂຶ້ນ 17.81% ເມື່ອທຽບໃສ່ໄລຍະດຽວກັນຂອງປີກາຍ.

ລວມຍອດຈຳນວນນັກທ່ອງທ່ຽວຕ່າງປະເທດທີ່ມາຢ້ຽມຢາມອິນໂດເນເຊຍແຕ່ເດືອນມັງກອນ ຫາ ເດືອນພຶດສະພາ ມີ 5.63 ລ້ານເທື່ອຄົນ, ເພີ່ມຂຶ້ນ 7.44% ເມື່ອທຽບໃສ່ໄລຍະດຽວກັນຂອງປີກາຍ. ສ່ວນນັກທ່ອງທ່ຽວພາຍໃນມີທັງໝົດ 508.67 ລ້ານຄົນ, ເພີ່ມຂຶ້ນ 16.13% ເມື່ອທຽບໃສ່ໄລຍະດຽວກັນຂອງປີກາຍ.

ຄໍາເຫັນ

ຂ່າວຕ່າງປະເທດ

ນັກຄົ້ນຄວ້າອິສຣາແອນ ພົບຂໍ້ບົກພ່ອງດ້ານຄວາມປອດໄພ ໃນ AI chatbot

02/07/2025 13:44

ຂ່າວຕ່າງປະເທດລາຍງານ ໃນວັນທີ 1 ກໍລະກົດ ຜ່ານມາວ່າ: ມະຫາວິທະຍາໄລ Ben-Gurion ຂອງອິສຣາແອນ ເປີດເຜີຍວ່າ: ນັກຄົ້ນຄວ້າອິສຣາແອນ ໄດ້ຄົ້ນພົບຂໍ້ບົກພ່ອງດ້ານຄວາມປອດໄພໃນ AI chatbots ທີ່ໄດ້ຮັບຄວາມນິຍົມ ເຊັ່ນ: ChatGPT, Claude ແລະ Google Gemini ໂດຍພົບວ່າ: ລະບົບເຫຼົ່ານີ້ສາມາດຖືກດັດແປງເພື່ອສະໜອງຂໍ້ມູນທີ່ບໍ່ມີຈັນຍາບັນ ແລະ ຜິດກົດໝາຍ, ເຖິງແມ່ນວ່າມີມາດຕະການປ້ອງກັນຄວາມປອດໄພພາຍໃນກໍຕາມ.

ອິນເດຍ ອະນຸມັດໂຄງການ ELI ເພື່ອສ້າງວຽກເຮັດງານທຳ 35 ລ້ານຕຳແໜ່ງ

02/07/2025 13:42

ຂ່າວຕ່າງປະເທດລາຍງານ ໃນວັນທີ 2 ກໍລະກົດນີ້ວ່າ: ຄະນະລັດຖະມົນຕີຂອງອິນເດຍໄດ້ອະນຸມັດໂຄງການແຮງຈູງໃຈດ້ານການຈ້າງງານ (ELI) ໃນວັນທີ 1 ກໍລະກົດ ຜ່ານມາ, ໂດຍມີງົບປະມານ 1 ພັນຕື້ຣູປີ (11,7 ຕື້ໂດລາສະຫະລັດ) ເພື່ອສ້າງວຽກເຮັດງານທຳປະມານ 35 ລ້ານຕຳແໜ່ງໃນໄລຍະ 2 ປີ ໂດຍຜ່ານການມອບເງິນອຸດໜູນໃຫ້ແກ່ນາຍຈ້າງ ແລະ ພະນັກງານ.

ອາຊຽນ ຊຸກຍູ້ຄວາມສະເໝີພາບລະຫວ່າງຍິງ - ຊາຍ ໃນການດຳເນີນທຸລະກິດ ແລະ ສິດທິມະນຸດ

02/07/2025 13:41

ວິທະຍຸກະຈາຍສຽງຫວຽດນາມລາຍງານວ່າ: ໃນລະຫວ່າງວັນທີ 30 ມິຖຸນາ ຫາ ວັນທີ 1 ກໍລະກົດ ຜ່ານມາ ຢູ່ນະຄອນຫຼວງກົວລາລຳເປີ ປະເທດມາເລເຊຍ, ຄະນະກຳມະການລະຫວ່າງລັດຖະບານ ອາຊຽນ ກ່ຽວກັບສິດທິມະນຸດ (AICHR) ໄດ້ຈັດກອງປະຊຸມສຳມະນາໃນພາກພື້ນ ເພື່ອແນໃສ່ຊຸກຍູ້ບັນດາການເຄື່ອນໄຫວດຳເນີນທຸລະກິດ ແລະ ສິດທິມະນຸດ ໂດຍມີລັກສະນະກວມລວມ ກ່ຽວກັບຄວາມສະເໝີພາບລະຫວ່າງຍິງ - ຊາຍ. ກອງປະຊຸມສໍາມະນາ ຄັ້ງນີ້ຈັດຂຶ້ນໂດຍ ມາເລເຊຍ ປະເທດປະທານ ອາຊຽນ 2025.

