ອິນໂດເນເຊຍ ຄາດວ່າການຜະລິດເຂົ້າຈະບັນລຸ 34 ລ້ານໂຕນ

12:41 12/05/2025

ຂ່າວຕ່າງປະເທດລາຍງານ ໃນທ້າຍອາທິດ ຜ່ານມາວ່າ; ທ່ານ ແຊມ ເຮໂຣດຽນ ທີ່ປຶກສາພິເສດດ້ານນະໂຍບາຍກະສິກໍາ ຂອງລັດຖະມົນຕີກະຊວງກະສິກໍາອິນໂດເນເຊຍ ໄດ້ເປີດເຜີຍໂຕເລກການຄາດຄະເນການຜະລິດເຂົ້າໃນປີ 2025 ເພີ່ມຂຶ້ນຈາກ 32 ລ້ານໂຕນ ເປັນຫຼາຍກວ່າ 34 ລ້ານໂຕນ ຊຶ່ງສູງກວ່າຄວາມຕ້ອງການເຂົ້າພາຍໃນປະເທດປະມານ 31 ລ້ານໂຕນ ແລະ ອາດຈະເຮັດໃຫ້ມີໂອກາດໃນການສົ່ງອອກເຂົ້າ.

ທ່ານ ແຊມ ເຮໂຣດຽນ ກ່າວວ່າ: ການຜະລິດເຂົ້າສາມາດເພີ່ມຂຶ້ນຕື່ມອີກ ດ້ວຍການປັບປຸງລະບົບຊົນລະປະທານ, ການຮ່ວມມືກັບກະຊວງໂຍທາທິການ ແລະ ການຂະຫຍາຍລະບົບປໍ້າສູບນ້ຳໃຫ້ດີຍິ່ງຂຶ້ນ, ທ່ານກ່າວຕື່ມວ່າ: ຜົນຜະລິດທີ່ເພີ່ມຂຶ້ນແມ່ນຍ້ອນການນຳໃຊ້ແນວພັນເຂົ້າທີ່ມີຄຸນນະພາບສູງ ເໝາະສົມກັບສະພາບການປູກທີ່ຫຼາກຫຼາຍຂອງອິນໂດເນເຊຍ.

ນອກຈາກນັ້ນ, ທ່ານ ແຊມ ເຮໂຣດຽນ ຍັງມີທັດສະນະໃນແງ່ດີຕໍ່ການຜະລິດເຂົ້າທີ່ເພີ່ມຂຶ້ນວ່າ: ຄັງສຳຮອງເຂົ້າຂອງອິນໂດເນເຊຍຈະເພີ່ມຂຶ້ນແບບບໍ່ເຄີຍມີມາກ່ອນຈາກ 3,5 ລ້ານໂຕນ ເປັນ 4 ລ້ານໂຕນພາຍໃນສອງອາທິດຂ້າງຕໍ່ໜ້າ.

ສໍາລັບບັນຫາການສົ່ງອອກ, ທ່ານ ແຊມ ເຮໂຣດຽນ ກ່າວວ່າ: ເນື່ອງຈາກການຜະລິດສູງເກີນຄວາມຕ້ອງການພາຍໃນ. ອິນໂດເນເຊຍອາດຈະພິຈາລະນາສົ່ງອອກເຂົ້າສູ່ມາເລເຊຍໃນທ້າຍປີ 2025 ຊຶ່ງເປັນປະເທດທຳອິດທີ່ຍື່ນຄຳຮ້ອງເຂົ້າສົ່ງອອກຈາກອິນໂດເນເຊຍ.

ຄໍາເຫັນ

ຂ່າວຕ່າງປະເທດ

ສະຫະລັດ ອາເມຣິກາ ຈະທຳລາຍສະຖິຕິການໃຊ້ໄຟຟ້າຢ່າງຕໍ່ເນື່ອງຈົນເຖິງປີໜ້າ

12/09/2025 15:12

ຂ່າວຕ່າງປະເທດລາຍງານ ເມື່ອບໍ່ດົນມານີ້ວ່າ: ອົງການຂໍ້ມູນຂ່າວສານດ້ານພະລັງງານຂອງ ສະຫະລັດ ອາເມຣິກາ (EIA) ໄດ້ເປີດເຜີຍບົດລາຍງານທ່າອ່ຽງພະລັງງານໄລຍະສັ້ນ (STEO) ໃນວັນ 9 ກັນຍາ ຜ່ານມາ ຄາດວ່າ, ຄວາມຕ້ອງການໃຊ້ໄຟຟ້າຂອງ ສະຫະລັດ ອາເມຣິກາ ຈະສືບຕໍ່ສ້າງສະຖິຕິສູງສຸດຄັ້ງໃໝ່ໃນປີ 2025 ແລະ 2026, ທຳລາຍສະຖິຕິທີ່ຜ່ານມາ 4,097 ພັນຕື້ກິໂລວັດຕໍ່ຊົ່ວໂມງ (kWh) ໃນປີ 2024. ໂດຍຈະເພີ່ມຂຶ້ນເປັນ 4,187 ພັນຕື້ kWh ໃນປີ 2025 ແລະ ເພີ່ມຂຶ້ນອີກເປັນ 4,305 ພັນຕື້ kWh ໃນປີ 2026 ຊຶ່ງປັດໄຈຕົ້ນຕໍມາຈາກການຂະຫຍາຍຕົວຂອງສູນຂໍ້ມູນທີ່ຮອງຮັບປັນຍາປະດິດ (AI) ແລະ cryptocurrencies, ລວມເຖິງການຫັນປ່ຽນຂອງຄົວເຮືອນ ແລະ ຂະແໜງທຸລະກິດ ທີ່ໃຊ້ໄຟຟ້າແທນນໍ້າມັນເຊື້ອໄຟໃນການເຮັດຄວາມຮ້ອນ ແລະ ການຂົນສົ່ງ.

