ອິນໂດເນເຊຍ ເປີດເຂດການຄ້າ-ທີ່ຢູ່ອາໄສ ແຫ່ງໃໝ່

ອິນໂດເນເຊຍ ເປີດເຂດການຄ້າ-ທີ່ຢູ່ອາໄສ ແຫ່ງໃໝ່ເພື່ອດຶງດູດນັກລົງທຶນ

13:50 16/12/2024

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອິນໂດເນເຊຍເປີດເຂດການຄ້າແລະທີ່ຢູ່ອາໄສແຫ່ງໃໝ່ ໃນເຂດອຸດສາຫະກຳບາຕັງ ຂະໜາດ 4,300 ເຮັກຕາ ໃນແຂວງຊະວາກາງເພື່ອເປີດໂອກາດທາງທຸລະກິດໃຫ້ແກ່ນັກລົງທຶນ.

ທ່ານ ງູຣາ ວີຣາວັນ ຜູ້ອຳນວຍການທົ່ວໄປຂອງເຂດອຸດສາຫະກຳPT Kawasan Industrial Park TirpaduBatang (KITB)ກ່າວວ່າ: ເຂດການຄ້າແລະທີ່ຢູ່ອາໄສດັ່ງກ່າວຈະໃຫ້ໂອກາດຫຼາຍຢ່າງສໍາລັບການລົງທຶນໃນຫຼາຍຂະແໜງການເຊັ່ນ: ໂຮງແຮມ, ເຂດການສຶກສາ, ສູນຈໍາໜ່າຍສິນຄ້າທີ່ມີຄຸນນະພາບສູງ, ປໍ້ານໍ້າມັນ,ສະໜາມກັອຟແລະເຂດທີ່ຢູ່ອາໄສທີ່ມີຄຸນນະພາບສູງ.

ທ່ານ ວີຣາວັນ ກ່າວວ່າ:KITB ມີຈຸດປະສົງເພື່ອພັດທະນາສູນການຄ້າທີ່ທັນສະໄໝ ແລະຍືນຍົງປະສົມປະສານກັບເຂດທີ່ຢູ່ອາໄສ. ພ້ອມສ້າງໂອກາດໃນການເຮັດວຽກໃໝ່ໆໃຫ້ແກ່ຊຸມຊົນທ້ອງຖິ່ນ ແລະເຮັດໃຫ້ KITB ເປັນແຫຼ່ງດຶງດູດການລົງທຶນທີ່ພຽບພ້ອມດ້ວຍມີໂອກາດ ແລະ ທ່າແຮງ.

ທ່ານ ວີຣາວັນ ກ່າວຕື່ມວ່າ: ໃນໄລຍະ 4 ປີຜ່ານມາ, ບໍລິສັດ KITB ໄດ້ຈຳໜ່າຍເນື້ອທີ່339 ເຮັກຕາຂອງນິຄົມອຸດສາຫະກຳທັງໝົດ ຊຶ່ງມີມູນຄ່າການລົງທຶນ 18,7 ພັນຕື້ຣູເປຍ, ໂດຍຜູ້ເຊົ່າມາຈາກຫຼາຍປະເທດເຊັ່ນ: ຈີນ, ຈີເລ, ຍີ່ປຸ່ນ ລວມເຖິງມີນັກລົງທຶນຈາກອິນໂດເນເຊຍ ດ້ວຍ.

ທັງນີ້, ທ່ານ ວີຣາວັນ ຍັງກ່າວວ່າ: ພວກເຮົາມີຈຸດປະສົງເພື່ອອໍານວຍຄວາມສະດວກທີ່ດີທີ່ສຸດ ແລະຮັບປະກັນຄວາມສະດວກໃນການລົງທຶນ ແລະຕ້ອງການທີ່ຈະເຮັດໃຫ້ KITB ກາຍເປັນເຂດອຸດສາຫະກໍາຊັ້ນນໍາໃນພາກພື້ນອາຊີຕາເວັນອອກສ່ຽງໃຕ້.

ຄໍາເຫັນ

ຂ່າວຕ່າງປະເທດ

ການໃຊ້ຈ່າຍຜ່ານບັດຂອງອັງກິດຫຼຸດລົງເປັນຄັ້ງທຳອິດໃນຮອບ 5 ປີ

31/12/2025 15:11

ຂ່າວຕ່າງປະເທດລາຍງານ ໃນວັນທີ 30 ທັນວາ ຜ່ານມາວ່າ: ຂໍ້ມູນຈາກທະນາຄານ Barclays ຊີ້ໃຫ້ເຫັນວ່າ, ການໃຊ້ຈ່າຍຜ່ານບັດເດບິດ ແລະ ບັດເຄຣດິດຂອງຜູ້ຊື້ສິນຄ້າຊາວອັງກິດໃນປີ 2025 ຫຼຸດລົງເປັນຄັ້ງທຳອິດນັບຕັ້ງແຕ່ການລະບາດຂອງ ໂຄວິດ-19. ເຖິງຢ່າງໃດກໍຕາມ, ຊາວອັງກິດຍັງຄົງເຕັມໃຈທີ່ຈະໃຫ້ຄວາມສຸກຕົນເອງດ້ວຍການຊື້ສິນຄ້າຟຸ່ມເຟືອຍ ລວມທັງໃຊ້ຈ່າຍກັບການຫາປະສົບການໃໝ່ໆ.

