ການປະຕິຮູບອົງການຕຸລາການຂອງຫວຽດນາມໃນປັດຈຸບັນ

ຮຽບຮຽງ:ໂດຍວັນໄຊ ຕະວິນຍານ
 ໃນຂະບວນວິວັດແຫ່ງກນປ່ຽນແປງໃໝ່,ການບູລະນະຄຸ້ມຄອງດ້ວຍກົດໝາຍສັງຄົມນິຍົມຫວຽດນາມ ແມ່ນມີຄວາມຈໍາເປັນ ແລະ ສໍາຄັນຄ່ຽງຄູ່ກັບຂະແໜງການອື່ນໆ.ເພາະສັງຄົມຈະມີຄວາມສະຫງົບສຸກໄດ້ກໍຍ້ອນມີການປົກປ້ອງດ້ວຍກົດໝາຍ,ມີຄວາມຍຸຕິທໍາ ໃຜຜິດ,ໃຜຖືກ ແມ່ນອົງການຕຸລາການເປັນຜູ້ພິພາກສາ ແລະ ຕັດສິນ.
   ກົມການເມືອງສູນກາງພັກພັກຄອມມຸຍນິດຫວຽດນາມໄດ້ອອກມະຕິ ກ່ຽວກັບຍຸດທະສາດປະຕິຮູບຕຸລາການ.ຍຸດທະສາດນີ້,ໄດ້ກໍານົດເປົ້າໝາຍ,ທັດສະນະ,ທິດທາງ,ຮູບການປະຕິຮູບໃນໄລຍະຍາວ.ເພື່ອສ້າງພື້ນຖານໂຄງປະກອນການຈັດຕັ້ງ,ລະບົບປະສານງານ,ລະບອບ ແບບແຜນວິທີເຮັດວຽກຂອງອົງການຕຸລາການໃຫ້ໂປ່ງໃສ,ເຂັມແຂງ,ນັກແໜ້ນ,ປະຊາທິປະໄຕ,ປົກປ້ອງຫຼັກການຍຸຕິທໍາເຂັ້ມງວດດທັນສະໄໝ ຮັບໃຊ້ປະຊາຊົນຢ່າງທົ່ວເຖິງ ແລະ ຮັບໃຊ້ປະເທດຊາດດ້ວຍຄວາມຈົ່ງຮັກພັກດີ.
 ຍຸດທະສາດການປັບປຸງອົງການຕຸລາການຫວຽດນາມໄດ້ກໍານົດ 8 ວຽກໃຫ່ຍຄື:
1.ປັບປຸງກົນໄກການນໍາພາຂອງພັກຕໍ່ອົງການຕຸລາການ.2.ປັບປຸ່ງແນວທາງແຜນນະໂຍບາຍ,ກົດໝາຍອາຍາ,ກົດໝາຍແພ່ງ ແລະ ຂັ້ນຕອນການດໍາເນີນຄະດີຂອງອົງການຕຸລາການຢ່າງທັນການ,ຊັດເຈນ ແລະ ເຂັ້ມງວດ.3.ປັບປຸງກົງຈັກການຈັດຕັ້ງ,ກໍານົດຢ່າງລະອຽດຈະແຈ້ງ ພາລະບົດບາດ,ໜ້າທີ່ ສິດອໍານາດ.4.ປັບປຸງນະໂຍບາຍດ້ານຕ່າງໆ ລວມທັງການອຸດໜູນຕໍ່ພະນັກງານອົງການຕຸລາການ.5.ສ້າງຖັນແຖວພະນັກງານໃຫ້ມີຄວາມໜັກແໜ້ນເຂັ້ມແຂງດ້ານການເມືອງດຄຸນສົມບັດປະຕິວັດ ພຽງພ້ອມໄປດ້ວຍຄຄວາມຮູ້ຄວາມສາມາດ.ຈັນຍາບັນວິຊາຊີບຂອງອົງການຕຸລາການ.6.ປັບປຸງກົນໄກການຕິດຕາມການເຄື່ອນໄຫວຂອງສະພາປະຊາຊົນຕໍ່ການເຄື່ອນໄຫວຂອງອົງການຕຸລາການ.7.ເພີ່ມທະວີການຮ່ວມມືພົວພັນກັບສາກົນ ກັບອົງການຈັດຕັ້ງຕ່າງໆ.8.ຮັບປະກັນພື້ນຖານເຕັກນິກ,ອຸປະກອນຮັບໃຊ້ວິຊາສະເພາະ ແລະ ພາຫະນະໃນການເຄື່ອນໄຫວວຽກງານ.