ກອງປະຊຸມສຳມະນາການປົກຄອງປະເທດ ແລະ ການຄຸ້ມຄອງລັດຂອງປະເທດສະມາຊິກບຣິກສ

02/07/2025 13:38

ຂ່າວສານຊີອາໄອລາຍງານວ່າ: ໃນວັນທີ 30 ມິຖຸນາ ຜ່ານມານີ້, ກອງປະຊຸມສຳມະນາກ່ຽວກັບການປົກຄອງປະເທດ ແລະ ການຄຸ້ມຄອງລັດຂອງປະເທດສະມາຊິກບຣິກສ ປະຈຳ 2025 ແລະ ເວທີປຶກສາຫາລືວັດທະນະທຳ ໄດ້ຈັດຂຶ້ນຢູ່ນະຄອນຣິໂອ ເດີ ຈາເນໂຣ ປະເທດບຣາຊິນ ມີຜູ້ຕາງໜ້າ 120 ກວ່າທ່ານຈາກປະເທດສະມາຊິກບຣິກສ ເຊັ່ນ: ຈີນ, ບຣາຊິນ, ຣັດເຊຍ, ອິນເດຍ, ອາຟຣິກາໃຕ້ ແລະ ອິນໂດເນເຊຍ, ພ້ອມດ້ວຍອົງການຈັດຕັ້ງສາກົນທີ່ກ່ຽວຂ້ອງ ໄດ້ປຶກສາຫາລືພາຍໃຕ້ຫົວຂໍ້ “ການຮ່ວມມືບຣິກສໃຫຍ່: ເພີ່ມຄວາມແນ່ນອນ ແລະ ຄວາມໝັ້ນຄົງຫຼາຍກວ່າເກົ່າເຂົ້າໃນສະພາບການປ່ຽນແປງຂອງໂລກ”.

ຫວຽດນາມ ກະກຽມແຜນຮ່າງການພັດທະນາວັດທະນະທຳຂອງຊາດ

02/07/2025 13:38

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 1 ກໍລະກົດ ຜ່ານມາ ຢູ່ສຳນັກງານລັດຖະບານ ຫວຽດນາມ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ເປັນປະທານກອງປະຊຸມຄະນະປະຈຳ ຄະນະພັກລັດຖະບານ ກ່ຽວກັບບາງເນື້ອໃນສຳຄັນ, ໃນນັ້ນ ມີແຜນຮ່າງກ່ຽວຂ້ອງເຖິງການພັດທະນາວັດທະນະທຳ ເພື່ອກະກຽມຍື່ນຕໍ່ຂັ້ນມີສິດອຳນາດ.

ຜົນສຳເລັດອັນພົ້ນເດັ່ນຂອງພັກກອມມູນິດຫວຽດນາມ 35 ປີແຫ່ງການປ່ຽນແປງໃໝ່

02/07/2025 13:28

ຮຽບຮຽງ: ວັນໄຊ ຕະວິນຍານ ໃນໄລຍະ 35 ປີຜ່ານມາ ມີການຜັນແປຢ່າງວ່ອງໄວ, ສັບສົນ, ແຕ່ພາຍໃຕ້ການນຳພາຂອງພັກກອມມູນິດຫວຽດນາມ, ພັກ-ລັດ ແລະ ທົ່ວປວງຊົນຫວຽດນາມໄດ້ຢຶດໝັ້ນບົນເສັ້ນທາງເອກະລາດແຫ່ງຊາດກ້າວຂຶ້ນສູ່ສັງຄົມນິຍົມ, ເພື່ອໄປສູ່ເປົ້າໝາຍເຮັດໃຫ້ປະຊາຊົນຮັ່ງມີ, ປະເທດຊາດເຂັ້ມແຂງ, ສັງຄົມຍຸຕິທຳ, ປະຊາທິປະໄຕ, ສີວິໄລ. ດ້ວຍເຂັມຊີ້ທິດບໍ່ສາມາດປ່ຽນແປງໄດ້ນັ້ນ, ປະເທດຫວຽດນາມສາມາດບັນລຸໄດ້ຜົນສຳເລັດອັນໃຫຍ່ຫຼວງ, ມີການພັດທະນາຢ່າງແຂງແຮງ.

