ພາຍຫຼັງມີມະຕິຂອງຄະນະປະຈໍາສະພາປະຊາຊົນນະຄອນຫຼວງວຽງຈັນ ວ່າດ້ວຍການແຕ່ງຕັ້ງຄະນະ ກຳມະການ ການເລືອກຕັ້ງເມືອງນາຊາຍທອງ ສະບັບເລກທີ 155/ຄປຈ.ສປນວ, ລົງວັນທີ 16 ທັນວາ 2025. ຄະນະກໍາມະການເລືອກຕັ້ງຂັ້ນເມືອງ ກໍໄດ້ອອກມະຕິວ່າດ້ວຍການແຕ່ງຕັ້ງ ແລະ ການເຄື່ອນໄຫວຂອງບັນດາອະນຸກໍາມະການຊ່ວຍວຽກ ສະບັບເລກທີ 003/ຄລ.ນທ, ລົງວັນທີ 31 ທັນວາ 2025 ຊຶ່ງປະກອບດ້ວຍ 5 ອະນຸກໍາມະການ ດັ່ງນີ້: ອະນຸກໍາມະການເລຂານຸການ, ອະນຸກໍາມະການໂຄງປະກອບ ແລະ ບຸກຄະລາກອນ, ອະນຸກໍາມະການໂຄສະນາ ແລະ ປຸກລະດົມຂະບວນການ, ອະນຸກໍາມະການ ປກຊ-ປກສ ແລະ ອະນຸກໍາມະການບໍລິຫານ ແລະ ງົບປະມານ ແລະ ໄດ້ຜັນຂະຫຍາຍນິຕິກຳອື່ນໆຂອງຄະນະກຳມະການເລືອກຕັ້ງນະຄອນຫຼວງວຽງຈັນ ມາເປັນຂອງເມືອງ ເພື່ອເປັນບ່ອນອີງໃຫ້ແກ່ການນຳພາ-ຊີ້ນຳວຽກງານການເລືອກຕັ້ງຢູ່ເມືອງນາຊາຍທອງ ເຊັ່ນ: ອອກມະຕິຕົກລົງ ວ່າດ້ວຍການແຕ່ງຕັ້ງອະນຸກຳມະການຊ່ວຍວຽກ ຄະນະກຳມະການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ ຊຸດທີ V ເມືອງນາຊາຍທອງ ສະບັບເລກທີ 003/ຄລ.ນທ, ລົງວັນທີ 31 ທັນວາ 2025; ມະຕິຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບ ແລະ ລົງເລິກຊີ້ນຳບັນດາໜ່ວຍເລືອກຕັ້ງທົ່ວເມືອງນາຊາຍທອງ ສະບັບເລກທີ 044/ຄລ.ນທ, ລົງວັນທີ 13 ມັງກອນ 2026; ມະຕິຕົກລົງ ວ່າດ້ວຍການແຕ່ງຕັ້ງ ຈຸຮັບຜິດຊອບກວດກາ ແລະ ສັງລວມຄະແນນຜົນຂອງການປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ X ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ ຊຸດທີ V ຢູ່ເມືອງນາຊາທອງ ນະຄອນຫຼວງວຽງຈັນ ສະບັບເລກທີ 005/ຄລ.ນທ, ລົງວັນທີ 16 ມັງກອນ 2026; ແຈ້ງການ ຂອງຄະນະກໍາມະການເລືອກຕັ້ງ ເມືອງນາຊາຍທອງ ກ່ຽວກັບໃຫ້ສົ່ງລາຍຊື່ຄະນະກຳມະການຮັບຜິດຊອບໜ່ວຍປ່ອນບັດເລືອກຕັ້ງ ສະມາຊິກສະພາແຫ່ງຊາດ ຊຸດທີ X ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ ຊຸດທີ V ເມືອງນາຊາຍທອງສະບັບເລກທີ 001/ຄລ.ນທ, ລົງວັນທີ 31 ທັນວາ 2025; ແຈ້ງການ ຂອງຄະນະກໍາມະການເລືອກຕັ້ງ ເມືອງນາຊາຍທອງ ກ່ຽວກັບການເກັບກຳສະຖິຕິພົນລະເມືອງ ແລະ ຜູ້ມີສິດເລືອກຕັ້ງ ສະບັບເລກທີ 002/ຄລ.ນທ, ລົງວັນທີ 31 ທັນວາ 2025. ໄດ້ຈັດຕັ້ງເຜີຍແຜ່ເຊື່ອມຊຶມບັນດາເອກະສານສໍາຄັນຕ່າງໆໃຫ້ຄະນະປະຈໍາພັກເມືອງ, ຄະນະພັກເມືອງ, ຫົວໜ້າຫ້ອງການອ້ອມຂ້າງເມືອງ, ຄະນະກໍາມະການເລືອກຕັ້ງຂັ້ນເມືອງ ແລະ ບັນດາບ້ານ ແລະ ໄດ້ມີການເປີດກອງປະຊຸມປຶກສາຫາລື ເພື່ອຖອດຖອນບົດຮຽນເປັນແຕ່ລະໄລຍະ.ທົ່ວເມືອງມີຜູ້ມີສິດປ່ອນບັດເລືອກຕັ້ງທັງໝົດ 63,953 ຄົນ ຍິງ 32,224 ຄົນ, ມີໜ່ວຍປ່ອນບັດ 75 ໜ່ວຍ ໃນນີ້ລວມມີໜ່ວຍປ່ອນບັດຂອງ ກຳລັງ ປກຊ-ປກສ 5 ໜ່ວຍ
ຂ້າພະເຈົ້າຂໍຕາງໜ້າໃຫ້ ຄະນະກໍາມະການເລືອກຕັ້ງຂັ້ນເມືອງນາຊາຍທອງ ກໍຄືໃນນາມສ່ວນຕົວຂໍຮຽກຮ້ອງມາຍັງພໍ່ແມ່ປະຊາຊົນຊາວນະຄອນຫຼວງວຽງຈັນ ເວົ້າລວມ, ເວົ້າສະເພາະ ກໍຄືຊາວເມືອງນາຊາຍທອງ ຜູ້ທີ່ມີອາຍຸ 18 ປີຂຶ້ນໄປ ໃຫ້ພ້ອມພຽງກັນອອກມາໃຊ້ສິດຂອງຕົນເອງ ຕາມທີ່ໄດ້ກໍານົດໄວ້ໃນລັດຖະທໍາມະນູນ ຂອງ ສປປ ລາວ ພ້ອມທັງສູ້ຊົນໃຫ້ໄດ້ຕາມ 4 ຄາດໝາຍຄື:
1.) ໃຫ້ຜູ້ມີສິດປ່ອນບັດເລືອກຕັ້ງ ໄປປ່ອນບັດເລືອກຕັ້ງ ໃຫ້ຄົບຖ້ວນ 100%
2.) ໃຫ້ຜູ້ມີສິດເລືອກຕັ້ງ ຮູ້ໃຊ້ສິດໃນການປ່ອນບັດເລືອກຕັ້ງ ຖືກຕ້ອງຕາມລະບຽບເລືອກຕັ້ງ 100%
3.) ຮັບປະກັນວຽກງານ ປກຊ-ປກສ ໃຫ້ມີຄວາມສະຫງົບ ແລະ ປອດໄພ 100%
4.) ຮັບປະກັນການປ່ອນບັດເລືອກຕັ້ງໂປ່ງໃສ ແລະ ສໍາເລັດທັນຕາມກຳນົດເວລາ 100%.
ຄໍາເຫັນ