ນັກວິທະຍາສາດຢືນຢັນວ່າປີ 2025 ເປັນໜຶ່ງໃນສາມປີທີ່ຮ້ອນທີ່ສຸດ

31/12/2025 15:10

ຂ່າວຕ່າງປະເທດລາຍງານໃນວັນທີ 30 ທັນວາ ຜ່ານມາວ່າ: ນັກວິທະຍາສາດຢືນຢັນວ່າປີ 2025 ເປັນໜຶ່ງໃນສາມປີທີ່ຮ້ອນທີ່ສຸດໃນປະຫວັດສາດຂອງໂລກ, ໂດຍອ້າງເຖິງການເຜົາໄໝ້ເຊື້ອໄຟຟອດຊິວຢ່າງບໍ່ຢຸດຢັ້ງເປັນສາເຫດຫຼັກຂອງໄພພິບັດທົ່ວໂລກ, ໄດ້ເອົາຊີວິດຄົນນັບບໍ່ຖ້ວນ ແລະ ກໍ່ໃຫ້ເກີດຄວາມເສຍຫາຍທີ່ບໍ່ສາມາດວັດແທກໄດ້.

ຈີນ ຈະປັບປຸງພາສີສິນຄ້າຈຳນວນໜຶ່ງ ເລີ່ມແຕ່ວັນທີ 1 ມັງກອນປີ 2026

31/12/2025 14:30

ຂ່າວສານຊີອາໄອລາຍງານຫວ່າງມໍ່ໆມານີ້ວ່າ: ຄະນະກຳມະການກົດລະບຽບພາສີຂອງລັດຖະບານຈີນ ໄດ້ເຜີຍແຜ່ “ແຜນການປັບປຸງພາສີປີ 2026”, ແຜນການສະບັບນີ້ຈະຈັດຕັ້ງປະຕິບັດເລີ່ມແຕ່ວັນທີ 1 ມັງກອນປີ 2026 ເປັນຕົ້ນໄປ.

ມາເລເຊຍ ມີການລົງທຶນດ້ານດີຈີຕອນຫຼາຍກວ່າ 13 ຕື້ໂດລາ

31/12/2025 14:29

ຂ່າວຕ່າງປະເທດລາຍງານຫວ່າງບໍ່ດົນມານີ້ວ່າ: ມາເລເຊຍໄດ້ຮັບເງິນລົງທຶນທັງໝົດ 54.13 ຕື້ຣິງກິດ (ປະມານ 13.33 ຕື້ໂດລາ) ໃນໄຕມາດທີສາມຂອງປີ 2025 ພາຍໃຕ້ໂຄງການສົ່ງເສີມເສດຖະກິດດີຈີຕອນ “Malaysia Digital” ຊຶ່ງຊ່ວຍສ້າງວຽກເຮັດງານທໍາທີ່ມີຄຸນນະພາບສູງຫຼາຍກວ່າ 21,815 ຕໍາແໜ່ງໃນ 402 ບໍລິສັດດີຈີຕອນ.

ຣັດເຊຍ ຍິງດາວທຽມ 52 ດວງຂຶ້ນສູ່ວົງໂຄຈອນ

31/12/2025 11:58

ຂ່າວຕ່າງປະເທດລາຍງານ ໃນວັນທີ 29 ທັນວາ ຜ່ານມາວ່າ: Roscosmos ຊຶ່ງເປັນອົງການອາວະກາດຂອງຣັດເຊຍ ໄດ້ລາຍງານການຍິງຈະຫຼວດ Soyuz-2.1b ທີ່ບັນທຸກດາວທຽມ 52 ດວງເຂົ້າສູ່ວົງໂຄຈອນທີ່ກຳນົດໄວ້ຢ່າງສຳເລັດຜົນໃນຕອນບ່າຍວັນທີ 28 ທັນວາ ຜ່ານມາ.

