ເພື່ອພະຍາຍາມຫຼຸດຜ່ອນຜົນກະທົບທີ່ຮ້າຍແຮງຈາກແຜ່ນດິນໄຫວ ປະເພດເມກະທຣັສ(megathrust earthquakes) ຊຶ່ງມີຄວາມຮຸນແຮງຫຼາຍທີ່ສຸດໃນບັນດາແຜ່ນດິນໄຫວທຸກປະເພດ.
ທ່ານ ຮັມຊາ ກ່າວຕໍ່ນັກຂ່າວວ່າ: ການພັດທະນາບ່ອນຢູ່ອາໄສໃນອະນາຄົດ ຈະໃຫ້ຄວາມສຳຄັນກັບການຕ້ານແຜ່ນດິນໄຫວ, ໂດຍກະຊວງດັ່ງກ່າວຈະກຳນົດໃຫ້ການກໍ່ສ້າງອາຄານ ແລະ ໂຄງສ້າງທັງໝົດ ໂດຍອີງໃສ່ການຄົ້ນຄວ້າທີ່ດຳເນີນການໂດຍລັດຖະບານເພື່ອເຂົ້າໄປເບິ່ງວ່າໂຄງການດັ່ງກ່າວຄຸ້ມຄ່າທີ່ຈະດຳເນີນການສ້າງ ຫຼື ບໍ່ ? ມາດຕະການນີ້ແມ່ນມີຄວາມຈໍາເປັນເພື່ອປ້ອງກັນບໍ່ໃຫ້ມີຄວາມເສຍຫາຍຕໍ່ບ້ານເຮືອນຈາກແຜ່ນດິນໄຫວ.
ອິນໂດເນເຊຍກຳລັງເລັ່ງເຮັດວຽກເພື່ອກຽມພ້ອມຮັບມືກັບຄວາມເປັນໄປໄດ້ຂອງແຜ່ນດິນໄຫວແບບເມກະທຣັສ ທີ່ອາດຈະເກີດຄື້ນສຶນາມິທີ່ຮຸ່ນແຮງ. ໂດຍເມື່ອເດືອນກັນຍາ 2024, ອົງການອຸຕຸນິຍົມວິທະຍາ ພູມອາກາດ ແລະນັກທໍລະນີສາດໄດ້ປະກາດວ່າແຜ່ນດິນໄຫວແບບດັ່ງກ່າວມີທ່າອ່ຽງທີ່ຈະເກີດຂຶ້ນໃນສອງພື້ນທີ່ ຄື: ຊ່ອງແຄບຊຸນດາແລະອ້ອມຮອບໝູ່ເກາະເມນຕາໄວ-ຊິເບຣຸດ ຊຶ່ງທັງສອງພາກພື້ນນີ້ ເປັນທີ່ຮູ້ຈັກໃນຖານະພື້ນທີ່ສ່ຽງຕໍ່ແຜນດິນໄຫວໃນມະຫາສະໝຸດອິນເດຍ. ໂດຍມີຊ່ອງວ່າງຂອງແຜ່ນດິນໄຫວທີ່ຍັງຖືກເຊື່ອງໄວ້ຢູ່ເປັນເວລາຫຼາຍຮ້ອຍປີ.
ອິນໂດເນເຊຍຕັ້ງຢູ່ເທິງວົງແຫວນແຫ່ງໄຟໃນມະຫາສະໝຸດປາຊີຟິກ. ຖືກຈັດຢູ່ໃນ 35 ປະເທດທີ່ມີຄວາມສ່ຽງຕໍ່ໄພພິບັດທຳມະຊາດຫຼາຍທີ່ສຸດ ແລະມັກປະສົບກັບແຜ່ນດິນໄຫວເລື້ອຍໆເນື່ອງຈາກມີທີ່ຕັ້ງໃນພື້ນທີ່ສ່ຽງຕໍ່ການເກີດແຜ່ນດິນໄຫວແລະພາກພື້ນພູເຂົາໄຟມີພະລັງ (active volcano), ໂດຍຍັງຄົງມີ127 ພູເຂົາໄຟທີ່ຍັງເຄື່ອນໄຫວຢູ່.
ຄໍາເຫັນ