JDB ສະຫຼຸບຜົນການດໍາເນີນທຸລະກິດ  ປະຈໍາປີ 2023 ແລະ ແຜນການ KPI ປະຈໍາສົກປີ  2024

JDB ສະຫຼຸບຜົນການດໍາເນີນທຸລະກິດ  ປະຈໍາປີ 2023 ແລະ ແຜນການ KPI ປະຈໍາສົກປີ  2024
ໃນວັນທີ່ 3 ກຸມພາ 2024 ຜ່ານມາ ຢູ່ທີ່ໂຮງແຮມແລນມາກ ນະຄອນຫຼວງວຽງຈັນ, ທະນາຄານຮ່ວມພັດທະນາ (JDB) ໄດ້ຈັດພິທີ ສະຫຼຸບຜົນງານປະຈໍາປີ 2023 ແລະ ສືບຕໍ່ແຜນການປີ 2024 ໃຫ້ບັນລຸເປົ້າໝາຍ KPI (ເຄພີໄອ່), ໂດຍການເປັນປະທານຂອງທ່ານ ເອກະພັນ ພະພິທັກ ປະທານຜູ້ຖືຮູ້ນ ທະນາຄານຮ່ວມພັດທະນາ, ທ່ານ ວິໄລ ສີພະພອນ ປະທານສະພາບໍລິຫານ ທະນາຄານຮ່ວມພັດທະນາ, ມີຄະນະສະພາບໍລິຫານ, ຄະນະອໍານວຍການ ແລະ ຜູ້ບໍລິຫານລະດັບສູງ ຕະຫຼອດເຖິງຫົວໜ້າໜ່ວຍບໍລິການ ແລະ ພະນັກງານວິຊາການ ເຂົ້າຮ່ວມຢ່າງພ້ອມພຽງ.
ທ່ານ ສາຄອນ ຍໍພັນໄຊ ຜູ້ອໍານວຍການໃຫຍ່ ທະນາຄານຮ່ວມພັດທະນາ ໄດ້ສະຫຼຸບຜົນງານການດໍາເນີນທຸລະກິດປະຈໍາປີປີ 2023 ແລະ ຜ່ານແຜນການ KPI ປະຈໍາປີ2024. ໃນປີ 2023 ຜ່ານມາ ເສດຖະກິດ ສປປ ລາວ ມີທ່າຂະຫຍາຍຕົວດີຂຶ້ນ ຍ້ອນມີການເປີດປະເທດ, ຫຼັງຈາກທີ່ສະຖານະການ ແຜ່ລະບາດຂອງພະຍາດໂຄວິດ-19 ເບົາບາງລົງ, ສະພາບເສດຖະກິດພາຍໃນກໍຄ່ອຍໆ ມີທ່າອ່ຽງດີຂຶ້ນ, ຍ້ອນການເອົາໃຈໃສ່ຂອງລັດຖະບານໃນຊູມປີທີ່ຜ່ານມາ ຊຶ່ງເປັນຜົນດີໃຫ້ແກ່ການດໍາເນີນທຸລະກິດຂອງທະນາຄານຮ່ວມພັດທະນາ ສາມາດປະຕິບັດໄດ້ລື່ນຄາດໝາຍທີ່ວາງໄວ້ ຄື: ຍອດຊັບສິນກວມເອົາ 146,09% ທຽບໃສ່ປີ 2022, ຍອດເງິນຝາກກວມເອົາ 151,37%, ທຽບໃສປີ 2022 ແລະ ຍອດສິນເຊື່ອ ກວມເອົາ137,44% ທຽບໃສ່ປີ 2022. ໄດ້ນໍາໃຊ້ແຫຼ່ງທຶນປ່ອຍສິນເຊື່ອບໍ່ເກີນ 75% ຂອງແຫຼ່ງທຶນ, ສ້າງກໍາໄລຫຼັງອາກອນເພີ້ມຂຶ້ນ 165,33% ແລະ ຈະໄດ້ມອບພັນທະອາກອນໃຫ້ກະຊວງການເງິນ ຈໍານວນ 146 ຕື້ 900 ກວ່າລ້ານກີບ ແລະ ໄດ້ວາງແຜນການ KPI ປະຈໍາປີ 2024 ຈະຕ້ອງຂຸດຄົ້ນຊອກຫາແຫຼ່ງລາຍຮັບເພີ້ມຈາກຜະລິດຕະພັນອື່ນໆ ທີ່ມີໃນປັດຈຸບັນ. ການລະດົມແຫຼ່ງທືນຕ້ອງຕິດພັນກັບການປ່ອຍເງິນກູ້ ແລະ ຕິດພັນກັນກັບການເປີດບັນຊີເງິນຝາກຂອງລູກຄ້າແຕ່ລະລາຍສັນຍາ ຢູ່ໜ່ວຍບໍລິການຕາມແຜນ KPI ທີ່ວາງໄວ້. ວຽກງານຈັດຕັ້ງ-ພະນັກງານ ຕ້ອງສ້າງຄວາມສາມະຄີກັນເປັນປຶກແຜ່ນ, ຍົກລະດັບຄວາມຮູ້, ຄວາມສາມາດຂອງພະນັກງານທຸກລະດັບໃຫ້ເຂັ້ມແຂງ.  