ທ່ານ ສິນລະປະກອນ ພົມມະໄຊສີ ປະທານຄະນະກຳມະການປົກຄອງ ເມືອງໄຊທານີ ໄດ້ລາຍງານໃຫ້ຮູ້ຫວ່າງບໍ່ດົນນີ້ວ່າ: ເສດຖະກິດຂອງເມືອງຍັງສືບຕໍ່ຂະຫຍາຍຕົວ ຊຶ່ງໃນດ້ານກະສິກໍາຂະຫຍາຍຕົວ 2.54% ກວມເອົາ 10.28% ຂອງລວມຍອດລາຍຮັບພາຍໃນເມືອງ ທຽບໃສປີຜ່ານມາແມ່ນເພີ່ມຂຶ້ນ 0.42%, ດ້ານອຸດສາຫະກໍາ-ກໍ່ສ້າງຂະຫຍາຍຕົວ 8.01% ກວມເອົາ 8.41% ຂອງລວມຍອດລາຍຮັບພາຍໃນເມືອງ ທຽບໃສ່ປີຜ່ານມາແມ່ນເພີ່ມຂຶ້ນ 0.74%, ຂະແໜງບໍລິການຂະຫຍາຍຕົວ 2.78% ກວມເອົາ 35.67% ຂອງລວມຍອດລາຍຮັບພາຍໃນເມືອງທຽບໃສປີຜ່ານມາແມ່ນເພີ່ມຂຶ້ນ 1.54%; ວຽກງານການຈັດເກັບລາຍຮັບປີ 2025, ເມືອງໄຊທານີ ໄດ້ຮັບໂຕເລກເກັບລາຍຮັບເຂົ້າງົບປະມານ 84,183,000,000 ກີບ ຊຶ່ງໃນນີ້ຈາກສອງຂະແໜງການລາຍຮັບຄື: ສ່ວຍສາອາກອນໄດ້ຮັບໂຕເລກແຜນການ 54,109,760,000 ກີບ, ທີ່ດິນ 15,430,000,000 ກີບ; ຄ່າທໍານຽມ ແລະ ຄ່າບໍລິການ-ວິຊາການ 11,793,240,000 ກີບ, ລາຍຮັບວິຊາການ ແລະ ກອງທຶນ 1,900,000,000 ກີບ ແລະ ຄຸ້ມຄອງຊັບສິນຂອງລັດໄດ້ຮັບໂຕເລກແຜນການ 950,000,000 ກີບ, ຜ່ານການຈັດຕັ້ງປະຕິບັດລາຍຮັບ (ມາຮອດວັນທີ 20 ສິງຫາ 2025) ໄດ້ 60,625,125,428 ກີບ ເທົ່າກັບ 72.02%; ໃນນີ້, ຮັບຈາກສ່ວຍສາອາກອນ 40.70 ຕື້ກວ່າກີບ ເທົ່າກັບ 75.23% ຂອງແຜນການປີ, ຮັບຈາກຄ່າທໍານຽມທີ່ດິນ 10.76 ຕື້ກວ່າກີບເທົ່າກັບ 69.75% ຂອງແຜນການປີ, ຮັບຈາກຄ່າທໍານຽມ ແລະ ຄ່າບໍລິການ-ວິຊາການ 6.78 ຕື້ກວ່າກີບ ເທົ່າກັບ 57.39% ຂອງແຜນການປີ, ຮັບຈາກລາຍຮັບວິຊາການ ແລະ ກອງທຶນ 1.48 ຕື້ກວ່າກີບ ເທົ່າກັບ 78.34% ຂອງແຜນການປີ, ຮັບຈາກຊັບສິນຂອງລັດ 0.89 ຕື້ກວ່າກີບ ເທົ່າກັບ 94.63% ຂອງແຜນການປີ.
1.