ການສົ່ງອອກຂອງກຳປູເຈຍເພີ່ມຂຶ້ນ 14.8%

12/09/2025 15:10

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ກົມພາສີ ແລະ ອາກອນຂອງກຳປູເຈຍໄດ້ລາຍງານການສົ່ງອອກຜະລິດຕະພັນ ມູນຄ່າ 20.1 ຕື້ໂດລາ ໃນໄລຍະເດືອນມັງກອນ - ສິງຫາ ປີ 2025, ເພີ່ມຂຶ້ນ 14.8% ຈາກ 17.5 ຕື້ໂດລາ ໃນໄລຍະດຽວກັນຂອງປີ 2024.

ໂຄງການລະບາຍນ້ຳ 4 ແຫ່ງຂອງຈີນ ໄດ້ຈັດເຂົ້າໃນບັນຊີລາຍຊື່ມໍລະດົກໂຄງການຊົນລະປະທານໂລກ

12/09/2025 15:06

ຂ່າວສານຊີອາໄອ ລາຍງານວ່າ: ກະຊວງຊົນລະປະທານຈີນໄດ້ແຈ້ງໃຫ້ຮູ້ວ່າ, ຫວ່າງບໍ່ດົນມານີ້ ໃນກອງປະຊຸມຄະນະບໍລິຫານງານສາກົນຄັ້ງທີ 76 ຂອງຄະນະກຳມະການຊົນລະປະທານ ແລະ ລະບາຍນ້ຳສາກົນ ທີ່ຈັດຂຶ້ນຢູ່ນະຄອນຫຼວງກົວລາລຳເປີ ປະເທດມາເລເຊຍ ໄດ້ເປີດເຜີຍບັນຊີລາຍຊື່ມໍລະດົກໂຄງການຊົນລະປະທານໂລກ (ຊຸດທີ 12) ປີ 2025 ຢ່າງເປັນທາງການ.

ຫວຽດນາມ ປະກາດຮູບແບບເສດຖະກິດພາກເອກະຊົນຮອບດ້ານ

12/09/2025 15:03

ວິທະຍຸກະຈາຍສຽງຫວຽດນາມ ລາຍງານວ່າ: ໃນວັນທີ 11 ກັນຍາ ຜ່ານມາ, ຄະນະຄົ້ນຄວ້າການພັດທະນາເສດຖະກິດພາກເອກະຊົນ (ຄະນະ 4, ສະພາໃຫ້ຄຳປຶກສາການປະຕິຮູບລະບຽບການບໍລິຫານຂອງນາຍົກລັດຖະ ມົນຕີ) ໄດ້ຈັດພິທີປະກາດ “ຮູບແບບເສດຖະກິດພາກເອກະຊົນຮອບດ້ານຂອງ ຫວຽດນາມ”.

ອິນໂດເນເຊຍ ກຽມຈະຊຸກຍູ້ການຊື້ລົດຈັກໄຟຟ້າ

12/09/2025 14:26

ຂ່າວຕ່າງປະເທດລາຍງານ ໃນວັນທີ 10 ກັນຍາ ຜ່ານມາວ່າ: ທ່ານ ຊູຊີວິໂຈໂນ ໂມເອກີອາຣໂຊ ເລຂາທິການກະຊວງປະສານງານດ້ານເສດຖະກິດຂອງອິນໂດເນເຊຍ ເປີດເຜີຍວ່າ: ລັດຖະບານອິນໂດເນເຊຍກໍາລັງກະກຽມການສະໜອງແຮງຈູງໃຈໃນການຊື້ລົດຈັກໄຟຟ້າ ຊຶ່ງເປັນສ່ວນໜຶ່ງຂອງມາດຕະການກະຕຸ້ນເສດຖະກິດໃນໄຕມາດທີສາມ (ເດືອນກໍລະກົດ ຫາ ເດືອນກັນຍາ) ເພື່ອເລັ່ງການຫັນປ່ຽນໄປສູ່ພະລັງງານສະອາດ ແລະ ຫຼຸດຜ່ອນການເພິ່ງພາອາໄສນໍ້າມັນເຊື້ອໄຟ.

