ອິນໂດເນເຊຍ ແລະ ຍີ່ປຸ່ນ ລົງນາມ ເອກະສານການແກ້ໄຂເພີ່ມເຕີມ ຂໍ້ຕົກລົງການເປັນຫຸ້ນສ່ວນທາງເສດຖະກິດອິນໂດເນເຊຍ

ອິນໂດເນເຊຍ - ຍີ່ປຸ່ນ ລົງນາມແກ້ໄຂຂໍ້ຕົກລົງຫຸ້ນສ່ວນ ກະຕຸ້ນການສົ່ງອອກ

15:16 14/08/2024

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ອິນໂດເນເຊຍ ແລະ ຍີ່ປຸ່ນ ລົງນາມ ເອກະສານການແກ້ໄຂເພີ່ມເຕີມ ຂໍ້ຕົກລົງການເປັນຫຸ້ນສ່ວນທາງເສດຖະກິດອິນໂດເນເຊຍ - ຍີ່ປຸ່ນ ຜ່ານການປະຊຸມທາງລະບົບວິດີໂອທີ່ນຳໂດຍ ທ່ານ ຊຸນກິຟລີ ຮາຊັນ

ລັດຖະມົນຕີກະຊວງການຄ້າ ຂອງອິນໂດເນເຊຍ ແລະ ທ່ານ ໂຍໂກະ ຄາມິກາວະ ລັດຖະມົນຕີກະຊວງການຕ່າງປະເທດຂອງຍີ່ປຸ່ນ ໃນວັນທີ 8 ສິງຫານ ຜ່ານມາ.

ທ່ານ ຮາຊັນກ່າວວ່າ: ການແກ້ໄຂເພີ່ມເຕີມເຫຼົ່ານີ້ ຈະຊ່ວຍເຮັດໃຫ້ການສົ່ງອອກຂອງອິນໂດເນເຊຍ ສູ່ ຍີ່ປຸ່ນ ເພີ່ມຂຶ້ນສະເລ່ຍ 11,6%ຕໍ່ປີ ຢູ່ທີ່ 3,6 ຕື້ໂດລາ ພາຍໃນປີ 2028 ລວມເຖິງເປີດໂອກາດໃຫ້ແຮງງານອິນໂດເນເຊຍ ເຂົ້າສູ່ຕະຫຼາດແຮງງານຂອງຍີ່ປຸ່ນໃນຂະແໜງການພະຍາບານ, ການຜະລິດ, ອະສັງຫາລິມະຊັບ, ການທະນາຄານ ແລະ ການຂົນສົ່ງ. ການອະນຸມັດການແກ້ໄຂເພີ່ມເຕີມເຫຼົ່ານີ້ຈະສຳເລັດພາຍໃນປີ 2025 ໂດຍການປ່ຽນແປງທີ່ສຳຄັນຄື: ຂັ້ນຕອນການຂະຫຍາຍການຄ້າ, ສິນຄ້າ, ການບໍລິການ ແລະ ອີຄອມເມີຊ.

ຂໍ້ຕົກລົງການຮ່ວມມືເປັນຫຸ້ນສ່ວນທາງເສດຖະກິດອິນໂດເນເຊຍ - ຍີ່ປຸ່ນ ມີຜົນບັງຄັບໃຊ້ນັບແຕ່ປີ 2008 ຖືເປັນຂໍ້ຕົກລົງການຄ້າທະວິພາຄີສະບັບທຳອິດລະຫວ່າງອິນໂດເນເຊຍ ກັບຍີ່ປຸ່ນ ຊຶ່ງຕ້ອງມີການທົບທວນທຸກໆ 5 ປີ.

ຄໍາເຫັນ

ຂ່າວຕ່າງປະເທດ

BIS ເຕືອນ ຄວາມສ່ຽງສົງຄາມການຄ້າດຶງເສດຖະກິດໂລກໄປສູ່ຍຸກຂອງຄວາມບໍ່ແນ່ນອນ

01/07/2025 13:10

ຂ່າວຕ່າງປະເທດລາຍງານ ໃນວັນທີ 30 ມິຖຸນາ ຜ່ານມາວ່າ: ທະນາຄານເພື່ອການຊຳລະສາກົນ (Bank for International Settlements: BIS) ເປີດເຜີຍບົດລາຍງານການປະເມີນເສດຖະກິດໂລກຄັ້ງຫຼ້າສຸດ ໃນວັນທີ 29 ມິຖຸນາ ຜ່ານມາວ່າ: ຄວາມເຄັ່ງຕຶງດ້ານການຄ້າ ແລະ ທາງດ້ານພູມສາດການເມືອງ ມີຄວາມສ່ຽງທີ່ຈະເຮັດໃຫ້ລະບົບການເງິນທົ່ວໂລກປະເຊີນກັບຄວາມບໍ່ສອດຄ່ອງໃນລະດັບທີ່ເລິກເຊິ່ງຂຶ້ນ.

