 |
ການລົງເຄື່ອນໃຫວຄັ້ງນີ້, ໄດ້ຮັບຟັງການລາຍງານສະພາບຜົນກະທົບຈາກໄພນ້ຳຖ້ວມໃນທ້າຍເດືອນ ກໍລະກົດ ຜ່ານມາ ຈາກຄະນະບ້ານທີ່ກ່ຽວຂ້ອງ, ເຫັນວ່າເສັ້ນທາງປູຢາງເຂົ້າບ້ານນາເຄືອໃນ ຫາ ບ້ານນາຫີນ ມີຄວາມຍາວ 3,250 ແມັດ ໄດ້ຖືກນໍ້າຖ້ວມເສຍຫາຍເຫຼັກນ້ອຍ ເປັນຕົ້ນແມ່ນຖືກນໍ້າກັດເຊາະບາທາງ ບາງຈຸດມີຄວາມຍາວ 50 ແມັດ. ທາງເຂົ້າບ້ານໂພນທອງ ມີຄວາມຍາວ 4 ກິໂລແມັດ, ຈຸດທີ່ຖືກນ້ຳຖ້ວມ ແລະ ນ້ຳໄຫຼຊຸເສຍຫາຍເປ່ເພ່ 70 ແມັດ ແລະ ທາງເຂົ້າບ້ານ ນາສັງມີຄວາມຍາວ 6 ກິໂລແມັດ ກໍຖືກນ້ຳຖ້ວມ ແລະ ນ້ຳເຊາະເຈື່ອນເສຍຫາຍທໍ່ລະບາຍນ້ຳ 2 ຈຸດ ແລະ ໜ້າທາງເປ່ເພ ບາງຈຸດມີຄວາມຍາວ 150 ແມັດ. ພື້ນທີ່ທຳການຜະລິດຂອງພໍ່ແມ່ປະຊາຊົນ ກໍຍັງຖືກນ້ຳຖ້ວມເສຍຫາຍຈຳນວນຫຼາຍ; ເປັນຕົ້ນແມ່ນ: ເນື້ອທີ່ນາຖືກນ້ຳຖ້ວມ 2,525 ເຮັກຕາ ເສຍຫາຍ 131 ເຮັກຕາ ມີ 144 ຄອບຄົວໄດ້ຮັບຜົນກະທົບ. ສວນມັນຕົ້ນຖືກນ້ຳຖ້ວມເສຍຫາຍ 127 ເຮັກຕາ ມີ 159 ຄອບຄົວ ໄດ້ຮັບຜົນກະທົບ. ສວນໝາກເພັດຖືກນ້ຳຖ້ວມ ເສຍຫາຍ 0.72 ເຮັກຕາ ມີ 5 ຄອບຄົວໄດ້ຮັບຜົນກະທົບ. ສວນສາສີຫວານຖືກນ້ຳຖວ້ມ ເສຍຫາຍ 0,32 ເຮັກຕາ ມີ 1 ຄອບຄົວໄດ້ຮັບຜົນກະທົບ. ສວນຢາງພາລາ ຖືກນ້ຳຖ້ວມ 1,192 ເຮັກຕ່າ ມີ 661,560 ຕົ້ນ ເສຍຫາຍ 110 ຕົ້ນ ມີ 1 ຄອບຄົວ, ໜອງປາ ຖືກນ້ຳຖ້ວມ 78 ໜອງ ປາເສຍຫາຍ 109,620 ໂຕ. ນອກນີ້, ຍັງມີທີ່ຢູ່ອາໃສຂອງພໍ່ແມ່ປະຊາຊົນຈຳນວນໜຶ່ງຖືກນ້ຳຖ້ວມບາງສ່ວນ ແຕ່ບໍ່ໄດ້ຮັບຜົນເສຍຫາຍ.
(ພາບ-ຂ່າວ: ວີຄຳ)
ຄໍາເຫັນ