ໃນກອງປະຊຸມ ໄດ້ຍ້ອງຍໍຊົມເຊີຍໜ່ວຍບໍລິການທີ່ມີຜົນງານດີເດັ່ນ, ຊຶ່ງໄດ້ຮັບລາງວັນໂລ້ຄໍາຈໍານວນ 6 ລາງວັນ, ໂລ້ເງິນ 8 ລາງວັນ, ໂລ້ຟ້າ 10 ລາງວັນ ເປັນລາງວັນປະເພດລວມໝູ່, ໄດ້ຮັບໃບຍ້ອງຍໍຈາກສະພາບໍລິຫານຈໍານວນ 7 ໃບ ແລະ ໃບຍ້ອງຍໍຈາກຜູ້ອໍານວຍການໃຫຍ່ ຈໍານວນ 10 ໃບ ເປັນການຍ້ອງຍໍປະເພດລວມໝູ່ ແລະ ໃບຍ້ອງຍໍບຸກຄົນ ຈໍານວນ 10 ໃບ ທີ່ບັນລູເປົ້າໝາຍ KPI ແຕ່ລະດ້ານ, ທີ່ມີຜົນງານດີເດັ່ນໃນການປະກອບສ່ວນເຂົ້າໃນວຽກງານຂອງທະນາຄານຮ່ວມພັດທະນາໃຫ້ມີກໍາລັງໃຈ ແລະ ຕັ້ງໜ້າປະຕິບັດວຽກງານໃຫ້ດີກວ່າເກົ່າ, ທະນາຄານຮ່ວມພັດທະນາ ໄດ້ມີນະໂຍບາຍສູງໃຫ້ແກ່ພະນັກງານຂອງຕົນ ເພື່ອແກ້ໄຂຊີວິດການເປັນຢູ່ດີຂຶ້ນແຕ່ລະປີ.
ໃນຕອນທ້າຍຂອງກອງປະຊຸມ ກໍໄດ້ຮັບຟັງການໂອລົມຈາກ ທ່ານ ເອກະພັນ ພະພິທັກ ຊຶ່ງທ່ານ ໄດ້ຍ້ອງຍໍຊົມເຊີຍຄະນະຜູ້ບໍລິຫານ ແລະ ພະນັກງານທຸກຄົນ ທີ່ມີຜົນງານດີເດັ່ນທີ່ສາມາດບັນລຸເປົ້າ ໝາຍ KP I ທີ່ວາງໄວ້ ແລະ ໃຫ້ທິດຊີ້ນໍາເພື່ອປັບປຸງວຽກງານທີ່ຄົງຄ້າງ ໃຫ້ດີຂຶ້ນກວ່າເກົ່າ. ໃນໄລຍະຜ່ານມາ ທະນາຄານຮ່ວມພັດທະນາ ໄດ້ປ່ອຍສິນເຊື່ອເຂົ້າໃນການສ້າງສາເສດຖະກິດ-ສັງຄົມ ກໍຄືການກໍ່ສ້າງພື້ນຖານໂຄງລ່າງຂອງປະເທດເຮົາ ແລະ ໄດ້ປະກອບສ່ວນຊ່ວຍເຫຼືອສັງຄົມຕະຫຼອດມາ.
 ຫຼັງຈາກນັ້ນໃນພາກຄໍ່າ ຂອງວັນດຽວກັນ ກໍໄດ້ມີງານລ້ຽງຊົມເຊີຍຜົນສໍາເລັດການດໍາເນີນທຸລະກິດປະຈໍາປີ 2023 ແລະ ໄດ້ມີພິທີຈັບສະຫຼາກມອບລາງວັນເປັນລົດ TOYOTA Hi-Lux REVO ໃຫ້ລູກຄ້າຜູ້ໂຊກດີ ທີ່ຝາກປະຈໍາຕາມເງື່ອນໄຂ, ເພື່ອເປັນການຄືນກໍາໄລໃຫ້ລູກຄ້າ ສ້າງຄວາມປະທັບໃຈໃຫ້ລູກຄ້າ, ແຜນການປີ 2024 JDB ຈະຕ້ອງໄດ້ອອກແຮງສູ້ຊົນສ້າງຜົນກໍາໄລ ໃຫ້ບັນລຸເປົ້າໝາຍທີ່ວາງໄວ້ ເພື່ອປະກອບສ່ວນມອບພັນທະອາກອນໃຫ້ກະຊວງການເງິນ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ໂດຍໄປຕາມຄໍາຂວັນຂອງທະນາຄານຮ່ວມພັດທະນາ“ ເຕີບໃຫ່ຍໄປພ້ອມກັນ ‘’
                                        ຂ່າວ-ຮູບ: ຄໍາຕົ້ນ ວໍລະຈັກ

