 |
ໃນພິທີ, ທ່ານ ພັອ ສີວິໄລ ວົງພົມ ຫົວໜ້າຫ້ອງການເມືອງ ກອງບັນຊາການປ້ອງກັນສູນກາງ ໄດ້ຜ່ານຂໍ້ຕົກລົງຂອງກະຊວງ ປກສ, ກົມໃຫຍ່ການເມືອງປ້ອງກັນຄວາມສະຫງົບ ແລະ ຂໍ້ຕົກລົງຂອງກອງບັນຊາການປ້ອງກັນສູນກາງ ວ່າດ້ວຍການເລື່ອນຊັ້ນໃຫ້ນາຍ ແລະ ພົນຕຳຫຼວດ ຜູ້ທີ່ມີເງື່ອນໄຂມາດຖານຄົບຖ້ວນ ໃນການເລື່ອນຊັ້ນຈໍານວນ 199 ສະຫາຍ. ໃນນີ້, ເລື່ອນຊັ້ນ ພັນຕີ ຂຶ້ນ ພັນໂທຈຳນວນ 10 ສະຫາຍ ຍິງ 1 ສະຫາຍ, ຮ້ອຍເອກ ຂຶ້ນ ພັນຕີ ຈຳນວນ 19 ສະຫາຍ ຍິງ 4 ສະຫາຍ, ຮ້ອຍໂທ ຂຶ້ນ ຮ້ອຍເອກຈຳນວນ 20 ສະຫາຍ ຍິງ 5 ສະຫາຍ, ວາທີຮ້ອຍຕີ ຂຶ້ນ ຮ້ອຍຕີຈຳນວນ 15 ສະຫາຍ ຍິງ 3 ສະຫາຍ, ສິບເອກ ຂຶ້ນວາທີຮ້ອຍຕີຈຳນວນ 37 ສະຫາຍ ຍິງ 3 ສະຫາຍ, ສິບໂທ ຂຶ້ນສິບເອກ ຈຳນວນ 97 ສະຫາຍ ຍິງ 23 ສະຫາຍ ແລະ ສິບຕີ ຂຶ້ນສິບໂທ ຈຳນວນ 1 ສະຫາຍ.
 |
ໂອກາດນີ້, ທ່ານ ພັອ ສີນະຄອນ ສຸລິວົງສາ ຮອງຫົວໜ້າກອງບັນຊາການປ້ອງກັນສູນກາງ ໄດ້ຫວນຄືນມູນເຊື້ອວັນລັດຖະທຳມະນູນແຫ່ງ ສປປ ລາວ ຄົບຮອບ 35 ປີ ແລະ ວັນສ້າງຕັ້ງແນວລາວສ້າງຊາດ ຄົບຮອບ 76 ປີ ແລະ ວັນຍຶດອຳນາດ ຄົບຮອບ 81 ປີ ຕື່ມອີກ. ທັງນີ້ເພື່ອເປັນການເຊື່ອມຊຶມ, ສຶກສາອົບຮົມແນວຄິດການເມືອງໃຫ້ນາຍ ແລະ ພົນຕຳຫຼວດ ພາຍໃນກອງບັນຊາການປ້ອງກັນສູນກາງໄດ້ຮັບຮູ້ ແລະ ເຂົ້າໃຈເຖິງວັນປະຫວັດສາດສໍາຄັນຂອງຊາດ, ພ້ອມກັນເສີມຂະຫຍາຍມູນເຊື້ອອັນດີງາມຂອງບັນພະບຸລຸດ, ຕັ້ງໜ້າຝຶກຝົນຫຼ່ໍຫຼອມຕົນເອງໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ ແລະ ພ້ອມກັນເຮັດສໍາເລັດທຸກໜ້າທີ່ວຽກງານການເມືອງທີ່ໄດ້ຮັບມອບໝາຍ.
ຂ່າວ: ປກສ
ຄໍາເຫັນ