ການທ່ອງທ່ຽວທົ່ວໂລກຂະຫຍາຍຕົວຢ່າງໄວວາໃນເຄິ່ງປີທຳອິດຂອງປີ 2025

12/09/2025 14:24

ຂ່າວຕ່າງປະເທດລາຍງານໃນວັນທີ 10 ກັນຍາ ຜ່ານມາວ່າ: ອົງການທ່ອງທ່ຽວໂລກ ຂອງອົງການສະຫະປະຊາຊາດ (UNWTO) ໄດ້ລາຍງານວ່າ, ການເດີນທາງທ່ອງທ່ຽວລະຫວ່າງປະເທດທົ່ວໂລກໃນເຄິ່ງທຳອິດຂອງປີ 2025 ເພີ່ມຂຶ້ນ 5% ເມື່ອທຽບໃສ່ປີກາຍ.

ຝຣັ່ງ ມີນາຍົກລັດຖະມົນຕີຄົນໃໝ່

12/09/2025 14:23

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 9 ກັນຍາ ຜ່ານມາ, ທ່ານ ແອມມານູຍແອນ ມາຄຣົງ ປະທານາທິບໍດີຝຣັ່ງ ໄດ້ແຕ່ງຕັ້ງທ່ານ ເຊບາສຕຽນ ເລີຄໍນູ ລັດຖະມົນຕີກະຊວງປ້ອງກັນປະເທດ ເປັນນາຍົກລັດຖະມົນຕີຄົນໃໝ່ຂອງປະເທດຝຣັ່ງ, ໃນສະພາບວິກິດການດ້ານການເມືອງ ພວມນັບມື້ນັບຮ້າຍແຮງຢູ່ພື້ນຖານເສດຖະກິດໃຫຍ່ອັນດັບ 2 ຢູ່ ເອີຣົບ.

ກອງປະຊຸມສະມັດຊາໃຫຍ່ ສປຊ ຊຸດທີ 80

12/09/2025 14:22

ວິທະຍຸກະຈາຍສຽງຫວຽດນາມ ລາຍງານວ່າ: ໃນວັນທີ 9 ກັນຍາ ຜ່ານມາ, ກອງປະຊຸມສະມັດຊາໃຫຍ່ ສປຊ ຊຸດທີ 80 (UNGA – 80) ໄດ້ເປີດຂຶ້ນຢ່າງເປັນທາງການຢູ່ສຳນັກງານ ສປຊ ທີ່ນະຄອນນິວຢອກ ສະຫະລັດ ອາເມຣິກາ.

ປະກາດດັດຊະນີການຄ້າລະຫວ່າງຈີນ ກັບປະເທດສະມາຊິກບຣິກສ

12/09/2025 14:20

ຂ່າວສານຊີອາໄອລາຍງານວ່າ: ໃນວັນທີ 9 ກັນຍາ ຜ່ານມາ, ດັັດຊະນີການຄ້າລະຫວ່າງຈີນ ກັບປະເທດສະມາຊິກບຣິກສ ທີ່ຮຽບຮຽງໂດຍອົງການພາສີຈີນໄດ້ປະກາດເປັນເທື່ອທຳອິດໃນໂອກາດຕະຫຼາດນັດການລົງທຶນ ແລະ ການຄ້າສາກົນຈີນ ຄັ້ງທີ 25. ດັດຊະນີນີ້ມີຄ່າພື້ນຖານ 100 ຈຸດໃນປີ 2009 ຊຶ່ງເປັນປີທີ່ຜູ້ນຳປະເທດບຣິກສຈັດການພົບປະກັນເປັນຄັ້ງທຳອິດ. ຈາກນັ້ນ, ໃນປີ 2024 ໄດ້ເພີ່ມຂຶ້ນເປັນ 301.51 ຈຸດ ຊຶ່ງໄດ້ສະແດງໃຫ້ເຫັນທ່າອ່ຽງການພັດທະນາໃນທາງບວກຢ່າງຕໍ່ເນື່ອງ.

ຣັດເຊຍ ຕັ້ງເປົ້າສ້າງສູນຂໍ້ມູນໃໝ່ 8 ແຫ່ງພາຍໃນປີ 2036

10/09/2025 12:35

ຂ່າວຕ່າງປະເທດລາຍງານ ໃນວັນທີ 9 ກັນຍາ ຜ່ານມາວ່າ: ທ່ານ ມິຄາອິລ ມິຊູສຕິນ ນາຍົກລັດຖະມົນຕີຣັດເຊຍ ປະກາດວ່າ: ຣັດເຊຍ ຈະສ້າງສູນຂໍ້ມູນໃໝ່ 8 ແຫ່ງ ແລະ ຂະຫຍາຍຕາໜ່າງການຂົນສົ່ງ, ພະລັງງານ ແລະ ການສື່ສານ ພາຍໃຕ້ແຜນການພັດທະນາຂະໜາດໃຫຍ່ເຖິງປີ 2036. ໂດຍສູນຂໍ້ມູນໃໝ່ຈະສ້າງຂຶ້ນເປັນໄລຍະ ແລະ ຈະຮອງຮັບຕູ້ເຊີເວີຫຼາຍກວ່າ 10,000 ຕູ້.

ເພີ່ມເຕີມ