ຄໍາເຫັນ

ຂ່າວເສດຖະກິດ

ທ່ານວິວັດ ພົມມະຈັນ ຕົວແບບໃນການສ້າງເສດຖະກິດຄອບຄົວ

ທ່ານວິວັດ ພົມມະຈັນ ຕົວແບບໃນການສ້າງເສດຖະກິດຄອບຄົວ

ໂດຍ: ແສງຈັນ ການສ້າງເສດຖະກິດຄອບຄົວ ໃຫ້ກາຍເປັນສິນຄ້າຢ່າງຍືນຍົງແລະ ເປັນມິດຕໍ່ສິ່ງແວດລ້ອມ ແມ່ນໜຶ່ງວຽກງານທີ່ພັກ, ລັດໃຫ້ຄວາມເອົາໃຈໃສ່ ທັງເປັນການຮັບປະກັນການຜະລິດໃຫ້ພຽງພໍ ກັບຄວາມຕ້ອງການຂອງສັງຄົມ.
ພຽງ 3 ເດືອນ ເສດຖະກິດແຂວງອັດຕະປື ຂະຫຍາຍຕົວ 2.81%

ພຽງ 3 ເດືອນ ເສດຖະກິດແຂວງອັດຕະປື ຂະຫຍາຍຕົວ 2.81%

ໃນໄລຍະ 3 ເດືອນຕົ້ນປີ 2025 ເສດຖະກິດຂອງແຂວງອັດຕະປື ມີການຂະຫຍາຍຕົວຢູ່ໃນລະດັບ 2.81% ຄິດເປັນມູນຄ່າຕາມລາຄາໃນປີ 1,922 ຕື້ກີບ ເທົ່າກັບ 24,5% ຂອງແຜນການ ທີ່ມະຕິສະພາຮັບຮອງ, ລວມຍອດຜະລິດຕະພັນພາຍໃນ ສະເລ່ຍຕໍ່ຫົວຄົນບັນລຸ 21.9 ລ້ານກີບ.
ລາວ-ຈີນ ຫາລືສົ່ງເສີມການສຶກສາ ແລະ ເສດຖະກິດ-ການຄ້າ

ລາວ-ຈີນ ຫາລືສົ່ງເສີມການສຶກສາ ແລະ ເສດຖະກິດ-ການຄ້າ

ອົງການປົກຄອງນະຄອນຫຼວງວຽງຈັນ ສປປ ລາວ ຮ່ວມກັບ ອົງການປົກຄອງແຂວງ ເສສວນ ສປ ຈີນ ຈັດກອງປະຊຸມເພື່ອປຶກສາຫາລື ສົ່ງເສີມ ແລະ ແລກປ່ຽນການສຶກສາ, ເສດຖະກິດ-ການຄ້າ ຢູ່ນະຄອນຫຼວງວຽງຈັນ ໂດຍມີ ທ່ານ ສີລິລາດທົງສິນ ທອງເພັງ ຮອງເຈົ້າຄອງນະຄອນຫຼວງວຽງຈັນ, ທ່ານ ນາງ ຊື ສຽວຫຼິນ ເຈົ້າແຂວງເສສວນ, ມີຜູ້ຕາງໜ້າຈາກກະຊວງທີ່ກ່ຽວຂ້ອງຂອງ ສປປ ລາວ, ພ້ອມດ້ວຍ ຄະນະກໍາມະການຮ່ວມມື ລາວ-ຈີນ ແຂວງເສສວນ, ນະຄອນຫຼວງວຽງຈັນ ແລະ ຜູ້ປະກອບການ, ນັກທຸລະກິດລາວ-ຈີນ ເຂົ້າຮ່ວມ.
ເສດຖະກິດ ເມືອງຫີນເຫີບຂະຫຍາຍຕົວ 6.78% ຕໍ່ປີ.

ເສດຖະກິດ ເມືອງຫີນເຫີບຂະຫຍາຍຕົວ 6.78% ຕໍ່ປີ.