ເອີຣົບ ກຳລັງປະເຊີນກັບຄື້ນຄວາມຮ້ອນ

01/07/2025 13:09

ຂ່າວຕ່າງປະເທດລາຍງານ ໃນວັນທີ 30 ມິຖຸນາ ຜ່ານມາວ່າ: ຄື້ນຄວາມຮ້ອນຍັງສືບຕໍ່ປົກຄຸມຫຼາຍປະເທດໃນເອີຣົບ ໂດຍມີຫຼາຍປະເທດໄດ້ອອກຄໍາເຕືອນທ່າມກາງອຸນຫະພູມທີ່ເພີ່ມສູງຂຶ້ນ, ໃນຂະນະທີ່ແອັດສະປາຍ ທຳລາຍສະຖິຕິອຸນຫະພູມສູງທີ່ສຸດ.

ສິນຄ້າອາຫານໃນຍີ່ປຸ່ນຈະເພີ່ມລາຄາຂຶ້ນ 2,000 ກວ່າລາຍການ

01/07/2025 13:07

ຂ່າວຕ່າງປະເທດລາຍງານ ໃນວັນທີ 30 ມິຖຸນາ ຜ່ານມາວ່າ: ບົດລາຍງານຂອງ ບໍລິສັດ Teikoku Databank ຊຶ່ງເປັນບໍລິສັດຄົ້ນຄວ້າຂອງຍີ່ປຸ່ນ ເປີດເຜີຍວ່າ: ສິນຄ້າອາຫານໃນຍີ່ປຸ່ນ ປະມານ 2,105 ລາຍການ ຈະປັບຂຶ້ນລາຄາໃນເດືອນກໍລະກົດ ນີ້ ຍ້ອນການເພີ່ມຂຶ້ນຂອງລາຄາວັດຖຸດິບ, ລວມເຖິງການເພີ່ມຂຶ້ນຂອງຄ່າແຮງງານ, ການຂົນສົ່ງ ແລະ ຄ່ານໍ້າ-ຄ່າໄຟ.

ພັກກອມມູນິດຈີນ ທົບທວນຄືນ ກົດລະບຽບການປະຕິບັດງານຂອງອົງການຕັດສິນນະໂຍບາຍ

01/07/2025 13:06

ຂ່າວສານຊີອາໄອລາຍງານວ່າ: ກົມການເມືອງສູນກາງພັກກອມມູນິດຈີນໄດ້ຈັດກອງປະຊຸມໃນວັນທີ 30 ມິຖຸນາ ຜ່ານມາ ໂດຍໄດ້ທົທວນຄືນ “ກົດລະບຽບໃນການປະຕິບັດງານຂອງອົງການຕັດສິນນະໂຍບາຍ, ປຶກສາຫາລື ແລະ ປະສານງານຂອງສູນກາງພັກ”, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນເປັນປະທານກອງປະຊຸມ.

ຫວຽດນາມ ປະກາດໂຮມຫົວໜ່ວຍບໍລິຫານຢູ່ທ້ອງຖິ່ນຕ່າງໆ

01/07/2025 10:39

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 30 ມິຖຸນາ ຜ່ານມາ, ທົ່ວປະເທດ ຫວຽດນາມ ໄດ້ຈັດພິທີປະກາດມະຕິ, ຂໍ້ຕົກລົງສະບັບຕ່າງໆຂອງສູນກາງ ແລະ ທ້ອງຖິ່ນ ກ່ຽວກັບການໂຮມຫົວໜ່ວຍບໍລິຫານຂັ້ນແຂວງ, ຕາແສງ, ສ້າງຕັ້ງອົງການຈັດຕັ້ງພັກ, ສະພາປະຊາຊົນ, ຄະນະກຳມະການປະຊາຊົນ, ແນວໂຮມປະເທດຊາດແຂວງ, ນະຄອນ, ຕາແສງ ແລະ ເຂດພິເສດ.

ປີຜ່ານມາ ໜີ້ສິນສາທາລະນະທົ່ວໂລກມີເຖິງ 102,000 ຕື້ໂດລາ

30/06/2025 13:00

ຂ່າວສານຊີອາໄອລາຍງານຫວ່າງມໍ່ໆມານີ້; ກອງປະຊຸມການຄ້າ ແລະ ການພັດທະນາອົງການສະຫະປະຊາຊາດ ປະກາດບົດລາຍງານວ່າ: ໜີ້ສິນສາທາລະນະທົ່ວໂລກໃນປີ 2023 ແມ່ນ 97,000 ຕື້ໂດລາ, ປີ 2024 ໄດ້ເພີ່ມຂຶ້ນຮອດ 102,000 ຕື້ໂດລາ, ສ້າງສະຖິຕິສູງສຸດໃນປະຫວັດສາດ, ໃນນັ້ນ, ປະເທດທີ່ພວມພັດທະນາຖືກກະທົບໜັກໜ່ວງກວ່າໝູ່.