ໃນຂະດຽວກັນ, ວຽກງານແຜນການ ກໍໄດ້ຊຸກຍູ້ການຈັດຕັ້ງປະຕິບັດງົບປະມານທີ່ໄດ້ຮັບເຂົ້າໃນການພັດທະນາເສດຖະກິດ, ກໍ່ສ້າງພື້ນຖານໂຄງລ່າງ ຈາກນະຄອນຫຼວງວຽງຈັນອະນຸມັດໃນສົກປີງົບປະມານ ການລົງທຶນຂອງລັດ ປີ 2025, ທົ່ວເມືອງໄຊທານີໄດ້ຮັບໂຕເລກງົບປະມານໃນການຊໍາລະໂຄງການລົງທຶນ ທັງໝົດ 34 ໂຄງການ, ລວມມີມູນຄ່າທັງໝົດ 3,405 ລ້ານກີບ; ໃນນັ້ນ, ມີງົບປະມານຊໍາລະໜີ້ສິນ 24 ໂຄງການ ມີມູນຄ່າຊໍາລະທັງໝົດ 1,900 ລ້ານກີບ, ມີງົບປະມານໂຄງການສືບຕໍ່ກໍ່ສ້າງ 6 ໂຄງການມີມູນຄ່າຊຳລະທັງໝົດ 1,335 ລ້ານກີບ, ມີງົບປະມານໂຄງການ ສະເໜີໃໝ່ 4 ໂຄງການມີມູນຄ່າຊໍາລະທັງໝົດ 170 ລ້ານກີບ (ມີໂຄງການສົ່ງເສີມວິຊາການ 1 ໂຄງການມູນຄ່າທັງໝົດ 20 ລ້ານກີບ). ພ້ອມນີ້, ໄດ້ອອກໃບຢັ້ງຢືນທຶນໃຫ້ບັນດາໂຄງການສໍາເລັດ 31 ໂຄງການ, ຍັງ 3 ໂຄງການ; ໃນນັ້ນ, ວຽກງານກະສິກໍາ ແລະ ປ່າໄມ້, ດ້ານການປູກຝັງ ຄືການຜະລິດເຂົ້ານາແຊງ ໄດ້ 3,785 ເຮັກຕາ ເທົ່າກັບ 83.55% ຂອງແຜນປີ, ຜົນຜະລິດໄດ້ 15,707 ໂຕນສະມັດຖະພາບສະເລ່ຍ 4.15 ໂຕນ/ຮຕ, ການຜະລິດເຂົ້ານາປີຮອດເດືອນ 6/2025 ເຮັດນາຫວ່ານໄດ້ 3,448 ເຮັກຕາ, ນາຢອດດ້ວຍກົນຈັກ 1,502 ເຮັກຕາ ເທົ່າກັບ 30% ຂອງແຜນປີ; ການປູກພຶດຜັກລະດູແລ້ງ ໄດ້ 2,116 ເຮັກຕາ ເທົ່າກັບ 100.47% ຂອງເນື້ອທີ່ແຜນການ (2,106 ເຮັກຕາ) ຜະລິດຕະພາບສະເລ່ຍ 10.95 ໂຕນ/ເຮັກຕາຜົນຜະລິດເທົ່າກັບ 23,061 ໂຕນ; ການປູກພືດອຸດສາຫະກໍາໄດ້ 564 ເຮັກຕາເທົ່າກັບ 101% ທຽບໃສ່ແຜນການປີ (553 ເຮັກຕາ) ຜະລິດຕະພາບ 19.43 ໂຕນ/ເຮັກຕາ ຜົນຜະລິດ 21.276 ໂຕນ; ການປູກໄມ້ໃຫ້ໝາກປະຕິບັດໄດ້ 12 ເຮັກຕາເທົ່າກັບ 5% ຂອງເນື້ອທີ່ແຜນການປີຜະລິດຕະພາບ 15.90 ໂຕນ/ເຮັກຕາ ຜົນຜະລິດ 191 ໂຕນ. ດ້ານການລ້ຽງສັດ, ໄດ້ລົງຊຸກຍູ້ ຕິດຕາມ ກວດກາ ຕາໜ່າງສັດຕະວະແພດບ້ານໃນການເຄື່ອນໄຫວ ແລະ ການສັກຢາປ້ອງກັນພະຍາດໃຫ້ສັດລ້ຽງຂອງປະຊາຊົນໃນຂອບເຂດ 104 ບ້ານ ໄດ້ 166,537 ໂຕທຽບໃສ່ແຜນໄດ້ 52%, ປິ່ນປົວສັດເຈັບໄດ້ 356 ໂຕ,ລົງຕິດຕາມກວດກາການເຄື່ອນຍ້າຍສັດ ໄດ້ 24,488 ໂຕ ແລະ ດ້ານສຸຂາອານາໄມຜະລິດຕະພັນສັດຕາມໂຮງງານຂ້າສັດ 4 ແຫ່ງ ໄດ້ 856 ໂຕ. ການສະໜອງທາດຊີ້ນ, ປາ, ໄຂ່ ໃຫ້ສັງຄົມ ປະຕິບັດ ໄດ້ 12,053 ໂຕນ ທຽບໃສ່ແຜນການທີ່ວາງໄວ້ (17,750 ໂຕນ) ໄດ້ 68%; ໃນນັ້ນ, ຊີ້ນຄວາຍ 62 ໂຕນ, ງົວ 283 ໂຕນ, ໝູ-ແບ້ 2,616 ໂຕນ, ການສະໜອງຊີ້ນສັດປີກ 177 ໂຕນ, ໄຂ່ໄກ່ 3,989 ໂຕນ, ໄຂ່ເປັດ 1,820 ໂຕນ, ປາໜອງ 630ໂຕນ.
ສັງລວມແລ້ວ, ບັນດາຂະແໜງການ ທີ່ເປັນໂຄງປະກອບເສດຖະກິດເຫຼົ່ານັ້ນ, ເປັນການຜະລິດທີ່ມີບາດກ້າວ ໃໝ່ ຊຶ່ງໄດ້ປະກອບສ່ວນເຮັດໃຫ້ການພັດທະນາເສດຖະກິດ ຂອງເມືອງໄຊທານີ ໃນໄລຍະ 6 ເດືອນຕົ້ນປີນີ້ ຍັງສືບຕໍ່ຂະຫຍາຍຕົວຢ່າງຕໍ່ເນື່ອງ ທັງປະກອບສ່ວນໃຫ້ເມືອງ ສາມາດຄໍ້າປະກັນສະບຽງອາຫານ ໄດ້ໂດຍພື້ນຖານ ແລະ ເປັນສິນຄ້າ ຊຸກຍູ້ໃຫ້ເສດຖະກິດສືບຕໍ່ຂະຫຍາຍຕົວ.
ຄໍາເຫັນ