ສະຫາຍ ໂອລົດ ສີສູນທອນ ຮອງເລຂາພັກ ຮອງເຈົ້າເມືອງຫີນເຫີບ ແຂວງວຽງຈັນໄດ້ຜ່ານບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IV (2020-2024) ແລະ ທິດທາງແຜນການ 5 ປີ ຄັ້ງທີ V (2025-2029)
ຍ້ອນການນໍາພາຂອງອົງຄະນະພັກເມືອງປະທຸມພອນ ເຮັດໃຫ້ເສດຖະກິດ ຂະຫຍາຍຕົວ 7,26%ຕໍ່ປີ.

ຍ້ອນການນໍາພາຂອງອົງຄະນະພັກເມືອງປະທຸມພອນ ເຮັດໃຫ້ເສດຖະກິດ ຂະຫຍາຍຕົວ 7,26%ຕໍ່ປີ.

ສະຫາຍ ວຽງສະໄໝ ສີລິພອນພັນ ກໍາມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆປະທຸມພອນ ແຂວງຈໍາປາສັກ ໃຫ້ສໍາພາດຕໍ່ສື່ທ້ອງຖິ່ນໃນວັນທີ 12 ກຸມພາຜ່ານມາວ່າ: ການນໍາພາຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ
ຮອດປີ 2029 ເມືອງຊະນະຄາມ ຈະສູ້ຊົນໃຫ້ເສດຖະກິດຂະຫຍາຍຕົວ 6,2% ຕໍ່ປີ

ຮອດປີ 2029 ເມືອງຊະນະຄາມ ຈະສູ້ຊົນໃຫ້ເສດຖະກິດຂະຫຍາຍຕົວ 6,2% ຕໍ່ປີ

ອົງຄະນະພັກເມືອງຊະນະຄາມ ແຂວງວຽງຈັນ ໄດ້ວາງຄາດໝາຍໃຫ້ເສດຖະກິດຂະຫຍາຍຕົວ 6,2% ຕໍ່ປີ ລວມຍອດລາຍຮັບພາຍໃນໃຫ້ໄດ້ 2,049 ຕື້ກວ່າກີບ, ລາຍຮັບຕໍ່ຫົວຄົນໃຫ້ໄດ້ 44 ລ້ານກວ່າກີບຕໍ່ຄົນຕໍ່ປີ,
ເສດຖະກິດ-ສັງຄົມຜົ້ງສາລີຂະຫຍາຍຕົວຢ່າງຕໍ່ເນື່ອງ

ເສດຖະກິດ-ສັງຄົມຜົ້ງສາລີຂະຫຍາຍຕົວຢ່າງຕໍ່ເນື່ອງ

ໂດຍ: ພູວັນ ພາຍໃຕ້ການຊີ້ນຳ-ນຳພາຂອງທ່ານ ຄຳຜອຍ ວັນນະສານ ກຳມະການສູນກາງພັກເລຂາພັກແຂວງ-ເຈົ້າແຂວງຜົ້ງສາລີ ເຮັດໃຫ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5ປີຄັ້ງທີ9ຂອງແຂວງສາມາດບັນລຸຕາມຄາດໝາຍທີ່ວາງໄວ້
ຜົນສໍາເລັດການພັດທະນາເສດຖະກິດ-ສັງຄົມ ບໍລິຄໍາໄຊ ປີ 2024 ຜ່ານມາ

ຜົນສໍາເລັດການພັດທະນາເສດຖະກິດ-ສັງຄົມ ບໍລິຄໍາໄຊ ປີ 2024 ຜ່ານມາ

ໂດຍ:ວັນໄຊ ຕະວິນຍານ ໃນວາລະດໍາເນີນກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນແຂວງບໍລິຄໍາໄຊ ຊຸດທີ II ໃນ ທ້າຍເດືອນທັນວາ ປີ 2024 ຜ່ານມາ, ທ່ານ ສອນທະນູ ທໍາມະວົງ ກໍາມະການສູນກາງພັກເຈົ້າແຂວງບໍລິຄໍາໄຊ
ສ້າງເສດຖະກິດຄອບຄົວຈາກການເພາະພັນລູກໝູຂາຍ ນອກໂມງການ

ສ້າງເສດຖະກິດຄອບຄົວຈາກການເພາະພັນລູກໝູຂາຍ ນອກໂມງການ

ພາຍຫຼັງທີ່ ພັກ-ລັດ ໄດ້ມີນະໂຍບາຍເປີດກວ້າງ ໃນການພັດທະນາເສດຖະກິດ-ສັງຄົມ ໂດຍສະເພາະແມ່ນການປຸກລະດົມຊຸກຍູ້ໃຫ້ພະນັກງານ ແລະ ປະຊາຊົນ ຫັນມາປູກຝັງ-ລ້ຽງສັດ ໃຫ້ຫຼາຍກາຍເປັນສິນຄ້າ
ເພີ່ມເຕີມ