ໂອເປັກພລັສ ຈະເພີ່ມປະລິມານການຜະລິດນໍ້າມັນໃນເດືອນສິງຫາ

30/06/2025 12:59

ຂ່າວຕ່າງປະເທດລາຍງານ ໃນທ້າຍອາທິດ ຜ່ານມາວ່າ: ກຸ່ມໂອເປັກພລັສ (OPEC+) ຊຶ່ງເປັນພັນທະມິດດ້ານນ້ຳມັນໃຫຍ່ທີ່ສຸດຂອງໂລກ, ກຽມເພີ່ມປະລິມານການຜະລິດນໍ້າມັນ 411,000 ບາເຣນ/ວັນໃນເດືອນສິງຫາ ຈະມາເຖິງນີ້, ໂດຍມີເປົ້າໝາຍເພື່ອຟື້ນຟູສ່ວນແບ່ງຕະຫຼາດທີ່ສູນເສຍໄປໃຫ້ກັບຄືນມາ.

ສິງກະໂປ ສຳຫຼວດພົບຜູ້ໃຫຍ່ 90% ເປັນນັກອ່ານຫຼາຍກວ່າໜຶ່ງຄັ້ງຕໍ່ອາທິດ

30/06/2025 12:58

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ຄະນະກຳມະການຫໍສະໝຸດແຫ່ງຊາດສິງກະໂປ ໄດ້ເປີດເຜີຍຜົນການສຶກສາພຶດຕິກຳການອ່ານແຫ່ງຊາດປີ 2024 ພົບເຫັນວ່າຜູ້ໃຫຍ່ເກືອບ 9 ໃນ 10 ຄົນ ແລະ ໄວໜຸ່ມ 8 ໃນ 10 ຄົນ ຂອງສິງກະໂປອ່ານຂ່າວ, ປຶ້ມ ແລະ ບົດຄວາມທາງອອນລາຍຫຼາຍກວ່າໜຶ່ງຄັ້ງຕໍ່ອາທິດໃນປີ 2024.

ກຳປູເຈຍ ແນະນຳຢາສັກປ້ອງກັນ HIV ທີ່ມີປະສິດທິພາບຊະນິດໃໝ່

30/06/2025 12:57

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ກຳປູເຈຍ ແນະນຳຢາ CAB-PrEP, ຢາປ້ອງກັນການຕິດໄວຣັດ HIV ແບບສັກທີ່ມີປະສິດທິພາບຊະນິດໃໝ່ ສຳລັບກຸ່ມທີ່ມີຄວາມສ່ຽງສູງຕໍ່ການຕິດເຊື້ອໄວຣັດທີ່ເຮັດໃຫ້ເກີດໂຣກເອດສ (AIDS).

ຫວຽດນາມ ມີກຳລັງໜູນເປັນຢ່າງດີ ເພື່ອບັນລຸເປົ້າໝາຍການເຕີບໂຕດ້ານການສົ່ງອອກ

30/06/2025 12:56

ວິທະຍຸກະຈາຍສຽງຫວຽດນາມລາຍງານ ຫວ່າງມໍ່ໆມານີ້ວ່າ: ຕາມການຄາດຄະເນຂອງກະຊວງອຸດສາຫະກຳ ແລະ ການຄ້າ ຫວຽດນາມ, ການສົ່ງອອກໃນໄລຍະ 6 ເດືອນຕົ້ນປິ 2025 ບັນລຸລະດັບເຕີບໂຕປະມານ 14% ເມື່ອທຽບໃສ່ໄລຍະດຽວກັນຂອງປີ 2024. ວົງເງິນສົ່ງອອກ - ນໍາເຂົ້າໃນ 6 ເດືອນຕົ້ນປີຄາດວ່າບັນລຸປະມານ 426 – 430 ຕື້ໂດລາ, ເພີ່ມຂຶ້ນປະມານ 15.5 – 15.8% ເມື່ອທຽບໃສ່ໄລຍະດຽວກັນຂອງປີ 2024. ໃນນັ້ນ, ວົງເງິນສົ່ງອອກຄາດວ່າບັນລຸປະມານ 215 – 217 ຕື້ໂດລາ, ເພີ່ມຂຶ້ນປະມານ 13.8 – 14%, ການນຳເຂົ້າຄາດວ່າບັນລຸປະມານ 211 – 213 ຕື້ໂດລາ, ເພີ່ມຂຶ້ນປະມານ 17 – 17.2%. ການສົ່ງອອກເກີນດຸນຄາດວ່າບັນລຸ 3.4 – 4 ຕື້ໂດລາ.

ເພີ່ມເຕີມ