BIS ເຕືອນ ຄວາມສ່ຽງສົງຄາມການຄ້າດຶງເສດຖະກິດໂລກໄປສູ່ຍຸກຂອງຄວາມບໍ່ແນ່ນອນ

01/07/2025 13:10

ຂ່າວຕ່າງປະເທດລາຍງານ ໃນວັນທີ 30 ມິຖຸນາ ຜ່ານມາວ່າ: ທະນາຄານເພື່ອການຊຳລະສາກົນ (Bank for International Settlements: BIS) ເປີດເຜີຍບົດລາຍງານການປະເມີນເສດຖະກິດໂລກຄັ້ງຫຼ້າສຸດ ໃນວັນທີ 29 ມິຖຸນາ ຜ່ານມາວ່າ: ຄວາມເຄັ່ງຕຶງດ້ານການຄ້າ ແລະ ທາງດ້ານພູມສາດການເມືອງ ມີຄວາມສ່ຽງທີ່ຈະເຮັດໃຫ້ລະບົບການເງິນທົ່ວໂລກປະເຊີນກັບຄວາມບໍ່ສອດຄ່ອງໃນລະດັບທີ່ເລິກເຊິ່ງຂຶ້ນ.

ເອີຣົບ ກຳລັງປະເຊີນກັບຄື້ນຄວາມຮ້ອນ

01/07/2025 13:09

ຂ່າວຕ່າງປະເທດລາຍງານ ໃນວັນທີ 30 ມິຖຸນາ ຜ່ານມາວ່າ: ຄື້ນຄວາມຮ້ອນຍັງສືບຕໍ່ປົກຄຸມຫຼາຍປະເທດໃນເອີຣົບ ໂດຍມີຫຼາຍປະເທດໄດ້ອອກຄໍາເຕືອນທ່າມກາງອຸນຫະພູມທີ່ເພີ່ມສູງຂຶ້ນ, ໃນຂະນະທີ່ແອັດສະປາຍ ທຳລາຍສະຖິຕິອຸນຫະພູມສູງທີ່ສຸດ.

ສິນຄ້າອາຫານໃນຍີ່ປຸ່ນຈະເພີ່ມລາຄາຂຶ້ນ 2,000 ກວ່າລາຍການ

01/07/2025 13:07

ຂ່າວຕ່າງປະເທດລາຍງານ ໃນວັນທີ 30 ມິຖຸນາ ຜ່ານມາວ່າ: ບົດລາຍງານຂອງ ບໍລິສັດ Teikoku Databank ຊຶ່ງເປັນບໍລິສັດຄົ້ນຄວ້າຂອງຍີ່ປຸ່ນ ເປີດເຜີຍວ່າ: ສິນຄ້າອາຫານໃນຍີ່ປຸ່ນ ປະມານ 2,105 ລາຍການ ຈະປັບຂຶ້ນລາຄາໃນເດືອນກໍລະກົດ ນີ້ ຍ້ອນການເພີ່ມຂຶ້ນຂອງລາຄາວັດຖຸດິບ, ລວມເຖິງການເພີ່ມຂຶ້ນຂອງຄ່າແຮງງານ, ການຂົນສົ່ງ ແລະ ຄ່ານໍ້າ-ຄ່າໄຟ.

ພັກກອມມູນິດຈີນ ທົບທວນຄືນ ກົດລະບຽບການປະຕິບັດງານຂອງອົງການຕັດສິນນະໂຍບາຍ

01/07/2025 13:06

ຂ່າວສານຊີອາໄອລາຍງານວ່າ: ກົມການເມືອງສູນກາງພັກກອມມູນິດຈີນໄດ້ຈັດກອງປະຊຸມໃນວັນທີ 30 ມິຖຸນາ ຜ່ານມາ ໂດຍໄດ້ທົທວນຄືນ “ກົດລະບຽບໃນການປະຕິບັດງານຂອງອົງການຕັດສິນນະໂຍບາຍ, ປຶກສາຫາລື ແລະ ປະສານງານຂອງສູນກາງພັກ”, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນເປັນປະທານກອງປະຊຸມ.

ເພີ່ມເຕີມ