ອິນໂດເນເຊຍ ວາງແຜນຈະນຳເຂົ້ານໍ້າຕານອຸດສາຫະກຳ 3.1 ລ້ານໂຕນ

31/12/2025 11:55

ຂ່າວຕ່າງປະເທດລາຍງານໃນວັນທີ 30 ທັນວາ ຜ່ານມາວ່າ: ທ່ານ ຕາຕັງ ຍູເລຍໂນ ເຈົ້າໜ້າທີ່ອາວຸໂສຈາກກະຊວງປະສານງານດ້ານອາຫານຂອງອິນໂດເນເຊຍ ໄດ້ເປີດເຜີຍວ່າ: ອິນໂດເນເຊຍ ວາງແຜນທີ່ຈະນຳເຂົ້ານ້ຳຕານ 3.1 ລ້ານໂຕນ ສຳລັບການນຳໃຊ້ໃນຂະແໜງອຸດສາຫະກຳໃນປີ 2026. ໂດຍປະລິມານການນຳເຂົ້ານີ້ແມ່ນແນໃສ່ຕອບສະໜອງຄວາມຕ້ອງການຂອງຂະແໜງການຜະລິດເປັນຫຼັກ, ໂດຍເນັ້ນໜັກວ່າລັດຖະບານບໍ່ມີແຜນການທີ່ຈະນຳເຂົ້ານ້ຳຕານສຳລັບການບໍລິໂພກໃນຄົວເຮືອນ.

ຫວຽດນາມ ຖືການພັດທະນາທັກສະດີຈີຕອນໃຫ້ປວງຊົນແມ່ນຈຸດສຸມການຫັນເປັນດີຈີຕອນ

31/12/2025 11:54

ວິທະຍຸກະຈາຍສຽງຫວຽດນາມ ລາຍງານວ່າ: ໃນວັນທີ 29 ທັນວາ ຜ່ານມາ ຢູ່ນະຄອນຫຼວງຮ່າໂນ້ຍ, ສະຖາບັນບັນດິດວິທະຍາສາດ-ສັງຄົມ ຫວຽດນາມ ຈັດເວທີປາໄສວິທະຍາສາດ 2025 “ຄຸ້ມຄອງການພັດທະນາເສດຖະກິດ - ສັງຄົມຫວຽດນາມ ໃນສະພາບການຫັນເປັນດີຈີຕອນ” ເພື່ອແນໃສ່ບົດບາດຂອງການຫັນເປັນດີຈີຕອນ ໃນການປ່ຽນແປງໃໝ່ວິທີການຄຸ້ມຄອງ, ພັດທະນາເສດຖະກິດ - ສັງຄົມ ແລະ ສະເໜີບັນດາຂໍ້ສະເໜີແນະນະໂຍບາຍ ຕອບສະໜອງຄວາມຮຽກຮ້ອງຕ້ອງການໃນການພັດທະນາປະເທດຊາດໃນສັງກາດດີຈີຕອນ.

ສ ເກົາຫຼີ ຍ້າຍທໍານຽບປະທານາທິບໍດີກັບຄືນສູ່ຊົງວະແດ

31/12/2025 11:52

ຂ່າວສານຊີອາໄອລາຍງານວ່າ: ໃນວັນທີ 29 ທັນວາ ຜ່ານມາ, ສ ເກົາຫຼີ ໄດ້ສໍາເລັດການຍ້າຍສະຖານທີ່ທໍານຽບປະທານາທິບໍດີຢ່າງເປັນທາງການ ໂດຍໄດ້ຍ້າຍກັບຄືນສູ່ຊົງວະແດອີກຄັ້ງ ພາຍຫຼັງຖືກຍ້າຍໄປຢູ່ບ່ອນໃໝ່ເປັນເວລາ 3 ປີກັບ 7 ເດືອນ. ຈາກນັ້ນ, ທໍານຽບປະທານາທິບໍດີ ສ ເກົາຫຼີ ໄດ້ປ່ຽນຊື່ເປັນ “ຊົງວະແດ” ອີກຄັ້ງ.

ສິງກະໂປ ຈະເລີ່ມລົງໂທດກຸ່ມຫຼອກລວງ - ບັນຊີມ້າ ດ້ວຍການທຸບຕີດ້ວຍໄມ້ຄ້ອນ

31/12/2025 11:50

ຂ່າວຕ່າງປະເທດລາຍງານ ໃນວັນທີ 29 ທັນວາ ຜ່ານມາວ່າ: ກອງກຳລັງຕຳຫຼວດສິງກະໂປ (SPF) ໄດ້ເປີດເຜີຍໃຫ້ຮູ້ວ່າ: ຜູ້ກະທໍາຜິດໃນຄະດີສໍ້ໂກງ ຫຼື ອາຊະຍາກໍາທີ່ກ່ຽວຂ້ອງກັບການຫຼອກລວງໃນສິງກະໂປ ອາດຈະປະເຊີນກັບການລົງໂທດດ້ວຍການທຸບຕີດ້ວຍໄມ້ຄ້ອນ (caning) ຊຶ່ງຈະມີຜົນບັງຄັບໃຊ້ຕັ້ງແຕ່ວັນທີ 30 ທັນວາ 2025 ເປັນຕົ້ນໄປ, ພາຍໃຕ້ກົດ ໝາຍອາຍາສະບັບປັບປຸງ 2025 ທີ່ໄດ້ຮັບການອະນຸມັດຈາກລັດຖະສະພາໃນເດືອນພະຈິກທີ່ຜ່ານມາ.