  ໃນໄລຍະປ່ຽນແປງໃໝ່ ຈົນຮອດປັດຈຸບັນ, ພັກຄອມມຸຍນິດຫວຽດນາມໄດ້ເອົາໃຈໃສ່ປະຕິຮູບອົງການຕຸລາການນັບແຕ່ທັດສະນະລວມ,ການອອກນະໂຍບາຍ,ກົດໝາຍ,ນິຕິກໍາ,ລະ
ບອບ,ແບບແຜນວິທີເຮັດວຽກແບບໂປ່ງໃສດ້ວຍຄວາມຮັບຜິດຊອບສູງ ໄປພ້ອມກັບການພັດທະນາລະບົບອົງການຕຸລາການໃຫ້ທັນຍຸກທັນສະໄໝເພື່ອເປັນທີ່ເພີ່ງຂອງປະຊາຊົົນ.
  ໃນໂຄງການ-ການເມືອງຂອງພັກຄອມມຸຍນິດຫວຽດນາມໃນໄລຍະຂ້າມຜ່ານສູ່ສັງຄົມນິຍົມ,ໃນມະຕິຂອງຄະນະບໍລິຫານງານສູນກາງພັກໄດ້ຢືນຢັ້ນວ່າ:ຕ້ອງປ່ຽນແປງໃໝ່ລະບົບການຈັດຕັ້ງ ແລະ ວິທີການເຄື່ອນໄຫວຂອງລະບົບການເມືອງຢ່າງໜັກແໜ້ນເທື່ອລະກ້າວ,ສ້າງລັດຄຸ້ມຄອງດ້ວຍກົດໝາຍສັງຄົມນິຍົມຫວຽດນາມ.ໃນນັ້ນ ຍັງຢືນຢັ້ນ ຫຼັກການອໍານາດແຫ່ງລັດເປັນເອກະພາບ,ມີການແບ່ງງານ,ແບ່ງຂັ້ນຄຸ້ມຄອງຢ່າງຈະແຈ້ງ,ປະສານສົມທົບຢ່າງແໜ້ນແຟ້ນ ແລະ ຄວາມຄຸມອົງການແຫ່ງລັດໃນການປະຕິບັດສິດນິຕິບັນຍັດ,ສິດບໍລິຫານ ແລະ ສິດອົງການຕຸລາການ ໃນການເຄື່ອນໄຫວຂອງອົງການປົກປ້ອງກົດໝາຍ.
 ຈຸດໃຈກາງໃນການປະຕິຮູບອົງການຕຸລາການ ແມ່ນປັບປຸງລະບົບການຈັດຕັ້ງ,ຍົກສູງຄຸນນະພາບການເຄື່ອນໄຫວວຽກງານຢ່າງມີປະສິດພາບ-ປະສິດທົຜົນບົນພື້ນຖານຄວາມຖືກ
ຕ້ອງຕາມກົດໝາຍ ,ຖືເອົາສານປະຊາຊົນເປັນຈຸດໃຈກາງ,ຮັບປະກັນຕໍ່ຂັ້ນຕອນການດໍາເນີນຄະດີ,ສັນລະສູດຕາມຫູັກວິທະຍາສາດ.ຍົກສູງລັກສະນະຄວາມເປັນເອກະລາດ,ສ້າງຕັ້ງຕໍາຫຼວດຕຸລາການ,ພະນັກງານອົງການຕຸລາການ ຕ້ອງເອົາໃຈໃສ່ຢ່າງເຂັ້ມງວດ ບໍ່ບ່າຍປ່ຽງ ນັບແຕ່ການສືບສວນ-ສອບສວນອອກຄໍາສັ່ງຈັບຕົວ,ກັກຂັງ,ດໍາເນີນຄະດີ,ຄໍາຕັດສິນຂອງສານບໍ່ໃຫ້ເກີດມີກໍລະນີຜິດພາດ.